წელს ღვინის სექტორისთვის რთული წელი იყო. წელს, ფერმერებმა ბოლო 6 წლის განმავლობაში, ყველაზე ცუდი მოსავალი მიიღეს, შედარებით ნაკლები მოსავლის გამო მოსავლის გამო გაიზარდა ყურძნის ფასი და კგ რქაწითელის ფასმა, როგორც დღეს ღვინის ეროვნული სააგენტოს თავმჯდომარემ განაცხადა 1 ლარს გადააჭარბა 1.05 – 1.35 თეთრის ფარგლებში მერყეობდა. ამასთან, შეიძლება ითქვას პირველად მოხდა, რომ საფერავის მოსავალი რქაწითლის მოსავალს აღემატებოდა. როგორი იყო 2023 წელი ღვინის სექტორისთვის, რა არის საჭირო ქართული ღვინის ცნობადობის გაზრდისთვის, როგორ შეიძლება გავზარდოთ ღვინის საექსპორტო ფასი და რა გამოწვევების წინაშე დგას სექტორი? სტუმარი: ზურაბ მარგველაშვილი - „თბილღვინოს“ აღმასრულებელი დირექტორი; #ახალიამბები #BusinessMediaGeorgia
მაგნუს კარლსენი და პეპ გუარდიოლა - როცა ჭადრაკი, შეხვდა ფეხბურთს #ახალიამბები #BusinessMediaGeorgia
სამიზნე ბაზრებზე ქართული ღვინის პოპულარიზაციის ბიუჯეტი იზრდება. თვის მარკეტინგულ აქტივობებზე ღვინის ეროვნული სააგენტო მომავალ წელს 16 მილიონ ლარს დახარჯავს, წელს არსებული 14 მლნ ნაცვლად. შემუშავდა ახალი სახელმწიფო პროგრამაც, რომელიც მხოლოდ ადგილობრივ ბაზარზე ღვინის პოპულარიზაციის წახალისებას ითვალისწინებს. როგორ ნაწილდება 16 მილიონიანი ბიუჯეტი და რა არის ქართული ღვინისთვის სტრატეგიული ბაზრები 2024 წელს? #ახალიამბები #BusinessMediaGeorgia
კადრების დეფიციტის გამო, 24-საათიანი მარკეტები იხურება. როგორც რითეილ ექსპერტი მირანდა მანჯგალაძე აცხადებს, მთავარი მიზეზი, სავარაუდოდ, კადრების დეფიციტია. მისი თქმით, კერძო სექტორს სამუშაო ძალის პოვნა კვლავ უჭირს, შესაბამისად, მათ ღამის ცვლის დასაქმებულები არ ჰყავთ. მიუხედავად ხელფასების მატებისა, ამბობს, რომ დასაქმების მსურველთა რაოდენობა ნაკლებია. მარკეტებთან ერთად, იხურება 24-საათიანი აფთიაქებიც, მიზეზი კადრების დეფიციტი და შრომის კოდექსით ამოქმედებული რეგულაციებია. #ახალიამბები #BusinessMediaGeorgia
#ბიზნესსიახლეები bm.ge-სგან / 13.12.2023 ნოემბერში საქართველოს ექსპორტი და იმპორტი შემცირდა; "აპექს დეველომპენტი მიმდინარე წელს ორჯერ გაიზარდა" - კომერციული დირექტორი; "საქართველოს ბანკის" მხარდაჭერით „ვაზისუბნის მამული“ განახლებად ენერგიაზე გადავიდა; “კონსულტაციები გვაქვს რომ ფქვილის იმპორტზე დაწესებული გადასახადის მექანიზმი გახანგრძლივდეს”-ლევან სილაგავა;#ახალიამბები #BusinessMediaGeorgia
თბილისში 24-საათიანი მარკეტები და აფთიაქები იხურება. კერძო სექტორის ნაწილის განცხადებით, მთავარი მიზეზი კადრების დეფიციტი და შრომის კოდექსში შესული გარკვეული რეგულაციებია. ბიზნეს სექტორში ამბობენ, რომ დამსაქმებლები დასაქმებულებს ღამის ცვლაში ვერ ამუშავებენ, ახალ სამუშაო ძალას კი ვერ პოულობენ. ამასთან, გამოწვევაა კომუნალური ხარჯებიც. #ახალიამბები #BusinessMediaGeorgia
