ქვეყანაში მალე ე.წ. საპოლიციო გამოსახლება დაბრუნდება, თუმცა შეცვლილი სახით და მექანიზმებით. იმისთვის, რომ პრობლემის წარმოქმნის შემთხვევაში საპოლიციო გამოსახლების მომსახურებით ისარგებლო, საჭირო იქნება რეესტრში ქირავნობის ხელშეკრულება დარეგისტრირდეს, რაც შესაძლოა ყველა ბინის მეპატრონისთვის მისაღები არ აღმოჩნდეს. მიზეზი კანონით განსაზღვრული ჩანაწერია, რომლის თანახმადაც გამქირავებლებს სახელმწიფოსთვის წლიური შემოსავლიდან მინიმუმ 5%-ის გადახდა მოუწევთ. იმუშავებს თუ არა კანონი? სტუმარი: უჩა ზაქაშვილი - სამშენებლო სამართლის ექსპერტი #ახალიამბები #BusinessMediaGeorgia
საკლასო, საშინაო, შემაჯამებელი შეფასებების მოდელები გაუქმდა. ამიერიდან სკოლებს თავად შეუძლიათ შექმნან განმსაზღვრელი შეფასების ორიგინალური სისტემა და პრინციპები, რომლის მიხედვითაც სასკოლო სისტემაში დაწერილი ნიშნების კონვერტირება მოხდება ეროვნული სასწავლო გეგმით განსაზღვრულ 10 ბალიან სისტემაში. აღნიშნულს ეროვნულ სასწავლო გეგმაში შესული ცვლილება ითვალისწინებს. საქართველოს განათლებისა და მეცნიერების სამინისტროს მიერ გავრცელებული ინფორმაციით, ეროვნული სასწავლო გეგმის ცვლილებზე მუშაობის პირველი ეტაპი, რომელიც საჯარო და კერძო სკოლებისთვის მეტი ავტონომიის მინიჭებას გულისხმობს, დასრულდა. ცვლილებების თანახმად, ახლებურად ფორმულირდა მიზნები თითოეული საგნობრივი ჯგუფისთვის საფეხურების მიხედვით. კერძო სკოლებს უფლება მიეცათ, თავად განსაზღვრონ, რა საგნებს ასწავლიან ამ მიზნების მისაღწევად. ასევე მათ უფლება ექნებად, განსაზღვრონ არა კლასის, არამედ საფეხურის დაძლევის ბარიერი. რას შეცვლის სასკოლო ცხოვრებაში გადაწყვეტები და რაზე მუშაობს სამინისტრო? სტუმარი: შალვა ტაბატაძე - განათლების მკვლევარი; #ახალიამბები #BusinessMediaGeorgia
საქართველოში ზამთრის ტურისტული სეზონი დაიწყო. უხვმა თოვლმა პრობლემები შექმნა გადაადგილების მიმართულებითაც. ამ დრომდე აკრძალულია გუდაური-კობის მონაკვეთზე მისაბმელიანი და ნახევრადმისაბმელიანი ავტოტრანსპორტის მოძრაობა. დაშვებული ტრანსპორტისთვის მოძრაობა კი საპატრულო პოლიციის უშუალო ზედამხედველობით და კოორდინაციით მიმდინარეობს. გასული უთოვლო წლის შემდეგ მიმდინარე სეზონისთვის განსაკუთრებულად ემზადება ტურისტული სექტორი. რა მოლოდინები აქვს სასტუმრო ბიზნესს წლევანდელ სეზონთან დაკავშირებით? სტუმარი: გიორგი კვიწინაშვილი - სასტუმრო Best Western Gudauri-ს მფლობელი; #ახალიამბები #BusinessMediaGeorgia
ტაქსების შემდეგ, ბასლეინებში სასკოლო ავტოტრანსპორტიც ივლის. მერის განცხადებით, სკოლის ავტობუსებს ეს პრივილეგია 2024 წლიდან გარკვეული პირობების შესრულების შემდეგ მიეცემათ. კერძოდ, გადაადგილების უფლება ექნება ტექნიკურად გამართულ ავტოსატრანსპორტო საშუალებას, რომელსაც გავლილი აქვს ტექნიკური დათვალიერება და განთავსებული აქვს მერიასთან შეთანხმებული სპეციალური ვიზუალური ნიშანი, რომელიც ასახავს, რომ ავტოსატრანსპორტო საშუალებას გადაჰყავს სკოლის მოსწავლეები. აღნიშნული ტრანსპორტი იმოძრავებს მხოლოდ წინასწარ შეთანხმებულ მარშრუტებზე, სამუშაო დღეების განსაზღვრულ მონაკვეთებში, დილის 06:00-დან 09:00-მდე და დღის 14:00-დან 18:00-მდე. ავტობუსის ზოლებში მათ შეეძლებათ მხოლოდ ავტობუსის გაჩერებებზე გაჩერება, არაუმეტეს ერთი წუთის დროით. შაბათ-კვირას, ოფიციალურ უქმე დღეებსა და სამუშაო დღეების დროის სხვა მონაკვეთებში, ავტობუსის ზოლში მოძრაობის ან წინასწარ შეთანხმებული მარშრუტის დარღვევის შემთხვევაში, სატრანსპორტო საშუალება დაჯარიმდება. იმისთვის, რომ სასკოლო ავტობუსს ჰქონდეს “ბასლეინზე” მოძრაობის უფლება, სკოლამ შესაბამის დაწესებულებას უნდა მიმართოს. მისი თქმით, აღნიშნული რეგულაცია სატესტო რეჟიმში 2024 წლის 1-ელი იანვრიდან, 2024 წლის 1-ელ ივლისამდე იმოქმედებს. საუბარია თბილისში რეგისტრირებულ 19 ავტობუსს, 164 მიკროავტობუსსა და 82 მინივენზე. ავტობუსის ზოლებში ა კატეგორიის ტაქსის მძღოლებმა მოძრაობის უფლება აპრილიდან მიიღეს. რასაც მაშინვე მოჰყვა სატრანსპორტო საკითხებზე მომუშავე ექსპერტების მხრიდან კრიტიკა. რეფორმაზე მომუშავე პირები აცხადებდნენ, რომ მსგავსი გადაწყვეტილებები მერიის სატრანსპორტო რეფორმას ეწინააღმდეგება და ის საზოგადოებრივი ტრანსპორტის მოძრაობას აფერხებს. სტუმარი: ეკა ლალიაშვილი - „საქართველოს ალიანსი უსაფრთხო გზებისთვის“ თავმჯდომარე; #ახალიამბები #BusinessMediaGeorgia
