The Lake • ტბა | Placemakers - საქმით გამოცდილი გუნდის ახალი პროექტი
3 ნოემბერი მსოფლიოში ერთ ერთი უდიდესი ბრენდის, ადიდასის დამაარსებლის, ადოლფ დასლერის დაბადების თარიღია, რომელმაც ისტორიაში ერთ-ერთი საუკეთესო სპორტული სამოსი შექმნა. ყველაფერი ფეხსაცმელებით დაიწყო, რომელიც გამორჩეულ სპორტსმენებს ეცვათ და შემდეგ უკვე ტრენდი ჩვეულებრივმა მოქალაქეებმაც აიტაცეს. დღეს კომპანიის წმინდა შემოსავალი 23 მილიარდს აჭარბებს და ბაზარზე ერთ-ერთ ლიდერობასთან ერთად, მოსახლეობის ფართო მასებისთვის საყვარელ სამოსსაც წარმოადგენს. #ახალიამბები #BusinessMediaGeorgia
დღეს, როცა ტექნოლოგიები რეკორდული სისწრაფით ვითარდება და ვაჭრობა სულ უფრო მეტად გადადის ციფრულ სივრცეში, ელექტრონული კომერციის ბაზარი ახალი რეკორდების დაფიქსირებას აგრძელებს - 2025 წლისთვის მისი მოცულობა 6.8 ტრილიონ დოლარს მიაღწევს, რაც გლობალური საცალო გაყიდვების მეხუთედზე მეტია. როგორ იცვლება ონლაინ ვაჭრობის ტენდენციები, ვინ ლიდერობს მსოფლიო ბაზარზე და რატომ არის დღეს ბიზნესისთვის აუცილებელი ელექტრონულ პლატფორმებზე გადასვლა? #ახალიამბები #BusinessMediaGeorgia
31 ოქტომბერს, იქომერს ასოციაცია საქართველოს ორგანიზებით, eCommerce Day Georgia 2025 გაიმართა. ღონისძიებას - Sheraton Grand Metechi Palac-მა უმასპინძლა. კონფერენცია მესამე წელია ტარდება და საერთაშორისო და ადგილობრივ კომპანიებს ელექტრონული კომერციის სფეროში მიმდინარე ცვლილებებსა და ტენდენციებზე სასაუბროდ აერთიანებს. ღონისძიების მხარდამჭერი ავერსია, რომელიც ელექტრონული კომერციის მიმართულება აქტიურად ავითარებს. ავერსი კონფერენციაზე სტუმრებს სპეციალური საჩუქრებითაც დახვდა. #ახალიამბები #BusinessMediaGeorgia
ევგენი მიქელაძის სახელობის საქართველოს ეროვნული სიმფონიური ორკესტრი 100 წლისაა. საიუბილეო სეზონის ფარგლებში, საქართველოს ეროვნული მუსიკალური ცენტრი და კომპანია „კოკა კოლა ბოთლერს ჯორჯია“, 31 ოქტომბრიდან 5 დეკემბრის ჩათვლით, ეროვნული სიმფონიური ორკესტრის აუდიტორიაში სიმფონიური მუსიკის კონცერტებს წარმოგიდგენთ ცნობილი ქართველი და უცხოელი დირიჟორებისა და სოლისტების მონაწილეობით. #ახალიამბები #BusinessMediaGeorgia
კომპანია არემჯი აგრძელებს გაეროს მდგრადი განვითარების მეოთხე მიზნის ფარგლებში ხარისხიანი განათლების მხარდაჭერას. წლების მანძილზე, ახალგაზრდებისთვის სხვადასხვა არაფორმალური განათლების პროექტებისა და სტუდენტური პროგრამების შეთავაზების პარალელურად, კომპანიამ წლის დასაწყისში ახალი პროექტი წარადგინა, რომელიც სამთო-გეოლოგიურ დარგში მოღვაწე ახალგაზრდა მეცნიერთა მხარდაჭერას ითვალისწინებს. ბოლო თვეების განმავლობაში BMG-ის მაყურებელს, არემჯის ახალგაზრდა მეცნიერთა მხარდაჭერის რამდენიმე მონაწილე უკვე გავაცანით. ახლა კი ჰიდროგეოლოგიისა და საინჟინრო გეოლოგიის ინსტიტუტის მეცნიერ თანამშრომლები, თამარ მიქავა და ლაშა ხვიჩია უნდა გაგაცნოთ. #ახალიამბები #BusinessMediaGeorgia
#საქმიანიდილა - 3 ნოემბერი - პროლოგი #ახალიამბები #BusinessMediaGeorgia
BMG & E-Motors Georgia წარმოგიდგენთ #BMGDRIVE-ს: „პირველი ქართული წიგნი ბრენდინგზე“ რას წარმოადგენს ჩინური ავტოინდუსტრიის ბრენდი? „პროდუქტზე ლაპარაკისას ჩვენ თავს ვწირავთ სიკვდილისთვის“ #BMGDrive-ის მგზავრი: შოთა ჩინჩალაძე - ბრენდინგის სტრატეგი ავტორები: ბექა ბაციკაძე, რატი კაციტაძე, კაკი პაიჭაძე #ახალიამბები #BusinessMediaGeorgia
ინფრასტრუქტურულ პროექტებში არსებული ხარვეზები სისტემურ კორუფციულ რისკებზე მიუთითებს, რაც უარყოფითად მოქმედებს ეკონომიკურ ზრდასა და ინვესტიციების მოზიდვაზე - ეკონომისტების ნაწილი მიიჩნევს, რომ „ქართული ოცნების“ მთავრობის ბოლო დროინდელი ქმედებები არა კორუფციასთან ბრძოლას არამედ კონკრეტული ჯგუფების დასჯას ემსახურება. რა გავლენა ექნება მიმდინარე პროცესებს ქვეყნის განვითარებასა და რეიტინგებზე? #ახალიამბები #BusinessMediaGeorgia
