საქართველოს ეროვნულ ბანკში ფინანსურ ბაზრებზე მოქმედი ინსტიტუტების წარმომადგენლებისთვის ჩინეთის ობლიგაციების ბაზარზე (CIBM) წვდომის შესახებ შეხვედრა გაიმართა. სების წარმომადგენლებმა სექტორის მოთამაშეებს კომერციული ბანკების, საბროკერო კომპანიების, აქტივების მმართველებისა და ფინანსთა და ეკონომიკის სამინისტროების წარმომადგენლებს აღნიშნულ ბაზარზე ოპერირების პერსპექტივები გააცნეს. შეხვედრის მთავარი თემა საერთაშორისო რეზერვების დივერსიფიკაცია და ჩინურ იუანში (CNY) დენომინირებულ აქტივებში ინვესტირება იყო. აღინიშნა, რომ ჩინური იუანის როლი საერთაშორისო სავალუტო სისტემაში სტაბილურად იზრდება, რაც დადასტურდა IMF-ის მიერ მისი SDR კალათაში მეხუთე ვალუტად შეყვანით (დოლართან, ევროსთან, იენასა და ფუნტთან ერთად). საქართველოს ეროვნული ბანკის პრეზიდენტმა ნათია თურნავამ განმარტა, რომ CIBM-ზე (China Interbank Bond Market) წვდომის მოპოვება საინვესტიციო პოლიტიკის განვითარების მნიშვნელოვანი ეტაპია.რომ ჩინურ იუანში და ჩინურ სახელმწიფო ფასიან ქაღალდებში ინვესტირება დივერსიფიკაციის მიზნით ხორციელდება. მთლიანობაში არაძირითადი ვალუტების წილი 10%-ით არის განსაზღვრული, საიდანაც ჩინური იუანის ინსტრუმენტებში დაახლოებით 5%-მდე იქნება განთავსებული, რაც ნიშნავს, რომ სები იუანში 315 მლნ-მდე დააბანდებს.

#ახალიამბები #BusinessMediaGeorgia