რა პერსპექტივები აქვს მწვანე ენერგეტიკას საქართველოში და რა შესაძლებლობები არსებობს მზის ენერგიით ელექტროენერგიის წარმოების მხრივ? სტუმარი: გუგა ბარბაქაძე - Helios Energy-ს დირექტორი და თანადამფუძნებელი; #ახალიამბები #BusinessMediaGeorgia
საქართველოში რეგისტრირებული ავტომობილების 52% 20 წელზე მეტი სიძველისაა, როცა 0-3 წლამდე სიძველის მხოლოდ 2%-ია. - ეს ბოლო განახლებული სტატისტიკაა რაც ოფიციალურად ავტოპარკის ასაკთან დაკავშირებით ვიცით. ქვეყანაში ავტოპარკი რომ ძველია ეს სიახლე არ არის, პრობლემური რომ არის ეს ვითარება ამაზეც არაერთხელ გვისაუბრია და მათ შორის ეკოლოგიაზე ზრუნვის მოტივით, 2024 წლის პირველი იანვრიდან საქართველოში 2013 წლის ჩათვლით გამოშვებული მსუბუქი ავტომობილების იმპორტის აკრძალვა შედის ძალაში.კიდევ ერთი წლის შემდეგ 2025 წლის პირველი იანვრიდან კი, ავტობუსებისა და სხვა, 10 წელზე ადრე გამოშვებული სატრანსპორტო საშუალებების. რა ეფექტი ექნება ამ ცვლილებას და სიახლეს ავტოპარკის ასაკთან მიმართებით დათვლილი ნაკლებად არის, თუმცა რიცხვები აჩვენებს, რომ მაგალითად ამ წლის 9 თვეში პირველად რეგისტრაციაზე 11 წლის და უფრო ველი ავტომობილების წილი 25% შეადგინა და 6-10 წლოვანების ავტომობილების რეგისტრაცია ყველაზე მაღალი იყო - 46%-ის ოდენობით, ხოლო 0-5 წლოვანების კი 29%. ამ მონაცემებზე დაყრდნობით კი, საანგარიშო პერიოდში, პირველადი რეგისტრაციის შედეგად საშუალო ხანდაზმულობა 8.3 წელია, რაც 2022 წელთან შედარებით 0.9 წლითაა გაახალგაზრდავებული, თუმცა 2019 წლის მონაცემთან შედარებით, 0.8 წლითაა გაუარესებული. ამავე დროს საინტერესოა კიდევ ერთი დეტალი, ამავე პერიოდში ანუ 9 თვეში რეექსპორტზე გასული ავტომობილების უმეტესობა 4-7 წლისაა. საერთო სურათთან მიმართებით არსებული კითხვის ნიშნების გარდა ბიზნესი გაურკვევლობაშია რამდენიმე თემაზე, მათ შორის უცნობია ავტოიმპორტიორები ორი უდიდესი პრობლემის წინაშე დგანან, ვინაიდან გასარკვევია ის საშეღავათო პერიოდი, რომელიც მათ კანონით ეკუთვნით და აგრეთვე ჯერ კიდევ არაა ცნობილი, რა მოხდება იმ შემთხვევაში, თუ მყიდველის ავტომობილი გზაშია, უნდა ჩამოვიდეს დეკემბერში, მაგრამ ის იგვიანებს და ჩამოსვლა უწევს 2024 წლის პირველი იანვრის შემდგომ. სტუმარი: ელგუჯა ჯამაგიძე - „რობანი მოტორსის“ დამფუძნებელი; #ახალიამბები #BusinessMediaGeorgia
როგორ შეიძლება იზრუნო სხვებზე -" წნული"- სოციალური საწარმო თემურ პარკაძე – სოციალური საწარმო „წნულის“ დამფუძნებელი; დავით პარკაძე – სოციალური საწარმო „წნულის“ დამფუძნებელი; ავტორები: მანანა მანჯგალაძე, ედგარ ყაზახაშვილი, ლადო ცხადაია #ახალიამბები #BusinessMediaGeorgia
საქართველოში ვერცერთი ციფრული შრომის პლათფორმა ვერ აკმაყოფილებს სამართლიანი შრომის მინიმალურ საერთაშორისო სტანდარტებს - ეს არის დასკვნა და შედეგი რომელიც ანგარიშს სახით ციფრული შრომის პლატფორმების კვლევის შედეგად სამართლიანი ეკონომიკის ინსტიტუტმა გამოაქვეყნა. ავტორები ამბობენ, რომ მათი კვლევის შედეგებით, კვლევაში მონაწილე ვერცერთი გამოკვლეული კომპანია, რომლებიც იყვნენ Glovo, Wolt, Bolt და Bolt food, Yandex, Maxim-ი 10 ქულიანი შეფასებით სრულად ვერ აკმაყოფილებენ სამართლიანი შრომის პრინციპებს. რა შეფასდა და როგორი მეთოდილოოგით მოხდა კვლევის შედგენა? სტუმარი: ბექა ნაცვლიშვილი - სამართლიანი ეკონომიკის ინსტიტუტის დამფუძნებელი; #ახალიამბები #BusinessMediaGeorgia
თევზი და ზღვის სხვა პროდუქტები მსოფლიოში ყველაზე დიდი მოხმარების პროდუქტია. მათ შორის მსოფლიოს 56 ქვეყანაში თევზეული ყველა სხვა ხორცს შორის მოხმარებით პირველ ადგილზეა. რაც შეეხება წარმოებას, ქვეყნები ცდილობენ პროდუქტის წარმოების მოცულობები გაზარდონ, მათ შორის სრულად აითვისონ საექსპორტო პოტენციალი. ვიზუალ კაპიტალისტი იმ ქვეყნების ჩამონათვალს აქვეყნებს, რომლებიც თევზეულს ყველაზე დიდი რაოდენობით აწარმოებენ. რომელი ქვეყნები არიან ყველაზე მსხვილი მწარმოებლები და რომელ ადგილზეა საქართველო? #ახალიამბები #BusinessMediaGeorgia
