2024 წელს წინა წელთან შედარებით უმუშევრობა შემცირდა. მაგალითად, თუ 2024 წელს უმუშევრობის წილი 13.9% იყო, წინა წელს კი 16.4%. მიუხედავად წლიური შემცირებისა, 2024 წლის კვარტალური მონაცემების მიხედვით, წლის ბოლოს უმუშევრობა გაიზარდა და წლის განმავლობაში ყველაზე მაღალი პროცენტი დაფიქსირდა. უფრო კონკრეტულად, 2024 წლის მეოთხე კვარტალში უმუშევრობამ საქართველოში 14.2% შეადგინა, პირველი კვარტალი - 14%, მეორე კვარტალი - 13.7%, ხოლო მესამე კვარტალი - 13.8%. ამასთანავე, მეოთხე კვარტალში, წინა კვარტალთან შედარებით, უმუშევარი ადამიანების რიცხვი 8.2 ათასით გაიზარდა. უმუშევრობის მაჩვენებელი და კადრების შემცირების დინამიკა - რა მიმართულებით უწევთ იურისტებს ადვოკატირება და როგორია ქვეყანაში რეორგანიზაციის პროცესი? სტუმარი: დათო კესარელი - იურისტი #ახალიამბები #BusinessMediaGeorgia
უნივერსიტეტის ქუჩაზე მდებარე „თეგეტა მოტორსი"-ს ფილიალში სწრაფი სერვისები დაინერგა. ძრავის ზეთის, აკუმულატორის ან საბურავების შეცვლა ახლა უკვე 20 წუთშია შესაძლებელი. სწრაფი სერვისების დანერგვის გადაწყვეტილება „თეგეტა მოტორსმა" მომხმარებელთა საჭიროებების შესწავლის შემდეგ მიიღო. კომპანია, რომელიც მომხმარებელთა კომფორტზე ზრუნავს, ხარისხიან სერვისს ახლა უკვე უმოკლეს დროში სთავაზობს. რა უნდა გავითვალისწინოთ ვიზიტის დაგეგმვისას და კონკრეტულად რა მომსახურებებს მივიღებთ? ნიკა მაღრაძე - „თეგეტას“ ფილიალის დირექტორი #ახალიამბები #BusinessMediaGeorgia
BMG და Tegeta Holding-ი წარმოგიდგენთ #BMGAuto-ს:
"კომერციული შეთქმულება" - რისთვის დააკისრა ინგლისის სასამართლომ ირაკლი რუხაძეს $170 მილიონი? #ახალიამბები #BusinessMediaGeorgia
ევროკავშირი–საქართველოს ბიზნესსაბჭოს ორგანიზებით იმართება შეხვედრა საბანკო სექტორისა და ბიზნესის წარმომადგენლებს შორის. წინასწარ გავრცელებული ინფორმაციის მიხედვით, თიბისის და პროკრედიტის წარმომადგენლებს ბიზნესმენებისთვის უნდა მიეწოდებინათ ინფორმაცია კონკრეტული სერვისებისა და პროდუქტების შესახებ, რაც ხელს შეუწყობს მცირე და საშუალო ბიზნესების განვითარებას. შეხვედრის მიზანი ბიზნესის მდგრადობის მხარდაჭერა და ახალი შესაძლებლობების შესახებ ინფორმაციის გაცვლაა. #ახალიამბები #BusinessMediaGeorgia
INKOMPASS-ის სტაჟირების პროგრამა სტუმარი: თორნიკე მათითაშვილი - "ფილიპ მორის აზერბაიჯანის" კომერციული დეპარტამენტის ხელმძღვანელი #საქმიანიდილა-ს #ანალიტიკა ელენე კვანჭილაშვილთან ერთად #ახალიამბები #BusinessMediaGeorgia
ინვესტორთა განწყობები & მოლოდინები სტუმარი: დავით კიზირია - ციფრული ტრანსფორმაციის კონსორციუმის კოორდინატორი; #საქმიანიდილა-ს #ანალიტიკა ელენე კვანჭილაშვილთან ერთად #ახალიამბები #BusinessMediaGeorgia
ევროკავშირთან მოლაპარაკებების გაწყვეტის გამო დაწყებული პროტესტი საქართველოში უკვე 114 დღეა გრძელდება. ქვეყნის დასავლური კურსიდან გადახვევას და მოქალაქეების დაპატიმრებას საზოგადოების ნაწილი კვლავ ქუჩაში აგრძელებს, რაც არასტაბილურ პოლიტიკურ გარემოს კიდევ უფრო აღრმავებს. ამ ფონზე როგორია ბიზნესის განწყობები და რა მოლოდინებს ქმნიან ისინი ბაზარზე? #ახალიამბები #BusinessMediaGeorgia
21 მარტი დაუნის სინდრომის მსოფლიო დღეა, რომელიც გაერთიანებული ერების ორგანიზაციის ეგიდით 2011 წლის 10 ნოემბერს დაწესდა. სტატისტიკური მონაცემებით, მსოფლიოში 600-800 ახალშობილიდან, ერთი დაუნის სინდრომით იბადება. სინდრომი გოგონებსა და ბიჭებში, ერთნაირი სიხშირით ვლინდება ის არც მემკვიდრეობითია და არც გადამდები. წლევანდელი აღნიშვნისთვის, საქართველოს დაუნის სინდრომის ასოციაცია, დაუნის სინდრომის მსოფლიო დღის ფარგლებში, მშობელთა კონფერენცია თემაზე: დაუნის სინდრომის მქონე პირთა მხარდამჭერი სისტემები ჩატარდა. სტუმარი: ირაკლი დადიანი - დაუნის სინდრომის ასოციაციის აღმასრულებელი დირექტორი #ახალიამბები #BusinessMediaGeorgia