ეკონომიკის სამინისტრომ ელექტროენერგიის მოხმარების პროგნოზი შეამცირა. კერძოდ, 2024 წელს, ქვეყნის ჯამური მოხმარება 14.5 მლრდ კილოვატსაათი ელექტროენერგია იქნება. 2023 წლის სიმძლავრის საპროგნოზო ბალანსის მიხედვით ჯამური მოხმარება 15.3 მლრდ კვტ.სთ-ზე იყო ნავარაუდევი. საპროგნოზო მაჩვენებლებში კლება პირდაპირი მომხმარებლების ანუ მსხვილი კომპანიების მიერ ელექტროენერგიის მოხმარების შემცირებით არის გამოწვეული. რაც შეეხება მოხმარების სხვა მაჩვენებლებს. მომავალ წელს ექსპორტი კვლავ მაღალ ნიშნულზეა პროგნოზირებული. კერძოდ, საექსპორტო ბაზრებზე 774 მლნ კვტ.სთ ელექტროენერგიის გატანა ივარაუდებ, თუმცა ეს მაჩვენებელი შესაძლოა დაკორექტირდეს, რასაც წარმოება/ მოხმარების მაჩვენებლები და საექსპორტო, ძირითადად, თურქეთის ბაზარზე არსებული ფასი განაპირობებს. ხელსაყრელი პირობების გამო, 2023 წელს 9 თვეში ქვეყანამ ექსპორტზე რეკორდული მოცულობის მილიარდ.468 მილიონი კვტ.სთ ელექტროენერგია გაიტანა და რეკორდული 103 მლნ დოლარის შემოსავალიც მიიღო. 2022 წელს ეს მაჩვენებელი 84 მლნ დოლარი იყო. რა ასახვა ექნება ელექტროენერგიის მოხმარების შემცირებას გენერაციის ობიექტების მუშაობაზე? სტუმარი: მარიამ ჩახვაშვილი - Galt & Taggart-ის კვლევების დეპარტამენტის სექტორის უფროსი; #ახალიამბები #BusinessMediaGeorgia
ფქვილის იმპორტზე ამოქმედებული გადასახადის მექანიზმი ვფიქრობ უნდა გაგრძელდეს- ამის შესახებ მეხორბლეთა ასოციაციის ხელმძღვანელმა ლევან სილაგავამ bm.ge-სთან განაცხადა. როგორც სილაგავა ამბობს, გადაწყვეტილებამ, რომლის მიხედვითაც ქვეყანაში ფქვილის იმპორტზე გადასახადი ამოქმედდა, დადებითი ეფექტი მოუტანა დარგს. გაიზარდა ხორბლის იმპორტი, ამუშავდნენ წისქვილკომბინატები, ფქვილის იმპორტი კი შემცირდა. დგას თუ არა დღის წესრიგში აღნიშნული გადასახადის მოქმედების ვადის გაგრძელების საჭიროება და რა გეგმა აქვს ამ და სოფლის მეურნეობის სხვა სტრატეგიულ სექტორებთან მიმართებით სამინისტროს? #ახალიამბები #BusinessMediaGeorgia
ვირჯილ აბლო დიზაინერი, რომელმაც Nike და მოდის ინდუსტრია შეცვალა #ახალიამბები #BusinessMediaGeorgia
„საქართველოს სოფლის მეურნეობა ტრანსფორმაცია და ბოლო ათწლეულის განვითარების ტენდენციები“ - პარლამენტში დღეს ბოლო 10 წლის განმავლობაში სოფლის მეურნეობის სექტორის განვითარების ტენდენციებზე ისაუბრეს და დოკუმენტიც წარადგინეს. მასში მიმოხილულია 2012-2022 წლებში, როგორც სამართლებრივი, ისე ეკონომიკური და ინსტიტუციური პროცესები, აგრარულ სექტორში მიღწეული შედეგები და არსებული გამოწვევები. ასევე ევროკავშირის საკანონმდებლო ჩარჩოსთან დაახლოების მიმართულებით განხორციელებული ცვლილებები. რა ძირითადი გამოწვევები რჩება დღეს სოფლის მეურნეობის სექტორში, რაც დარგის განვითარებას აფერხებს და რა ხედვა აქვს სამინისტროს სუბსიდირების მექანიზმთან დაკავშირებით? #ახალიამბები #BusinessMediaGeorgia
Nike გაყიდვებში კვლავ პირველია - სპორტული ბრენდის დომინაცია თანამედროვე სპორტულ სამყაროზე #ახალიამბები #BusinessMediaGeorgia