ხორცისა და ხორცპროდუქტების მოხმარება ყოველწლიურად მზარდია, თუმცა სექტორის წარმომადგენლები ამბობენ, რომ ადგილობრივი წარმოება მოთხოვნას ვერ აკმაყოფილებს, ამასთანავე დარგში ბევრი გამოწვევაა გადასაჭრელი, კონკრეტულად რა დაბრკოლებებზეა საუბარი და რა განაპირობებს წარმადობის მცირე რაოდენობას? #ახალიამბები #BusinessMediaGeorgia
რომელ კომპანიებში აქვთ თანამშრომლებს ყველაზე ხანგრძლივი და სამუშაო ვადა? - ამის დასადგენად Resume.io-მ LinkedIn-ის მონაცემებზე დაყრდნობით აშშ-ისა და დიდი ბრიტანეთის ტოპ 100 კომპანია შეისწავლა და იქ დასაქმებულთა განწყობები გაანალიზა. კვლევის შედეგების მიხედვით Visual Capitalist-მა თანამშრომელთა შენარჩუნების თვალსაზრისით როგორც საუკეთესო, ასევე ყველაზე ცუდი შედეგების მქონე კომპანიების რეიტინგები შეადგინა. რომელი კომპანიები მოხვდნენ ამ რეიტინგების სათავეში? #ახალიამბები #BusinessMediaGeorgia
შავი პარასკევის სააქციო შეთავაზებები ზოდში 5 დღე, 23-დან 27 ნოემბრის ჩათვლით გაგრძელდება. ტრადიციულად წლის ყველაზე მასშტაბური აქციის ფარგლებში მომხმარებლებს 50%-მდე ფასდაკლება ელის პროდუქციის სრულ ასორტიმენტზე. 24 ნოემბერს კი ზოდის ცენტრალური შოურუმი ღამის ბაზრობაზე 22:00 საათამდე უმასპინძლებს მომხმარებლებს. #ახალიამბები #BusinessMediaGeorgia
#საქმიანიდილა - 23 ნოემბერი - პროლოგი #ახალიამბები #BusinessMediaGeorgia
"ჯივიპი" თბილისის წყალმომარაგებაში ევროპულ სტანდარტს ნერგავს. გუშინ "ჯორჯიან უოთერ ენდ ფაუერმა" თბილისში, პირველი მულტიფუნქციური საოპერაციო ცენტრი გახსნა. ვაკის რაიონის საოპერაციო ცენტრის გახსნის ღონისძიებას, ჯივიპის მენეჯმენტთან ერთად, თბილისის მერიის და სემეკის წარმომადგენლები, ასევე გამგებლები და მათი მოადგილეები ესწრებოდნენ. ჯივიპის ახალ მფლობელს, ესპანურ კომპანია Aqualia-ს მისი მართვის ქვეშ არსებულ 17-ვე ქვეყანაში აქვს ეს სისტემა დანერგილი. რას შეცვლის მულტიფუნქციური ცენტრების არსებობა და როგორ გააუმჯობესებს ის წყალმომარაგების სისტემას? #ახალიამბები #BusinessMediaGeorgia
რუსთავის ავტობაზრობის“ მხრიდან შესაძლო დომინანტური მდგომარეობის ბოროტად გამოყენების ფაქტზე კონკურენციის სააგენტომ მოკვლევა დაიწყო, რასაც ავტოიმპორტიორი კერძო პირების საჩივარი უდევს საფუძვლად. სააგენტოს მიერ გავრცელებული ინფორმაციით, მოპასუხე ეკონომიკური აგენტის - შპს ,,რუსთავის ავტობაზრობის“ მხრიდან ადგილი აქვს შესაძლო დომინანტური მდგომარეობის ბოროტად გამოყენებას. კერძოდ, ქ. რუსთავის ავტობაზრობის ტერიტორიაზე ავტოსადგომებით სარგებლობის სანაცვლოდ, მოპასუხე ეკონომიკური აგენტის მხრიდან არასამართლიანად მაღალი ფასის დადგენას. კონკურენციის ხელშეწყობის, არაკეთილსინდისიერი კონკურენციის ფაქტებზე დროული რეაგირებისა და აღმოფხვრის მიზნით, სააგენტოში უკვე შეიქმნა მოკვლევის ჯგუფები, რომელსაც საკითხის შესწავლა დაევალა. სტუმარი: ალექსი ნონიაძე - ავტოიმპორტიორთა ასოციაციის ხელმძღვანელი; #ახალიამბები #BusinessMediaGeorgia
როგორ განვითარდა მოვლენები გლდანის ტბასთან დაკავშირებით თბილისის მერის საკმაოდ ხმაურიანი განცხადების მერე და რას ედავება მუნიციპალიტეტი ტერიტორიის მესაკუთრეს? კახა კალაძის 3 კვირის წინ გაკეთებულ განცხადებას თუ გავიხსენებთ, მან არ გამორიცხა ტერიტორია მესაკუთრეს ჩამოერთვას, რადგან მერიისთვის იქ არსებული მდგომარეობა კატეგორიულად მიუღებელია. „ტბის ეკოლოგიური მდგომარეობა გაუარესებულია, შეინიშნება წყლის დონის კლება და წყალმცენარეების ზრდა, ეს ტბა ნაციონალური მოძრაობის ხელისუფლებაში ყოფნის დროს იყო გაყიდული, დღეს ეს სივრცე კერძო საკუთრებაა, იქ არაფერი გაკეთებულა და მხოლოდ და მხოლოდ პრობლემებია. ჩვენ ვერ დაველოდებით, რას იზამს ინვესტორი და ამ საკითხის მოკვლევას აუცილებლად დავიწყებთ ეკონომიკურ სამინისტროსთან ერთად“-თქვა კახა კალაძემ 1 ნოემბერს მუნიციპალიტეტის მთავრობის სხდომაზე. გლდანის ტბის მიმდებარე ტერიტორიის მესაკუთრე კი ნატალია კვანტალიანია, რომელმაც 2008 წელს შეისყიდა მიწა 17 მესაკუთრისგან, როგორც ამბობს, საინვესტიციო ვალდებულების გარეშე, თუმცა ტერიტორიის განვითარებაში სოლიდური ინვესტიცია ჩადო. აქვს თუ არა მერიას საფუძველი ტერიტორიის ჩამორთმევის პროცედურა დაიწყოს, რა პასუხისმგებლობა მოდის ტერიტორიის მესაკუთრეზე და რა გზით უნდა მოხდეს ტბის ეკოლოგიური მდგომარეობის გაუმჯობესება? სტუმრები: ირინა შარაშენიძე - არქიტექტორი; დავით მეზვრიშვილი - ნატალია კვანტალიანის იურისტი; #ახალიამბები #BusinessMediaGeorgia