დაზღვიე ავტომობილი ალდაგში და დაიბრუნე სამი თვის პრემია უკან - ამ შეთავაზებით სადაზღვევო კომპანია ალდაგი ტოიოტა ქემრის ან ტოიოტა რავ 4-ის მოდელის ავტომობილის მძღოლებს განსაკუთრებულ შეთავაზებას სთავაზობს. რას მოიცავს შეთავაზება და როგორი სისტემით ხდება 29ოქტომბრიდან 30 ნოემბრის ჩათვლით ამ შეთავაზებით სარგებლის მიღება? სტუმარი: ქეთევან მაღალაშვილი - "ალდაგის" მარკეტინგის დირექტორი #ახალიამბები #BusinessMediaGeorgia
საბალანსო ელექტროენერგიის საშუალო გასაყიდი ფასი წლიურად 4%-ით გაიზარდა და კვტ.სთ-ზე 5.8 ცენტი შეადგინა. Galt & Taggart-ის განახლებული მონაცემებით, საბალანსო ელექტროენერგიის მოცულობა წლიურად 17%-ით გაიზარდა 3.1 ტვტ.სთ-მდე და ჯამური მიწოდების 27% შეადგინა. საინვესტიციო ბანკის ანალიტიკის მიხედვით, მოცულობის ზრდა ძირითადად გამოწვეულია იმპორტის და PPA-იანი ელექტროსადგურების გენერაციის ზრდით. რას უკავშირდება ეს ტენდენცია და როგორია ენერგეტიკული ბაზრის მიმდინარე წლის მონაცემები სტუმართან ერთად გავშლით მსჯელობას ამაზე. სტუმარი: მარიამ ჩახვაშვილი - Galt & Taggart-ის კვლევების დეპარტამენტის სექტორის უფროსი #ახალიამბები #BusinessMediaGeorgia
თიბისი ლიზინგმა და შავი ზღვის ვაჭრობისა და განვითარების ბაკმა 10 მილიონი ევროს ოდენობის საკრედიტო ხაზით პარტნიორობა განაახლეს. აღნიშნული რესურსი მიმართული იქნება კერძო სექტორის ზრდისა და ფინანსური ინკლუზიურობის ხელშეწყობისკენ. თანამშრომლობა წარმოადგენს BSTDB-ის ნდობის გამოხატულებას თიბისი ლიზინგის ძლიერი საბაზრო პოზიციის, რისკების გონივრული მართვისა და ქვეყნის MSME სექტორის განვითარების მიმართულებით მისი მნიშვნელოვანი გავლენისადმი. #ახალიამბები #BusinessMediaGeorgia
ფინანსურმა ჟურნალმა - Global Finance, თიბისი კონცეპტი საქართველოში საუკეთესო პერსონალური საბანკო მომსახურებისთვის, კიდევ ერთხელ დააჯილდოვა. გამარჯვებულები ინდუსტრიის წამყვანი ანალიტიკოსებისა და ექსპერტებისაგან დაკომპლექტებულმა ჟიურიმ გამოავლინა. სარედაქციო საბჭომ, გამარჯვებულები მონაწილე ორგანიზაციების მიერ წარდგენილი აპლიკაციების, ბაზრის მოთამაშეებისგან მოპოვებული ინფორმაციისა და დამოუკიდებელი კვლევების შედეგად გამოავლინა. სტუმარი: ნატა ხურციძე - “თიბისის” პერსონალური საბანკო მომსახურების ხელმძღვანელი #ახალიამბები #BusinessMediaGeorgia
დღეს, როცა გლობალური რისკების მატარებელ რეალობაში ვცხოვრობთ, მათი სია და მნიშვნელობა თითქმის ყოველწლიურად იცვლება: პანდემიის, ომების, კლიმატის ცვლილებისა და ტექნოლოგიური რევოლუციის ფონზე. როგორ შეიცვალა მსოფლიო საფრთხეების ნუმერაცია 2020 წლიდან დღემდე, რატომ დარჩა კლიმატის ცვლილება კვლავ წამყვან პოზიციაზე და რა ახალ გამოწვევად იქცა ხელოვნური ინტელექტი? #ახალიამბები #BusinessMediaGeorgia
წინანდლის ისტორიულ მამულში გუშინ, სრულიად ახალი თავი ჩაიწერა, ქართული ბიზნესის ისტორიაში. სიმბოლურად სწორედ იქ გამართა სილქ როუდ ჯგუფმა კონფერენცია, საიდანაც ფართო საზოგადოებას ჰოლდინგის მიერ წარმატებით განთავსებული, 400 მილიონი დოლარის ღირებულების ობლიგაციებისა და მისი მიზნობრიობის შესახებ განუცხადა. ეს არის ამ დრომდე განხორციელებული ყველაზე მსხვილი კერძო კორპორაციული ემისია. ისევე, როგორც ქვეყნის პირველი საერთაშორისო ემისია 2024 წლის ივლისის შემდეგ, რამაც პრაქტიკულად აღადგინა ქართველი მსესხებლებისთვის საერთაშორისო ბაზარზე წვდომა. მოკლედ, რა მასშტაბისა და მნიშვნელობის მოვლენასთან გვაქვს საქმე და რას ნიშნავს ეს ამბავი არა მხოლოდ სილქ როუდ ჯგუფისთვის, არამედ, მთელი ქართული ბიზნესისა და ეკონომიკისთვის? #ახალიამბები #BusinessMediaGeorgia
