ათი წელი გავიდა მას შემდეგ, რაც კომპანია აჭარისწყალი ჯორჯიამ, რომლის მფლობელებსაც წარმოადგენენ ნორვეგიული ქლინ ენეჯი ინვესტ და ინდური ტატა ფაუერი, შუახევის ჰესების კასკადის განვითარების არეალში სოციალური პროექტების განხორციელება დაიწყო. ენერგეტიკული ობიექტი, რომელიც აძლიერებს ქვეყნის ენერგეტიკულ უსაფრთხოებას, თავიდანვე დაიგეგმა გრძელვადიანი ხედვით — განვითარება უნდა ყოფილიყო არა მხოლოდ ინფრასტრუქტურული, არამედ სოციალური. 187 მეგავატი სიმძლავრის შუახევის ჰესების კასკადი დღეს საქართველოს ენერგოსისტემის მნიშვნელოვანი ნაწილია. თუმცა კომპანიის სტრატეგია მხოლოდ ელექტროენერგიის წარმოებით არ შემოიფარგლება.

სოციალური პასუხისმგებლობის მიმართულებით განხორციელდა ასობით პროექტი. სოციალური პროექტებისთვის დაიხარჯა 9 მილიონ ლარზე მეტი პროექტებმა 8 000-ზე მეტი ადამიანს მოუტანა სარგებელი პრიორიტეტები მკაფიოდ განისაზღვრა სამ ძირითად მიმართულებად: განათლება და ცნობიერების ამაღლება, ინფრასტრუქტურული გაუმჯობესება, ადგილობრივი თემების მხარდაჭერა.

განათლების მიმართულებით დაფინანსდა საბაკალავრო სტიპენდიები, ეროვნული გამოცდებისთვის მოსამზადებელი კურსები, STEM პროგრამები და განხორციელდა სკოლების რეაბილიტაცია. ასობით მოსწავლემ და მასწავლებელმა მიიღო წვდომა ახალ საგანმანათლებლო შესაძლებლობებზე. განხორციელდა პროფესიული გადამზადების პროგრამებიც, რაც ადგილობრივი დასაქმების ხელშეწყობას ემსახურებოდა.

ადგილობრივი ეკონომიკის გაძლიერების მიზნით მხარდაჭერილია მცირე და საშუალო ბიზნესები. დაფინანსდა 80-ზე მეტი საწარმო, მათ შორის ქალების მიერ მართული ბიზნესები. პროექტებმა შექმნა ახალი სამუშაო ადგილები და გაზარდა ეკონომიკური აქტივობა მთიან აჭარაში. ქალთა ეკონომიკური გაძლიერების პროგრამა ერთ-ერთ მნიშვნელოვან მიმართულებად ჩამოყალიბდა — ინიციატივა, რომელმაც ადგილობრივ მეწარმეებს საკუთარი იდეების რეალიზების შესაძლებლობა მისცა.

ინფრასტრუქტურულმა პროექტებმა გააუმჯობესა საგანმანათლებლო და საზოგადოებრივი სივრცეები. რეაბილიტირდა სკოლების ეზოები, ბიბლიოთეკები, სპორტული დარბაზები და სხვა მნიშვნელოვანი ობიექტები.

ათი წლის შემდეგ სოციალური პასუხისმგებლობის შედეგები იზომება

#ახალიამბები #BusinessMediaGeorgia