საქართველოს იუსტიციის სამინისტრო ახალ ინიციატივაზე მუშაობს, რომელმაც მესაკუთრეები უძრავ ქონებასთან დაკავშირებულ იჯარა/ქირავნობის ოპერაციებში სახელშეკრულებო რისკებისგან უნდა დაიცვას. ინიციატივის თანახმად, იჯარა/ქირავნობის ხელშეკრულებაში შესაძლებელი იქნება ახალი მუხლის გაჩენა, სადაც მითითებულია, რომ ფინანსური ვალდებულების დარღვევის შემთხვევაში, აღსრულების ეროვნულმა ბიურომ, სასამართლოს გარეშე, მოახდინოს უძრავ ქონებაში მყოფთა გამოყვანის აღსრულება. საქართველოს იუსტიციის მინისტრი რატი ბრეგაძე აცხადებს, რომ ამ ინიციატივას განსახილველად პარლამენტს უახლოეს პერიოდში წარუდგენენ. მომხმარებელს შესაძლებლობა ექნება, რომ ქირავნობის ხელშეკრულება დაარეგისტრიროს საჯარო რეესტრში, სადაც მითითებული იქნება, რომ თუკი მოქირავნე არ შეასრულებს ვალდებულებას და არ გადაიხდის თანხას, მისი გამოსახლებას განახორციელებს აღსრულების ეროვნული ბიურო. ეს მოხდება სასამართლოს გადაწყვეტილების გარეშე და ამაზე მხარეები წინასწარ იქნებიან შეთანხმებული. მაყურებელს შევახსენებ, რომ საქართველოს პარლამენტმა ე.წ. საპოლიციო გამოსახლების მექანიზმი 2015 წელს გააუქმა. ამ ცვლილების შედეგად აღსრულება მხოლოდ სასამართლოს გადაწყვეტილების საფუძველზე ხდება, რასაც ხშირ შემთხვევაში ერთ წელზე მეტი დროც სჭირდება. რას ცვლის მთავრობის ახალი ინიციატივა და რა მასშტაბი აქვს პრობლემას? სტუმარი: ნინო ლიპარტია - იურისტი, საქართველოს ადვოკატები დამოუკიდებელი პროფესიისთვის თავმჯდომარე; #ახალიამბები #BusinessMediaGeorgia
საქართველოს ბიზნეს ასოციაციის წევრი ერთ-ერთი ლიდერი სატრანსპორტო კომპანია Marine Shipping & Forwarding (MSF) გახდა, რომელიც 2010 წელს დაარსდა და მისი ძირითადი საქმიანობაა საგზაო, სარკინიგზო და საზღვაო გადაზიდვები, თუმცა კომპანიის საქმიანობაში ასევე შედის ისეთი მომსახურებები, როგორიცაა: საჰაერო გადაზიდვები, საბაჟო-საბროკერო მომსახურება, მშრალი, საშიში, თხევადი ტვირთების ტრანსპორტირება და არაგაბარიტული ტვირთის დამაგრება, ტრანსპორტირება. ქვეყნის მასშტაბით კომპანიას ოფისები აქვს ფოთში, ბათუმსა და თბილისში, და აღსანიშნავია, რომ MSF-ს საიმედო პარტნიორები ჰყავს მსოფლიოს ნებისმიერ წერტილში, რაც საგრძნობლად ამარტივებს და ოპერატიულს ხდის მომსახურების მოწოდების პროცესს. MSF არის ორი მსხვილი საერთაშორისო ორგანიზაციის Marco Polo & GLA Family-ს წევრი. ასევე კომპანია ფლობს 1,5 მილიონი ლარის ოდენობით პასუხისმგებლობის დაზღვევას, რაც მომხმარებლისთვის სიმშვიდის გარანტია. ლევან ვეფხვაძე - საქართველოს ბიზნეს ასოციაცია, აღმასრულებელი დირექტორი; ჯუნა კემულარია, Marine Shipping & Forwarding, გენერალური დირექტორი #ახალიამბები #BusinessMediaGeorgia
საქართველოს ერთ-ერთმა უმსხვილესმა საინვესტიციო ბანკმა, თიბისი კაპიტალმა სამუშაო კვირის დასაწყისში პუბლიკაცია - „ევროკავშირის წევრობის კანდიდატის სტატუსის მოლოდინში“ წარადგინა. დოკუმენტი იმ ეკონომიკურ გავლენას შეისწავლის, რომელსაც ევროკავშირის კანდიდატის სტატუსი ამა თუ იმ ქვეყნის ეკონომიკაზე ახდენს. მოლაპარაკების პროცესი ყველაზე ხანგრძლივია და ის სახელმწიფოს ისეთ სფეროებსა და ასპექტებს ეხება, როგორებიცაა: ქვეყნის ფუნდამენტური საკითხები, ადგილობრივი ბაზარი, კონკურენცია და ინკლუზიური ზრდა, მწვანე პოლიტიკის დღის წესრიგი და მდგრადი განვითარება, სოფლის მეურნეობა და საგარეო ურთიერთობები. თიბისი კაპიტალის კვლევაში დეტალურად არის მიმოხილული, საქართველოს ძალიან ჰგავს. ეს ქვეყანა ბულგარეთია. ევროკავშირის წევრობის კანდიდატის სტატუსის მიღების შემდეგ, ბულგარეთის ექსპორტი ევროკავშირში მნიშვნელოვნად გაიზარდა და 2000-2006 წლებში, წლიურმა ზრდამ 23% შეადგინა. 2022 წელს, ბულგარეთის ექსპორტმა ევროკავშირში - 60% შეადგინა. წევრობის კანდიდატის სტატუსის მიღების შემდეგ, 2000-2006 წლებში, ბულგარეთში პირდაპირი უცხოური ინვესტიციების შემოდინება ბულგარეთში თითქმის 8-ჯერ გაიზარდა, ასევე გაუმჯობესდა ქვეყნის საკრედიტო რეიტინგიც, რამაც ხელისუფლებას უფრო იაფი კაპიტალის მოზიდვის საშუალება მისცა. რას აძლევს პოტენციურად საქართველოს სტატუსი - რა მონაცემებს მოუყარა თავი თიბისი კაპიტალმა კვლევაში? სტუმარი: ირინა კვახაძე - „თიბისი კაპიტალის“ კვლევების სამსახურის უფროსი; #ახალიამბები #BusinessMediaGeorgia
