2024 წლის IV კვარტალში მოსახლეობამ და და ბიზნესმა 2 მილიარდი ლარის დეპოზიტები დოლარში გადაიტანა. - ეროვნული ბანკის ანგარიშის თანახმად, პერიოდის განმავლობაში დეპოზიტების დოლარიზაცია 49%-დან 53%-მდე გაიზარდა, ლარიზაციის მაჩვენებელი კი თავის მხრივ სექტემბერში არსებული 51%-დან 47%-მდე შემცირდა. ეროვნული ბანკისთვის კომერციული ბანკების მიერ მიწოდებული სტატისტიკის თანახმად, 2024 წლის დეკემბრის ბოლოსთვის ლარის დეპოზიტების მოცულობა 27.5 მილიარდი ლარი იყო (კლება სექტემბერთან შედარებით 2 მილიარდი ლარია). უცხოური ვალუტის დეპოზიტების ზომა კი დეკემბრის ბოლოსთვის 30.8 მილიარდი ლარი იყო (ზრდა სექტემბერთან 2.7 მილიარდი ლარი). სტატისტიკის თანახმად, თვეების მიხედვით ლარის დეპოზიტების კლება ასეთი იყო: ოქტომბერი - ლარის დეპოზიტების კლება 1.16 მილიარდი ლარი; ნოემბერი - ლარის დეპოზიტების კლება 351 მილიონი ლარი; დეკემბერი - ლარის დეპოზიტების კლება 453 მილიონი ლარი. რაც შეეხება უცხოური ვალუტის დეპოზიტების ზრდას, ის 2024 წლის IV კვარტალში 2.7 მილიარდი ლარით გაიზარდა. #ახალიამბები #BusinessMediaGeorgia
7 თებერვალს საერთაშორისო სარეიტინგო კომპანია S&P-მა საქართველოს სუვერენული საკრედიტო რეიტინგი უცვლელად, BB დონეზე დატოვა, პერსპექტივა კი, კვლავ სტაბილურად შეაფასა. განახლებულ შეფასებაში სარეიტინგო სააგენტო ქვეყანაში არსებული ვითარებიდან მომდინარე რისკებზე მიუთითებს. S&P აღნიშნავს, რომ პოლიტიკურმა დაძაბულობამ და მმართველობის ვარდნამ შეიძლება გავლენა მოახდინოს შეღავათიანი დაფინანსებისა და პირდაპირი უცხოური ინვესტიციების (FDI) შემოდინებაზე, რაც საფრთხეს უქმნის ზრდას, საგადასახდელო ბალანსს, საერთაშორისო რეზერვებსა და საჯარო ფინანსებს. უარყოფითი სცენარში სწორედ პოლიტიკური დაძაბულობის მნიშვნელოვანი ესკალაციაა განხილული, რასაც პოტენციურად ნეგატიური გავლენა ექნება რეიტინგზე. რაც შეეხება საკითხებს, რომლებიც პირიქით, დადებითაც იმოქმედებს რეიტინგზე, S&P-ის თანახმად, შეგვიძლია განვიხილოთ პოზიტიური სარეიტინგო ქმედება მომდევნო 12 თვის განმავლობაში, თუ საქართველოს ეკონომიკური და ფისკალური მაჩვენებლები გადააჭარბებს მათ პროგნოზებს და შემცირდება პოლიტიკური გაურკვევლობა. ამასთან, S&P აღნიშნავს, რომ ძლიერი ეკონომიკური ზრდის მიუხედავად, მთავრობის პოლიტიკის პროგნოზირებადობა შემცირდა. სააგენტო ელის, რომ 2025 წელს ეკონომიკის ზრდა 5.7%-მდე შენელდება, რაც დაბალი მოხმარებისა და ინვესტიციებით არის გამოწვეული. S&P მიუთითებს, რომ ეროვნულმა ბანკმა პროაქტიულად შეამცირა მონეტარული პოლიტიკის განაკვეთი 8%-მდე, არსებულ ვითარებაში კი მოსალოდნელია, რომ ფრთხილ პოლიტიკას შეინარჩუნებს. საერთაშორისო სარეიტინგო სააგენტოს პროგნოზით, 2025 წელს ქვეყანაში ინფლაცია საშუალოდ 1.6% იქნება. ეს კი, ავტორიტეტული სააგენტოს ცნობით, თითქმის ნაგულისხმევ და გათვალისწინებულ პარამეტრზე ნახევრით ნაკლებია ანუ 3 % იან თარგეტირებულ მაჩვენებელზე ინფლაციისა. S&P-ის თანახმად, საქართველოს მაკროეკონომიკური მენეჯმენტი გონივრულია, თუმცა უფრო ფართო პოლიტიკის პროგნოზირებადობა შემცირდა. #ახალიამბები #BusinessMediaGeorgia