#ბიზნესსიახლეები bm.ge-სგან / 12.12.2023 VR Holding-სა და „საქართველოს ტურიზმის განვითარების ფონდს“ შორის თანამშრომლობის მემორანდუმი გაფორმდა; "ჰოუმი" 2024 წლიდან ონლაინ გაყიდვების ამოქმედებას გეგმავს; Piece of BBN-ის მიერ წარმოებული პროდუქციის 100% ამერიკაში ექსპორტირდება; რას საქმიანობს “ლურჯი ბაღი”? #ახალიამბები #BusinessMediaGeorgia
პარლამენტი დაჩქარებული წესით განიხილავს „ადგილობრივი მოსაკრებლის შესახებ“ კანონში ცვლილებებს, რომელიც საპორტო ქალაქებში საკონტეინერო მოსაკრებლის დაწესებას ითვალისწინებს. კანონპროექტის თანახმად საკონტეინერო მოსაკრებლის მაქსიმალური ოდენობა 30 ლარით არის განსაზღვრული. თუ კანონპროექტი არსებული რედაქციით დამტკიცდება, კანონპროექტის ავტორების გათვლებით, ბიუჯეტში დამატებით 14,3 მილიონი ლარის მობილიზება განხორციელდება. საკონტეინერო მოსაკრებლის გადახდას არ ექვემდებარება მხოლოდ ის კონტეინერი, რომლითაც საქონის საზღვაო გზით ტრანსპორტირება 2024 წლის 1 თებერვლამდე დაიწყო და საბაჟო ტერიტორიაზე შემოტანილ იქნა არაუგვიანეს 30 აპრილამდე. კანონპროექტის ინიციატორები მოსაკრებლის ძალაში შესვლის ვადად სწორედ 2024 წლის 1 თებერვალს განიხილავენ. დაჩქარებული წესით კანონპროექტის განხილვა მოთხოვნილია იქიდან გამომდინარე, რომ დეპუტატებს სურთ მოსაკრებლიდან მიღებული შემოსულობები მომავალი წლის ბიუჯეტში ასახონ და ეს სახსრები ინფრასტრუქტურული პროექტების განხორციელებაზე იქნას მიმართული. საკონტეინერო მოსაკრებლის დაწესება ბიზნესისთვის ბუნებრივია ხარჯია, თუმცა ხარჯზე მეტად ნაწილი თვლის, რომ ეს უფრო ბიუროკრატიას გაზრდის. #ახალიამბები #BusinessMediaGeorgia
VR Holding-ი შეკვეთილში ერთ-ერთ მნიშვნელოვან დეველოპერულ პროექტს ახორციელებს. $600 მილიონიანი VR Shekvetili Forest Beach by Paragraph-ის პროექტი კონკრეტულად შავი ზღვის სანაპირო ზოლზე, 40 ჰა ტერიტორიაზე, ყველასთვის კარგად ცნობილი სასტუმრო Paragraph Shekvetili-ს გვერდით განხორციელდება. პროექტი „საქართველოს ტურიზმის განვითარების ფონდთან“ ურთიერთთანამშრომლობით Paragraph-ის ბრენდის მოთხოვნების და გამოცდილების გათვალისწინებით განხორციელდება. მხარეთა შორის ურთიერთთანამშრომლობის მემორანდუმი დღეს, Paragraph Freedom Square a Luxury Collection Hotel-ში გაფორმდა. ღონისძიებას VR Holding-ის დამფუძნებელი ნოშიკო ნამორაძე მასპინძლობდა. პროექტი VR Shekvetili Forest Beach by Paragraph-ი პრემიუმ ხარისხის ვილებს, რამდენიმე 5-ვარსკვლავიან საცხოვრებელ კომპლექსს, სასტუმრო და ბრენდირებულ აპარტამენტებს აერთიანებს. იგი გულისხმობს უნიკალური ტურისტული კომპლექსის მშენებლობას მრავალფეროვანი საკურორტო ინფრასტრუქტურით - როგორიცაა ღია და დახურული ტიპის აუზები, ფეხბურთის, კალათბურთის, ჩოგბურთის, ქვიშის ფრენბურთის და პადელის მოედნები, SPA & Wellness ცენტრი, გასართობი და რეკრეაციული სივრცეები. ეკოლოგიურად სუფთა კომპლექსში გადაადგილება ველო და გოლფის მანქანებისთვის განკუთვნილი ბილიკების გამოყენებით და ეკომეგობრული ტრანსპორტით იქნება შესაძლებელი. #ახალიამბები #BusinessMediaGeorgia