თიბისი სტარტაპერის პარტნიორი - სტარტაპი “სტიმული” სტუმრები: რევაზ ძიძიგური - სტარტაპი "სტიმულის" თანადამფუძნებელი; სერგო ჭეიშვილი - სტარტაპი "სტიმულის" თანადამფუძნებელი; #ახალიამბები #BusinessMediaGeorgia
„თეგეტა ქარსში“ შემავალი კომპანია „ავტო გალერი“ მომხმარებლებს ელექტრომობილებზე განსაკუთრებულ პირობებს ხშირად სთავაზობს, გამონაკლისი არც Black Friday-ა, რომლის ფარგლებშიც სპეციალურად შერჩეულ ელექტრომობილებზე 50 000 ლარამდე ფასდაკლება იმოქმედებს. რა მოდელებს ეხება შეთავაზება, გადახდის რა ინსტრუმენტებით სარგებლობაა შესაძლებელი და როგორ უნდა ვისარგებლოთ ტესტ-დრაივით? ლევან თაღიაშვილი - „ავტო გალერის” მარკეტინგის ხელმძღვანელი #ახალიამბები #BusinessMediaGeorgia
მიმდინარე თვეში საქართველოს საბანკო ასოციაციის პრეზიდენტმა და ღია ბანკინგის პროექტის ხელმძღვანელმა კიევში მიმდინარე კონფერენციაში Global Payments Day-ში მიიღეს მონაწილეობა, რომელიც გლობალურ გადახდებს, გადახდებს, ღია ბანკინგისა და ღია ფინანსების ეკოსისტემის განვითარების საკითხებს მიეძღვნა. საქართველოს საბანკო ასოციაცია გარდა კონფერენციაში მონაწილეობისა და მასზე ვრცელი პრეზენტაციით წარდგენისა საქართველოში ღია ბანკინგის განვითარების შესახებ, კონფერენციის სპონსორ ორგანიზაციას წარმოადგენდა. სტუმრები: ალექსანდრე ძნელაძე - საქართველოს საბანკო ასოციაცია, პრეზიდენტი; მიხეილ კაპანაძე - საქართველოს საბანკო ასოციაცია, ღია ბანკინგის პროექტის დირექტორი; #ახალიამბები #BusinessMediaGeorgia
თიბისი, USAID-თან პარტნიორობით, ტექნოლოგიებით დაინტერესებულ 18 წელს ზევით ყველა მსურველს, სრულად დაფინანსებულ, ტექ-პროგრამებს სთავაზობს. პროექტი „TBCx USAID ტექნოლოგიური განათლებისთვის“, მთელი საქართველოს მასშტაბით 700-ზე მეტი ტექნოლოგიური ტალანტის მომზადებასა და გადამზადებას ითვალისწინებს. 25 ნოემბრის ჩათვლით რეგისტრაცია მიმდინარეობს პროგრამებზე - DevOps, Blockchain, კიბერუსაფრთხოება, ინფორმაციული უსაფრთხოება. 27 ნოემბრიდან კი მსურველები შეძლებენ დარეგისტრირდნენ შემდეგ მიმართულებებზე: iOS Development; React; პროგრამირების საფუძვლები (Python); Advanced Python (Django). პროექტის ფარგლებში თიბისი IT აკადემიის ბაზაზე შეიქმნა iOS ლაბორატორია, რომელიც iOS Development-ით დაინტერესებულ სტუდენტებს აძლევს შესაძლებლობას განივითარონ პრაქტიკული უნარები, მიუხედავად იმისა, თავად აქვთ თუ არა ხელმისაწვდომობა საჭირო აღჭურვილობაზე. iOS ლაბორატორია აღჭურვილია 15 MAC კომპიუტერით, რომელიც ქმნის ახლა შესაძლებლობას პროექტის და კონკრეტულად iOS Development კურსის სტუდენტებისთვის. #ახალიამბები #BusinessMediaGeorgia
ვინ არიან დღეს მსოფლიოში ყველაზე ახალგაზრდა მილიარდერები? - ამ კითხვაზე საპასუხოდ ფორბსი განახლებულ რეიტინგს აქვეყნებს. როგორც ირკვევა, სიაში 30 წლამდე ასაკის 10 მილიარდერია წარმოდგენილი, მათგან ორი ყველაზე უმცროსი წარმომადგენელი - კლემენტე დელ ვეკიო და კიმ იუნგ იუნი კი მხოლოდ 19 წლის არიან. კიდევ რომელი მილიარდერები ხვდებიან ყველაზე ახალგაზრდების ათეულში და რა არის მათი სიმდიდრის მთავარი წყარო? #ახალიამბები #BusinessMediaGeorgia
Truman Du Genuine Impact-მა ეკონომიკური თანამშრომლობისა და განვითარების ორგანიზაციის წევრი ქვეყნების საშუალო სამუშაო საათები და ხელფასები ერთმანეთს შეადარა. რეიტინგი ჯამში 35 ქვეყნის მონაცემებს აჯამებს. რეიტინგის პირველ ადგილოსანი ქვეყანა ისლანდიაა, სადაც დასაქმებულების შრომა ყველაზე ძვირად ფასდება. ბოლო ადგილზე კი მექსიკაა, აქ დასაქმებულები საშუალოდ კვირაში 320 დოლარის გამომუშავებას ახერხებენ. რომელ ქვეყნებში ფასობ შრომა ყველაზე ძვირად? #ახალიამბები #BusinessMediaGeorgia