ლიბერთიმ, ტრადიციულად გამართა ღონისძიება Craft Your Future Career, რომლის მიზანია ახალგაზრდების მხარდაჭერა და მათთვის კარიერული განვითარების შესაძლებლობების შექმნა. ღონისძიება მიზნად ისახავს სტუდენტების მოზიდვასა და სხვადასხვა მიმართულებით დასაქმების ხელშეწყობას. რამდენიმე წელია, რაც ლიბერთის პარტნიორი უნივერსიტეტების სტუდენტები აქტიურად მონაწილეობენ აღნიშნულ კამპანიაში - Craft Your Future Career, რაც ახალგაზრდების მხრიდან საბანკო სექტორისადმი და კერძოდ, ლიბერთის როგორც დამსაქმებლისადმი მზარდ ინტერესზე მიუთითებს. ლიბერთისთვის ახალგაზრდების განვითარება და დასაქმება ერთ-ერთ მთავარ პრიორიტეტად რჩება. ბანკი მომავალშიც განაგრძობს მსგავსი ინიციატივების განხორციელებას, რათა კიდევ უფრო მეტი ახალგაზრდა ჩაერთოს თანამედროვე ფინანსურ გარემოში და პრაქტიკული გამოცდილება მიიღოს ქვეყნის ერთ-ერთ წამყვან ფინანსურ ინსტიტუტში. #ახალიამბები #BusinessMediaGeorgia
'ბაუმერი' – კომპანია, რომელიც საინჟინრო სერვისების სრულ სპექტრს აერთიანებს: მასალების იმპორტიდან პროექტირებამდე, მონტაჟამდე და ექსპლუატაციის შემდგომ სერვისამდე. 13 წელიწადზე მეტია 'ბაუმერი' უზრუნველყოფს, რომ ჩვენი შენობები იყოს არა უბრალოდ ფუნქციური, არამედ ენერგოეფექტური და მომავალზე ორიენტირებული. კომპანიის მთავარი საყრდენი ადამიანური კაპიტალი და ბრენდია, რომელსაც ამ ადამიანებთან ერთად ქმნიან. ია მოდებაძე - "ბაუმერის" მარკეტინგის დეპარტამენტის ხელმძღვანელი #BRANDVOICE #ბრენდისხმა #ახალიამბები #BusinessMediaGeorgia
მე-20 საუკუნის დასაწყისში, როცა საქართველო დამოუკიდებელი სახელმწიფოს შექმნას ცდილობდა, ქვეყნის წინაშე ერთ-ერთი უმძიმესი ამოცანა იდგა - როგორ აეშენებინა დამოუკიდებელი ეკონომიკა ომებისა და ქაოსის პირობებში. იმ ადამიანებს შორის, ვინც ამ გზაზე უდიდესი პასუხისმგებლობა აიღეს, იყო გიორგი ჟურული - ფინანსთა, ვაჭრობისა და მრეწველობის მინისტრი, რომელიც საქართველოს დემოკრატიული რესპუბლიკის ეკონომიკური სიძლიერის ერთ-ერთ მთავარ შემოქმედად ითვლება. ვინ იყო გიორგი ჟურული და რა ვიცით დღემდე მის შესახებ? #ახალიამბები #BusinessMediaGeorgia
#საქმიანიდილა - 31 ოქტომბერი - პროლოგი #ახალიამბები #BusinessMediaGeorgia
თბილისის გადატვირთულობისა და სატრანსპორტო კოლაფსის მოგვარება საგარეუბნო ჩქაროსნული მატარებლების მიმოსვლის განვითარებას უკავშირდება",- ამის შესახებ "სატრანსპორტო დერეფნის კვლევის ცენტრი" წერს. ორგანიზაციის შეფასებით, ქვეყანაში შრომის ბაზრის არათანაბარი განაწილების პირობებში, სახელმწიფოს ახლო მომავალში დედაქალაქში სივრცითი დაგეგმვისა და ტრანსპორტის განვითარების პოლიტიკის მიმართულებით ფუნდამენტური ცვლილებების განხორციელება მოუწევს. როგორ შეიძლება ავცდეთ სატრანსპორტო კოლაფსს? სტუმარი: პაატა ცაგარეიშვილი - სატრანსპორტო დერეფნის კვლევის ცენტრი, ხელმძღვანელი; #ახალიამბები #BusinessMediaGeorgia
₾1 მილიარდის პრობლემური პროექტები - ინფრასტრუქტურული კრიზისი სტუმრები: ირაკლი გიორგობიანი - ინფრასტრუქტურის მშენებელთა ასოციაციის აღმასრულებელი დირექტორი; ირაკლი აბესაძე - "სამოქალაქო მონაწილეობის ცენტრის ხელმძღვანელი; ტიტე ჯიშიაშვილი - სამშენებლო ლაბორატორია Caucasian Infrastructure Technology-ის დირექტორი; სანდრო ქევხიშვილი - საერთაშორისო გამჭვირვალობა-საქართველოს ანტიკორუფციული პროგრამის ხელმძღვანელი #ახალიამბები #BusinessMediaGeorgia
გართულებული ურთიერთობები რომელიც ჩამოყალიბდა საქართველოს და გერმანიას შორის. საქართველოს ხელისუფლება საჯაროდ ამაში ბრალს სდებს მათ შორის გერმანიის ელჩს საქართველოში პეტერ ფიშერს, რომელთან მიმართებითაც არსებობს ოფიციალური განცხადებები ამ უკანასკნელის მხრიდან ჩართულობაზე რადიკალურ აქტივობებში, კავშირში რადიკალ პოლიტიკოსებთან და მოკლედ ათას უბედურებაში, თეფშის დატრიალება პანტიანში ან შავი დედლის დაკვლაში დაბრალება არ ყოფილა, ეს ნამდვილია. რაც შეეხება გერმანიის რეაქციას: ოქტომბრის შუა რიცხვებისკენ გერმანიის საგარეო საქმეთა სამინისტრომ გადაწყვიტეს, გერმანიის ელჩი საქართველოში პეტერ ფიშერი კონსულტაციებისთვის გამოიძახონ, იმის გადასაწყვეტად, თუ როგორ გააგრძელონ მოქმედება. ამასზე რაიმე სიახლე არ არის, თუმცა, ჩვენ გვაინტერესებს ჩვენმა საზოგადოებამ იცოდეს,თუ რას ნიშნავს როცა ელჩის გაწვევა ხდება და რას მოასწავებს ეს საქართველოსთვის? #ახალიამბები #BusinessMediaGeorgia
