BLC - BAG-ის ახალი წევრი სტუმრები: ლევან ვეფხვაძე - საქართველოს ბიზნეს ასოციაციის აღმასრულებელი დირექტორი; ქეთი ქვარცხავა - BLC-ის მმართველი პარტნიორი #ახალიამბები #BusinessMediaGeorgia
მეორე დღეა საგამოფენო სივრცე "ექსპო ჯორჯია" ლოგისტიკის საერთაშორისო გამოფენას მასპინძლობს. ექსპოში სხვა და სხვა მიმართულებით გამოფენებით მისმა გუნდმა წლებია საქმიანი საზოგადოება გაგვანებივრა თუმცა ლოგისტიკის გამოფენა წელს პირველად არის და ამ შემთხვევაში საკონსულტაციო კომპანია Savvy-ს თანაორგანიზებითა და თიბისის მხარდაჭერით ტარდება. სტუმრები: მარიამ ქოიავა - SavvY-ის მმართველი პარტნიორი; რესან ქიქავა - "ექსპო ჯორჯია", აღმასრულებელი დირექტორი; ნათია გოლიაძე - SavvY-ის დირექტორი #ახალიამბები #BusinessMediaGeorgia
რამდენიმე დღის წინ საერთაშორისო კვლევითმა სააგენტომ SME Banking Agency-მ, მცირე და საშუალო ბიზნესის (SME) ჭრილში მდგრადი ფინანსების მიმართულებით განხორციელებული აქტივობების შეფასების შედეგად, ტერაბანკი საქართველოს მოწინავე ბანკებს შორის დაასახელა. რა სიახლეები აქვს SME ბიზნესებისთვის? სტუმარი: კონსტანტინე მაქაცარია - ტერაბანკი, მიკრო, მცირე და საშუალო ბიზნესის მართვის განყოფილების უფროსი; რევაზ მაკალათია - ტერაბანკი, ხაზინის განყოფილების უფროსი #ახალიამბები #BusinessMediaGeorgia
შარშან უმუშევრობის დონე წლიურად 2.5 პროცენტული პუნქტით 13.9%-მდე შემცირდა. საქსტატის ინფორმაციით, 2024 წელს სამუშაო ძალის მონაწილეობის დონე წინა წელთან შედარებით 1.5 პროცენტული პუნქტით გაიზარდა და 55% გახდა, ხოლო დასაქმების დონე 2.6 პროცენტული პუნქტით გაიზარდა და 47.1% შეადგინა. შემცირებული მაჩვენებლის მიუხედავად, რჩება თუ არა უმუშევრობა ქვეყანაში ერთ-ერთ მთავარ პრობლემად, ამ და სხვა გამოწვევების იდენტიფიცირების მიზნით, საქართველოს შრომის ბაზარსა და როგორია განვითარების დინამიკა? #ახალიამბები #BusinessMediaGeorgia
დეველოპერული კომპანია „მეტროპოლი“ სუბურბანული ცხოვრების სტანდარტების დაცვით ახალ ახალ პროექტებზე მუშაობას განაგრძობს და საქმიანი დილას ამ ბლოკში შინდისის პროექტზე ვისაუბრებთ, სადაც, პროექტის მიხედვით 90 ჰექტარ ტერიტორიაზე 700-მდე მიწის ნაკვეთის განთავსებაა დაგეგმილი. რატომ შინდისში და რა კონცეფციით მოეწყობა “მეტროპოლის” ეს უბანი? სტუმარი: მამუკა იმედაშვილი - „მეტროპოლის“ გენერალური დირექტორის მოადგილე #ახალიამბები #BusinessMediaGeorgia
19-20 ივნისს, თიბისის მხარდაჭერით, საგამოფენო სივრცე „ექსპო-ჯორჯია“ წელს პირველად ლოგისტიკის საერთაშორისო გამოფენას მასპინძლობს. ღონისძიება „ექსპო-ჯორჯიასა“ და საკონსულტაციო კომპანია Savvy-ს თანაორგანიზებით ტარდება და მისი მიზანი სტრატეგიულად მნიშვნელოვანი და სწრაფად მზარდი სექტორის განვითარების ხელშეწყობაა. ლოგისტიკის გამოფენამ ყველა მნიშვნელოვანი მიმართულება გააერთიანა, მათ შორის საზღვაო, სახმელეთო, საჰაერო და სარკინიგზო ლოგისტიკა, ასევე საწყობების ინფრასტრუქტურა, ციფრულ ტრანსფორმაცია და ფინანსური მექანიზმები. ღონისძიებამ დარგისთვის მნიშვნელოვანი ძირითადი საკითხები მოიცვა და ჩართულ მხარეებთან ერთად შექმნა პლატფორმა დისკუსიებისთვის არსებულ გამოწვევებსა და შესაძლებლობებზე სასაუბროდ. ლოგისტიკის გამოფენა სხვადასხვა ფორმატში ტარდება და აერთიანებს როგორც პრეზენტაციებს, ასევე პანელურ დისკუსიებს საერთაშორისო და ადგილობრივი ფინანსური ორგანიზაციებისა და კომპანიების ჩართულობით. თიბისი კაპიტალის კვლევის მიხედვით, ბოლო წლებში ტრანსპორტირებისა და დასაწყობების სექტორი მკაფიო ზრდას აჩვენებს, მხოლოდ გასულ წელს 14%-იანი მატება დაფიქსირდა, მთლიანმა გამოშვებამ კი 9.7 მილიარდი ლარი შეადგინა. ლოგისტიკა, როგორც ეკონომიკის განვითარებისთვის მნიშვნელოვანი სექტორი, თიბისისთვის ერთ-ერთი პრიორიტეტული მიმართულებაა, რომლის დაფინანსებაც წლიდან წლამდე იზრდება. #ახალიამბები #BusinessMediaGeorgia
