გასული კვირის მიწურულს გამოცხადდა გადაწყვეტილება, რომელიც ოფიციალურად ტექნიკური უნივერსიტეტის თბილისის სახელმწიფო უნივერსიტეტთან შერწყმას მოიაზრებს, პრაქტიკაში კი ჩნდება მოლოდინი საგანმანათლებლო სივრციდან მისი სრულად გაქრობისა.

როგორც ოცნების განათლების მინისტრმა გივი მიქანაძემ განაცხადა, კონსულტაციები რექტორებთან კომუნიკაციის შედეგად იქნა მიღებული,

თუმცა თავად გეპეის რექტორმა დავით გურგენიძემ "რადიო თავისუფლებასთან" ინტერვიუში განაცხადა, რომ გაერთიანების შესახებ ინფორმაცია მან მხოლოდ ერთი დღით ადრე შეიტყო. მიუხედავად ამისა, სტუს რექტორი დარწმუნებულია, რომ მსჯელობა გაგრძელდება და "ქართული ოცნება" ხალხის ჩართულობის გარეშე გადაწყვეტილებას არ გააფორმებს - ამის შესახებ რექტორმა უნივერსიტეტთან პროტესტის მიზნით შეკრებილ საზოგადოებასთან საუბრისას განაცხადა. თავის მხრივ ჩვენ ვნახეთ ღია წერილი სტუს პროფესორ-მასწავლებლების მიერ რომელიც მათ ბიძინა ივანიშვილის გაუგზავნეს.

ასევე ვნახეთ ოცნების პრემიერ კობახიძის განცხადებაც რომ თურმე მიზანი ოპტიმიზაცია და განათლების ხარისხის გაუმჯობესებაა.
„სერიოზული პრეტენზიები გვესმოდა განათლების სისტემის ფუნქციონირებასთან დაკავშირებით, მათ შორის, ჩვენი ოპონენტები აცხადებდნენ, რომ ჩვენი ახალგაზრდები ხშირად მიდიოდნენ საზღვარგარეთ იმის გამო, რომ საქართველოში არ იყო უზრუნველყოფილი უმაღლესი განათლების სათანადო ხარისხი. ჩვენ დავაანონსეთ განათლების რეფორმა და უცბად გაირკვა, რომ თურმე თბილისის სახელმწიფო უნივერსიტეტი ყოფილა ჰარვარდი, საქართველოს ტექნიკური უნივერსიტეტი-კემბრიჯი და ილიას უნივერსიტეტი-ოქსფორდი." - განაცხადა კობახიძემ.

რა კავშირი აქვს გამოცხადებულ რეფორმას ხარისხის გაუმჯობესებასთან და რეალურად რა შეიძლება იყოს დაიკარგოს?

სტუმრები: შალვა ტაბატაძე - განათლების მკვლევარი;
ლელა ჩახაია - განათლების მკვლევარი;
ლევან გორდეზიანი - თბილისის სახელმწიფო უნივერსიტეტის პროფესორი;
გიორგი ჭანტურია - განათლების ექსპერტი;

#ახალიამბები #BusinessMediaGeorgia