"ზოგადი განათლება ქართულ იდენტობას დაეფუძნება" - ამის შესახებ განათლების მინისტრმა გიორგი ამილახვარმა "ზოგადი განათლების მიმდინარე რეფორმის" პრეზენტაციაზე ისაუბრა. მისი თქმით, ზოგადი განათლების რეფორმა 2004 წელს მიღებული დოკუმენტია და თითქმის 20 წელია არ გადახედილა , შესაბამისად, ამილახვარი ამბობს, რომ მისი განახლების საჭიროება იდგა. მინისტრის თქმით, ახალი "ზოგადი განათლების ეროვნული მიზნები" 2024 წლის იანვარში დამტკიცდება, ახლო მომავალში კი დოკუმენტის ფართო საზოგადოებრივი განხილვები დაიწყება. #ახალიამბები #BusinessMediaGeorgia
ექსპერტები მტკვრის მარჯვენა სანაპიროს ურბანულ გამოწვევებზე საუბრობენ, ამბობენ, რომ ამ არეალში დაგეგმილი მსხვილი ინფრასტრუქტურული პროექტები ქალაქის ისტორიულ არეალთან თანხვედრაში არ მოდის. მტკვრის მარჯვენა სანაპიროზე დაგეგმილი პროექტების გავლენა ექსპერტებმა შეაფასეს და შესაბამისი კვლევა მოამზადეს. კვლევის ფარგლებში დეტალურად იქნა შესწავლილი 16 პრობლემური პროექტი. პროექტების ნაწილი ნაწილობრივ ან სრულად არის შეთანხმებული, ნაწილი კი არა, თუმცა მათი რეალიზების საფრთხე მაღალია. პროექტებს შორის არის: მრავალფუნქციური კომპლექსი საცურაო აუზ „ლაგუნა ვერეს“ მიმდებარედ, მრავალფუნქციური კომპლექსი საქანელას ქუჩის არეალში, მრავალფუნქციური კომპლექსი ყოფილი რესტორან არაგვის არეალში და ქიაჩელის ქუჩასა და მის ძირში, სანაპიროს გასწვრივ მოაზრებული პროექტები. რა ძირითად გამოწვევებზე საუბრობენ დარგის სპეციალისტები, სად ხედავენ გამოსავალს და რას უნდა ველოდოთ მსხვილი ინფრასტრუქტურული პროექტისგან, რომელიც ქალაქის ისტორიულ არეალში შენდება? სტუმარი: ნანო ზაზანაშვილი - არქიტექტორი; #ახალიამბები #BusinessMediaGeorgia
პარლამენტი დაჩქარებული წესით განიხილავს „ადგილობრივი მოსაკრებლის შესახებ“ კანონში ცვლილებებს, რომელიც საპორტო ქალაქებში საკონტეინერო მოსაკრებლის დაწესებას ითვალისწინებს. საკონტეინერო მოსაკრებელი იმ პირებზე გავრცელდება, რომელთა სარგებლობაში ან საკუთრებაში იქნება საზღვაო ნავსადგურში გადამუშავებული კონტეინერი. რატომ ითხოვენ კანონპროექტის დაჩქარებული წესით მიღებას ინიციატორები და რა არის მოსაკრებლის ის მაქსიმალური მოცულობა, რომელიც კანონის მიღების შემთხვევაში დაწესდება? #ახალიამბები #BusinessMediaGeorgia
ფინანსთა სამინისტროს დავების განმხილველმა საბჭომ 2022 წლის ანგარიში გამოაქვეყნა, რომლის მიხედვითაც გასული წლის განმავლობაში დაკისრებული გადასახადების შესახებ 2,796 საჩივარი შევიდა. ეს 2021 წელთან შედარებით 300 დავით ნაკლები იყო. ამ დავების საგანს ₾948 მილიონის საგადასახადო დავალიანება წარმოადგენდა, ეს 2021 წელთან შედარებით 900 მილიონი ლარით ნაკლები იყო. დავების განმხილველმა საბჭომ გასულ წელს სულ 72 სხდომა ჩაატარა, რომლებზეც გადაწყვეტილება მიღებულია 2 613 საქმეზე. ორგანიზაციის ანგარიშში აღნიშნულია, რომ მიღებული გადაწყვეტილებებით სრულად და ნაწილობრივ დაკმაყოფილდა 739 