გაეროს მონაცემებზე დაყრდნობით, Visual Capitalist-მა წარმოადგინა მსოფლიოს ის 20 ქვეყანა, სადაც მიგრანტები მოსახლეობის ყველაზე დიდ წილს შეადგენენ. 2024 წლისთვის საერთაშორისო მიგრანტთა რაოდენობამ მთელ მსოფლიოში 304 მილიონს გადააჭარბა, რაც ორჯერ მეტია, ვიდრე 1990 წელს. მიგრანტების ყველაზე დიდი რაოდენობით პირველ ადგილს კატარი იკავებს. ქვეყანაში მისი მოსახლეობის თითქმის ოთხი მეხუთედი მიგრანტია. რეიტინგში საქართველოს და მეზობელი ქვეყნების მონაცემებიც დათვლილია, მაჩვენებლები 2024 წელს ეყრდნობა. რომელ ქვეყნებში ცხოვრობს ადგილობრივ მოსახლეობასთან შეფარდებით ყველაზე მეტი მიგრანტი და სად არის რეიტინგში საქართველო? #ახალიამბები #BusinessMediaGeorgia
რას გვიყვება დრო... ფრედერიკ ჰოპკინზის ისტორია - კაცი, რომელმაც ვიტამინები გამოიგონა #ახალიამბები #BusinessMediaGeorgia
მას შემდეგ, რაც მსოფლიოში ერთ-ერთი ყველაზე გავლენიანი ტექნოლოგიური კომპანია - NVIDIA - სომხეთში შევიდა, ყურადღების ცენტრში კვლავ ამ ქვეყნის ტექნოლოგიური პოტენციალი მოექცა. მაგრამ სანამ გლობალური გიგანტები რეგიონს აფასებდნენ, ადგილობრივი ინიციატივა უკვე წლებია მომავლის თაობას ზრდის. საუბარია, ტექნოლოგიური განათლების ცენტრ “თუმო”-ზე, რომელიც ამერიკაში მცხოვრებმა ეთნიკურმა სომხებმა, სემ და სილვია სიმონიანებმა 2011 წელს დააფუძნეს. 13 წლის განმავლობაში “თუმომ” სრულყოფილი ტექნოლოგიური ცოდნა, თანაც სრულიად უფასოდ, 60,000-ზე მეტ ახალგაზრდას მისცა. სწორედ ამ ცენტრმა შექმნა ტექ ტალანტების მთელი თაობები და ისეთი გამართული, ინოვაციური ეკოსისტემა, რის საფუძველზეც პლანეტის უმდიდრესი კომპანია მომავლის პროექტს განავითარებს. მოკლედ, რა არის “თუმო” და რა შესაძლებლობა მისცა ცენტრმა მარტო სომხეთს კი არა, მთელ ჩვენს რეგიონს? #ახალიამბები #BusinessMediaGeorgia
#საქმიანიდილა - 20 ივნისი - პროლოგი #ახალიამბები #BusinessMediaGeorgia
მსოფლიოში, ეკონომიკური სტაგნაციიდან დაწყებული, ეკონომიკური კოლაფსებით დამთავრებული არაერთი სირთულეა, ეს ყველაფერი კი ქვეყნების ეკონომიკებზე აისახება. საერთაშორისო სავალუტო ფონდის უახლესი პროგნოზები იმ ქვეყნების რეიტინგს ადგენს, სადაც კრიზისი ეკონომიკებზე სწრაფადვე აისახა. სიაში ხვდებიან, როგორც განვითარებადი სახელმწიფოები, ასევე რამდენიმე მოწინავე ეკონომიკის ქვეყანა. რომელ ქვეყნებში სუსტდება ეკონომიკა ყველაზე მეტად? #ახალიამბები #BusinessMediaGeorgia
ირან-ისრაელის კონფლიქტმა ჰორმუზის სრუტეში უსაფრთხოება შეარყია და გლობალურ ენერგო მიწოდებას საფრთხე შეუქმნა. მოლოდინი, რომ ერთ-ერთი მთავარი სტრატეგიული მარშრუტი შესაძლოა პარალიზდეს, გლობალურ ბაზრებს სერიოზული რყევის წინაშე აყენებს. ამ ფონზე, საერთაშორისო გადაზიდვების ლოგიკა იცვლება და ჰორმუზის გვერდის ავლით ალტერნატიული მარშრუტების ძიება აქტიურდება. არსებული სიტუაცია ასევე აძლიერებს ჩრდილოეთის გზის სტრატეგიულ მნიშვნელობას, რამაც შესაძლოა საკმაოდ კარგი მოცემულობა შექმნას რუსეთისთვის და ქვეყანამ დიდი სარგებელიც მიიღოს. #ახალიამბები #BusinessMediaGeorgia
ქართული გემო მსოფლიო რუკაზე!- პოლონეთში მდებარე ქართულმა რესტორანმა „რუსიკომ“ მიშლენის რეკომენდაცია მიიღო. ეს ნიშნავს, რომ ქართულმა სამზარეულომ ერთ-ერთი ყველაზე გავლენიანი კულინარიული გიდის მხრიდან საერთაშორისო აღიარება ხარისხისა და გემოვნების ნაწილში მოიპოვა. ქართული რესტორანი მთელი პოლონეთის მასშტაბით არსებულ ასობით თუ ათასობით რესტორანს შორის, 108 საუკეთესოთა შორის მოხვდა. მიშლენის წითელ კატალოგში მოხვედრა კი არა მხოლოდ რესტორნის, არამედ ქართულ კულინარიის დიდი გამარჯვებაა. სტუმარი: დავით თურქესტანიშვილი - რესტორატორი; რესტორანი "რუსიკოს“ მფლობელი #ახალიამბები #BusinessMediaGeorgia
გუშინ თბილისის მერი კახა კალაძე საზოგადოებას ურბანული და სატრანსპორტო პოლიტიკის მიმართულებით 2017 წლიდან დღემდე მუნიციპალიტეტის მერიის მიერ განხორციელებულ პროექტები წარუდგინა. რა მიღწევებზე საუბრობს თბილისის მერია სატრანსპორტო მიმართულებით? სტუმარი: გიორგი ბაბუნაშვილი - "ურბანული ლაბორატორიის" ხელმძღვანელი; #ახალიამბები #BusinessMediaGeorgia
