„ოკლაჰომას" მორიგი გამარჯვება NBA-ის რეგულარულ სეზონში. „სითი თანდერმა", დღეს, დილით, სტუმრად „მაიამი ჰიტი" დაამარცხა.

„ემერიქან ეარლაინს" არენაზე ჩატარებულ შეხვედრაში, სტუმრებმა სოლიდური ჰანდიკაპი, პირველივე 12 წუთში მოიპოვეს, რომელიც 33-19 მოიგეს.

დარჩენილ სამ მეოთხედში კი თანაბარი თამაში იყო. „ოკლაჰომას" ლიდერმა, რასელ უესტბრუკმა მორიგი სამმაგი დუბლი შეასრულა. უკანახაზელმა, 29 ქულა 17 მოხსნა და 11 ზუსტი პასი გააკეთა.

თამაშის საფინალო ანგარიშია 106-94 „სითი თანდერის" სასარგებლოდ. ბილი დონოვანის გუნდი, დასავლეთ კონფერენციაში, მეხუთე პოზიციაზეა. „მაიამი ჰიტი" კი აღმოსავლეთში პლეი-ოფის ზონაში არ იმყოფება და მხოლოდ მე-13 ადგილს იკავებს.