დღეს მსოფლიო დაუნის სინდრომის მსოფლიო დღეს აღნიშნავს. 2012 წლიდან მოყოლებული, გაეროს გენერალური ასამბლეის გადაწყვეტილებით, სწორედ ყოველი წლის 21 მარტს მსოფლიოს მასშტაბით სახელმწიფოები, საერთაშორისო ორგანიზაციები, სამოქალაქო თუ კერძო სექტორის წარმომადგენლები, მოქალაქეები დაუნის სინდრომის შესახებ ცნობიერების ამაღლების მიზნით სხვადასხვა ღონისძიებებს გეგმავენ და ახორციელებენ. ამ დღეს უერთდება საქართველოც და ქართული ბიზნესი. დღეს გიყვებით ავერსზე, რომელიც ყოველ წელს უერთდება დაუნის სინდრომის მქონე ადამიანების საერთაშორისო დღეს, ტრადიციას არც ამჯერად არღვევს. #ახალიამბები #BusinessMediaGeorgia
სამკერვალო ბიზნესი მოთხოვნის შემცირებაზე საუბრობს. სტატისტიკური მონაცემები მიუთითებს, რომ 2024 წელს ექსპორტზე ჯამურად 160 მლნ დოლარის ღირებულების, სხვადასხვა სახეობის ტანსაცმელი გავიდა. 2022 წელს ექსპორტი - 165 მილიონ დოლარი იყო. ექსპორტი შემცირებულია ამ წლის დასაწყისშიც. იანვარში საქართველოდან ექსპორტზე 9,7 მლნ დოლარის ნაწარმი გავიდა, გასული წლის იმავე პერიოდის შედეგი 12 მილიონი დოლარის ექსპორტი იყო. რამ იქონია გავლენა და რამდენად არის ცალკეული სამკერვალოების დახურვა თუ ექსპორტის შემცირება კონკრეტულ მიზეზებზე დამოკიდებული ამაზე ვსაუბრობთ საქმიანი დილას ამ ნაწილში. სტუმარი: ნინო გიორგაძე - სამკერვალო საწარმო „ლიდერი“, დამფუძნებელი და აღმასრულებელი დირექტორი; #ახალიამბები #BusinessMediaGeorgia
მგზავრთნაკადის მატების ფონზე ტავ ჯორჯია განაგრძობს ინვესტირებას თბილისის საერთაშორისო აეროპორტის ინფრასტრუქტურაში. ბოლო 1 წლის განმავლობაში თბილისისა და ბათუმის აეროპორტების მმართველმა კომპანიამ თბილისის ტერმინალებისა და აეროპორტის მიმდებარე ტერიტორიის ინფრასტრუქტურის განვითარებაში 5 მილიონი ლარის ოდენობის ინვესტიცია ჩადო. რა ტიპის ინფრასტრუქტურა აშენდა და რა სივრცეები განახლდა? ალუდა ცაბაური - ტავ ჯორჯიას ტექნიკური მენეჯერის მოადგილე #ახალიამბები #BusinessMediaGeorgia
გლობალური ღვინის ინდუსტრია მნიშვნელოვანი ეკონომიკური სფეროა, რომლის შემოსავალი 2024 წლისთვის დაახლოებით $338 მილიარდად ფასდება და, არსებული პროგნოზით, 5 წლიან პერიოდში (2024-2029) ჯამურად 12.2%-ით გაიზრდება $380 მილიარდამდე. ზრდის ეს ტრაექტორია ხაზს უსვამს ღვინის უცვლელ მიმზიდველობას და მის როლს გლობალურ ეკონომიკაში. საქართველოში ღვინო ქართული კულტურის განუყოფელი ნაწილია და მჭიდროდ არის დაკავშირებული ჩვენს მდიდარ ტრადიციებთან. ქართული ღვინის უნიკალურობა აისახება ღვინის მზარდ ექსპორტსა და ღვინის ტურიზმზე. საქართველოში ღვინო ეროვნული იდენტობის გარდა მნიშვნელოვან ეკონომიკურ როლსაც ასრულებს. საქართველოში ღვინის წარმოებაში 1,100-ზე მეტი ბიზნეს ერთეული არის ჩართული, რომლთა ჯამური ბრუნვა 1 მილიარდ ლარს აღემატება (2023). ხოლო 2024 წელს ყურძნის ჩაბარებით 22 ათასმა მევენახე ფერმერმა 420 მილიონი ლარის შემოსავალი მიიღო. (წყარო: საქსტატი, ღვინის ეროვნული სააგენტო) სტუმარი: მარიამ ქოიავა - SavvY-ის მმართველი პარტნიორი #ახალიამბები #BusinessMediaGeorgia
საქართველოს ბანკი განათლების მხარდაჭერას განაგრძობს. წლების განმავლობაში ბანკი 40-ზე მეტ საგანმანათლებლო პროექტში ჩაერთო, 22 ქართულ უნივერსიტეტთან დაპარტნიორდა და სტუდენტების სწავლა ნაწილობრივ ან სრულად დააფინანსა. აღსანიშნავია, რომ საფინანსო ინსტიტუტის განათლებაში ჩართულობა მხოლოდ საქართველოს საზღვრებს არ მოიცავს და ბანკი გაცვლითი საერთაშორისო პროგრამების მხარდაჭერაშიც აქტიურად ჩართულია. #ახალიამბები #BusinessMediaGeorgia