საჩივარი, 1 552 მომჩივანს უარი ეთქვა, ხოლო 322 საჩივარი განუხილველი დარჩა მომჩივნის მიერ სხვადასხვა პროცედურული მოთხოვნის დარღვევის ან დავის შეწყვეტის გამო. როგორც იურიდიული ფირმა GLCC-ის დამფუძნებელი პარტნიორი ირაკლი გაფრინდაშვილი აცხადებს, დაკმაყოფილებული დავების ეს მაჩვენებელი კითხვის ნიშნებს ტოვებს და უწყებისგან დამატებით დაკონკრეტებას მოითხოვს. საკითხები, რომლებიც ფინანსთა სამინისტროს დავების განხილვის საბჭოში ყველაზე მეტად საჩივრდება, გასაანალიზებელია - ასე აფასებენ იურისტები საბჭოს მუშაობის ეფექტიანობას და ამბობენ, რომ მიუხედავად პროგრესისა, დავების საბჭოს მიერ საჩივრების განხილვა და გადაწყვეტილებების მიღება დროში მაინც ჭიანურდება. მათი თქმით, იმ შემთხვევაში თუ ყველაზე მეტად პრობლემური საკითხები გადაიხედება, საკანონმდებლო ჩარჩო დაიხვეწება, საჩივრების რაოდენობაც შემცირდება. #ახალიამბები #BusinessMediaGeorgia
#ბიზნესსიახლეები bm.ge-სგან / 11.12.2023
ფინანსური ანგარიშგება ინვესტორებისთვის ძალიან მნიშვნელოვანი ინსტრუმენტია - ამის შესახებ ფინანსური გამჭვირვალობის მნიშვნელობაზე საუბრისას ბიემჯის გადაცემა ანალიტიკასთან მსოფლიო ბანკის აღმოსავლეთ ევროპასა და შუა აზიაში პროგრამების მენეჯერმა ედრიან ფოზარდმა განაცხადა. მისი თქმით, სწორედ, ფინანსური ანგარიშგება უყრის თავს ყველა იმ ინფორმაციას, რასაც საბოლოო გავლენა აქვს ინვესტირების გადაწყვეტილებაზე.“ BARTA - საუკეთესო წლიური ანგარიშის და გამჭვირვალობის ჯილდო - ცდილობს მხარი დაუჭიროს კომპანიებს, რომ მოამზადონ მაღალი ხარისხის წლიური ანგარიშები და ამით გააუმჯობესონ ფინანსური ინფორმაციის ხარისხი“, - აცხადებს ედრიან ფოზარდი და აღნიშნავს, რომ წელს დაჯილდოებაში 29 კომპანია მონაწილეობს, მათგან 12 თვით–ნომინირებულია.“ ჯილდოს მიმართ აშკარად იგრძნობა მზარდი ინტერესი – კომპანიებს სურთ კონკურსში მონაწილეობის მიღება და საკუთარი საქმიანობის ხარისხის გაუმჯობესება“ - ამბობს ედრიუ ფოზარდი. #ახალიამბები #BusinessMediaGeorgia
მომავალი წლიდან ნავთობის ექსპორტიორი ქვეყნები ნავთობის ყოველდღიურ წარმოებას დამატებით 1 მილიონი ბარელით შეამცირებენ. ამასთან საუდის არაბეთი, რომელიც ნედლი ნავთობის უმსხვილესი ექსპორტიორია, მომავალი წლის პირველ სამ თვეშიც გააგრძელებს დღეში 1 მილიონი ბარელით ნაკლები ნავთობის მოპოვებას, შესაბამისად ჯგუფი 2024 წლის პირველ კვარტალში წარმოებას ნებაყოფლობით სულ 2.2 მილიონი ბარელით ამცირებს. ამ გზით ნავთობმომპოვებლებს ენერგორესურსების ფასების ზრდის კუთხით დაკორექტირება სურთ, რითაც სარგებელს იღებენ. ამჟამად ბრენტის მარკის ნავთობის ფასი 76 დოლარის ნიშნულზეა - როგორ აისახება ოპეკ პლუსის გადაწყვეტილება საერთაშორისო ბაზარზე საწვავის ფასებზე, რა გავლენა შეიძლება ჰქონდეს მას საწვავის ღირებულებაზე საქართველოში, როგორ აისახა რუსეთის მიერ საწვავის ექსპორტზე შეზღუდვის მოხსნა საქართველოს ბაზარზე. #ახალიამბები #BusinessMediaGeorgia
