27 თებერვალს, საქართველოს უნივერსიტეტში, საერთაშორისო კომპანია BIMunify-სა და ხელოვნებისა და ჰუმანიტარულ მეცნიერებათა სკოლის, არქიტექტურის დეპარტამენტს შორის თანამშრომლობის მემორანდუმი გაფორმდა. BIMUNIFY არის წამყვანი გლობალური BIM საკონსულტაციო კომპანია, რომელიც უზრუნველყოფს ინოვაციურ Building Information Management მომსახურებას ევროპის, ცენტრალური აზიისა და ამერიკის შეერთებული შტატების მასშტაბით. ექსპერტთა გუნდი სრულად სთავაზობს მშენებლობის პროცესში, BIM-ის სრულყოფილ განვითარებას, ტრენინგებსა და ინდივიდუალურად მორგებულ გადაწყვეტილებებს, რომლებიც თითოეული პროექტის უნიკალურ საჭიროებებს პასუხობს. აღსანიშნავია, რომ კომპანია უზრუნველყოფს სამუშაო პროცესის სრულ ოპტიმიზაციას, პროექტების შედეგების გასაუმჯობესებლად და რაც მთავარია უმაღლესი ხარისხით და სიზუსტით შესასრულებლად. საქართველოს უნივერსიტეტის, ხელოვნებისა და ჰუმანიტარულ მეცნიერებათა სკოლის და BIMunify-ს შორის გაფორმებული მემორანდუმი, არქიტექტურის პროგრამის სტუდენტებისთვის დამატებით შესაძლებლობებს შექმნის სწავლის პროცესში - მრავალფეროვანი პრაქტიკული სამუშაოების ჩატარებისთვის.


#ახალიამბები #BusinessMediaGeorgia