ფარმაცევტული კომპანია GM PHARMA 25 წლის იუბილეს მნიშვნელოვანი სიახლეებით აღნიშნავს. სამხრეთ კავკასიის ლიდერი კომპანია სტუდენტებისთვის განათლებაზე ხელმისაწვდომობის გაზრდასა და დასაქმების არეალის გაფართოებას განაგრძობს და სწორედ ამ ინიციატივის ფარგლებში, GM PHARMA-მ საქართველოს უნივერსიტეტთან და საქართველოს ტექნიკურ უნივერსიტეტთან თანამშრომლობის მემორანდუმები გააფორმა, - კონკრეტულად რას მოიცავს ეს პარტნიორობები და რა სარგებელს მოუტანს ის უნივერსიტეტების სტუდენტებს? #ახალიამბები #BusinessMediaGeorgia
თბილისში, ინოვაციებით დაინტერესებული პირთათვის ახალი სივრცე – Innovation Lounge იქმნება, რომელიც განკუთვნილია თანამედროვე და მომავლის ტექნოლოგიებით, ინოვაციებითა და მეწარმეობით დაინტერესებული ახალგაზრდებისთვის. საქართველოში, ისრაელის საელჩოს ინიციატივითა და ორგანიზებით, პირველი ღონისძიება გუშინ, გაიმართა და მისი მთავარი სტუმარი ისრაელელი გენერაციული ხელოვნური ინტელექტის ექსპერტი, დრორ გილი გახლდათ. როგორ ჩაიარა გუშინდელმა ღონისძიებამ, რა პრეზენტაცია წარადგინა - დრორ გილიმ, ამასთან რა გეგმები აქვს Innovation Lounge-ს? #ახალიამბები #BusinessMediaGeorgia
19 წლის წინ, ზუსტად დღევანდელ დღეს ტვიტერის თანადამფუძნებელმა ჯეკ დორსმა პირველი ტვიტი გამოაქვეყნა და კაცობრიობის ისტორიაში ერთ-ერთი ყველაზე პოპულარული სოციალური ქსელის ისტორიის ათვლაც სწორედ აქედან დაიწყო. სხვათა შორის, 2021 წელს დორისის ეს ტვიტი ონლაინ აუქციონზე რეკორდულ თანხად, 2.9 მილიარდ დოლარად გაიყიდა, 1 წლის შემდეგ კი ტვიტერის წარმატების ამბავიც დასრულდა, როდესაც ის ილონ მასკმა შეიძინა და პლატფორმა X-ად გადააქცია. ბოლო პერიოდში X-ის გარშემო არაერთი სიახლეა, გასული წლის მკვეთრი დაღმასვლის შემდეგ, ბრენდის ღირებულებამ აღმავალი ტრენდი აჩვენა. X-ის მიღმა მიმდინარე დღეების განმავლობაში არანაკლებ განხილვადი თემა, კიდევ ერთ პოპულარულ სოციალურ პლატფორმა ტელეგრამს, უფრო ზუსტად კი მის ბრალდებულ დამფუძნებელს უკავშირდება, რომელსაც საფრანგეთის ხელისუფლებამ გარკვეული დროით ქვეყნის დატოვებისა და დუბაიში დაბრუნების შესაძლებლობა მისცა. #ახალიამბები #BusinessMediaGeorgia
21 მარტს ნოვრუზ ბაირამი, უძველესი დღესასწაული აღინიშნება, რომლის ფესვებიც სპარსეთის ცივილიზაციიდან მოდის. მიუხედავად იმისა, რომ ნოვრუზი თავისი წარმოშობით წინაისლამური ტრადიციაა, ის ფართოდ გავრცელდა ისლამურ საზოგადოებებში. ის სუნიტ და შიიტ მუსლიმებში ერთნაირი სიყვარულით აღინიშნება და ბევრ ქვეყანაში ოფიციალურ დღესასწაულადაა გამოცხადებული. ისლამური სამყაროსთვის ნოვრუზი უფრო კულტურული ტრადიციაა, ვიდრე რელიგიური, თუმცა შიიტურ ისლამში მას გარკვეული სულიერი დატვირთვაც აქვს. აღნიშვნას, საქართველოში მცხოვრები მუსლიმებიც უერთდებიან, რომელთა რაოდენობაც ბოლო მონაცემებით - სამასიათასს აჭარბებს. საიდან მოდის ნოვრუზ ბაირამის აღნიშვნის ტრადიცია და რა ისტორია დგას ამ დღესასწაულის უკან? #ახალიამბები #BusinessMediaGeorgia
#საქმიანიდილა - 21 მარტი - პროლოგი #ახალიამბები #BusinessMediaGeorgia