გასული კვირის მნიშვნელოვანი ამბების მიმოხილვა / 2 - 9 თებერვალი
საყოველთაო ჯანდაცვა - მთავარი თემა; ➡️ სილვიუ დომენტე - ჯანმრთელობის მსოფლიო ორგანიზაცია (WHO), საქართველოს წარმომადგენლობის დირექტორი; ➡️ამირან გამყრელიძე - პროფესორი, გადაცემის წამყვანი; ➡️ნინი ლონგურაშვილი - გადაცემის წამყვანი; სინქრონულ თარგმანს უზრუნველყოფს სათარჯიმნო კომპანია Translation Company NG Georgia; #ახალიამბები #BusinessMediaGeorgia
საყოველთაო ჯანდაცვა - მთავარი თემა; ➡️ დავით სერგეენკო - ჯანდაცვის ყოფილი მინისტრი; კლინიკა "მედიქალ ჯორჯია", დირექტორი; ➡️ამირან გამყრელიძე - პროფესორი, გადაცემის წამყვანი; ➡️ნინი ლონგურაშვილი - გადაცემის წამყვანი; #ახალიამბები #BusinessMediaGeorgia
ამირან გამყრელიძის საავტორო პროლოგი - 09.02.2025
META ტრამპთან დავის დასასრულებლად $25 მილიონს გადაიხდის #ახალიამბები #BusinessMediaGeorgia
რამ გამოიწვია META-ს შემოსავლების რეკორდული ზრდა? #ახალიამბები #BusinessMediaGeorgia
რატომ შემცირდა TESLA-ს მოგება? #ახალიამბები #BusinessMediaGeorgia
ახალ Macan-ს, Boxster-სა და Cayman-ს, სავარაუდოდ, ბენზინის ძრავები ექნებათ; #ახალიამბები #BusinessMediaGeorgia
Porsche Taycan-მა დრიფტის ახალი რეკორდი დაამყარა; #ახალიამბები #BusinessMediaGeorgia
6 მლრდიანი ინვესტიციის კიდევ ერთი მხარეა, მისი გარემოსთან თავსებადობა. Eagle Hills-ის მიერ გამოქვეყნებული რენდერებიდან გაირკვა, რომ მილიარდიანი ინვესტიცია რუსთავი-თბილისის მაგისტრალის მიმდებარედ, სოფელ ფონიჭალასა და აღთაკლიაში მდებარე 590 ჰექტარის მიწის ნაკვეთზე უნდა განახორციელოს. ტერიტორია იმ მიწას მოიცავს, რომელსაც ამჟამად კრწანისის ტყე-პარკი ეწოდება. ის სახელმწიფო საკუთრებაშია, მის განმკარგავად კი სსიპ ველური ბუნების ეროვნული სააგენტოა მითითებული. ტყე-პარკს დაცული ტერიტორიის სტატუსი არ აქვს. შესაბამისად, აღნიშნული ფაქტორი ინვესტორისთვის მიწის გადაცემას ვერ შეაფერხებს. აღნიშნული ინფორმაცია მწვავე კრიტიკის საგანი გახდა გარემოს დამცველების მხრიდან. სენის დირექტორის მოადგილე გავრცელებულ ინფორმაციას საგანგაშოდ აფასებს და ამბობს, რომ თუკი რეკრეაციულ ზონაში მშენებლობა მართლა დაიწყება, ამით ქვეყანა იმ ბიო მრავალფეროვან კუნძულს გაანადგურებს, რომლის შექმნისთვისაც ბოლო წლებში მილიონობით ლარი დაიხარჯა. პროექტის რეალურად განხორციელების შემთხვევაში ქალაქის დანაკარგებზე საუბრობენ "ურბანული განვითარების ინსტიტუტში.“ ანი ბიბილაშვილი ამბობს, რომ ტყეში მშენებლობის დაწყება ვერცერთ სცენარში ვერ უპასუხებს გარემოს დაცვით გამოწვევებს და იმედს გამოთქვამენ, რომ ეს თემა დამატებითი კრიზისის შექმნის საფუძველი არ გახდება.
"კანიბალიზაციას არ ველი, პირიქით - გაიზრდება ტრანზაქციები და ფასები" - ასე შეაფასა დეველოპერული კომპანია „არქის“ დამფუძნებელმა ილია წულაიამ არაბთა გაერთიანებული საამიროებიდან დაანონსებული $6-მილიარდიანი ინვესტიციის განხორციელება, რომელიც მისი თქმით, ქართულ დეველოპერულ ბაზარს განვითარების ახალ ეტაპზე გადაიყვანს.
