ზუსტად, 2 წელიწადი გავიდა რაც პროფესორმა გურამ ქარაზანაშვილმა საქართველოში და მთლიანად კავკასიაში რობოტული ქირურგია დანერგა. ამ პერიოდში „ქარაზანაშვილის რობოტულ ცენტრში“ 300-ზე მეტი ოპერაცია ჩატარდა, რაც პროექტის დიდ მასშტაბსა და წარმატებაზე მეტყველებს. საქართველოსა და კავკასიის ისტორიაში პირველად, რობოტული ტექნოლოგიებით პირველი ოპერაცია პროფესორმა ქარაზანაშვილმა 2024 წლის 27 თებერვალს ჩაატარა. ეს იყო პრეცედენტული მოვლენა რეგიონში, რადგან მანამდე რობოტული ქირურგია საქართველოსა და კავკასიაში არ არსებობდა და შესაბამისად არც რობოტული ოპერაცია ჩატარებულა. ზუსტად 2 წლის წინ ამას სპეციალური ეთერიც მივუძღვენით ამ სტუდიაშივე. დღეს უკვე დარწმუნებით შეგვიძლია ვთქვათ, რომ რობოტული ქირურგიის დანერგვა გარდამტეხი ნაბიჯი აღმოჩნდა საქართველოსა და კავკასიაში, რადგან მან სრულად შეცვალა რეგიონის სამედიცინო შესაძლებლობები - თუ წლების განმავლობაში რთული ონკოლოგიური და რეკონსტრუქციული ოპერაციების, რობოტული ოპერაციების განსახორციელებლად პაციენტები იძულებულნი იყვნენ მიემართათ თურქეთის, ისრაელის, ევროპის კლინიკებს , უკვე ორი წელია, საქართველოში, „ქარაზანაშვილის რობოტულ ცენტრში“ გახდა შესაძლებელი ინოვაციური ტექნოლოგიებით მკურნალობა.

სტუმარი: გურამ ქარაზანაშვილი - პროფესორი; ”ქარაზანაშვილის რობოტული ცენტრი”, დამფუძნებელი;
ინტერვიუერი: გიორგი ისაკაძე - BMG, გენერალური პროდიუსერი;

#ახალიამბები #BusinessMediaGeorgia