ისრაელსა და ირანს შორის 13 ივნისიდან დაწყებული დაძაბულობა ბოლო დღეებში კრიტიკულ ნიშნულს უახლოვდება. ირანის სულიერი ლიდერი აიათოლა ალი ხამენეი ტრამპის საპასუხოდ აცხადებს, რომ ირანი არ დანებდება და ამერიკის მხრიდან ნებისმიერი სამხედრო ჩარევა "გამოუსწორებელ ზიანს" გამოიწვევს. შეგახსენებთ, რომ აშშ-ის პრეზიდენტმა დონალდ ტრამპმა ირანს სოციალურ ქსელში უპირობო დანებებისკენ მოუწოდა. ზუსტად ვიცით, სად იმალება ე.წ. “უზენაესი ლიდერი” . ის მარტივი სამიზნეა, მაგრამ უსაფრთხოდაა იქ - მის მოშორებას (მოკვლას!) არ ვაპირებთ, როგორც მინიმუმ ამ მომენტისთვის, მაგრამ არ გვინდა სამოქალაქო პირებისკენ ან ამერიკელი ჯარისკაცებისკენ გასროლილი რაკეტები. ჩვენი მოთმინება იწურება”, - დაწერა ტრამპმა. ბირთვული პროგრამა, სამხედრო შეტაკებები და რეგიონული ალიანსები — რა ხდება და ახლო აღმოსავლეთში და რა გავლენას ახდენს პროცესები ჩვენს ეკონომიკასა და უსაფრთხოებაზე, როგორ მოქმედებს ეს კონფლიქტი ეკონომიკაზე, უსაფრთხოებაზე და იმაზე, თუ სად შეიძლება საქართველო აღმოჩნდეს? სტუმარი: იციკ მოშე - საქართველო-ისრაელის ბიზნესპალატის პრეზიდენტი; #ახალიამბები #BusinessMediaGeorgia
გუშინ საღამოს თბილისში, აღმაშენებლის ხეივნის 129 ნომერში, ოფიციალურად გაიხსნა Automobili Lamborghini-ს პირველი შოურუმი საქართველოში. ლეგენდარულ იტალიურ ბრენდს საქართველოში ექსკლუზიურად „თეგეტა ჰოლდინგი“ წარმოადგენს. ბრენდის კონცეპტუალური შოურუმი Lamborghini-ს გაბედულ, ავთენტურ და იტალიური ხიბლით სავსე იდენტობას სრულად ასახავს. საქართველოში ლამბორგინის პირველი შოურუმის გახსნის ღონისძიებაზე სპეციალური სტუმარი შტეფან ვინკელმანი იყო, Automobili Lamborghini-ს პრეზიდენტი და აღმასრულებელი დირექტორი, რომელმაც მედიის წარმომადგენლებისთვის პრესკონფერენცია გამართა და ბრენდის ისტორიის, განვითარებისა და მათ შორის პორტფელში ქართული ბაზრის დამატების შესახებ ყველა კითხვას ამომწურავად უპასუხა. ამის შემდეგ ახალგახსნილ შოურუმში Lamborghini Temerario-ს დებიუტი შედგა - ეს არის სუპერსპორტული ავტომობილი, რომელიც სრულყოფს ბრენდის ჰიბრიდული მოდელების ხაზს. როგორც ლამბორგინის წარმომადგენლები განმარტავენ, ამ მოდელის გამორჩეული მახასიათებელია 920-ცხენისძალიანი, ორ ტურბოზე მომუშავე V8 ჰიბრიდული ძრავის სისტემა, რომელიც უზრუნველყოფს გამორჩეულ სიმძლავრესა და კომფორტს შეუდარებელი მართვის გამოცდილებისთვის. #ახალიამბები #BusinessMediaGeorgia
"თეგეტა ჰოლდინგი" მომხმარებელზე ზრუნვის ახალ ეტაპზე გადადის და სტრატეგიულ კორპორაციულ მომხმარებლებს Prime მომსახურებას სთავაზობს. ვისზეა გათვლილი ეს პროდუქტი, რას წარმოადგენს და რა უპირატესობებს მიანიჭებს მის მომხმარებელს? სტუმარი: ნათია ნასრაშვილი - „თეგეტა მოტორსის“ მთავარი საოპერაციო ოფიცრის მოადგილე #ახალიამბები #BusinessMediaGeorgia
ტექნოლოგიების განვითარებასთან ერთად, იხვეწება კომპიუტერული თამაშების გრაფიკები. მილენიალებისა და ჯენ-ზის პირველ თაობას კარგად ემახსოვრება ლეგენდარული თამაში Counter Strike, რომელიც პირველი მნიშვნელოვანი სასროლო თამაში იყო ისტორიაში. უკვე 26 წელი გავიდა აღნიშნული თამაშის პირველი ნაწილის გამოსვლიდან. #ახალიამბები #BusinessMediaGeorgia
"პიელ ნატურალსი" ქართულ ბაზარზე რვა წლის წინ გამოჩნდა და თამამად შეიძლება ითქვას, რომ ამ ინდუსტრიაში სრულიად განსხვავებული და ახალი სიტყვა თქვა. ყველაფერი ერთი პროდუქტით დაიწყო, თუმცა ბრენდი გაიზარდა, განვითარდა და დღეს საქართველოს მასშტაბით, თბილისში, ქუთაისში, რუსთავსა და ბათუმში 10 ფილიალითაა წარმოდგენილი. მეტიც, ახლახან ბრენდი საერთაშორისო ბაზარზეც გაფართოვდა და მე-11 შოურუმი ქუვეითში გახსნა. რაც ყველაზე მნიშვნელოვანია, საკუთარ განვითარებასა და წარმატებასთან ერთად, პიელ ნატურალსი საქართველოში თავის მოვლისა და კოსმეტიკის ინდუსტრიის განვითარებაზე მუშაობს, თავის ცოდნას სხვა, დამწყებ მეწარმეებსაც უზიარებს და მუდმივად ახალი პროდუქტების დამატებაზე მუშაობს. წინ დიდი, ამბიციური გეგმები აქვთ, რაც როგორც ადგილობრივ ბაზარზე განვითარებას, ისე საერთაშორისო ასპარეზზე კიდევ უფრო გაფართოებას მოიაზრებს. როგორ შეიქმნა და გაიზარდა "პიელ ნატურალსი"? სტუმარი: თათუკა ლომაძე - "პიელ ნატურალსის" დამფუძნებელი თიკო ნატმელაძე - #მხოლოდქართული, ავტორი; #ახალიამბები #BusinessMediaGeorgia
მედიკამენტები, რომლებსაც კვლევებით კიბოს დამარცხება შეუძლიათ #ახალიამბები #BusinessMediaGeorgia
ცენტრალური ტელეგრაფის შენობის რეკონსტრუქცია დასრულდა; ცენტრალური ტელეგრაფის შენობის რეკონსტრუქცია ინვესტორი -“სილქ როუდ ჯგუფი”; Lamborghini-ს ცენტრი ოფიციალურად გაიხსნა პარტნიორი საქართველოში Tegeta Holding-ია; #ახალიამბები #BusinessMediaGeorgia