მიმდინარე უწყვეტი პროევროპული აქციების ფონზე, „ქართული ოცნება“ დემონსტრანტების წინააღმდეგ აქტიურად იყენებს სახის ამომცნობ ტექნოლოგიას. განსაკუთრებული კატეგორიის მონაცემების მასობრივი დამუშავება პროტესტის ჩახშობისა და მოქალაქეთა დაშინების სტრატეგიის ნაწილია. ამით „ქართული ოცნება“ ცდილობს მოქალაქეებს დაანახოს, რომ მათი ნებისმიერი ქმედება შენახული და დოკუმენტირებულია, რაც სამომავლოდ პასუხისმგებლობის დაკისრების წინაპირობა შეიძლება გახდეს. სოციალური სამართლიანობის ცენტრის მიერ გავრცელებული ინფორმაციით ადმინისტრაციული ჯარიმების გამოსაწერად ბიომეტრიული მონაცემების დამუშავება არღვევს მონაცემთა მინიმიზაციის, სამართლიანად და ღირსების შეულახავად დამუშავების პრინციპებს, აგრეთვე ეწინააღმდეგება საერთაშორისო სტანდარტებს და სწორედ ამიტომ ცენტრი აპირებს ამ საკითხთან მიმართებით სასამართლოში იდავოს. სტუმარი: თათა ფაჩულია - მკვლევარი, იურისტი, სოციალური სამართლიანობის ცენტრი #ახალიამბები #BusinessMediaGeorgia
რა ხდება უძრავი ქონების ბაზარზე? - ტენდენციები & მოლოდინები სტუმარი: ირაკლი ბურდილაძე - "თეთრი კვადრატის" და "ბიქეი ჰოლდინგის" მმართველი პარტნიორი; #ახალიამბები #BusinessMediaGeorgia
დეველოპერულ კომპანია "თეთრ კვადრატსა" და ერთ-ერთ წამყვან გლობალურ ბრენდ "მიცუბიშ ელექტრიკს" შორის, გუშინ საპარტნიორო ხელშეკრულება გაფორმდა. მხარეებს შორის დადებული მემორანდუმის ფარგლებში, კომპანიის ერთ-ერთი პროექტში, "თეთრი კვადრატი ჯიქიაზე", მიცუბიშის ბრენდის ლიფტები დამონტაჟდება. #ახალიამბები #BusinessMediaGeorgia
“უძრავი ქონების ბაზარზე არანაირი ტიპის კრიზისი არ არის, სამ თვიანი ვარდნის შემდეგ ბაზარი თებერვლიდან გამოცოცხლებას აჩვენებს, ფასი კი არ შემცირდება” - ასეთია სექტორის წარმომადგენლების მთავარი გზავნილები, რომელიც მათ სამშაბათს #BMGTV-ის გადაცემა „უძრავი ქონების პროსპექტში” სტუმრობისას გააკეთეს. იმის გათვალისწინებით, რომ ბოლო თვეებში ტრანზაქციები შენელდა და საბანკო სექტორის მხრიდან ახალი პროექტების დაფინანსება შეჩერდა, მოსახლეობაში გარკვეულწილად გაჩნდა მოლოდინი, რომ სექტორში გარკვეული კრიზისი იწყებოდა, რაც ფასების გაიაფებას გამოიწვევდა, სწორედ ამიტომ გაჩნდა საჭიროება სექტორულ გადაცემაში გაფართოებულ ფორმატში გვესაუბრა ინდუსტრიასთან, კვლევით ორგანიზაციებთან, ეკონომისტებთან და ყველა მხარის აქცენტები მოგვესმინა. მათი განცხადებებით კი ირკვევა, რომ თუკი გასული წლის ნოემბერი, დეკემბერი და იანვარი მნიშვნელოვან კლებას აჩვენებდა, უკვე თებერვლიდან და მით უფრო მიმდინარე თვიდან ტრანზაქციები აღდგა და აღდგა იმაზე მეტით, ვიდრე ამის მოლოდინი თავად სექტორს ჰქონდა. ეს კი იხსნება გასულ 3 თვეში დაგროვილი მოთხოვნით. იმას რომ დარგში კრიზისი არ არის,ბიზნესი რამდენიმე არგუმენტით ამყარებს, რომელთა შორის არის არსებული ბაზრის ზომა, რომელიც გასულ წელს ისტორიულ მაქსიმუმზე იყო, ეს არის ფასები, რომელიც არ მცირდება და კრიზისის დროს ვიცით რომ ფასი იწყებს კლებას და მესამე ფაქტორია მოთხოვნა, რომლის მასშტაბსაც აჩვენებს ის, რომ პროექტებში რომელიც წელს სრულდება საბინაო ფონის დიდი ნაწილი რეალიზებულია.საუბარია როგორც თბილისზე, ისე ბათუმზე. არის რიგი რყევები, შიშები და გაუარესებული მოლოდინები, რაც უკავშირდება პოლიტიკურ არასტაბილურობას თუ ევროპასთან დაშორებას, ამაზე ოდნავ დაბლა მოგიყვებით, თუმცა აქ და ახლა, მოკლევადიან პერსპექტივაში მათი მტკიცებით მოთხოვნა დიდია და ბაზარი კვლავ ზრდას აჩვენებს. #ახალიამბები #BusinessMediaGeorgia
ენერგეტიკის სექტორში მსოფლიო მასშტაბით განვითარებული მოვლენებისა და რყევების ფონზე, განახლებადი ენერგიის წყაროების მნიშვნელობა დღითიდღე იზრდება. განახლებადი ენერგიის წყაროებიდან მიღებული ენერგია, არამხოლოდ ეხმარება ქვეყნებს შეავსონ წარმოქმნილი ენერგიის დეფიციტი, არამედ კლიმატის ცვლილებების საპასუხოდ მნიშვნელოვან ინსტრუმენტს წარმოადგენს. განახლებად ენერგიებს შორის კი, მსოფლიოს მასშტაბით ყველაზე დიდი წილი მზის ენერგიაზე მოდის. როგორია ამ მხრივ გლობალურ ბაზარზე არსებული ტენდენცია, საშუალოდ რა ჯდება დღეს მზის პანელების მონტაჟი და გრძელვადიან პერსპექტივაში, რა თანხის დაზოგვას უზრუნველყოფს ენერგიის ეს წყარო? #ახალიამბები #BusinessMediaGeorgia