საქართველოს მთავრობა სამი წელია განკარგულებებს არ აქვეყნებს, მაგრამ მთავრობის ადმინისტრაციის უფროსი ირწმუნება, რომ ამით კანონი არ ირღვევა. რევაზ ჯაველიძემ დღეს მედიის კითხვებს მთავრობის სხდომის შემდეგ უპასუხა და ამ თემაზე BMG-ის კითხვის პასუხად თქვა, რომ განკარგულებები მალე გამოქვეყნდება. #ახალიამბები #BusinessMediaGeorgia
რა პრობლემებს აწყდებიან ტურისტები საქართველოში? ბოლო კვლევით, გამოკითხული 5000 ტურისტი მთავარ გამოწვევად სექტორში მომუშავე მძღოლებს ასახელებს. ამ მხრივ მთავარი პრობლემა მძღოლების კვალიფიკაცია და მომსახურების დაბალი ხარისხია. ამასთან, ყველაზე ცოტა, 4% გამოწვევად გიდებს, 7% სასტუმროებს, 9% რესტორნებს ასახელებს. კერძო სექტორში აღნიშნავენ, რომ არსებული სურათი ტურიზმის დარგის იმიჯს ლახავს და მის მოსაგვარებლად მთავრობისა და ბიზნესის ერთობლივი მუშაობაა საჭირო. რატომ არ იცვლება სურათი წლიდან წლამდე ? რა უნდა გააკეთოს ხელისუფლებამ და როგორია ბიზნესის როლი? სტუმარი: ნიკოლოზ სირაძე - “რენტო ჯგუფის” დამფუძნებელი და მმართველი პარტნიორი; #ახალიამბები #BusinessMediaGeorgia
გასულ წელს შემოსავლების სამსახურს ბიზნესი 1 მილიარდ ლარამდე გადასახადზე ედავებოდა - დავების საბჭომ 2022 წლის ანგარიში გამოაქვეყნა. დავების განმხილველმა საბჭომ 2022 წელს სულ 72 სხდომა ჩაატარა, რომლებზეც გადაწყვეტილება 2 613 საქმეზეა მიღებული. რა საკითხებს ეხებოდა ბიზნეს დავები, რამდენად ეფექტიანად მუშაობს ფინანსთა სამინისტროს დაქვემდებარებაში არსებული დავების საბჭო და რამდენად დგას ბაზარზე რეფორმის საჭიროება? #ახალიამბები #BusinessMediaGeorgia
საქართველოდან სატრანზიტო ავიაგადაზიდვები შემცირდა - ამის შესახებ SKYLOG-ის დამფუძნებელი აცხადებს. გიორგი ზუმბაძის თქმით, ავიაკომპანიები ტვირთების გადასატანად მარტივ გზებს ირჩევენ და ბორტს თბილისის აეროპორტში აღარ აჩერებენ. ამასთან, მისი განცხადებით, გამოწვევაა ქართული თვითმფრინავების ზომა, რომელშიც ტვირთების ნაწილი ვერ ეტევა და ისინი საზღვაო გზებით გადააქვთ. გამოწვევებს შორის SKYLOG-ის დამფუძნებელი ავიასაწვავის ღირებულებას ასახელებს. ცნობისთვის, მიმდინარე წლის მესამე კვარტალში საჰაერო ტრანსპორტით გადატანილი ტვირთის მოცულობა 83.9%-ით, ხოლო ტვირთბრუნვის მოცულობა 83.5%-ით შემცირდა. #ახალიამბები #BusinessMediaGeorgia
ელიავას ბაქტერიოფაგის ბიოპრეპარატების წარმოების ნაწილი ევროპაში გადადის - კომპანიაში ამ ეტაპზე კონკრეტულ ქვეყანას თუ სად მოხდება აუთსორთით ფაგების წარმოება ამ დროისთვის ვერ ასახელებენ, თუმცა ამბობენ, რომ წარმოების გადალაგების ერთ-ერთი მიზეზი GMP სტანდარტების ამოქმედებაა. მათი თქმით, საწარმო ამ მიმართულებით წარმოების სპეციფიკიდან გამომდინარე მნიშვნელოვანი გამოწვევები ჰქონდა. როგორ მიდის ბაზარზე GMP/GDP სტანდარტების დანერგვის პროცესი, შეძლეს თუ არა ქარხნებმა წარმოების გადაწყობა და რა რისკებს ხედავენ როგორც ამ მიმართულებით მომუშავე ექსპერტები, ისე დარგობრივი ასოციაციები. #ახალიამბები #BusinessMediaGeorgia