„BeWise“-სა და საქართველოს დისტრიბუტორთა ასოციაციას შორის ურთიერთ თანამშრომლობის მემორანდუმი გაფორმდა, რომლის მიზანი მხარეთა საერთო ინტერესების სფეროში შემავალ აქტუალურ საკითხებზე თანამშრომლობაა. ასეთი საერთო ინტერესის საგანი შეიძლება იყოს, როგორც ერთობლივი ღონისძიებების, ისე პროექტებისა და კვლევების მიმართულებით თანამშრომლობა. ასევე ეს შესაძლებლობა იქნება ასოციაციის წევრებისთვის BeWise-ის მხრიდან საკონსულტაციო, საგანმანათლებლო და ბიზნესის გაციფრულების მიმართულებით სერვისებით ისარგებლონ. უფრო კონკრეტულად, რა ტიპის შეთანხმება არსებობს მხარეებს შორის და რა ტიპის სერვისებზე უჩნდებათ წვდომა საქართველოს დისტრიბუტორთა ასოციაციის წევრ კომპანიებს? სტუმრები: ლაშა რიჟამაძე - საქართველოს დისტრიბუტორთა ბიზნეს ასოციაცია-ის პრეზიდენტი; ია ნადირაშვილი - Bewise-ს დირექტორი; მარიკა კლდიაშვილი - BeWise-ს დირექტორი #ახალიამბები #BusinessMediaGeorgia
მელიორაციის სექტორს სემეკი 2023 წლიდან არეგულირებს, რა დროსაც დამტკიცდა საირიგაციო წყლის მიწოდების წესები, გასულ წელს კი მელიორაციის კომპანიის მიერ პირველად გამოქვეყნდა წყლის მიწოდების რეჟიმები. დამტკიცებულია „საქართველოს მელიორაციის“ აღრიცხვის სისტემის გამრიცხველიანების გეგმა, რომლის ფარგლებში აღირიცხება როგორც არაპირდაპირი, ისე პირდაპირი მომხმარებლების მიერ მოხმარებული წყლის რესურსი, რომელიც შემდგომ საფუძვლად დაედება მელიორაციის სექტორში ახალ სატარიფო გაანგარიშებას. დღეს მოქმედი ტარიფები ირიგაციაში მხოლოდ ფერმერებისთვისაა განსაზღვრული. მიუხედავად იმისა თუ რამდენს მოიხმარს ცალკეული ფერმერი, ის ფიქსირებულად 75 ლარს იხდის. რეგულირების ახალი ჩარჩოს ამოქმედების შემდეგ, წესები მელიორაციის ყველა სექტორზე გავრცელდება. მიწოდებისა და მოხმარების მიღებული წესი ითვალისწინებს იმას, რომ სანამ კომისია დაამტკიცებს მეთოდოლოგიის საფუძველზე ახალ ტარიფებს, მანამდე თავად მელიორაცია განსაზღვრავს მომსახურების საფასურს. რა შეიცვალა ფერმერებისთვის სემეკის მიერ მელიორაციის სექტორის რეგულირების დაწყებიდან დღემდე, როგორია მიმდინარე წლისთვის საირიგაციო წყლის მიწოდების რეჟიმები და როდის დაადგენს სემეკი ამ სექტორისთვის ტარიფებს? სტუმარი: ვანო მეჭურჭლიშვილი - სემეკის რეგულირების განვითარებისა და მეთოდოლოგიური უზრუნველყოფის დეპარტამენტის დირექტორი; #ახალიამბები #BusinessMediaGeorgia
კანონი ენერგოეფექტურობის შესახებ საქართველოს პარლამენტმა 2020 წელს დაამტკიცა, ენერგოეფექტურობის მინიმალური სტანდარტების დაცვა კი 2023 წლიდან გახდა სავალდებულო. კერძოდ, ენერგოეფექტურობის მინიმალური სტანდარტების დაკმაყოფილების გარეშე ადმინისტრაციული ორგანოს მხრიდან სამშენებლო ნებართვები აღარ გაიცემა. აღნიშნული ეხება ყველა ახალ შენობას, განურჩევლად საკუთრების ფორმისა. თუ კერძო ან საჯარო დანიშნულების შენობა 50 კვადრატულ მეტრზე მეტია, მან ენერგოეფექტიანობის მინიმალური მოთხოვნები უნდა დააკმაყოფილოს. რეფორმის შემდეგ ეტაპზე შენობებს ენერგო კლასი მიენიჭება, რომელიც განსაზღვრავს, ენერგოეფექტურობის რა სტანდარტს შეესაბამება შენობა. სტატუსი შენობებს შესაბამისი კვალიფიკაციის მქონე პირმა უნდა მიანიჭოს. შესაბამისად, გათვალისწინებულია ახალი პროფესიის შემოღება, რომლის მიერ შენობის ენერგოინსპექტირების სერტიფიკატის გაცემის გარეშე შენობები ექსპლუატაციაში არ მიიღება. რეფორმის შემდეგ ეტაპზე კიდევ სხვა არაერთი რეგულაციის ამოქმედებაა გეგმაში, რამაც ქვეყანაში ენერგოეფექტურობის სტანდარტების დამკვიდრებას უნდა შეუწყოს ხელი. ამ მიმართულებით, რეფორმის გატარებაში საქართველოს ევროკავშირი ეხმარებოდა. აღნიშნული დონორული დაფინანსება ტექნიკური მხარდაჭერის პროგრამის სახით საქართველოს მთავრობისთვის 8 მილიონი ევროს დაფინანსებას ითვალისწინებდა. რა გაკეთდა ევროკავშირის დახმარებით, რა პროგრესი აქვს რეფორმას, სად გვაქვს ჩამორჩენა და რა ახალ რეგულაციებს ითვალისწინებს ენერგოეფექტურობის კანონი მომავალში? სტუმარი: ვახტანგ ბეგაშვილი - ენერგეტიკის მიმართულებით საკონსულტაციო კომპანია MEC-ის ხელმძღვანელი #ახალიამბები #BusinessMediaGeorgia