"იუჯითის" განახლებადი ენერგიების ბიზნესი - რას სთავაზობს ბაზარს? სტუმარი: გიორგი ბრეგაძე - "იუჯითის" განახლებადი ენერგიების ბიზნეს განვითარების ხელმძღვანელი #ახალიამბები #BusinessMediaGeorgia
"ვოლვო ქარ კავკასია" Excellence Club-ის ჯილდოს არ თმობს. Volvo Cars EMEA-ს ყოველწლიურ ბიზნესკონფერენციაზე კომპანიამ მორიგი საერთაშორისო აღიარება მოიპოვა. Excellence Club-ის ჯილდოსთვის შედეგები კომპანიის ოთხივე წარმომადგენლობის მიღწევების მიხედვით შეჯამდა. საქართველო, სომხეთი, უზბეკეთი და აზერბაიჯანი – კომპანიამ ოთხივე ქვეყანაში დაამტკიცა, რომ ოპერაციები მაქსიმალურად გამართულია და შვედურ სტანდარტებს სრულად შეესაბამება. ღონისძიება მაროკოს ისტორიაში ყველაზე მნიშვნელოვან საიმპერატორო ქალაქ მარაქეშში გაიმართა. სტუმარი: რუსუდან გრძელიძე - „ვოლვო ქარ კავკასიის“ დირექტორი #ახალიამბები #BusinessMediaGeorgia
ახლახან იმ ქვეყნების რეიტინგი გამოქვეყნდა, სადაც მიგრანტებისთვის ცხოვრება და მუშაობა ყველაზე კომფორტულია. რეიტინგი რამდენიმე კრიტერიუმს მოიცავს, მათ შორის დასაქმების, თანხის გამომუშავების, განათლების და ეკონომიკური მობილობის მაჩვენებლებს. რომელი ქვეყნები ლიდერობენ ამ რეიტინგში? #ახალიამბები #BusinessMediaGeorgia
სახლის ტექსტილის მწარმოებელი კომპანია "ზეზეწარი" ბაზარზე 4 წლის წინ გამოჩნდა და ამ პერიოდის განმავლობაში პროდუქციის ასორტიმენტი ბევრჯერ გააფართოვა. ამჟამად ზეზეწარი მომხმარებლებს საწოლის თეთრეულს, პირსახოცებს, საღამურებს, მაგიდის გადასაფარებლებს და ზოგადად, ტექსტილის ყველა იმ სახეობას სთავაზობს, რომელიც სახლისთვის საჭიროა. კომპანია სრულად ქართულია, საკუთარი დიზაინით სრულ პროდუქციას ადგილზე აწარმოებენ და მომხმარებლებს როგორც შოურუმში, ისე ონლაინ არხებშიც წარუდგენენ. სტუმარი: მარიკელა ახვლედიანი - “ზეზეწარის” დამფუძნებელი თიკო ნატმელაძე - რუბრიკა: #მხოლოლოდქართული, ავტორი&წამყვანი; #ახალიამბები #BusinessMediaGeorgia
უფლებადამცველ ამალ კლუნისა და მსახიობ ჯორჯ კლუნის სამართლიანობის ფონდმა რამდენიმე დღის წინ გამოაცხადა, რომ მათი პროგრამის TrialWatch-ის ფარგლებში აპირებენ, ქართველი ჟურნალისტის, მზია ამაღლობელის სასამართლო პროცესს მონიტორინგი გაუწიონ. როგორც ფონდის ვებგვერდზეა აღნიშნული, მზია ამაღლობელის სასამართლო პროცესის დასრულების შემდეგ TrialWatch მოამზადებს ანგარიშს, რომელიც შეაფასებს საქმეს სამართლიანი სასამართლოს საერთაშორისო და რეგიონული სტანდარტების შესაბამისად. ფონდის ვებგვერდზე ასევე მოცემულია ინფორმაცია მზია ამაღლობელის დაკავების გარემოებების და 38-დღიანი შიმშილობის შესახებ. აღნიშნულია, რომ ამაღლობელს შვიდ წლამდე თავისუფლების აღკვეთა ემუქრება და გირაოს სამი მოთხოვნა უარყოფილია მხოლოდ პროკურატურის მტკიცების საფუძველზე, დაცვის მხარის მიერ წამოყენებული გირაოს მიზეზების სათანადოდ გათვალისწინების გარეშე. აღსანიშნავია, რომ სწორედ ამალ კლუნი იყო მშვიდობის დარგში ნობელის პრემიის ლაურეატის, ჟურნალისტ მარია რესას ადვოკატი. #ახალიამბები #BusinessMediaGeorgia