#საქმიანიდილა - 22 ნოემბერი - პროლოგი #ახალიამბები #BusinessMediaGeorgia
საქართველოს ბანკი განათლების მხარდაჭერას აგრძელებს, ამ პროცესში კი მისი განსაკუთრებული პროექტი იდეათეკაა, რომელსაც რეგიონის სკოლებში ხსნის და სივრცე წიგნებით, კომპიუტერით, სტემ სწავლების ხელსაწყოებითა და ტექნოლოგიებითაა აღჭურვილი. საქართველოს ბანკი პროექტს ქართული წიგნის ინსტიტუტთან ერთად ახორციელებს და გუშინ ბოლნისის N5 საჯარო სკოლაში რიგით მეოცე, საიუბილეო იდეათეკა გახსნა. #ახალიამბები #BusinessMediaGeorgia
რუსეთის უკრაინაში შეჭრის შემდეგ უკრაინას ქვეყნებმა სხვადასხვა დახმარება გაუწიეს. მათ შორის ჰუმანიტარული, სამხედრო, ფინანსური დახმარებები. გარდა მცირე დონაციებისა, რამდენიმე ქვეყანამ განსაკუთრებით დიდი მოცულობის თანხები მიმართა ომში მყოფი ქვეყნის დასახმარებლად. ჯამში დონორების ათეულს უკრაინის მიმართ 232 მილიარდ 900 მილიონი დოლარის დახმარება აქვთ გაწეული. რომელი ქვეყნები არიან უკრაინის მთავარი დონორები? #ახალიამბები #BusinessMediaGeorgia
ბოლო პერიოდში მსოფლიო ტენდენციებმა აჩვენა, რომ ხელოვნური ინტელექტი ყველა საქმიანობაში მნიშვნელოვან როლს იკავებს, თუმცა ამის პარალელურად გაჩნდა საშიშროება, რომ ხელოვნური ინტელექტის აქტიურმა დანერგვამ, შესაძლოა, მომუშავე ადამიანების არასათანადო კონკურენტულ გარემოში ყოფნა გამოიწვიოს. სწორედ ამიტომ, ევროკავშირის რამდენიმე ქვეყანამ ხელოვნური ინტელექტის რეგულაცია უკვე დაიწყო. #ახალიამბები #BusinessMediaGeorgia
BMG და Tegeta Holding-ი წარმოგიდგენთ: #BMGAuto-ს
ამერიკელები ისეთ სამსახურებს ეძებენ, რომლისთვისაც უმაღლესი ხარისხის განათლება საჭირო არ არის. ასევე მათთვის მნიშვნელოვანია მოქნილი სამუშაო გრაფიკი და ანაზღაურება. 2023 წელს Google Trends-ის მონაცემების მიხედვით, ამერიკის შეერთებულ შტატებში ყველაზე მეტჯერ, გუგლში ისეთი სამუშაოები მოძებნეს რომლებსაც განათლების ხარისხი არ სჭირდება. ძიების რაოდენობამ მაქსიმუმს მიაღწია. რომელ პროფესიულ მიმართულებებს ეძებდნენ ამერიკაში ყველაზე ხშირად? #ახალიამბები #BusinessMediaGeorgia
2024 წლის ბიუჯეტის პროექტის გადამუშავებული ვერსიის წარდგენისას, ცნობილი გახდა, რომ 2024 წელს გარემოს დაცვის მიმართულებაზე 650 მლნ ლარი დაიხარჯება, მათ შორის, მუნიციპალური გარემოსდაცვითი პროგრამებისათვის 450 მლნ ლარი. გათვალისწინებული ხარჯები კი ასე ნაწილდება - გარემოსდაცვითი ზედამხედველობის ღონისძიებების დაფინანსება - 29 მლნ ლარით; სატყეო სისტემების მართვისთვის - გამოყოფილია 35 მლნ ლარი; დაცული ტერიტორიების მართვისთვის - 20 მლნ ლარი, ხოლო მყარი ნარჩენების მართვისთვის - 88 მლნ ლარი. რეზო გეთიაშვილი, CENN-გარემოს დაცვითი პროექტების კოორდინატორი გვეტყვის, რამდენად სწორად ნაწილდება ბიუჯეტიდან თანხა და რა საჭიროება დგას დღეს გარემოსდაცვითი მიმართულებით? სტუმარი: რეზო გეთიაშვილი - CENN-გარემოს დაცვითი პროექტების კოორდინატორი. #ახალიამბები #BusinessMediaGeorgia
ბიზნესვაჭრობა - ასეთი სახელწოდებით ბაზარზე ახალი პროექტი და ბრენდი გამოჩნდა. ონლაინ ბიზნესვაჭრობის ახალი პროექტი, მომსახურების სერვისებს აერთიანებს, რომელიც კომერციული ფართების, მიწის ნაკვეთების, საწარმოს თუ სხვა ბიზნეს ობიექტის ყიდვა/გაყიდვას გულისხმობს. BT.GE-სი ამბობენ, რომ ბიზნეს ვაჭრობის პროექტი ახალი სიტყვა იქნება ბაზარზე და რაც გამოარჩევთ მათ, ქვეყანაში ვაჭრობის კუთხით, ეს პროფესიონალების გუნდია, რომლებიც სანდო, გამჭვირვალე და პასუხისმგებლობიან ბიზნესებთან თანამშრომლობენ. სტუმარი: სანდრო კვერღელიძე - BT.GE-ის პროექტების მენეჯერი; #ახალიამბები #BusinessMediaGeorgia
„Kusa Food Balls" - ახალი ქართული ბრენდია, რომელიც მომხმარებელს სხვადასხვა ქართული გემოს ბურთულებს სთავაზობს. კომპანიაში ამბობენ, რომ პირველ ეტაპზე თბილისში Kusa Food Balls-ის 40-მდე წერტილი გაიხსნება, შემდეგ კი კომპანია რეგიონებშიც გავა. სტუმარი: გია მორდეხაშვილი - Kusa Food Balls-ის მფლობელი #ახალიამბები #BusinessMediaGeorgia
