ქართველი ლეგიონერების მორიგი წარმატებული მატჩები ესპანეთის საკალათბურთო ჩემპიონატში.

თორნიკე შენგელიას „ბასკონიამ", ლიგა ენდეზას მორიგ ტურში, „გრან კანარიასთან" 61-74 წააგო. ქართველმა ფორვარდმა 11 ქულა, 3 ჩაჭრა, 2 მოხსნა და 1 ბლოკშოტი გააკეთა.

„ბასკონიამ" ამ მარცხის შემდეგ, სატურნირო ცხრილში მეხუთე ადგილზე ჩამოინაცვლა.

სამაგიეროდ, მოიგო გიორგი შერმადინის და ბექა ბურჯანაძის „ანდორამ", რომელმაც საკუთარ დარბაზში, მალიგას „უნიკახას" ანგარიშით 92-87 აჯობა.

ამ წარმატებაში საკმაოდ დიდი წვლილი ქართველმა კალათბურთელებმა შეიტანეს. გიორგი შერმადინი ორივე გუნდის შემადგენლობაში ერთ-ერთი გამორჩეული იყო.

საქართველოს ნაკრების ცენტრმა ორმაგი დუბლი შეასრულა, 16 ქულა და 10 მოხსნა. ბექა ბურჯანაძის მონაგარმა 7 ქულა, 2 მოხსნა და 2 პასი შეადგინა.

„ანდორელები" ჩემპიონატში ამ ეტაპზე მეშვიდე ადგილზე არიან. მორიგ შეხვედრას კი ზეგ, სტუმრად ტენერიფეს „იბეროსტარის" წინააღმდეგ ჩაატარებენ.