2 თებერვალს დაიბადა სვიმონ კლდიაშვილი, რომლის სახელთან არის დაკავშირებული სათავადაზნაურო გიმნაზიის, ამჟამად ივანე ჯავახიშვილი სახელობის თბილისის სახელმწიფო უნივერსიტეტის პირველი კორპუსის მშენებლობა. იმ დროისთვის, სვიმონ კლდიაშვილი გახლდათ აკადემიური განათლების მქონე პირველი ქართველი არქიტექტორი, თუმცა, ამ ობიექტის ანუ გიმნაზიის მშენებლობამდე მას საკმაოდ მწირი სამშენებლო გამოცდილება გააჩნდა. და მიუხედავად ამისა, უმნიშვნელოვანესი საგანმანათლებლო კერისთვის შენობის აშენება ქართველ არქიტექტორს ჩაბარდა, მასზე გაკეთდა არჩევანი. გიმნაზიის არქიტექტურის შექმნით, სვიმონ კლდიაშვილმა საფუძველი დაუდო ვაკის უბნის განაშენიანებას, მისი ხის სახლი პირველი იყო ვაკეში. რაც შეეხება თბილისური მოდერნის ადრეულ ნიმუშს არქიტექტურაში, ის 1902 წლით თარიღდება და ამის ავტორი და შემოქმედიც არქიტექტორი, სვიმონ კლდიაშვილია. "არტ ნოუვოს" სტილში შესრულებული მეცენატ გიორგი ქართველიშვილის მემკვიდრეების სახლი თბილისში (ეს სახლი ამჟამინდელი რომის ქუჩაზე 4 ნომერში მდებარეობს) და ქართველიშვილების საცხოვრებელი სახლი არის პირველი სახლი საქართველოში, რომელიც სადარბაზოს იატაკზე წაწერილი ფრანგული სალვეს ნაცვლად, სტუმრებს ქართული “სალამით” ეგებებოდა. სვიმონ კლდიაშვილის, პირველი აკადემიური განათლების მქონე ქართველი არქიტექტორის ავტორობით, მხოლოდ თბილისში, 60 სახლის პროექტია შესრულებული, რომელიც იმდროინდელი ელიტის, მათ შორის ილია ჭავჭავაძის საცხოვრებელი სახლიც არის. #ახალიამბები #BusinessMediaGeorgia
ლუკაშენკო ბელარუსს 1994 წლიდან მართავს და მას დასავლეთი ევროპის უკანასკნელ დიქტატორად მოიხსენიებს, რომლის პოსტსაც ყველაზე დიდი საფრთხე 2020 წლის საპრეზიდენტო არჩევნების შემდეგ დაემუქრა, როცა ასიათასობით ადამიანი მინსკის ქუჩებში გავიდა და გაყალბებული არჩევნები გააპროტესტა. მაშინ, სოციალურ მედიებსა და არასამთავრობო ორგანიზაციებზე რეიდების შემდეგ, მთავრობამ 56-ზე მეტი არასამთავრობო ორგანიზაცია დახურა, ლუკაშენკომ კი თქვა, რომ "თავს მოაძრობს ყველას, ვისაც ქვეყანაში სიმშვიდისა და სიმშვიდის დარღვევა სურს". ამის შემდეგ დაიწყო აქტივისტების მასობრივი დაპატიმრება და დევნა. ქვეყანა დატოვა ოპოზიციის ლიდერმა სვეტლანა ტიხანოვსკაიამ. მიუხედავად იმისა, რომ არჩევნები არც 2020 წელს და არც ახლა დემოკრატიულმა სამყარომ არ ცნო, დასავლეთთან ლუკაშენკოს ბელარუსის ურთიერთობა განსაკუთრებულად რუსეთის უკრაინაში სრულმასშტაბიანი შეჭრის შემდეგ დაიძაბა. ეს რაც ეხება დასავლეთის ქვეყნების დამოკიდებულებას. რაც შეეხება ბელარუსის ურთიერთობას საქართველოსთან, აღსანიშნია უკანასკნელ წლებში ბელარუსის მიერ აფხაზეთის შესაძლო აღიარებაზე მედიაში პერიოდულად გავრცელებული ინფორმაციები. დე ფაქტო პრეზიდენტი ასლან ბჟანია 2023 წლის 20 თებერვალს ბელარუსში ჩავიდა. მანამდე, 2022 წლის სექტემბერში, ლუკაშენკო დროებით ოკუპირებულ აფხაზეთს ეწვია, სადაც აფხაზეთის დე ფაქტო პრეზიდენტ ასლან ბჟანიას ბიჭვინთის აგარაკზე შეხვდა. 2024 წელს განხორციელებული ვიზიტების რაოდენობით ბელარუსი საქართველოს სტატისტიკაში მერვე ადგილზეა 140,536 ადამიანით, რაც 2023 წლის მაჩვენებელზე 7.9%-ით 10 333 ბელარუსის მოქალაქით მეტია. ეროვნული ბანკის მონაცემების მიხედვით, საქართველოსა და ბელარუსს შორის ფულადი გზავნილების მაჩვენებელი ნულოვანია. რაც სრულიად ცალკე და მოსაკითხი ამბავია, ამ დონეზე გაზრდილ მოცულობებში. #ახალიამბები #BusinessMediaGeorgia