გადაცემას საქსტატის გუშინ გამოქვეყნებული, ავია ტვირთების მოცულობის მაჩვენებლებით ვხსნით. 2023 წლის III კვარტალში, გასული წლის შესაბამის პერიოდთან შედარებით, საქართველოს საჰაერო ტრანსპორტით გადატანილი ტვირთის მოცულობა 83.9%-ით, ხოლო ტვირთბრუნვის მოცულობა 83.5%-ით არის შემცირებული. სტუმარი: გიორგი სეთურიძე - საინვესტიციო პროექტის CAMEX Airlines-ის ხელმძღვანელი #ახალიამბები #BusinessMediaGeorgia
ბოლო რამდენიმე წელია ვაკვირდებით მესამე სისტემური ბანკის, ლიბერთის მენეჯმენტის მიერ დაწყებულ ტრანსფორმაციაც, ახალ პროდუქტებს, სოციალურ პროექტებს, მათ შორის კორპორაციული პასუხისმგებლობის კუთხით მიმდინარე პროექტებს, რომლის ნაწილიც არის ახალი საიმიჯო კამპანია. ამ კამპანიას ბანკმა ახალი სარეკლამო რგოლი კონკრეტული გზავნით “ჩვენიანი” მიუძღვნა. რას ნიშნავს ახალი კამპანია ,,ჩვენიანი“ და რა გეგმები აქვს ლიბერთის? სტუმარი: თორნიკე კორძაია - ლიბერთის საცალო საბანკო მიმართულების ხელმძღვანელი #ახალიამბები #BusinessMediaGeorgia
მიმდინარე კვირაში ფედრეზერვის ხელმძღვანელისგან საჯარო განცხადებებს ველით და ინვესტორების ინტერესიც ცხადია ამ მიმართულებით არის. ამ კვირაშივე უნდა გაირკვეს წარმოების მაჩვენებლები და უმუშევრობასთან დაკავშირებით მომზადებული უახლეს სტატისტიკა. ინფლაციის მაჩვენებლებს ამ კვირაშივე ევროპის ცენტრალური ბანკიც გამოაქვეყნებს. სტუმარი: რატი მესხიშვილი - Galt & Taggart-ის უფროსი ასოცირებული ბროკერი; #ახალიამბები #BusinessMediaGeorgia
საქსტატის განახლებული მონაცემებით,ოქტომბერში საქონლის ექსპორტის წლიური ზრდის ტემპი 10.4%- მდე დაჩქარდა და 495.3 მლნ აშშ დოლარი შეადგინა, წინა თვის 0.9%-იანი ზრდის შემდეგ. იმპორტის წლიური ზრდა 3.3%-მდე შენელდა და 1.2 მლრდ აშშ დოლარი შეადგინა, წინა თვეში დაფიქსირებული 11.1%-იანი ზრდის შემდეგ. ამ მონაცემების მიხედვით, სავაჭრო დეფიციტი წლიურად 0.9%-ით შემცირდა და 747.2 მლნ აშშ დოლარი შეადგინა, რაც 2021 წლის თებერვლის შემდეგ პირველი შემცირებაა. ჯამურად, 2023 წლის იანვარ-ოქტომბერში, სავაჭრო დეფიციტი წლიურად 21.7%-ით გაიზარდა და 7.6 მლრდ აშშ დოლარი შეადგინა, რადგან ექსპორტი 12.5%-ით გაიზარდა 5.1 მლრდ აშშ დოლარამდე, ხოლო იმპორტი 17.8%-ით გაიზარდა და 12.7 მლრდ აშშ დოლარი შეადგინა. სტუმარი: ლაშა ქავთარაძე - Galt & Taggart-ის ეკონომისტი; #ახალიამბები #BusinessMediaGeorgia
„ვოლვო ქარ საქართველო“ შვედური პრემიუმ ბრენდის მომხმარებლებს უპრეცედენტო ფასდაკლებას სთავაზობს. ფასდაკლება ვრცელდება ვოლვოს Plug-in ჰიბრიდულ მოდელებზე, Volvo XC60-სა და XC90-ზე. ამასთან ვოლვო ქარ საქართველო ფასდაკლებას აცხადებს შავ პარასკევს და მთელი დღის განმავლობაში მომხმარებლებს გამორჩეული მოდელები განსაკუთრებულ ფასად დახვდებათ. #ახალიამბები #BusinessMediaGeorgia
ციხისძირში შავი ზღვის პირველ ზოლში 20 ჰექტარ მიწის ნაკვეთზე შენდება, ბათუმიდან სულ რაღაც 15 კილომეტრში, "პეტრა სი რეზორტი" მრავალფუნქციური საცხოვრებელი და საინვესტიციო კომპლექსის მშენებლობა რამდენიმე თვის წინ დაანონსდა და პროექტი, რომელიც ერთ კილომეტრამდე ზოლს მოიცავს მშენებლობას იწყებს. კომპლექსი რომელიც 42 შენობას მოიცავს რეზორტის 30%-ს დაიკავებს და კომპლექსის მთლიანი ფართის 70%-ს ინფრასტრუქტურა და რეკრეაციული ზონებია გათვალისწინებული. ტერიტორიაზე სასტუმროების, ბრენდული რეზიდენციების, სასტუმროს ტიპის აპარტამენტების, რესტორნებისა და სხვა ინფრასტრუქტურის მართვას უზრუნველყოს საერთაშორისო კომპანია VALOR HOSPITALITY. VALOR HOSPITALITY სასტუმროების მართვაში ერთ-ერთი წამყვანი გლობალური კომპანიაა, რომლის სათავო ოფისი ატლანტაში მდებარეობს და მისი პორტფელი დიდ ბრიტანეთში, აფრიკაში, ახლო აღმოსავლეთში, დსთ-სა და სამხრეთ აღმოსავლეთ აზიაში 90-ზე მეტ სასტუმროსა და რეზორტს მოიცავს. როგორი იქნება პროექტი და როგორ შეირჩნენ პარტნიორები? სტუმრები: თინათინ კალანდარიშვილი - "პეტრა სი რეზორტის" პროექტის ხელმძღვანელი; მაიკლ პოუნოლი - Valor Hospitality Partners-ის თანადამფუძნებელი და მმართველი პარტნიორი; #ახალიამბები #BusinessMediaGeorgia
რომელი ქვეყნები იზიდავენ მსოფლიოს საუკეთესო ტალანტებს? - ამ კითხვაზე საპასუხოდ Global Talent Competitiveness ინდექსის მიხედვით ბიზნეს სკოლა Insead-ი უახლეს კვლევას აქვეყნებს, სადაც ქვეყნებს სხვადასხვა კრიტერიუმით, მათ შორის, ცხოვრების ხარისხის, მდგრადობას და რასაკვირველია, ტალანტების მოზიდვის შესაძლებლობებით აფასებს. რომელი ქვეყნები იკავებენ რეიტინგში მოწინავე პოზიციებს და რა ხდის მათ ტალანტებისთვის ყველაზე სასურველ მიმართულებად? #ახალიამბები #BusinessMediaGeorgia
