გიორგი შერმადინის მორიგი ბრწყინვალე მატჩი ესპანეთის საკალათბურთო ჩემპიონატში. მადრიდის რეალთან ოვერტაიმში წაგებულ შეხვედრაში, ქართველი ცენტრი, ორივე გუნდის შემადგენლობაში საუკეთესო იყო.

შერმადინმა მადრიდელთა წინააღმდეგ 21 ქულა და 15 მოხსნა გააკეთა. რაც მთავარია, მან ძალიან მაღალი პროცენტით ისროლა ორქულიანები და საჯარიმო ტყორცნები. მისი მარგი ქმედების კოეფიციენტი, 41 გახლდათ, რაც თანამედროვე კალათბურთში, შესანიშნავი მაჩვენებელია.

„ანდორელთა" მეორე ქართველმა ლეგიონერმა, ბექა ბურჯანაძემ მატჩი 6 ქულით, 2 მოხსნით და 1 ზუსტი პასით დაასრულა. „რეალმა" საბოლოოდ შეხვედრა, ოვერტაიმში ანგარიშით 96-92 მოიგო. „ანდორა" ლიგა ენდეზას მორიგ ტურში, საკუთარ მოედანზე, „რეალ ბეტისს" უმასპინძლებს.