ამერიკის შეერთებული შტატები ამ დროისთვის, 14 მილიონამდე არალეგალს იტევს. თუმცა, შეერთებულ შტატებში პანიკურად მოცული შიშების გარდა შესაძლო დეპორტაციაზე, არ არსებობს მწყობრი ცოდნა, ვის როგორ და რა შემთხვევაში ეხება დეპორტაცია. არალეგალებს შორის, ამერიკის შეერთებულ შტატებში, ათიათასობით საქართველოს მოქალაქეც არის,ბოლო ინფორმაციით, ამ დრომდე ჯერ არც ერთი დეპორტის შემთხვევა არ ყოფილა, თუმცა დაკავებების ერთეული ფაქტები ნამდვილად იყო.ამიტომ ჩვენ გადავწყვიტეთ მათთვის და იდეაში ყველასთვის,ვისთვისაც საინტერესოა ამერიკის ახალი სამიგრაციო პოლიტიკა, მათთვის ვინც ამერიკის შეერთებულ შტატებში არალეგალის სტატუსით იმყოფება, მათი ოჯახის წევრებისთვის საქართველოში, BMG-ს ამერიკის ბიურომ მოამზადა სპეციალური სიუჟეტი რომელიც შეეცდება ახსნას, რა რეგულაციები არის შემოღებული არალეგალების წინააღმდეგ და როგორ ხსნიან ახალ წესებს ამერიკელი და ქართველი იურისტები. #ახალიამბები #BusinessMediaGeorgia
#მხოლოდქართულის რუბრიკის ფარგლებში გიყვებით კომპანიაზე, რომელიც ნამდვილ, ქართულ პროდუქტს აწარმოებს. ძველი სუფრა - ეს არის ბრენდი, რომელიც წლებია ძველ ქართულ ლურჯ სუფრებს , ტრადიციული ელემენტებით და დეტალებით ქმნის. ამბავი 1998 წლიდან იწყება თუმცა ბრენდი უკვე 2020 წლიდან იწყებს თანამედროვე სახით ოპერირებას. განვითარებაც პროცესის ნაწილია და დღეს ლურჯი სუფრით დაწყებული ბიზნესი არაერთ პროდუქტს აერთიანებს, მათ შორის სიახლეს - ჭურჭელს და მინის ჭურჭელს. ადგილობრივი წარმოების პროდუქტი მალე ამერიკის ბაზარზე გავა და ექსპორტის გეგმაც სწორედ - მოთხოვნის პარალელურად გაჩნდა. #ახალიამბები #BusinessMediaGeorgia
გიყვებით, კომპანია Grossmann-ის შესახებ, რომელიც ყველა დაინტერესებულს მაღალი ხარისხის სამშენებლო მასალების, ელექტრონული საქონლის, სანტექნიკის და აგრარული პროდუქციის ფართო არჩევანს სთავაზობს მომხმარებელს. რამდენიმე თვის წინ გაუწყეთ Grossmann-ის გახსნის შესახებ, თუმცა მისი მმართველი პარტნიორების ჩართულობით და გუნდის შრომის შედეგად, ქართულ ბაზარზე ახლად გამოჩენილი კომპანია Grossmann-ი თბილისში უკვე 2 ფილიალს ფლობს: ლეო კვაჭაძის N19-სა და აკაკი ბაქრაძის N7-ში. დედაქალაქის შემდეგ, Grossmann-ის მთელი საქართველოს მასშტაბით გაფართოებას გეგმავს. წლებია საქმიანი საზოგადოება იცნობს და აკვირდება Grossmann-ის დამფუძნებელს, თუმცა სხვა ამპლუაში, როგორც ერთ-ერთი უმსხვილესი კომპანიის მთავარი აღმასრულებელი ოფიცერი. სტუმარი: ვახტანგ კაჭარავა - Grossmann, დამფუძნებელი; გიორგი ისაკაძე - BMG, გენერალური პროდიუსერი;