საგამოფენო სივრცე, ექსპო ჯორჯია, წელს პირველად ლოგისტიკის საერთაშორისო გამოფენას მასპინძლობს. 19 და 20 ივნისს, ექსპო ჯორჯიაში იხილავთ როგორც პრეზენტაციებს, ასევე პანელურ დისკუსიებს საერთაშორისო და ადგილობრივი ფინანსური ორგანიზაციებისა და კომპანიების ჩართულობით. იქამდე სანამ პირველად ლოგისტიკის საერთაშორისო გამოფენა სტუმრებს კარს ოფიციალურად გაუღებს, სამზადისი აქტიურად მიმდინარეობს მარიამ ცაიშვილი - "ექსპო ჯორჯიას" პროდუქტების განვითარების დეპარტამენტის უფროსი #ახალიამბები #BusinessMediaGeorgia
თიბისის მხარდაჭერით, ლურჯი მოცვის მწარმოებლებისთვის საერთაშორისო სემინარი გაიმართა თიბისისა და „საქართველოს ლურჯი მოცვის მწარმოებელთა ასოციაციის” პარტნიორობით, ბათუმში საერთაშორისო მასშტაბის სემინარი ჩატარდა, რომელიც ლურჯი მოცვის წარმოებასა და მოსავლის აღების შემდგომ პროცესების სრულყოფილ მართვას ეხებოდა. ღონისძიებაზე ასოციაციის წევრ კომპანიებს პრაქტიკული და თეორიული გამოცდილება გაუზიარეს მოწვეულმა სპიკერებმა ჩილედან, რომელიც ერთ-ერთი ლიდერი ქვეყანაა მსოფლიოში მოცვის წარმოებასა და მოსავლის აღების შემდგომ მენეჯმენტში. როგორია მოცვის სექტორის განვითარების დინამიკა და რატომ მიიჩნევა მოცვის კულტურა სტრატეგიულად მნიშვნელოვან მიმართულებად? სტუმრები: დავით გაბედავა - თიბისი, სოფლის მეურნეობის სექტორი, მსხვილი და საშუალო კორპორატიული კლიენტების მომსახურების დეპარტამენტის ვიცე პრეზიდენტი; შოთა ცუკოშვილი - საქართველოს ლურჯი მოცვის მწარმოებელთა ასოციაციის აღმასრულებელი დირექტორი #ახალიამბები #BusinessMediaGeorgia
1583 წლის 18 ივნისს, მსოფლიოში სიცოცხლის დაზღვევის პირველი შემთხვევა ლონდონში დაფიქსირდა. ეს იყო სატესტო მცდელობა - თუ როგორ იმუშავებდა სიცოცხლის დაზღვევის მექანიზმი. ერთი ინგლისელი ადამიანის მხრიდან მეორე ადამიანის სიცოცხლის 383 ფუნტ სტერლინგით დაზღვევამ კი მსოფლიოს სადაზღვევო ინდუსტრიას ფუნდამენტი ჩაუყარა. სწორედ ამ დღის შემდეგ დაიწყო განვითარება ამ მიმართულებამ და დღემდეც მოვიდა - ამჟამად მსოფლიოს სადაზღვევო ინდუსტრიის ზომა რამდენიმე ტრილიონი დოლარია. რას გვიყვება დრო და როგორ შეიქმნა სიცოცხლის დაზღვევა? #ახალიამბები #BusinessMediaGeorgia
საერთაშორისო საფინანსო კორპორაციის, საქართველოს ფინტექ ასოციაციის თანაორგანიზებით და შვეიცარიის ეკონომიკური ურთიერთობების სახელმწიფო სამდივნოს მხარდაჭერით, თბილისში გაიმართა ღია ბანკინგის თემატური ვორქშოპი. ღონისძიება მიზნად ისახავდა ღია ბანკინგის რეგულაციებისა და ტექნიკური ინტეგრაციის პრაქტიკულ ასპექტებზე მსჯელობას. ვორქშოპში მონაწილეობდნენ საქართველოს საბანკო ასოციაცია, კომერციული და ციფრული ბანკები, ფინტექები, მიკროსაფინანსო ორგანიზაციები, ტელეკომებისა და ტექნოლოგიური სექტორის წარმომადგენლები. საქართველოს საბანკო ასოციაციის გუნდმა წარადგინა პრეზენტაციები. სტუმარი: მიხეილ კაპანაძე - საქართველოს საბანკო ასოციაცია, ღია ბანკინგის პროექტის დირექტორი; #ახალიამბები #BusinessMediaGeorgia
თბილისის ზღვაზე უნიკალურ ეკოსისტემაში ვითარდება ახალი საცხოვრებელი კომპლექსი „თბილისის ბულვარი“ რომლის განაშენიანება 30 ჰექტარზე იგეგმება და ერთ სივრცეში გააერთიანებს, როგორც საცხოვრებელ, ისე საინვესტიციო, სავაჭრო, საოფისე, გასართობ და სასტუმრო ინფრასტრუქტურას. „თბილისის ბულვარი“ არის კურორტი ქალაქში, რომელიც ზღვაზე ცხოვრების ფენომენს, ხანმოკლე დასვენების გამოცდილებიდან ყოველდღიურ კომფორტად გარდაქმნის და ცვლის ურბანული ცხოვრების სტილს. "ჯინო ჰოლდინგის" ერთ-ერთი ყველაზე მასშტაბური პროექტის მშენებლობა აქტიურ ფაზაშია და გადავწყვიტეთ მოგიყვეთ მნიშვნელოვანი ამბები, რომელიც პროექტს უკავშირდება. ინტერვიუ: გვანცა გვარამაძე - "ჯინო ჰოლდინგის" აღმასრულებელი დირექტორი #ახალიამბები #BusinessMediaGeorgia
რობოტიკა აეროპორტებისა და ლოგისტიკური ცენტრების დასუფთავებისთვის, სატრანსპორტო საშუალებების რეცხვისა და დასუფთავების ტექნიკა, - ეს იმ ინოვაციური ტექნიკის მცირე ჩამონათვალია, რასაც „კერხერ საქართველო“ ჩვენს ბაზარს სთავაზობს. კიდევ რა სიახლეები აქვს კომპანიას თავის პორტფელში? სტუმარი: გიგა გაბუნია - "კერხერ საქართველო", გაყიდვების დირექტორი #ახალიამბები #BusinessMediaGeorgia