თეგეტა ჰოლდინგის შვილობილი კომპანია თეგეტა აკადემია ავტორიზებული კოლეჯია, რომელიც საგანმანათლებლო და საკონსულტაციო საქმიანობას ტექნიკური და ბიზნესის მიმართულებებით ახორციელებს. თეგეტა აკადემია კომპანიებს ეხმარება, გააუმჯობესონ სერვისები, ხელი შეუწყონ თანამშრომლების პროფესიულ განვითარებას, წვლილი შეიტანონ დასაქმებულთა განვითარებაში და გაუზიარონ ახალი ცოდნა და საუკეთესო საერთაშორისო პრაქტიკა. მხოლოდ 2024 წლიდან დღემდე თეგეტა აკადემიამ ტექნიკური და ბიზნეს ტრენინგების მიმართულებით 20-ზე მეტ კომპანიასთან ითანამშრომლა. უფრო კონკრეტულად - რას სთავაზობს თეგეტა ბიზნესს საგანმანათლებლო მიმართულებით? სტუმარი: გიორგი ცინარიძე - „თეგეტა აკადემია“ დირექტორი #ახალიამბები #BusinessMediaGeorgia
პროექტი გამორჩეულია არა მხოლოდ მასშტაბით, არამედ იმითაც, რომ მის არქიტექტურაზე მუშაობდა მსოფლიოში ცნობილი სტუდია Zaha Hadid Architects, რაც თბილისში თანამედროვე, ინოვაციური არქიტექტურის ახალ სტანდარტს ამკვიდრებს. სხვათაშორის, რამდენიმე დღის წინ მარკეტერზე ამოვიკითხე რომ ონლაინ კონტენტის შექმნის პლატფორმა Kapwing-ის უახლესი კვლევის ფარგლებში, რომელიც თითქმის ხუთ მილიონ Midjourney-ის მოთხოვნას მოიცავდა და გამოავლინა კიდეც, თუ რომელი არტისტები, არქიტექტორები და პოპკულტურის წარმომადგენლები გვხვდება პასუხებში ყველაზე ხშირად. როგორც აღმოჩნდა, AI art-ის კატეგორიაში დღეს ალფონს მუჩას, უეს ანდერსონისა და ზაჰა ჰადიდის სახელები დომონირებს. დიახ, არქიტექტურაში კი პოპულარული ზაჰა ჰადიდია, ცნობილი თავისი ფართო, მოქნილი სტრუქტურებით. როგორც ჩანს, იგი მომხმარებელთა მთავარ მუზად რჩება, რადგან 63 000-ზე მეტ მოთხოვნაში ახსენეს მისი სახელი. რა განასხვავებს Citizen Tower-ს სხვა პროექტებისგან, როგორ იქმნება ბრენდი, რომელიც ერთდროულად არის არქიტექტურული სიმბოლო და საინვესტიციო შესაძლებლობა, და რას ნიშნავს, როცა ქალაქის განვითარების მომავალზე გლობალური არქიტექტურული სტანდარტია საზომი? სტუმარი: ნათია გოგია - Cityzen, მარკეტინგის დირექტორი #ახალიამბები #BusinessMediaGeorgia
"ხელ-ნაკეთი" "ფეხ-საცმელი" - Atrio X Ruso რუსო დანელია - Atrio X Ruso, დიზაინერი ავტორები: მანანა მანჯგალაძე, ედგარ ყაზახაშვილი, ლადო ცხადაია #ახალიამბები #BusinessMediaGeorgia
ბიზნესი დღეს არა მხოლოდ ეკონომიკურ, არამედ გარემოსდაცვით პროცესებშიც ერთ-ერთ მთავარ მოთამაშედ იქცა. კლიმატის ცვლილება განსაზღვრავს გადაწყვეტილებებს, ინვესტიციებსა და ახალ შესაძლებლობებს. მსოფლიო დღეს მწვანე ეკონომიკის კონცეფციის გარშემო კონცენტრირებას იწყებს, რომელიც კლიმატის ცვლილების, რესურსების გადაჭარბებულ მოხმარებას, დაბინძურებასა და სოციალურ უთანასწორობას პასუხობს; ამ მოდელის საფუძველზე ქვეყნები განახლებადი ენერგიის წყაროებს, წრიულ ეკონომიკას, სუფთა ტექნოლოგიებსა და სამუშაო ადგილების შექმნას ეყრდნობიან, ხოლო ამ მხრივ ლიდერებს შვედეთი, დანია, დიდი ბრიტანეთი, ფინეთი და შვეიცარია წარმოადგენენ, მაშინ როცა აზიის ზოგი ქვეყანა, მაგალითად ყატარი, ირანი და თურქეთი, დღესაც სერიოზულ გამოწვევებს აწყდება. რეალურად რა არის მწვანე ეკონომიკა და როგორ იქმნება ის? რუბრიკის წამყვანი: თამარ ღუნაშვილი - გაეროს გლობალური შეთანხმების საქართველოს ქსელის სტრატეგიული კომუნიკაციების ხელმძღვანელი; სტუმრები: ანა ოსაძე - „საქართველოს ბანკის“ ESG და მდგრადობის მიმართულების ხელმძღვანელი; თათია ხორბალაძე - ,,თეგეტა ჰოლდინგის” სტრატეგიული კომუნიკაციების დეპარტამენტის ხელმძღვანელი #ახალიამბები #BusinessMediaGeorgia