მიმდინარე წლის მესამე კვარტალში საქართველოში პირდაპირი უცხოური ინვესტიციების სახით 316 მილიონი დოლარი შემოვიდა, რაც წინა წლის ანალოგიურ პერიოდთან შედარებით 504 მილიონი დოლარით, ანუ 61%-ით ნაკლებია. მთლიანად სამი კვარტალის განმავლობაში FDI-მ 1.38 მილიარდი დოლარი შეადგინა, რაც წინა წელთან შედარებით 399 მილიონი დოლარით, ანუ 22%-ით ნაკლებია. სტატისტიკის თანახმად, მესამე კვარტალში ინვესტიციების კლება სავალო ვალდებულებების გასტუმრებამ განაპირობა, რამაც 603 მილიონი დოლარი შეადგინა. ყველაზე მეტი პირდაპირი უცხოური ინვესტიცია საფინანსო და სადაზღვევო საქმიანობების სექტორში განხორციელდა და 80.2 მლნ. დოლარი შეადგინა. ჯამურად 9 თვის სტატისტიკითაც პირველ ადგილზეა საფინანსო სექტორი. აღნიშნულ პერიოდში სექტორში 342 მილიონი დოლარი ჩაიდო. 131%-ით გაიზარდა FDI დამამუშავებელ მრეწველობის სექტორში და 287,5 მილიონი დოლარი შეადგინა. 89%-ით შემცირდა პირდაპირი უცხოური ინვესტიციები უძრავ ქონებასთან დაკავშირებულ საქმიანობაში, 57%-იანი შემცირებაა მშენებლობის სექტორში, 100%-იანი კლება დაფიქსირდა წყალმომარაგების სექტორში. სექტორში. ყველაზე მეტი FDI 2023 შემდეგ კომპანიებში ჩაიდო: აიდიეს ბორჯომი, მაგთიკომი, ბიჯეო ჯგუფი, ფოთი ტერმინალი ჰოლდინგი. ასევე ჩინეთის სახელმწიფო სამშენებლო-საინჟინრო კორპორაციის საქართველოს ფილიალი, რომელიც როგორც ვიცით რიკოთის მაგისტრალს აშენებს. რაც შეეხება უმსხვილეს ინვესტორ ქვეყნებს, სამი კვარტალის ჯამით პირველ ადგილს კვლავ ნიდერლანდები იკავებს, მეორე ადგილზე გაერთიანებული სამეფო 188 მილიონი დოლარით. იმისთვის, რომ საქართველო საინვესტიციოდ მიმზიდველი გახდეს პოტენციური ინვესტორებისთვის ამისთვის ქვეყანას კარგი მმართველობის პრინციპების დანერგვა, დემოკრატიის ხარისხის გაუმჯობესება, კვალიფიციური სამუშაო ძალა და შესაბამისად განათლების სისტემის რეფორმა სჭირდება - ასე თვლის "ეკონომიკური პოლიტიკის კვლევის ცენტრის" დირექტორის მოადგილე. ევროკავშირის წევრი კანდიდატი ქვეყნის სტატუსი ზრდის ქვეყნის საინვესტიციო მიმზიდველობას. ევროკავშირ-საქართველოს ბიზნეს საბჭოს აღმასრულებელი დირექტორის შეფასებით, ეს უკვე იგრძნობა ინვესტორების მხრიდან გაზრდილ ინტერესში. #ახალიამბები #BusinessMediaGeorgia
#ბიზნესსიახლეები bm.ge-სგან / 08.12.2023
2023 წლის ყველაზე მაღალ ანაზღაურებადი ქალი სპორტსმენი #ახალიამბები #BusinessMediaGeorgia
DRG მოდელი მშობიარობისა და საკეისრო კვეთისთვის - საყოველთაო ჯანდაცვის პროგრამის ფარგლებში, უკვე 1 თვეა მშობიარობა და საკეისრო კვეთის დაფინანსების მოდელი შეიცვალა და ახალი ტარიფები განისაზღვრა. DRG მოდელით მშობიარობისა და საკეისრო კვეთის მომსახურების ტარიფი ყველა სამედიცინო დაწესებულებისთვის 1 222 ლარით განსაზღვრა, ამასთან, დაფინანსება მოიცავს არჩევით ექიმის აყვანისა და გაუტკივარების საფასურს, ასევე, მედიკამენტების, კვების, პალატის, სხვა პირდაპირ და არაპირდაპირ ხარჯს. „ჩვენების გარეშე, პაციენტის მოთხოვნის საფუძველზე ჩატარებული საკეისრო კვეთა , ან ე.