Gallup-ის ბოლო კვლევით, გლობალურად, მიგრაციაზე ზრდასრულთა 16% ფიქრობს, რაც დაახლოებით 900 მილიონი ადამიანია. აღნიშნული მონაცემებით, ემიგრაციის ყველაზე მაღალი სურვილი სუბსაჰარულ აფრიკაში დაფიქსირდა, ყველაზე დაბალი კი აღმოსავლეთ აზიაში. მიგრაციის დიდი ტალღები ხშირად ფიქსირდება ისეთ ქვეყნებში, სადაც სამოქალაქო დაპირისპირება ან ომი იწყება. #ახალიამბები #BusinessMediaGeorgia
დღევანდელი დღე განსაკუთრებით მელომანებისთვის იქნება გამორჩეული, რადგან დღევანდელ დღეს 1942 წელს უდიდესი მუსიკოსი პოლ მაკარტნი დაიბადა. შეიძლება ითქვას, რომ ლივერპულელი შემოქმედი ერთ-ერთი გარდამტეხი არტისტია ზოგადად მუსიკისთვის ვინაიდან მან შეცვალა ჟღერადობა და ყველასთვის ცნობილმა “ბიტლომანიამ” მსოფლიო მოიცვა. ბითლზური კარიერის მიღმა ის ზე წარმატებული სოლო კარიერითაც გამოირჩევა, საიდანაც ცხოვრების მანძილზე უდიდესი ქონების დაგროვებაც შეძლო. #ახალიამბები #BusinessMediaGeorgia
როგორ ჩამოყალიბდა ისლანდია იმ ქვეყნად, როგორიც არის? ისლანდიის ეკონომიკა არ არის დიდი, მაგრამ მინდა სხვა დეტალები იცოდეთ: ისლანდიის ფართობი 103 ათასი კვადრატული კილომეტრია, თუმცა ქვეყანაში მხოლოდ 363 ათასი ადამიანი ცხოვრობს. მსოფლიოში ერთ-ერთი ყველაზე ნაკლები სიმჭიდროვის დასახლება აქვს. ეს არც არის გასაკვირი, რადგან ბუნებრივი პირობები საკმაოდ რთულია, ყინვა -35 გრადუსსაც კი აღწევს. ამასთან, ჩვეულებრივი მოვლენაა ძლიერი ქარი. ისლანდიის დედაქალაქი რეიკიავიკი ყველაზე ჩრდილოეთით მდებარე დედაქალაქია. ასეთ გეოგრაფიულ არეალში მდებარე კუნძულმა მოახერხა და დღეს მსოფლიოს უმდიდრესი ქვეყანაა. #ახალიამბები #BusinessMediaGeorgia
ისლანდიის ყოფილი პრეზიდენტი ტურისტული გიდი გახდა #ახალიამბები #BusinessMediaGeorgia
ისრაელის “რკინის გუმბათი” - როგორ მუშაობს თავდაცვის სისტემა დღეს? #ახალიამბები #BusinessMediaGeorgia
#საქმიანიდილა - გიორგი ისაკაძის საავტორო პროლოგი #ახალიამბები #BusinessMediaGeorgia
საქართველოში მთავრობის მხრიდან კონტროლის მექანიზმები კიდევ უფრო მკაცრდება — „ქართულმა ოცნებამ“ გრანტების შესახებ კანონში ცვლილებები შეიტანა, რომელიც მნიშვნელოვნად ზღუდავს სამოქალაქო სექტორის და მედიის თავისუფლებას. ახლა უკვე გრანტად შეიძლება ჩაითვალოს არა მხოლოდ ფინანსური დახმარება, არამედ ნებისმიერი მხარდაჭერა — კონსულტაციიდან ტრენინგამდე — და ყველაფერი მთავრობის წინასწარ თანხმობას მოითხოვს. კანონი ზუსტ კრიტერიუმებს არ განსაზღვრავს, რაც ხელისუფლებას ინტერპრეტაციის ფართო შესაძლებლობას აძლევს. ორგანიზაციებს კი არ აქვთ რწმუნება, როდის და რატომ შეიძლება შეუჩერდეთ პროექტი. საუბარია არა ტექნიკურ რეგულაციებზე, არამედ სერიოზულ იერიშზე თავისუფალ სექტორზე — მაშინ, როცა არ არსებობს მტკიცებულება, თითქოს უცხოური მხარდაჭერა საფრთხეს უქმნის ქვეყნის სუვერენიტეტს. ეს ყველაფერი კონსტიტუციურ უფლებებს ეწინააღმდეგება და აშკარა სიგნალს უგზავნის საზოგადოებას — კრიტიკული აზრი დაუშვებელია. რას ნიშნავს ეს ცვლილებები არასამთავრობო ორგანიზაციებისთვის პრაქტიკულად, როგორ ზღუდავს ის უცხოური მხარდაჭერის მიღებას და რა საფრთხეებს ქმნის ქვეყნის დემოკრატიული განვითარების გზაზე? სტუმარი: სალომე შუბლაძე - სოციალური სამართლიანობის ცენტრი, იურისტი #ახალიამბები #BusinessMediaGeorgia
მცირე და საშუალო ბიზნესისთვის ფინანსური მენეჯმენტი არ არის მხოლოდ ცხრილებისა და ბუღალტერიის საქმე — ეს არის გადარჩენის, ზრდის და წარმატების საფუძველი. ფინანსური სტრატეგიის გარეშე კომპანიები ხშირად აღმოჩნდებიან არასწორი ინვესტიციების, გაუთვალისწინებელი ხარჯებისა და ლიკვიდურობის პრობლემების წინაშე. რატომ არის აუცილებელი, რომ მცირე და საშუალო კომპანიებმა სწორად განსაზღვრონ თავიანთი საინვესტიციო შესაძლებლობები, ეფექტურად მართონ სამუშაო კაპიტალი და დაფინანსებასთან დაკავშირებით რისკები სწორად შეაფასონ? დღეს ვსაუბრობთ ფინანსური მენეჯმენტის სწორ პრაქტიკებზე, ბაზრის ტენდენციებზე და იმ გადაწყვეტილებებზე, რომლებიც მცირე და საშუალო ბიზნესებს მდგრადობისკენ და წარმატებისკენ მიიყვანს. აღსანიშნია ასევე, რომ ამ გამოწვევების ფონზე, აუთსორსინგ სერვისები და ფინანსური საკონსულტაციო კომპანიები სულ უფრო ხშირად იქცევიან სანდო პარტნიორებად, რომლებიც ბიზნესებს არა მხოლოდ პრობლემების გადაწყვეტაში, არამედ განვითარების სტრატეგიის სწორად დაგეგმვაშიც ეხმარებიან. სტუმარი: ირაკლი დოღონაძე - ფინანსური საკონსულტაციო კომპანია "ლევერიჯ კონსალტინგი"-ს მმართველი პარტნიორი #ახალიამბები #BusinessMediaGeorgia