კომპანია ელპლუსმა პარტნიორ კომპანია ინიმთან ერთად ღონისძიება გამართა რომლის ფარგლებშიც ბიზნესის წარმომადგენლებს ის გადაწყვეტები გააცნო, რომელსაც იტალიური ინიმი თავის პროდუქციაში აერთიანებს. ინიმი სახანძრო უსაფრთხოების მიმართულებით სპეციალიზრდება და ამ მხრივ მაღალი ხარისხის პროდუქციას აერთიანებს. ინიმი რომელიც წამყვანი იტალიური კომპანიაა, სფეროს და ინდუსტრიის 35 წლიანი ექსპერტიზით, პლანეტის 5 კონტინენტზე აქვს გაშლილი საქმიანობა. ინიმის როგორც კომპანიის არსებობის 16 წლიდან,ჩვენი ქართული ელ პლუსი უკვე 15 წელია იტალიური ბრენდის ავტორიზებული წარმომადგენელია საქართველოში და ადგილობრივ ბაზარს კომპანიის სისტემებს სთავაზობს. იტალიურ ინიმისთან სტრატეგიული თანამშრომლობის გარდა, ელ პლიუსის პორტფელში მრავალი სხვა, მნიშვნელოვანი, ინოვაციური და თანამედროვე სისტემებია თავმოყრილი. #ახალიამბები #BusinessMediaGeorgia
28 ოქტომბერს მერსედეს-ბენც საქართველომ სიამაყით გამოაცხადა ახალი ისტორიული ეტაპი კომპანიის განვითარებაში. კომპანიის ექსკლუზიურ ღონისძიებაზე ოფიციალურად შედგა პრემიუმ კლასის ელექტრო EQ მოდელებისა და ახალი ელექტრო G-კლასის პრემიერა. კომპანიის ცნობით ეს არის პირველი შემთხვევა, როდესაც ქართველ მომხმარებლებს საშუალება მიეცათ, თავად ენახათ ინოვაციური ავტომობილები, რომლებიც ერთდროულად ასახავენ სისწრაფეს, ელეგანტურობასა და მდგრად მომავალზე ორიენტირებულ ხედვას. ღონისძიებაზე წარმოდგენილი იყო პრემიუმ კლასის EQ მოდელები, თითოეული აღჭურვილი AMG კომპლექტაციით. ღონისძიების მთავარი ვარსკვლავი Mercedes-Benz G 580 EQ Technology იყო, ლეგენდარული G-Class-ის სრულიად ახალი, ელექტრო ვერსია, რომელმაც დამსწრე საზოგადოება აღფრთოვანებაში მოიყვანა. #ახალიამბები #BusinessMediaGeorgia
"ნოვას" 19 წლის დაბადების დღის მილოცვებს საქართველოს უმსვილესი ბიზნეს გაერთიანა, საქართველოს ბიზნეს ასოციაცია უერთდება რომლის წევრებიც გუშინ თბილისში მდებარე ნოვას შოურუმს ესტუმრნენ, რომელიც სხვათა შორის უკვე 30,000-ზე მეტი დასახელების პროდუქტს აერთიანებს. BAG-ის წარმომდგენლები კომპანიის დირექტორსაც გაესაუბრნენ მიღწეულს შედეგებსა და იმ გეგმებზე, რომელიც ადგილობრივ ბაზარზე კიდევ უფრო გაფართოებას და ნოვას წარმოების გაძლიერებას მოიაზრებს. #ახალიამბები #BusinessMediaGeorgia
1920 წლის შემოდგომაზე საქართველოს პირველ დემოკრატიულ რესპუბლიკას მეორე სოციალისტური ინტერნაციონალის დელეგაცია ეწვია დელეგაციის შემადგენლობაში შედიოდნენ ევროპაში გავლენიანი პოლიტიკოსები: მეორე ინტერნაციონალის ლიდერი კარლ კაუცკი, დიდი ბრიტანეთის მომავალი პრემიერ-მინისტრი რამზეი მაკდონალდი, საფრანგეთის პარლამენტის წევრი პიერ რენოდელი, ბელგიის იუსტიციის მინისტრი ემილ ვანდერველდე, ბელგიის სამეფოს მომავალი პრემიერ-მინისტრი კამილ ჰიუსმანსი და სხვები. სამშობლოში დაბრუნების შემდეგ დელეგაციის წევრებმა ევროპულ პრესაში მრავალი პუბლიკაცია გამოაქვეყნეს, მოაწყვეს შეხვედრები, წაიკითხეს მოხსენებები საქართველოს დამოუკიდებლობის მხარდაჭერისა და ქართული დემოკრატიის დაცვის აუცილებლობის შესახებ. ამ ვიზიტს დიდი გამოხმაურება მოჰყვა ევროპულ პოლიტიკურ წრეებში, გაზარდა საქართველოს პირველი რესპუბლიკის ცნობადობა და დიდწილად უზრუნველყო საქართველოს დე იურე დამოუკიდებლობის აღიარება. რას საუბრობდნენ საქართველოზე ევროპელი ლიდერები 100 წლის წინ? #ახალიამბები #BusinessMediaGeorgia
1947 წლის 30 ოქტომბერს ტარიფებისა და ვაჭრობის საერთო შეთანხმება გაფორმდა, რომელმაც შემდგომში საფუძველი ჩაუყარა დღეისთვის მთავარ სავაჭრო პლატფორმას - მსოფლიოს სავაჭრო ორგანიზაციას. დღეს ორგანიზაცია 164 ქვეყანას აერთიანებს და ლიბერალიზაციასა და გლობალური ინტეგრაციის პრინციპით ხელმძღვანელობს, რომელიც მომსახურების სექტორის წესების ჰარმონიზაციას, ინტელექტუალური საკუთრების დაცვას, დავების გადაწყვეტის პროცესებს და ციფრული ეკონომიკის რეგულირებას უზრუნველყოფს. მიუხედავად ამისა, ორგანიზაცია დღეს პოლიტიკურ, ეკონომიკურ და ტექნოლოგიურ გამოწვევებს, ფინანსურ შეზღუდვებსა და ადამიანური რესურსების დეფიციტს აწყდება, რაც აუცილებლად ხდის სტრუქტურულ რეფორმებსა და წევრებთან უფრო აქტიურ თანამშრომლობას. #ახალიამბები #BusinessMediaGeorgia