ევროკავშირის წევრობის კანდიდატის სტატუსის მიღების შემდეგ, ბულგარეთის ექსპორტი ევროკავშირში მნიშვნელოვნად გაიზარდა და 2000-2006 წლებში, წლიურმა ზრდამ 23% შეადგინა. ამავე პერიოდში თითქმის 8-ჯერ გაიზარდა ქვეყანაში განხორციელებული პირდაპირი უცხოური ინვესტიციების მოცულობა და გაუმჯობესდა ქვეყნის საკრედიტო რეიტინგიც. - ამის შესახებ თიბისი კაპიტალის მიერ მომზადებულ კვლევაშია საუბარი, სადაც ევროკავშირის სტატუსის და ევროკავშირის წევრობის სარგებელია გაანალიზებული. პუბლიკაცია თიბისი კაპიტალმა ბიზნეს პარტნიორებს გააცნო. რა გავლენას ახდენს ქვეყნის ეკონომიკურ განვითარებაზე ევროკავშირის წევრობა? #ახალიამბები #BusinessMediaGeorgia
ახალციხეში, თიბისის მხარდაჭერით, სასტუმრო „ახალციხე ინნ“ გაიხსნა. „ინნ ჰოსფითალითის“ ქსელში შემავალი მორიგი სასტუმრო მომხმარებელს მრავალფეროვან მომსახურებას სთავაზობს. ახალციხე ინნ“ სამცხე-ჯავახეთის მუნიციპალიტეტში, ქალაქ ახალციხის ისტორიულ ცენტრში მდებარეობს.პროექტი „აწარმოე საქართველოსა“ და თიბისის მხარდაჭერით განხორციელდა. სასტუმროს საინვესტიციო ღირებულება 15 მილიონ ლარზე მეტია, საიდანაც თიბისის თანამონაწილეობა 7,6 მილიონი ლარია. #ახალიამბები #BusinessMediaGeorgia
#საქმიანიდილა - 21 ნოემბერი - პროლოგი #ახალიამბები #BusinessMediaGeorgia
TasteAtlas-ის რეიტინგში 2 ქართული კერძი მოხვდა #ახალიამბები #BusinessMediaGeorgia
17 ნოემბრიდან საქართველოს მაღალმთიან რეგიონებში მოთოვა და როგორც გარემოს ეროვნულ სააგენტოში აცხადებენ, მთელი საქართველოს მასშტაბით მოსალოდნელია ამინდის გაუარესება. შარშანდლისგან განსხვავებით წელს შეიძლება ითქვას, რომ სამთო კურორტებზე სეზონი ადრე დაიწყო. როგორ ხვდება ქვეყანა ზამთრის ტურისტულ სეზონს? სტუმარი: მირანდა ესაკია - “მთის კურორტების ბიზნეს ასოციაციის” თანადამფუძნებელი; #ახალიამბები #BusinessMediaGeorgia
ქართული წინდების მწარმოებელი ცნობილი საწარმო „ტიფლისტექსი“ წარმოების 30%-ით ზრდას და ევროკავშირის ბაზრებზე ექსპორტის გაფართოების გეგმაზე მუშაობს. როგორც კომპანიაში აცხადებენ, საწარმო ამ დროისთვის 60%-იანი დატვირთვის მუშაობს, 2024 წლისთვის კი წარმადობა 100%მდე გაიზრდება. რა მოცულობის ინვესტიციის განხორციელებას გეგმავს კომპანია და რომელი ქვეყნებიდან იკვეთება ქართულ ნაწარმზე ინტერესი? სტუმარი: გიორგი გობეჯიშვილი - „ტიფლისტექსის“ ექსპორტის მენეჯერი; #ახალიამბები #BusinessMediaGeorgia
უძრავ ქონებაზე მოთხოვნა იკლებს. რექოვ.გეზე განახლებული ბოლო მონაცემების მიხედვით თბილისში ოქტომბერში წლიურად გაყიდვები 20%-ით, ბათუმში კი 26%-ით შემცირდა. შედეგად დედაქალაქში ბაზრის ზომა 10%-ით, ბათუმში კი 20%-ით შემცირდა. სტუმარი: ვაჟა მებაღიშვილი - საქართველოს უძრავი ქონების ეროვნული ასოციაციის პრეზიდენტი; #ახალიამბები #BusinessMediaGeorgia
#ავიაციისსიახლეები:
მომდევნო წლიდან დედაქალაქს ახალი, მრავალფუნქციური A კლასის ბიზნეს ცენტრი შეემატება. მზიური ბიზნეს ცენტრი ჭაბუა ამირეჯიბის გზატკეცილზე მდებარეობს. გამორჩეული არქიტექტურის, 7 სართულიანი შენობა მოიცავს 10 000 კვ.მ. გასაქირავებელ ფართს საოფისე და კომერციული დანიშნულებისთვის. მზიური ბიზნეს ცენტრი საქმიანი ადამიანების კომფორტზეა მორგებული. ცენტრში გათვალისწინებულია საპარკინგე სივრცეები, ფიტნეს დარბაზი, დაგეგმილია გარე პერიმეტრის გამწვანება, საკვები ობიექტების განვითარება. მზიური ბიზნეს ცენტრი აკმაყოფილებს ყველა საერთაშორისო სტანდარტს, მორგებულია შშმ პირებზე. პროექტის საერთო ინვესტიცია 20 მილიონ აშშ დოლარს შეადგენს. ამ პროექტის დეველოპერი კომპანია გამაა, საოფისე და კომერციული სივრცეების გაქირავებას ექსკლუზიური მანდატით კუშმანის საქართველოს ოფისი უზრუნველყოფს. სტუმრები: გვანცა ფოცხვერია - Cushman & Wakefield, რითეილ მიმართულების ხელმძღვანელი; ზუკა ცაგარეიშვილი - მზიური ბიზნეს ცენტრის პროექტის მენეჯერი; #ახალიამბები #BusinessMediaGeorgia