გიორგი შერმადინის მორიგი შთამბეჭდავი მატჩი "რივერ ანდორას" შემადგენლობაში. მისმა გუნდმა გუშინ ესპანეთის სამეფო თასის გათამაშების მეოთხედფინალში დასანანი მარცხი განიცადა მადრიდის "რეალთან".

ქართველი ცენტრი ორივე გუნდის შემადგენლობაში საუკეთესო იყო. შერმადინის მონაგარმა 27 ქულა და 7 მოხსნა შეადგინა. ბექა ბურჯანაძის ანგარიშზე 7 ქულაა.

შეხვედრის დასრულებამდე 4 წამით ადრე ანდორელები 86-83-ს იგებდნენ, თუმცა ენტონი რენდოლფმა ზუსტი სამქულიანით თამაში ოვერტაიმში გადაიყვანა, სადაც "რეალმა" საბოლოოდ 99-93 გაიმარჯვა. მადრიდული კლუბი თასის ნახევარფინალში თორნიკე შენგელიას "ბასკონიას" დაუპირისპირდება.