ზაზა ფაჩულიას და „გოლდენ სტეიტ უორიორზის“ კიდევ ერთი წარმატება.

„ენ-ბი-ეის“ რეგულარული სეზონის მორიგ შეხვედრაში, „გოლდენ სტიტმა“ საკუთარ ორეკლ არენაზე, „ოკლაჰომა სითი თანდერი“ 121-100 დაამარცხა. სტუმრებმა სერიოზული წინააღმდეგობის გაწევა, მხოლოდ მატჩის პირველ ტაიმში შესძლეს, რომელიც ფრედ 56-56 დასრულდა. „უორიორზი“ შეუჩერებელი, ტრადიციულად მესამე მეოთხედში იყო. მასპინძლებმა 15 ქულიანი გაქცევა გააკეთეს და ამის შემდეგ თამაშის ლოგიკურ დასარულამდე მიყვანა აღარ გასჭირევებიათ.

„გოლდენ სტეიტში“, საუკეთესო კევინ დურანტი გახლდათ, რომელმაც თავის ყოფილ კლუბს 40 ქულა ჩაუგდო. ოქეისიში კი, რასელ უესტბრუკმა მორიგი სამმაგი დუბლი შეასრულა: 27 ქულა 15 მოხსნა და 13 შედეგიანი გადაცემა.

რაც ეხება ზაზა ფაჩულიას, ქართველმა ცენტრმა 5 ქულა, 6 მოხსა და 2 პასი მიითვალა აქტივში. აქვე შეგახსენებთ, რომ ყველა ვარსკვლავის მატჩის მონაწილე კალათბურთელების ვინაობა, ჩვენი დროით, ხვალ, დილით ადრე გახდება ცნობილი და შესაბამისად, ოფიციალურად შევიტყობთ, მიიღებს თუ არა „ოლ სტარში“ მონაწილეობას საქართველოს ნაკრების კაპიტანი.