„პოლონური დღეები საქართველოში“ უკვე მეხუთე წელია ტრადიციად იქცა და მას პოლონეთის ინვესტიციებისა და ვაჭრობის სააგენტო უწევს ორგანიზებას, ხოლო ღონისძიების ერთ-ერთი მხარდამჭერი საქართველოს დისტრიბუტორთა ბიზნეს ასოციაციაა. 24 ოქტომბერს კამპანიის დახურვის აღსანიშნავი განსაკუთრებული ღონისძიება გაიმართა. სტუმრებისთვის მოეწყო პოლონური პროდუქციის გამოფენა, რომელშიც მონაწილეობდნენ ოფიციალური ხელისუფლების წარმომადგენლები, დიპლომატიური კორპუსის წევრები, ასევე პოლონეთისა და საქართველოს წამყვანი ბიზნესწრეების ლიდერები. ღონისძიების მთავარი მიზანი იყო ორმხრივი ეკონომიკური თანამშრომლობის მნიშვნელობის გამოხატვა და პოლონეთში წარმოებული მრავალფეროვანი პროდუქციის უფრო ფართო საზოგადოებისთვის გაცნობა.


#ახალიამბები #BusinessMediaGeorgia