სასამართლო დავების განხილვის გაჭიანურება რომ აქტუალური პრობლემაა, ამაზე კერძო სექტორი დიდი ხანია, საუბრობს. BMG-სთან ინტერვიუში იურისტები აღნიშნავენ, რომ მოსამართლეთა არასაკმარისი რაოდენობის გამო საქმეთა გონივრულ ვადაში განხილვა ვერ ხერხდება. თუმცა ორგანიზაცია “დემოკრატიის ინდექსი - საქართველოს” კვლევის თანახმად, მოსამართლეთა რაოდენობის ზრდა აღნიშნული პრობლემის გადაჭრის ერთადერთი გზა არ არის. სასამართლოში საქმეების მათ შორის, ბიზნეს დავების განხილვის გაჭიანურება უკვე დიდი ხნის პრობლემაა, რომელსაც დრო ვერაფერს აკლებს. როგორც იურისტები გვეუბნებიან, აქვთ შემთხვევები, როცა ქართულ სასამართლო სისტემაში საქმეები ხუთი და მეტი წელი მიმდინარეობს. ყველა თანხმდება, რომ არსებული ვითარება ქვეყნის საინვესტიციო გარემოს აზიანებს, რომლისთვისაც დამოუკიდებელი და ეფექტიანი სასამართლო კრიტიკული მნიშვნელობისაა. #ახალიამბები #BusinessMediaGeorgia
ამ კვირის ბიზნეს ამბებზეც გეტყვით ორიოდ სიტყვას, მითუმეტეს აღნიშვნის ღირსია ალბათ ყველაზე გახმაურებული ამბავი, რომელიც ქართველებისთვის სკანდალური აბუდაბიდან მივიღეთ. სკანდალზე აბუდაბიში ცხადია ბიძინა ივანიშვილს რეაგირება არ ექნება, მისი წარმომადგენლებისთვის პარლამენტში, მთავრობასა და ბიზნესში, ახლა მნიშვნელოვანია რამდენიმე ვიდეო, ფოტო, ნიუსური და სტატისტიკური აქტივობის ჩვენება, რომ არსებულ ვითარებაშიც საქართველოსადმი ინტერესი არ მინელებულა და მათ შორის გამორჩეული ამბავია: არაბეთის გაერთიანებული საამიროების დეველოპერული კომპანია Emaar Properties/Eagle Hills-ი საქართველოში 6 მილიარდი აშშ დოლარის მოცულობის ინვესტიციას განხორციელების შესახებ გაფორმებული თანამშრომლობის მემორანდუმი. ამ კომპანიის წარმომადგენლები საქართველოში არაერთგზის არიან ნამყოფები - შეხვედრები ჰქონდათ ყველა დონეზე და ჩემი ინფორმაციით, მათ კარგა ხანია შერჩეული ჰყავთ საქართველოში პარტნიორი დეველოპერული კომპანია, რომელიც იყო და არის ავანგარდში ემაარის და იგლ ჰილსის პროექტებისა, და ასევე, არა საქართველოს მთავრობა, არამედ სწორედ ამ, ქართულმა დეველოპერულმა კომპანია უზრუნველყო ემაარის შემოსვლა ჩვენს ბაზარზე. მისი დამფუძნებელი და მმართველმა დირექტორი მოჰამედ ალი რაშედ ალაბარი აცხადებს, რომ მათთვის უდიდესი პატივია ქართველ პარტნიორებს თბილისსა და ბათუმში, ურბანული განვითარების სფეროში დაგროვებული 30-წლიანი გამოცდილება გაუზიარონ. ამ საოცარ ქვეყანაში - საქართველოში - ეს უზარმაზარი ინვესტიცია იცით რას გააკეთებს? ის მოტივაციას მისცემს უამრავ ინვესტორს, რომლებიც იტყვიან „ოჰო! რაღაც სასწაული ხდება საქართველოში! ჩვენც გვინდა მსგავსის გაკეთება! ჩვენც ვცდით“. ასე მოხდა ყველა იმ ქვეყანაში, სადაც პროექტები წამოვიწყეთ. ჩემთვის დიდი სიამოვნება და პატივია საქართველოში მუშაობა. როდესაც ამხელა კაპიტალდაბანდება ხდება ქვეყანაში, ის მოცულობით პოზიტიურ გავლენას ახდენს ნებისმიერი ქვეყნის ეკონომიკაზე“, - განაცხადა მოჰამედ ალი რაშედ ალაბარმა. ჩემი ინფორმაციით, შესაძლოა, ემაარის და იგლ ჰილსის მიერ დაანონსებული ინვესტიცია საქართველოში არ იყოს სრულად მათგან უზრუნველყოფილი და აქ ხდებოდეს თანხის რელოკაც #ახალიამბები #BusinessMediaGeorgia
გიორგი ისაკაძის საავტორო პროლოგი - საქართველოს ეკონომიკის კვირეულის ანალიზი #ახალიამბები #BusinessMediaGeorgia