გუშინ, თურქეთის პოლიციამ სტამბოლის მერი დააკავა. პოლიციამ იმამოღლუს სახლში ჩხრეკაც ჩაატარა, თუმცა რაიმეს კონფისკაცია მოხდა თუ არა, უცნობია. როგორც თურქეთის სახელმწიფო მედიაგამოცემა Anadolu Agency წერს, პროკურატურამ მერის გარდა, კიდევ დაახლოებით 100 ადამიანის დაკავების ორდერი გასცა. როგორც ცნობილია, მათ შორის არიან ბიზნესმენებიც და ჟურნალისტებიც. AP-ის ცნობით, პარალელურად, ხელისუფლებამ სტამბოლის შემოგარენში რამდენიმე გამზირის გადაკეტვის გადაწყვეტილება მიიღო, ასევე, ქალაქში ოთხი დღით აიკრძალა დემონსტრაციები, ვინაიდან შიშობენ, რომ სტამბოლის მერის დაკავებას პროტესტი მოჰყვება. რას ედავებიან სტამბოლის მერს - ექრემ იმამოღლუს და რა პოლიტიკური წარსული აქვს მას? #ახალიამბები #BusinessMediaGeorgia
NVIDIA-მ AI-ის ბაზაზე შექმნილი რობოტი წარმოადგინა #ახალიამბები #BusinessMediaGeorgia
ფინანსთა სამინისტროს დავების განხილვის საბჭოსთან დაკავშირებით ბიზნესს შენიშვნები რჩება. ბოლო პერიოდში დავების საბჭოში ბიზნესის მიერ შეტანილი საჩივრების განხილვის ვადები დაჩქარდა, თუმცა კერძო სექტორში აცხადებენ, რომ გამოწვევად რჩება საბჭოს მიერ გამოტანილი გადაწყვეტილებების აღსრულების გაჭიანურებული ვადები. ხშირად ბიზნესი შესაბამისი გადაწყვეტილებების აღსრულებას ერთი წელიც ელოდება. მაყურებელს შევახსენებ, რომ საგადასახადო დავების განხილვის საბჭო ფინანსთა სამინისტროსთან არსებული ორგანოა, რომელსაც გადასახადის გადამხდელი მიმართავს მაშინ, როდესაც შემოსავლების სამსახურმა მას დააკისრა გარკვეული საგადასახადო თუ საბაჟო გადასახადი, თუმცა სუბიექტი მას არ ეთანხმება და ამ გადაწყვეტილებას ასაჩივრებს ჯერ შემოსავლების სამსახურშივე, შემდეგ კი ფინანსთა სამინისტროსთან არსებულ ორგანოში. ფინანსთა მინისტრის მოადგილე აცხადებს, რომ საგადასახადო დავების განხილვის საბჭოს ეფექტიანობა გაიზარდა. დავების განხილვის ვადები შემცირდა, ხოლო გადაწყვეტილებების ხარისხი მნიშვნელოვნად გაუმჯობესდა. რაც შეეხება საკითხს, იგეგმება თუ არა ფინანსთა სამინისტროს დავების განხილვის საბჭოს დამოუკიდებელ სტრუქტურად ჩამოყალიბება, როგორც ამას რეფორმის ფარგლებში განსახილველი ერთ-ერთი ვარიანტი ითვალისწინებდა, გიორგი კაკაურიძე განმარტავს, რომ ეს საკითხი დღის წესრიგში აღარ დგას. რა ტიპის გამოწვევებს აწყდებიან აუდიტორული კომპანიები საგადასახადო დავების წარმოებისას? სტუმარი: დავით პაპიაშვილი - Kreston Georgia-ს მმართველი პარტნიორი; #ახალიამბები #BusinessMediaGeorgia
სადაზღვევო ინდუსტრია ნელი ტემპით, თუმცა იზრდება. სექტორის მარეგულირებელს სადაზღვევო კომპანიების 2024 წლის ფინანსური მაჩვენებლები ჯერ არ გამოუქვეყნებია, თუმცა დაზღვევის ზედამხედველობის სამსახურის წინასწარი მონაცემებით, დაზღვევის სექტორის შემოსავალი 2024 წელს 1 მილიარდ 260 მილიონ ლარამდე გაიზარდა, რაც 2023 წლის მაჩვენებელს 200 მილიონით აღემატება. სტუმარი: ლაშა ნიკოლაძე - დაზღვევის კავშირის აღმასრულებელი მდივანი #ახალიამბები #BusinessMediaGeorgia
m²-ის ინოვაციური უბანი - m³ საბურთალო, სადაც კომერციული ფართის შეძენა 15%-მდე ფასდაკლებით არის შესაძლებელი. კომპანიაში ამბობენ რომ ემ კუბში კომერციული ფართის შეძენა ურისკო გადაწყვეტილებაა, რატომ არის ურისკო და სად შეძლებთ დაინტერესებული ადამიანები ფართების შეძენას? სტუმარი: მარიტა კიკნაძე - m², გაყიდვების დეპარტამენტის ხელმძღვანელი #ახალიამბები #BusinessMediaGeorgia
24 მარტს, ჰოლიდეი ინ თბილისში 12 საათზე საერთაშორისო განათლების გამოფენა ‘ სწავლა საზღვარგარეთ ტოპ უნივერსიტეტებში, კოლეჯებში და საზაფხულო სკოლებში’ საგანმანათლებლო სააგენტო ი ელ ელ-ის ორგანიზებით იმართება. გამოფენაზე მონაწილეობა სასურველია მიიღოს ყველა დაინტერესებულმა პირმა ვინც აპირებს საზღვარგარეთ სწავლის გაგრძელებას, რადგან გამოფენაზე ამერიკული, ბრიტანული და ევროპული უნივერსიტეტების კოლეჯების და საზაფხულო სკოლების წარმომადგენლებისგან ყველა საჭირო ინფორმაციას მიიღებენ სასწავლო პროგრამებზე, მიღების პირობებზე, ნაწილობრივი დაფინანსების შესაძლებლობებზე, ყველაფერ დანარჩენზე, რაც ქვეყნის ფარგლებში გარეთ სწავლას თან ახლავს. სტუმარი: მერაბ გაბუნია - საგანმანათლებლო სააგენტო ი ელ ელ-ის დამფუძნებელი #ახალიამბები #BusinessMediaGeorgia
