„გოლდენ სტეიტ უორიორზის" კიდევ ერთი გამარჯვება, „ენ-ბი-ეის" მიმდინარე რეგულარულ სეზონში.

დღეს, დილით, „ოკლენდელებმა" საკუთარ ორეკლ არენაზე, აღმოსავლეთ კონფერენციის ერთ-ერთი აუტსაიდერი, „მაიამი ჰიტი" ანგარიშით 107-95 დაამარცხეს.

ზაზა ფაჩულია, „უორიორზის" ძირითადში იყო. ქართველმა ცენტრმა 24 წუთში, 8 ქულა, 6 მოხსნა, 3 პასი და ერთი ჩაჭრა გააკეთა. „გოლდენ სტეიტში" ყველაზე მეტი, 28 ქულა კევინ დურანტმა მოიპოვა. „მაიამიში" კი 28 ქულით და 20 მოხსნით ჰასან უაიტსაიდი გამოირჩა. სტივ კერის გუნდი, მორიგ შეხვედრას, კვლავ საკუთარ დარბაზში, ამჯერად „დეტროიტ პისტონსის" წინააღმდეგ ზეგ ჩაატარებს.