გასული კვირის მნიშვნელოვანი ამბების მიმოხილვა / 26 იანვარი - 2 თებერვალი
გლობალური ჯანმრთელობის ძირითადი გამოწვევები - XXI საუკუნე; ➡️ ბახუტი შენგელია - ჯანდაცვის პოლიტიკის ექსპერტი; ➡️ამირან გამყრელიძე - პროფესორი, გადაცემის წამყვანი; ➡️ნინი ლონგურაშვილი - გადაცემის წამყვანი; #ახალიამბები #BusinessMediaGeorgia
გლობალური ჯანმრთელობის ძირითადი გამოწვევები - XXI საუკუნე; ➡️ აკაკი ზოიძე - ჯანდაცვის პოლიტიკის ექსპერტი; ➡️ამირან გამყრელიძე - პროფესორი, გადაცემის წამყვანი; ➡️ნინი ლონგურაშვილი - გადაცემის წამყვანი; #ახალიამბები #BusinessMediaGeorgia
#ჯანდაცვისსტანდარტი - 02.02.2025 - პროლოგი
როგორია სოციალური ქსელების მომავალი? #ახალიამბები #BusinessMediaGeorgia
რომელია საუკეთესო ჭკვიანი საათი? #ახალიამბები #BusinessMediaGeorgia
ჩინური ელექტრომობილი საბარგულიდან დრონს უშვებს #ახალიამბები #BusinessMediaGeorgia
Blue Origin-მა Space X-ის კონკურენტი რაკეტა გამოცადა #ახალიამბები #BusinessMediaGeorgia
Super Mario Bros-ის საუნდტრეკების ფირფიტას გამოუშვებენ #ახალიამბები #BusinessMediaGeorgia
CASIO-მ PAC-MAN-ის მაჯის საათების კოლექცია გამოუშვა #ახალიამბები #BusinessMediaGeorgia
რას ფიქრობენ ადგილობრივებს ბათუმის განაშენიანებაზე? - #ხალხისხმა #უძრავიქონებისპროსპექტი ბათუმიდან - თათია ჩაფიჩაძე & გუგა კობახიძესთან ერთად #ახალიამბები #BusinessMediaGeorgia
"ალიანს ფრივილიჯი" ექსპლუატაციაში 2025 წლის გაზაფხულზე შევა - რას სთავაზობს "ალიანს ფრივილიჯი" მომხმარებელს? #ახალიამბები #BusinessMediaGeorgia
გიყვებით პიროვნებაზე, რომლის დაბადების დღეც, სწორედ იანვრის თვეშია გახლავთ. საუბარია 20 იანვარს დაბადებულ ქართველ დიპლომატზე, გამორჩეულ ორატორზე და საქართველოს დემოკრატიული რესპუბლიკის საგარეო საქმეთა მინისტრზე, ევგენი გეგეჭკორზე, რომელიც 1881 წლის 20 იანვარს დაიბადა. გამჭრიახი იურისტი ახალგაზრდობიდანვე ჩართული იყო დიპლომატიურ საქმიანობაში. ხელმძღვანელობდა ამიერკავკასიის კომისარიატსა და ამიერკავკასიის ფედერაციული რესპუბლიკის მთავრობას. ახერხებდა და მასთან სამინისტროში, პოლიტიკური გუნდის გარდა, ოპოზიციონერებიც მუშაობდნენ. სიცოცხლის ბოლომდე, ემიგრაციაში მყოფი, აგრძელებდა დიპლომატიურ საქმიანობას და აქტიურად იყო ჩაბმული ბოლშევიზმის საწინააღმდეგო ბრძოლაში. ახლობლების ცნობით და გადმოცემით, ევგენი გეგეჭკორი მასონთა ლოჟის საპატიო, მეორე ნომერს იკავებდა და სწორედ ამ მიზეზით, მის დაკრძალვაზე ამ ლოჟამ გვირგვინი და ყვავილები გამოაგზავნა. ესეც ქართული "დიფ სტეიტის" ფესვები და წარსული. არაჩვეულებრივ კალენდარი და საჩუქარი მივიღეთ მულტიინდუსტრიული ჰოლდინგისგან "ჯიაჯი", რომელიც საშუალებას მოგვცემს მთელი წლის მანძილზე გადმოგცეთ სუპესაინტერესო ისტორიები საქართველოზე, მის წარსულზე ფიქრისთვის. მისი განვითარებისთვის მუდმივ ზრუნვაზე. მადლობა ამ საჩუქრებისთვის, "ჯიაჯის", დათო ბეჟუაშვილს და მანანა მანჯგალაძეს. #ახალიამბები #BusinessMediaGeorgia