ზუსტად 175 წლის წინ, ერთ-ერთი უძველესი ამერიკული ბიზნესი AMerican express შეიქმნა, რომელიც 2011 წლიდან, დღემდე შემოსავლების ზრდას ადასტურებს. რიცხვებში გამოხატული წარმატების უკან დიდი ისტორიაა, რომელიც სამი ბიზნესმენის სახელს უკავშირდება. ამერიკან ექსპრესამდე მათი იდეა სატრანსპორტო კომპანიის შექმნას გულისხმობდა, რომელიც საპორტო ქალაქებიდან საქონლის გადაზიდვას უზრუნველყოფდა. #ახალიამბები #BusinessMediaGeorgia
თიბისი ბიზნესისთვის რუბრიკის ფარგლებში უნდა გაგაცნოთ, მინიმალისტურ კონცეფციაზე დაფუძნებული კაფე - სახელწოდებით დაფნა, სადაც არატრადიციულ გარემოში ქართული სამზარეულოა მოქცეული. დაფნას ამბავი 2017 წლიდან იწყება და დღემდე ძველ თბილისში, გამორჩეულ თავშეყრის ადგილად რჩება. სწორედ ამ იდეას გაჰყვნენ და მივიდნენ ბათუმამდე, სადაც სულ ახლახან გაიხსნა დაფნას კიდევ ერთი კაფე. ზღვისპირა ქალაქშიც მთავარი ამოსავალი წერტილი ისტორიული წარსულის მქონე შენობა იყო და საბოლოოდ, მემედ აბაშიძის ქუჩაზე ცნობილი ბათუმელი ექიმის, პლატონ გიგინეიშვილის სახლს მიაგნეს, როგორ და რატომ იქცა დაფნა გამორჩეულ ადგილად და რა ეტაპზე ჩაერთო თიბისი დაფნას ბიზნეს განვითარების პროცესში. სტუმარი: ნიკოლოზ მამეიშვილი - რესტორანი "დაფნა", თანადამფუძნებელი #ახალიამბები #BusinessMediaGeorgia
საქსტატმა 2024 წლის მეოთხე კვარტლის მონაცემების მიხედვით, საშუალო თვიური ნომინალური ხელფასის მონაცემები გამოაქვეყნა, რომელმაც 2 217 ლარი შეადგინა. რაც შეეხება სექტორების მიხედვით საშუალო ხელფასებს, მათ შორის პირველ ადგილს ინფორმაციისა და კომუნიკაციის სექტორი იკავებს, რომელიც IT სფეროსაც აერთიანებს. როგორ ითვლის საქსტატი საშუალო ხელფასის მონაცემებს და მათ შორის მედიანურ ხელფასს? #ახალიამბები #BusinessMediaGeorgia
დღევანდელ მსოფლიოში განსაკუთრებულ აქტუალურობას იძენს ფინანსური სისტემის მიერ გარემოსდაცვითი და სოციალური პასუხისმგებლობის საკითხების გათვალისწინება, როგორც მდგრადი განვითარების ერთ-ერთი ხელშემწყობი ფაქტორი. საქართველოს ეროვნული ბანკი მხარს უჭერს ქვეყნის მდგრად განვითარებაში ფინანსური სექტორის როლის გაძლიერებას და ამ მიზნით მწვანე, სოციალური და მდგრადი დაფინანსების ჩარჩოს ავითარებს. აღნიშნული ჩარჩო გულისხმობს ფინანსური სექტორის და კაპიტალის ბაზრის მონაწილეების მიერ სოციალური და გარემოსდაცვითი საკითხების გათვალისწინებას და მათთან დაკავშირებული რისკების მართვას, რაც მნიშვნელოვანია როგორც ფინანსური სტაბილურობისთვის, ასევე ეკონომიკის მდგრადი განვითარებისთვის. რას წარმოადგენს მდგრადი დაფინანსების გზამკვლევი? სტუმრები: ლევან გოგოლაძე - საქართველოს საბანკო ასოციაციის ESG კოორდინატორი; დავით უტიაშვილი - საქართველოს ეროვნული ბანკის ფინანსური სტაბილურობის დეპარტამენტის უფროსი #ახალიამბები #BusinessMediaGeorgia
საქართველოს ბიზნეს ასოციაცია მიმდინარე კვირასაც ესტუმრა წევრ კომპანიას, მასპინძელი ამჯერად აუდიტორული და საკონსულტაციო კომპანია "ნექსია ჯორჯია" იყო, რომელიც BAG-ის წევრ კომპანიებს შორის უკვე ხუთი წელია ერთიანდება. ბიზნეს ასოციაციის წარმომადგენლები "ნექსია ჯორჯიას" ოფისში მიმდინარე სამუშაო პროცესსა და აქტიურ პროექტებთან ერთად, იმ შედეგებსაც გაეცნენ, რომელიც ათწლეულის განმავლობაში კომპანიის ანგარიშზე დაგროვდა. #ახალიამბები #BusinessMediaGeorgia