#საქმიანიდილა - 30 ოქტომბერი - პროლოგი #ახალიამბები #BusinessMediaGeorgia
28 ოქტომბერს ქართული კონიაკის წარმოების ფუძემდებლის, წარმატებული ბიზნესმენისა და დიდებული ქველმოქმედის, დავით სარაჯიშვილის დაბადების დღეა. კაცი, რომელსაც თავისი უნიკალური ბიზნეს ხედვიდან გამომდინარე, იმ დროის მარკეტერადაც კი მოიხსენიებდნენ. მისმა ცხოვრებამ და ღვაწლმა წარუშლელი კვალი დატოვა საქართველოს ისტორიასა და კულტურაზე. ვინ იყო დავით სარაჯიშვილი? #ახალიამბები #BusinessMediaGeorgia
მხოლოდ ქართულის რუბრიკაში სოციალური საწარმო სამკერვალო "ლიდერის" შესახებ გიყვებით, რომელიც 2016 წლიდან ოპერირებს და სპეციალური საჭიროების მქონე ქალებისთვის ჯერ ჭრა-კერვის სწავლებას, შემდეგ კი მათ დასაქმებას ისახავს მიზნად. საწარმომ სტარტი ქალაქ გორში აიღო, შემდეგ კი თბილისში გაფართოვდა, ამჟამად 20-მდე რეგულარულ თანამშრომელს ასაქმებს და უმეტესად კორპორატიულ დაკვეთებზე მუშაობს, თანაც ქვეყნის უმსხვილეს კომპანიებთან თანამშრომლობს. მხოლოდ ეს არაა, სოციალურ საწარმო სამკერვალო ლიდერში ახალი, ბავშვის ტანსაცმლის ბრენდი "ლიმოც" დაიბადა, რომელიც საექსპორტო ბაზრებზე საკმაოდ აქტიურად ოპერირებს. სტუმარი: ნინო გიორგაძე - სოციალური საწარმო სამკერვალო "ლიდერის" დამფუძნებელი თიკო ნატმელაძე - #მხოლოდქართული, ავტორი; #ახალიამბები #BusinessMediaGeorgia
საქართველოს ბანკისა და გაეროს განვითარების პროგრამის, UNDP-ის მხარდაჭერით, მეწარმე ქალთა განვითარების პროგრამის კიდევ 60-ზე მეტმა მონაწილემ გაიარა გადამზადება. პროგრამა 2022 წლიდან ხორციელდება და მიზნად ისახავს იმ ქალთა დახმარებას, რომლებიც უკვე მართავენ საკუთარ ბიზნესს ან მეწარმეობის დაწყებას გეგმავენ, პროგრამა კი აძლევს მათ ცოდნას, პრაქტიკულ უნარებს და რეალურ შესაძლებლობებს განვითარებისთვის. სტუმრები: ეკატერინე ჭურაძე - საქართველოს ბანკის მცირე და საშუალო ბიზნესის არასაბანკო პროდუქტების განვითარების დეპარტამენტის ხელმძღვანელი ანა ჩხეიძე - გაეროს განვითარების პროგრამის (UNDP) გენდერული თანასწორობის პროექტის კოორდინატორი #ახალიამბები #BusinessMediaGeorgia
1923 წლის, 29 ოქტომბერს თურქეთის რესპუბლიკა გამოცხადდა. მისი პირველი პრეზიდენტი კი ქემალ ათათურქი გახდა, ადამიანი რომელმაც თურქეთის ბედი და მომავალი განსაზღვრა. ეს ის პერიოდია როდესაც თურქეთი ოსმალეთის იმპერიის ნანგრევებზე გადარჩენას ცდილობს და ყველა იმ სიახლეს საჭიროებს რომელიც ძლიერი სახელმწიფოს შენებისთვის არის საჭირო. როგორ შეცვალა თურქეთის ბედი ათათურქმა #ახალიამბები #BusinessMediaGeorgia
თურქეთში, სტამბულსა და ანკარაში, OECD-ისა და GIZ-ის ორგანიზებით გაიმართა სასწავლო ტური, სადაც განხილული იყო, როგორ შეიძლება ციფრული ტრანსფორმაცია გახდეს არა მხოლოდ ეკონომიკური ზრდის, არამედ ადამიანური კაპიტალის განვითარების საფუძველი. ამავე პერიოდში, ერევანში ჩატარდა საერთაშორისო ვაჭრობისა და ინვესტიციების ფორუმი, ITIF 2025, რეგიონულ ინიციატივებში და დისკუსიებში - საქართველოდან მონაწილეობდა, საქართველოს ინფორმაციული ტექნოლოგიების ასოციაციის თავმჯდომარე თორნიკე თოხაძე, რომელიც საქმიან დილას სტუმრობს. და მასთან ერთად გავაგრძელებთ საუბარს, ფორუმზე, რომელიც ერთ სივრცეში აერთიანებდა სხვადასხვა ქვეყნის მთავრობის წარმომადგენლებსა და ბიზნეს ლიდერებს, და სადაც განიხილავდნენ ახალ შესაძლებლობებს რეგიონული პარტნიორობებისა და ინოვაციური ეკონომიკური თანამშრომლობის გასაძლიერებლად. სტუმარი: თორნიკე თოხაძე - ინფორმაციული ტექნოლოგიების ასოციაციის თავმჯდომარე #ახალიამბები #BusinessMediaGeorgia