მხოლოდ ქართულის რუბრიკაში დღეს ერთ-ერთ ქართულ გამომცემლობაზე, სახელად - "მედუზა" გიყვებით. გამომცემლობა ბაზარზე 2020 წელს, კოვიდ პანდემიის პერიოდში გამოჩნდა და მისი ძირითადი მიმდინარეობა სამეცნიერო ფანტასტიკის ჟანრის წიგნებია, სახელიც სწორედ ამ ასოციაციით შეურჩიეს. ამ დროისთვის გამომცემლობამ უკვე არა ერთი ქართველი ავტორის წიგნი გამოსცა და ამასთანავე, ბევრი უცხოელი, ქართველი მკითხველისთვის საყვარელი ავტორების წიგნები ქართულ ენაზე პირველად თარგმნა. #ახალიამბები #BusinessMediaGeorgia
საქართველოში "ქართულ-რუსული" ბიზნესასოციაცია შეიქმნა, რომლის ხელმძღვანელიც ბიზნესმენი ზაზა ნიშნიანიძეა. აღნიშნული BMG-ს თავად ბიზნესმენმა 24 იანვარს დაუდასტურა. მისი თქმით "ქართულ-რუსული" ბიზნესასოციაციის უმთავრესი მიზანი იქნება, დაეხმაროს იმ ბიზნესმენებს, რომლებიც რუსეთში ექსპორტით არიან დაკავებული. მისი ინფორმაციით, ასოციაციის შეხვედრაზე 60-მდე კომპანია იყო, რომლებიც ძირითადად მეღვინეები არიან. ნიშნიანიძემ რამდენიმე წევრიც დაასახელა. ეკონომიკის მინისტრმა, ლევან დავითაშვილმა, ახალ ბიზნეს ასოციაციაზე დასმულ კითხვაზე განაცხადა, რომ ინფორმაციას არ ფლობდა, თუმცა ისაუბრა რუსეთთან სავაჭრო-ეკონომიკურ კავშირებზე და აღნიშნა, რომ მისასალმებელია, თუ იქნება ასოციაცია, რომელიც ამ ურთიერთობების განვითარებას შეუწყობს ხელს. #ახალიამბები #BusinessMediaGeorgia
ბოლო წლებში საქართველოს რუსეთზე ეკონომიკური დამოკიდებულება დრამატულად გაიზარდა. მიზეზი ცხადია უკრაინის ომი იყო, რის გამოც ქვეყანაში სხვადასხვა გზით შემოსული რუსული კაპიტალის მოცულობა გაიზარდა. საქართველო ამ მხრივ გამონაკლისი არ იყო პოსტსაბჭოთა ქვეყნებს შორის, რომელთა უდიდესმა უმრავლესობამ, საქართველოსთან ერთად ცხადია, სერიოზულად იხეირა და გვარიანი შემოსავლები მიიღო. თუმცა რიცხვები აჩვენებს, რომ რუსეთიდან კაპიტალის შემოდინება ზოგიერთი მიმართულებით მცირდება, მაგალითად გზავნილები #ახალიამბები #BusinessMediaGeorgia
დონალდ ტრამპი აღარ საუბრობს 24 საათში ომის დასრულებაზე უკრაინაში, მაგრამ საკმაოდ გააქტიურა შესაძლო ვერსიები, თუ როგორ შეიძლება ამოიწუროს ეს 2 წლის წინ რუსეთის მიერ დაწყებული ომი. თუ ადრე, ტრამპის განცხადებებში ზელესნკი და უკრაინა შედარებით კნინობით ფორმებში იყვნენ მოხსენიებული, ახლა ბალანსი შედარებით აღდგა და პრეზიდენტი ტრამპი აგრესიანარევ გზავნილებს არც პრეზიდენტ პუტინის მიმართ მალავს, რომელსაც დღენიადაგ უთვლის, რომ საჭიროა შეხვედრა და გარიგების დადება რომ ომი დასრულდეს პარალელურად, ორი სამი დღე რაც პრეზიდენტი ტრამპი ალაპარაკდა ნავთობის ფასების რადიკალურ შემცირებაზე, რაზეც ღიად მოუწოდებს ოპეკს, რომლის წევრიც რუსეთის ფედერაციაც არის. მაგრამ იქ დომინანტები მაინც არაბები არიან. სწორედ არაბეთის საემიროების პრინცთან ჰქონდა ამ კვირაში საუბარი ტრამპს, ოღონდ ინვესტიციებზეო და შეეხნენ თუ არა ნავთობზე ფასების კლების თემას, ეს საერთაშორისო საზოგადოებისთვის უცნობია. ფაქტია, ეს ცალსახად იქნება უმძიმესი დარტყმა რუსეთის ფედერაციის ეკონომიკაზე, რომლის ზრდა უკვე შენელებულია, ინფლაცია აქტიურად იზრდება და ახალმა სასანქციო პაკეტმა ნავთობის გაყიდვები ტრადიციულ ბაზრებზეც სრულად შეუზღუდა, ყოველ შეითხზება, ჯერ არანაირი პირი არ უჩანს რომ ინდოეთი ან ჩინეთი მზად არიან მიიღონ რუსეთის სანქცირებული ტანკერები. #ახალიამბები #BusinessMediaGeorgia