სამთო მომპოვებელი კომპანია არემჯის ტერიტორიაზე "მოძრაობა კულტურული მემკვიდრეობისთვის" აქტივისტებმა, სამთო ინსტიტუტისა და არემჯის გარემოს დაცვის დეპარტამენტის წარმომადგენლებთან ერთად სეისმოუსაფრთხოების მონიტორინგი ჩაატარეს, რომლის ფარგლებშიც პროექტი მუშევანი 2-ის მიმდებარე ტერიტორიაზე, სოფელ მუშევანში არსებულ კულტურული მემკვიდრეობის ძეგლებთან სეისმოგრაფები დაყენდა, საწარმოს ტერიტორიაზე კი კარიერის აფეთქების სამუშაოები ჩატარდა. მონიტორინგმა აჩვენა, რომ კომპანიის მიერ განხორციელებული საქმიანობა სოფელ მუშევანში არსებულ კულტურულ ძეგლებს საფრთხეს არ უქმნის #ახალიამბები #BusinessMediaGeorgia
მას შემდეგ, რაც გააქტიურდა დისკუსია იმის შესახებ, რომ შესაძლოა, ნატო ამერიკამ დატოვოს, დავინტერესდით, არსებული მონაცემებით და გადავხედეთ რიცხვებს, რა რაოდენობის სამხედრო პერსონალი ერთიანდება ამჟამად ნატოში, როგორ დაკორექტირდება მათი რაოდენობა თუ ალიანსს შეერთებული შტატები გამოეთიშება და ასევე როგორ შეიცვლება სტატუს კვო, თუ ნატოში, ამერიკაც დარჩება და პარალელურად მასში უკრაინა გაწევრიანდება. მიღმა ამისა, რუსეთის არმიაში გაერთიანებული აქტიური სამხედრო მოსამსახურეების რაოდენობაც დავითვალეთ. #ახალიამბები #BusinessMediaGeorgia
#საქმიანიდილა - 19 მარტი - პროლოგი #ახალიამბები #BusinessMediaGeorgia
PSG და წყალი "მთის" პარტნიორები გახდნენ #ახალიამბები #BusinessMediaGeorgia
ქარიზმატული, როგორც ლეგენდარული "ინდიანა ჯონსი" და ასევე გამორჩეული და ჩემთვის ერთ-ერთი ყველაზე მეტად აზარტული და საინტერესო ტამაში "ფორტ ბოიარდი" - ამ ყველაფერს პროექტი „პეტრას განძი“ აერთიანებს და სწორედ ეს სძენს მას უნიკალურ და ექსკლუზიურ ხასიათს. პროექტის კონცეფცია კომპლექსურია და ერთდროულად მოიცავს კორპორატიული თიმბილდინგის მექანიზმისა და კულტურული მემკვიდრეობის პოპულარიზაციის მეტად ეფექტურ კომბინაციას. ამიტომაც ქართული ბაზრისთვის ეს არის პირველი პროდუქტი, რომელიც იყენებს და აცოცხლებს საქართველოს მდიდარი არქეოლოგიის პოტენციალს ტურიზმის სფეროში. სტუმრები: ინგა მალაყმაძე - კალიფსო თრეველის დირექტორი («პეტრას განძი»-ს ავტორი); თინათინ კალანდარიშვილი - “პეტრა ჯგუფის” დირექტორი; #ახალიამბები #BusinessMediaGeorgia
"ქართული ოცნების" ერთპარტიული პარლამენტი მაუწყებლის შესახებ ახალ კანონზე მსჯელობს. კანონპროექტი დარგობრივი ეკონომიკისა და ეკონომიკური პოლიტიკის კომიტეტზე განიხილეს. "ოცნების" დეპუტატის და იურიდიულ საკითხთა კომიტეტის თავმჯდომარის, არჩილ გორდულაძის თქმით, ქცევის ნორმები ონლაინ მედიებსა და მათ სოციალური ქსელის პლატფორმებზეც გავრცელდება. "ქცევის ის სტანდარტი, რაც ზოგადად მაუწყებლებისთვისაა გათვალისწინებული, ონლაინმედიებზეც უნდა გავრცელდეს, გამომდინარე იქიდან, რომ იხვეწება და ვითარდება ტექნოლოგიები და ინფორმაციის გავრცელების სხვადასხვა საშუალებებით ხდება ინფორმაციის გავრცელება" - განაცხადა არჩილ გორდულაძემ. ჯამში რაც არ უნდა კეთილ მიზნებს, საერთაშორისო სტანდარტებს, თუ მორალურ პრინციპებს ეფუძნებოდეს ესა თუ ის რეგულაცია, მთავარი ნებისმიერ შემთხვევაში ის სისტემაა, რომლის ხელშიც კონტროლის მექანიზმები ხვდება, მთავარი სამართლიანი სასამართლოს და სამართლის უზენაესობის პრინციპებია, რომელიც გარანტირებული უნდა იყოს საზოგადოებისთვის. ეს კი გარდაუვალად აუცილებელია ე.წ მორალური და ეთიკური კანონებისთვის, რომელიც საზოგადოებრივი სიკეთის მოტივებით მიიღება, რეალურად კი რეპრესიების და კონტროლის ულიმიტო რესურსებს იძლევა არაკეთილსინდისიერი სისტემისთვის. სტუმარი: მამუკა ანდღულაძე - მედია ადვოკატირების კოალიციის თავმჯდომარე; ნატა ძველიშვილი - “ინდიგო”, აღმასრულებელი დირექტორი #ახალიამბები #BusinessMediaGeorgia