ელექტროენერგია კაცობრიობის ერთ-ერთი უმთავრესი რესურსი და ყოველდღიური ცხოვრების საყრდენი ენერგიაა. თუმცა, მისი გამომუშავების ფასი ქვეყნიდან ქვეყანაში განსხვავდება და დამოკიდებულია როგორც გეოგრაფიულ მდებარეობაზე, ასევე ეკონომიკურ განვითარებასა და ტექნოლოგიურ შესაძლებლობებზე. თანამედროვე მსოფლიო ენერგეტიკის სურათში ბალანსს ქმნიან როგორც ძვირადღირებული — გაზისა და ბირთვული საწარმოები, ისე ხელმისაწვდომი — ქარისა და მზის სადგურები. ჩვენს სიუჟეტში მოგიყვებით, რომელ ენერგიის წყაროს რა ფასი აქვს და როგორ განისაზღვრება ელექტროენერგიის წარმოების რეალური ღირებულება სხვადასხვა ქვეყანაში? #ახალიამბები #BusinessMediaGeorgia
თიბისი ბიზნესისთვის რუბრიკით ვაგრძელებთ საქმიან დილას და უნდა მოგიყვეთ კომპანია სითიკომზე, რომელიც ერთ-ერთი წამყვანი კომპანიაა საქართველოში საცხოვრებელი კორპუსების მენეჯმენტის სფეროში. კომპანია ეხმარება სამეზობლოებს საერთო ხარჯების შეგროვებაში, ლიფტების მონტაჟსა და მომსახურებაში, ასევე კომუნიკაციის გამართულად წარმართვაში. დღეს სითიქომი რამდენიმე ქალაქში ოპერირებს, ასაქმებს ასობით ადამიანს და მიუხედავად ზოგადი კადრების დეფიციტისა, განაგრძობს ზრდასა და სერვისების გაფართოებას. მნიშვნელოვანია აღინიშნოს, რომ კომპანიის განვითარებაში დიდ როლს თამაშობს თიბისი ბანკი, რომლის მხარდაჭერამაც სითიქომს საშუალება მისცა სერვისები უფრო ტექნოლოგიური და მომხმარებელზე მორგებული გაეხადა. სტუმარი: ანა იაშვილი - "სითიქომი", გაყიდვებისა და კორპორატიული მომსახურების დეპარტამენტის უფროსი #ახალიამბები #BusinessMediaGeorgia
ბოლო წლების ეკონომიკურმა პროცესებმა ნათლად აჩვენა, რომ მსოფლიო ბაზარი დღეს მხოლოდ ფორმალურადაა „თავისუფალი“.თითქმის ყველა წამყვანი ეკონომიკა დღეს ბაზარს სახელმწიფოს ფულით ამუშავებს - სუბსიდიებით, საგადასახადო შეღავათებით და პირდაპირი ინვესტიციებით. სახელმწიფო უკვე მხოლოდ მარეგულირებელი აღარ არის - ის გახდა აქტიური ინვესტორი, რომელიც ქმნის პირობებს კერძო ინოვაციისა და ტექნოლოგიური განვითარებისათვის. ამ პირობებში, რამდენად კარგავს თავისუფლებას, თავისუფალი ბაზარი და რა რეალობა იკვეთება, მათ შორის, მსოფლიოს წამყვან, განვითარებულ ეკონომიკებში? #ახალიამბები #BusinessMediaGeorgia
17 ოქტომბერს ტირანაში გამართულ ევროპული საბანკო ფედერაციის ასოცირებული წევრების 63-ე შეხვედრას. შეხვედრაზე განხილვის მთავარი თემა იყო ის ეკონომიკური, ტექნოლოგიური და რეგულაციური ცვლილებები, რომლებიც ევროპის და რეგიონის საბანკო სექტორზე ახდენს გავლენას. მონაწილეებს შორის საქართველოც იყო, ჩვენი ქვეყნის საბანკო ასოციაცია აქტიურად ჩაერთო დისკუსიებში, სადაც განსაკუთრებული ყურადღება დაეთმო ციფრულ ფინანსებს, გადახდების თანამედროვე სისტემებს და კიბერუსაფრთხოებას. სტუმარი: ალექსანდრე ძნელაძე - საქართველოს საბანკო ასოციაცია, პრეზიდენტი #ახალიამბები #BusinessMediaGeorgia
ქართული ნაციონალური ბალეტის, ჩვენი ქვეყნის გამორჩეული ბრენდის და კულტურის ელჩის ისტორიაში 2026 წლის 17 იანვარი ოქროს ასოებით მოინიშნება. სწორედ ამ დღეს მსოფლიოს წამყვან სცენაზე, კარნეგი ჰოლში, სუხიშვილების დებიუტი შედგება. საღამო ანსამბლის სრული ფორმატის წარმოდგენას, მათ შორის ყველაზე აღიარებული, საკულტო ნომრების შესრულებას მოიცავს. მანამდე კი, სუხიშვილების ნიუ-იორკის პროგრამის გახსნის ღონისძიება 16 იანვარს, “როკფელერის ცენტრში” გაიმართება. ეს იქნება კარნეგი ჰოლის საღამოს ოფიციალური დიპლომატიური და კულტურული პრე-მიღება, რომელიც სხვადასხვა სფეროს წარმომადგენლებს გააერთიანებს. ღონისძიების ორგანიზატორი ამერიკაში დაფუძნებული კომპანია “ემოლას ქორფორეიშენია” რომელიც ქართული ბიზნესის მხარდაჭერით, ორდღიან, დაუვიწყარ თავგადასავალს აანონსებს -მოკლედ, ოკეანის მიღმა, წინ დიდი ამბები გველის. ისტორიული მოვლენა - სუხიშვილები კარნეგი ჰოლში! #ახალიამბები #BusinessMediaGeorgia