საინტერესოა,მაინც ვინ იქნება და როდის დამტკიცდება დონალდ ტრამპის კაბინეტი, ან ვინ დაამტკიცეს უკვე სენატში. #ახალიამბები #BusinessMediaGeorgia
ილონ მასკის ფიგურა - რომელიც დანამდვილებით რჩება, როგორც საერთაშორისო ისე ჩვენებური ბიზნესის აქტიური დაკვირვების ქვეშ. ის რჩება პლანეტის უმდიდრესს ადამიანად. სხვაობა მის სიმდიდრესა და შემდგომ მილიარდერებს შორის არის მნიშვნელოვნად გაზრდილი, ისევე როგორც, მასკის ბიზნესებში სხვებიც ჩადებენ ფულს, ვინც აქამდე არ დებდა რათა, მისი კეთილგანწყობა მოიპოვონ. საინტერესოა, დავოსიდან ჯეიპი მორგანის მთავარი აღმასრულებლის, ჯეიმი დაიმონის, განცხადება მასკზე, რომ ილონი 21 საუკუნის და თანამედროვეობის ნამდვილი აინშტაინია და ამის დასტურია ყველა ის კომპანია, რომელიც მან დააფუძნა. ამოწურა ჯეიმი დაიმონმა კონფლიქტი მას და ილონ მასკს შორის და იქვე დააყოლა, რომ მზად არის გაყვეს მას სხვადასხვა პროექტების განხორციელებაში. ცხადია, ლეგენდარული დაიმონი არ იქნება ბოლო, რომელიც ლოიალური იქნება ილონ მასკი მიმართ. ყველასთვის ცნობილია, რომ მსოფლიოს უმდიდრესი ადამიანი, ილონ მასკი, ბოლო დროს, გახდა არამხოლოდ აშშ-ის ახალი პრეზიდენტის მარჯვენა ხელი, არამედ ახლად შექმნილი “სამთავრობო ეფექტიანობის დეპარტამენტის” თანახელმძღვანელი, რისთვისაც თეთრი სახლის ტერიტორიაზე საკუთარი ოფისიც კი მიიღო. ამ თანამდებობაზე მილიარდერს საკუთარი ინტერესები აქვს, რაც $6.5-ტრილიონიანი ფედერალური ბიუჯეტის მკვეთრი შემცირებაა, მაგრამ ილონ მასკს, შესაძლოა, პირადი ინტერესებიც ჰქონდეს. ვიდრე ეს პირადი ინტერესები გაცხადდება, ფაქტია რომ მასკის ინსპირაცია გახდება არგენტინა და მისი ბოლო დროინდელი ულტრალიბერალური რეფორმები, რომელსაც არგენტინის პრეზიდენტი ჰავიერ მილეი თავის ეკონომიკურ გუნდთან ერთად უძღვება. კასკადი სერიოზული რეფორმებისა, უკიდურესად შემცირებული ხარჯები სახელმწიფო ბიუჯეტისა, ათიათასობით დათხოვნილი საჯარო მოხელე, ასეულობით გაუქმებული სახელმწიფო უწყება. ამ ყველაფერმა საშუალება მისცა არგენტინას ბოლო წლებში პროფიციტულ ბიუჯეტზე პირველად გასულიყო. ცხადია, ეს ხდებოდა უზარმაზარი პროტესტის ფონზე ქვეყანაში, თუმცა იმავდროულად არგენტინას გამოუჩნდნენ სერიოზული პარტნიორები დასავლეთის ქვეყნების, რეგიონის ქვეყნებისა და საერთაშორისო საფინანსო ორგანიზების სახით. #ახალიამბები #BusinessMediaGeorgia
გიორგი ისაკაძის პროლოგი /26.01.2025 #ახალიამბები #BusinessMediaGeorgia
გასული კვირის მნიშვნელოვანი ამბების მიმოხილვა / 19 - 26 იანვარი
როგორია SAMSUNG-ის ახალი ფლაგმანი? - S25 ULTRA-ს განხილვა #ახალიამბები #BusinessMediaGeorgia
EV-ფურგონების მწარმოებელი Canoo გაკოტრდა #ახალიამბები #BusinessMediaGeorgia
როგორ მუშაობს TikTok-ი და რატომ არის ის მავნე? #ახალიამბები #BusinessMediaGeorgia
ჩინეთიდან აშშ-ში ჭკვიანი მანქანების იმპორტი აიკრძალება #ახალიამბები #BusinessMediaGeorgia