წარმატებული ქართული ბიზნესის ასოციაცია (SGBA) აგრძელებს მუშაობას თემებზე, რომლებიც ქართული ბიზნესის განვითარებისთვის მნიშვნელოვანია — ინიციატივების გაჟღერებას, კავშირების გაძლიერებასა და პროფესიული ეკოსისტემის გაერთიანებას. დღევანდელი დისკუსიის ფარგლებში ვსაუბრობთ რამდენიმე მნიშვნელოვან მიმართულებაზე: ასოციაცია წარმოგიდგენთ ახალი ბიზნეს დაჯილდოების ცერემონიას, რომლის მიზანიც გამორჩეული ქართული კომპანიების და ლიდერების აღიარებაა. ასევე განვიხილავთ ორ სტრატეგიულ სამიტს, რომლებიც გაიმართება როგორც საქართველოში, ისე დუბაიში. მესამე, და არანაკლებ მნიშვნელოვანია — საუბარი თანამედროვე ორგანიზაციებში დასაქმებულ ადამიანებზე. რამდენად აუცილებელია ერთიანი საკომუნიკაციო სივრცის შექმნა კომპანიების შიგნით? როგორ შეიძლება დიალოგისა და ჩართულობის ახალი არხების გაძლიერება? სტუმრები: მაია ტატულაშვილი - წარმატებული ქართული ბიზნესის ასოციაცია (SGBA), დამფუძნებელი პრეზიდენტი ნათია ნადირაშვილი - წარმატებული ქართული ბიზნესის ასოციაცია (SGBA),საზოგადოებასთან ურთიერთობის სამსახურის ხელმძღვანელი. #ახალიამბები #BusinessMediaGeorgia
19-დან 20 ივნისის ჩათვლით, თიბისის მხარდაჭერით, საგამოფენო სივრცე "ექსპო ჯორჯია" წელს პირველად ლოგისტიკის საერთაშორისო გამოფენას უმასპინძლებს. ღონისძიება "ექსპო ჯორჯიასა" და საკონსულტაციო კომპანია Savvy-ს თანაორგანიზებით ტარდება და მისი მიზანი სტრატეგიულად მნიშვნელოვანი და სწრაფად მზარდი სექტორის განვითარების ხელშეწყობაა. თიბისი კაპიტალის კვლევის მიხედვით, ბოლო წლებში ტრანსპორტირებისა და დასაწყობების სექტორი მკაფიო ზრდას აჩვენებს, მხოლოდ გასულ წელს 14%-იანი მატება დაფიქსირდა, მთლიანმა გამოშვებამ კი 9.7 მილიარდი ლარი შეადგინა. სწორედ ამ დაკვირვებით და შედეგებით, ღონისძიება დარგისთვის მნიშვნელოვან ძირითად საკითხებს მოიცავს და ჩართულ მხარეებთან ერთად შექმნის პლატფორმას დისკუსიებისთვის არსებულ გამოწვევებსა და შესაძლებლობებზე სასაუბროდ. ლოგისტიკის გამოფენა სხვადასხვა ფორმატში ჩატარდება და გააერთიანებს როგორც პრეზენტაციებს, ასევე პანელურ დისკუსიებს საერთაშორისო და ადგილობრივი ფინანსური ორგანიზაციებისა და კომპანიების ჩართულობით. სტუმრები: გიორგი დარჩიაშვილი - "თიბისი", მსხვილი და საშუალო კორპორატიული კლიენტების მომსახურების დეპარტამენტის დირექტორი; რესან ქიქავა - "ექსო ჯორჯია", აღმასრულებელი დირექტორი #ახალიამბები #BusinessMediaGeorgia
2024 წელი Tuz Motors-ისთვის განსაკუთრებული აღმოჩნდა და როგორც ბიზნეს მედია, ავტომობილების მომსახურების სფეროში გამორჩეული ბრენდის ოქროს ბრენდზე უნდა მოგიყვეთ. კომპანია Golden Brand - ის ნომინაციაში: სახელწოდებით ‘’ავტოსერვისი და პროდუქტები, დინამიურად განვითარებადი ბრენდი’’ - ნომერ პირველი ოქროს ბრენდი გახდა. ეს აღიარება შემთხვევითი არ ყოფილა. Tuz Motors-მა წარმატებას უწყვეტი განვითარებით, ხარისხზე ორიენტირებული სერვისითა და კლიენტთან მჭიდრო პარტნიორობით მიაღწია. დღეს Tuz Motors წარმოადგენს არა მხოლოდ ავტომობილების მომსახურების სფეროში გამორჩეულ მოთამაშეს, არამედ ერთ-ერთ იმ ბრენდს, რომელმაც ადგილობრივ ბაზარზე სტაბილურად დაიმკვიდრა პოზიცია. ჩვენმა საქმიანმა მაყურებელმა იცის, რომ Golden Brand-ის პროექტი 2006 წლიდან იმართება და მასში მონაწილეობას იღებენ წამყვანი ქართული და საერთაშორისო კომპანიები. როგორია კომპანიის გეგმები და განვითარების გზა ოქროს ბრენდის ფლობის შემდეგ? სტუმრები: ირაკლი ბოჭორიშვილი - Tuz Motors-ის გენერალური დირექტორი; საბა ტუზურიძე -Tuz Motors-ის თანამფლობელი და სტრატეგიული პარტნიორი #ახალიამბები #BusinessMediaGeorgia
ირან-ისრაელის კონფლიქტის გავლენა სხვადასხვა პარამეტრის გათვალისწინებით, უკვე შესამჩნევია, როგორც ნავთობის, ისე ძვირფასი მეტალების გაძვირების თვალსაზრისით და არა მხოლოდ. ამის მიღმა, კიდევ ერთი მნიშვნელოვანი საკითხი იკვეთება, მიმდინარე კონფლიქტის ესკალაციას შესაძლოა, მკვეთრად ნეგატიური გავლენა ჰქონდეს როგორიც პლანეტის ნომერ პირველი ეკონომიკის, ისე მისი პირველი პირის კარიერაზე. ამიტომ დღეს, კონფლიქტის არსებული თუ შესაძლო ეკონომიკური შედეგის მიღმა, სიუჟეტიდან იმაზეც გიამბობთ, არის თუ არა დიდი ალბათობა იმის, ამ დაპირისპირებამ, დონალდ ტრამპის პოლიტიკური მომავალიც შეიწიროს. #ახალიამბები #BusinessMediaGeorgia