საყოფაცხოვრებო ტექნიკის ბრენდი ბეკო საქართველოში 28 წლიანი წარმატებული ოპერირების იუბილეს აღნიშნავს და ამ თარიღს სიახლეებით შეხვდა. კერძოდ, კომპანიამ ორი ახალი საერთაშორისო ბრენდი ინდეზიტი და თიესელის შვილობილი კომპანია აიფალკონი წარადგინა, - ამ ბრენდის პროდუქცია ახლა უკვე ბეკოს მაღაზიათა ქსელში იქნება წარმოდგენილი. სიახლეების გარდა, ბეკო იუბილეს მომხმარებლებისთვის სპეციალური ფასდაკლებებითა და შეთავაზებებითაც აღნიშნავს. #ახალიამბები #BusinessMediaGeorgia
სააფთიაქო ქსელ ჯიპისიში მომხმარებელს სპეციალური შეთავაზებები ელოდება. ამის მიზეზი კი დაბადების დღეა, რომელსაც კომპანია მომხმარებელთან ერთად აღნიშნავს. რა დახვდება მომხმარებელს ადგილზე, რა შეთავაზებები აქვს კომპანიას? #ახალიამბები #BusinessMediaGeorgia
"ნოვა" 19 წლის გახდა! - კომპანიის ისტორია & საიუბილეო შეთავაზებები მომხმარებლებს #ახალიამბები #BusinessMediaGeorgia
#საქმიანიდილა - 29 ოქტომბერი - პროლოგი #ახალიამბები #BusinessMediaGeorgia
IWSC - იგივე საერთაშორისო ღვინისა და სპირტიანი სასმელების კონკურსი, საქართველოში საერთაშორისო მსაჯთა ვარსკვლავურ გუნდს მოიპატიჟებს, რომელთა გამოცდილებითა და ცოდნით კონკურსი უმაღლესი სტანდარტების დაცვით ჩატარდება. ჟიურის შემადგენლობას ქართული ღვინის ცნობილი ექსპერტი და IWSC-ის ჟიურის კომიტეტის წევრი, ღვინის მაგისტრი სარა ებოტი უხელმძღვანელებს. მას შეუერთდებიან საერთაშორისო ჟიურის წევრები, მათ შორის, ღვინის ბაიერები, უფროსი სომელიეები და კონსულტანტები. სტუმრები: დარია ხოლოდილინა - ღვინის ექსპერტი; ჯაბა ძიმისტარიშვილი - უფროსი სომელიე #ახალიამბები #BusinessMediaGeorgia
რუსეთის ფედერაციის ტერიტორიაზე საემიგრაციო პოლიტიკის გამკაცრების შედეგად, ქართველი გადამზიდავი მძღოლების დეპორტირების შემთხვევები გახშირდა. გადამზიდავების ინფორმაციით, საქართველოდან რუსეთში ან რუსეთიდან საქართველოში მომავალ ქართულ სატვირთო სატრანსპორტო საშუალებებს ადგილობრივი საპატრულო სამსახურები, ძირითადად ჩრდილოეთ ოსეთის ტერიტორიაზე, აჩერებენ და რუსეთის ტერიტორიაზე კალენდარული წლის განმავლობაში ჯამურად 90 დღეზე მეტი ხნით დაყოვნების შემთხვევაში, საემიგრაციო სამსახურების თანდასწრებით, ქართველ მძღოლს ხუთწლიან დეპორტს უფორმებენ. არსებული ინფორმაციით, დეპორტაცია უკვე შეეხო 100-ზე მეტ ქართველ მძღოლს. სტუმარი: გია წიფურია - საქართველოს საერთაშორისო საავტომობილო გადამზიდავთა ასოციაციის პრეზიდენტი #ახალიამბები #BusinessMediaGeorgia
შრომის უსაფრთხო პირობების ხელშეწყობის ეფექტიანობის აუდიტის ანგარიში უნდა განვიხილოთ საქმიან დილაში, რომელიც გამოქვეყნდა და სადაც ვკითხულობთ, რომ ყოველ 20 ათას დასაქმებულზე 1 შრომის ინსპექტორი მოდის. როგორც აუდიტი განმარტავს, მართალია, ქვეყანაში ინსპექტორების საერთო რაოდენობა შეესაბამება შრომის საერთაშორისო ორგანიზაციის მეთოდოლოგიას, თუმცა, დასაქმებულ ინსპექტორთა რაოდენობის ზრდის ტემპი, ჩამორჩება საქმიანობის გაზრდილ (მათ შორის, არაგეგმიური ინსპექტირებების) მოცულობას. უბედური შემთხვევების სტატისტიკა მიუთითებს, რომ ყველაზე მეტი ინციდენტი წარმოების, მშენებლობისა და ვაჭრობის სექტორებშია. სტუმარი: შოთა ნიჟარაძე - შრომის უსაფრთხოების, ჯანმრთელობისა და გარემოს დაცვის ასოციაცია - Oshe-ს ვიცე-პრეზიდენტი #ახალიამბები #BusinessMediaGeorgia
28 ოქტომბერი მაიქროსოფთის დამფუძნებლის, მილიარდერისა და ფილანტროპის, ბილ გეიტსის დაბადების დღეა. ჯერ კიდევ თინეიჯერობისას დაწყებული ოცნება, ბილ გეიტსმა რეალობად აქცია - მთელი ცხოვრება ტექნოლოგიებით და კოდების წერით იყო დაინტერესებული. თავდაპირველად ფინანსური სირთულეები, ეჭვები და ბრძოლა იყო, მაგრამ რამდენიმე წელიწადში გეიტსმა ტექნოლოგიური ინდუსტრია სრულად შეცვალა. ახლა, 69 წლის ასაკში, ფილანტროპიითაა დაკავებული, მაგრამ დღემდე მიიჩნევს, რომ ყველაფერი ერთი პატარა თამაშით დაიწყო — იმით, რაც პირველივე დღიდან აძლევდა რწმენას, რომ კომპიუტერს შეუძლია მსოფლიო შეცვალოს. #ახალიამბები #BusinessMediaGeorgia