ვითარება გლობალურ ბირჟებზე - Galt & Taggart-ის ყოველკვირეული მიმოხილვა / Global Markets Weekly Update სტუმარი: ანი სამხარაძე - Galt&Taggart;-ის ასოცირებული ბროკერი #ახალიამბები #BusinessMediaGeorgia
როგორ ვქმნით უკეთეს გარემოს, რა ხდება მაშინ, როცა დიზაინი მხოლოდ ესთეტიკა კი არა, პრობლემების გადაჭრის ინსტრუმენტი ხდება. დღევანდელი სიუჟეტი სოციალური დიზაინის მნიშვნელობასა და მის პრაქტიკულ როლზეა, იმაზე, როგორ შეიძლება დიზაინმა რეალურად შეცვალოს საზოგადოება: შეამციროს უთანასწორობა, გააუმჯობესოს საჯარო სერვისები, გახადოს ურბანული სივრცეები ყველასთვის ხელმისაწვდომი და მდგრადი. პირველად საქართველოში სოციალური დიზაინის დღეები იმართება, ინიციატივა, დიზაინ ინსტიტუტის ორგანიზებით და Polish Graphic Design-ის მხარდაჭერით ტარდება. კონფერენცია ორ დღიანია და როგორც გაგვიზიარეს სისტემატური სახე ექნება მომავალში კვლევების, ღია განაცხადების და სხვა თემატური სერიების სახით. #ახალიამბები #BusinessMediaGeorgia
რას მივირთმევთ ყოველდღიურად, როგორ იწარმოება ის საკვები, რომელსაც ვირჩევთ და ვუზიარებთ ჩვენს ოჯახის წევრებს, მეგობრებს, ან საკუთარ თავს? და რაც ყველაზე მთავარია, რა გავლენა აქვს ამ ყოველდღიურ გადაწყვეტილებებს ჩვენს ჯანმრთელობაზე, გარემოზე. გაეროს გლობალური შეთანხმების საქართველოს ქსელის დღევანდელი რუბრიკა სწორედ იმაზეა, რაც ზოგჯერ უბრალო არჩევანი გვგონია, მაგრამ სინამდვილეში ბევრად მეტია, ეს არის მდგრადი გასტრონომია და სურსათის უსაფრთხოება. მდგრადი გასტრონომია გულისხმობს საკვების წარმოებასა და მოხმარებას ისე, რომ დაცული იყოს ეკოსისტემა, საწარმოო პირობები და შენარჩუნებული ბიომრავალფეროვნება. როგორ ხდება ხარისხიანი საკვების წარმოება ბიზნესის პასუხისმგებლობა და გლობალური მიზანი? სტუმრები: ჯუბა მარუაშვილი - გაეროს სურსათისა და სოფლის მეურნეობის ორგანიზაციის პოლიტიკის უფროსი მრჩეველი; ტუსა ღარიბაშვილი - "სფეისფარმს სფოთს", დამფუძნებელი #ახალიამბები #BusinessMediaGeorgia
იმ ისრაელელი მოქალაქეების რიცხვი, ვინც საქართველოში უძრავი ქონების შესყიდვით არის დაინტერესებული ბოლო წლებში მნიშვნელოვნად გაიზარდა. თუკი გასულ წლებში მათი ინტერესი მხოლოდ ბათუმის ბაზარზე შეინიშნებოდა, 2024 წლიდან დღემდე ეს მაჩვენებლები ზრდას აჩვენებს თბილისის შემთხვევაშიც. შეიძლება ითქვას, რომ რუსი მიგრანტების გასვლის შემდეგ, მსხვილი დეველოპერების ერთ-ერთი სამიზნე ბაზარი, სწორედ ისრაელი იყო. ამ ფონზე საინტერესოა რა ეფექტი შეიძლება მოახდინოს ისრაელ-ირანის საომარმა მოქმედებებმა საქართველოს უძრავი ქონების ბაზარზე და ხედავენ თუ არა ბაზრის მოთამაშეები ამ მხრივ მოკლე და საშუალო ვადიან პერსპექტივაში რისკებს. #ახალიამბები #BusinessMediaGeorgia
ინდოელი მილიარდერი ბზიკის გადაყლაპვამ მოკლა; #ახალიამბები #BusinessMediaGeorgia
რობოტების მწარმოებელმა ამერიკულმა კომპანია Boston Dynamics-მა საკუთარი პროდუქტების მარკეტინგისთვის საინტერესო გზა მოიფიქრა და რობოტები ამერიკულ “ნიჭიერში” გამოიყვანა. სცენაზე Boston Dynamics-ის ხუთი ოთხფეხა რობოტი გამოჩნდა, რომლებმაც ბრიტანული როკჯგუფის, Queen-ის Don’t Stop Me Now-ზე სინქრონში იცეკვეს. ნომრის შესრულებისას ერთ-ერთი რობოტი გაითიშა, მაგრამ ჟიურის წევრებმა ეს დადებით, მეტად ადამიანურ ფაქტორად შეაფასეს. Boston Dynamics-მა ჟიურისგან ოთხი “კი” მიიღო და America’s Got Talent-ის შემდეგ ეტაპზე გადავიდა. კომერციული რობოტების ბაზარზე Boston Dynamics-ი ერთ-ერთი პიონერია, რომელიც ჯერ კიდევ 1992 წელს, MIT-ის ბაზაზე დაფუძნდა. თავდაპირველად, კომპანია ბიოლოგიური მოძრაობის სიმულაციაზე მუშაობდა და ორი პროტოტიპული რობოტი წარმოადგინა — BigDog და Cheetah. სხვადასხვა დროს, Boston Dynamics-ი ჯერ Google-ის, შემდეგ კი SoftBank-ის საკუთრებაში იყო, მაგრამ 2021 წლიდან ამერიკულ კომპანიას კორეული Hyundai Motor Group-ი ფლობს. კომპანიის მიზანია შექმნას რობოტები, რომლებიც რეალურ, ხშირად ადამიანისთვის მიუწვდომელ გარემოში რთული დავალებების შესრულებას შეძლებენ. #ახალიამბები #BusinessMediaGeorgia