წ. VIP პალატის მომსახურება სახელმწიფოს მიერ არ ფინანსდება. დაფინანსების გაზრდას იწონებენ პროგრამაში ჩართული კლინიკები, თუმცა მომსახურებების, მათ შორის პერსონალური ექიმის აყვანის საშუალების გაუქმებას ნეგატიური შეფასებები მოჰყვა. რა შეცვალა DRG მოდელმა სამშობიარო სახლებისთვის და პაციენტებისთვის, რა გამოწვევებს ხედავენ ექიმები და სად არის გამოსავალი? სტუმარი: ზაზა სინაურიძე - პინეოს ექიმი მეან-გინეკოლოგი, პერინატალური ცენტრის ხელმძღვანელი; #ახალიამბები #BusinessMediaGeorgia
ქართულ სატვირთო ავია კომპანიებს საერთაშორისო ტვირთების გადაზიდვა შეუმცირდათ. კერძო სექტორში აღნიშნავენ, რომ პოსტ პანდემიურ პერიოდში საერთაშორისო ბაზარზე ტვირთბრუნვა დიდი ზომის სამგზავრო ხომალდებსა და სახმელეთო მიმართულებებზე გადანაწილდა. როგორც ბიზნესი აღნიშნავს, გამოწვევაა ქართული თვითმფრინავების ზომა, რომელშიც ტვირთების ნაწილი ვერ ეტევა, რის გამოც ტვირთის მფლობელები საზღვაო გადაზიდვას ანიჭებენ. რა ტენდენციებია სატვირთო ავიაგადაზიდვების ბაზარზე, რომელიც პერსპექტიულად მიიჩნეოდა და რა მოლოდინები აქვს ბიზნესს? #ახალიამბები #BusinessMediaGeorgia
2023 წლის მესამე კვარტალში საქართველოში პირდაპირი უცხოური ინვესტიციების სახით 316 მილიონი დოლარი შემოვიდა, რაც წინა წლის ანალოგიურ პერიოდთან შედარებით 504 მილიონი დოლარით, ანუ 61%-ით ნაკლებია. რამ განაპირობა FDI-ის კლება, რომელ სექტორებში ჩაიდო ყველაზე მეტი ინვესტიცია და არის თუ არა ცვლილება ტოპ ინვესტორ ქვეყნებს შორის? #ახალიამბები #BusinessMediaGeorgia
უდიდესი იმპერატორი დიდ ეკრანზე - “ნაპოლეონი” და რიდლი სკოტის ეპიკური დაბრუნება #ახალიამბები #BusinessMediaGeorgia
სოფლის მეურნეობის სექტორს ახალი კანონი ექნება. „სოფლის მეურნეობისა და სოფლის განვითარების შესახებ“ - ასე ჰქვია ახალ კანონპროექტს, რომელიც პარლამენტის აგრარულ საკითხთა კომიტეტთან არსებულ საკონსულტაციო საბჭოს სხდომაზე განიხილეს. პროექტი სექტორში პოლიტიკის ძირითად პრინციპებს ადგენს და უფლებამოსილი უწყებების კომპეტენციებს განსაზღვრავს. როგორც აგრარული კომიტეტის თავმჯდომარე ამბობს, ეს არის ევროპულ მოდელზე დაფუძნებული კანონპროექტი. დოკუმენტში პირველად გაჩნდება ფერმერის და ფერმერული მეურნეობების დეფინიციები. ასევე შემოდის ფერმერთა რეესტრის წარმოების პრაქტიკა. ერთ-ერთი მთავარი სიახლე, გადამხდელთა სააგენტოს შექმნაა, რომელიც როგორც ბიუჯეტიდან, ასევე დონორებიდან მიღებული დაფინანსების მიზნობრივი გამოყენებისა და კონტროლის ფუნქციას შეასრულებს. კანონით მას ბენეფიციარ სუბიექტთა ინსპექტირების მანდატიც ექნება. როგორც ნინო წილოსანი აცხადებს, ეს იქნება ევროპული სტანდარტის უწყება, რა უფლებამოსილებასაც დღეს არსებული სოფლის განვითარების სააგენტო ფორმირების შემდეგ შეასრულებს. კანონპროექტი ითვალისწინებს ასევე სოფლის მეურნეობისა და სოფლის განვითარების უწყებათაშორის საბჭოს შექმნას, რომლის ერთ-ერთი მთავარი ფუნქცია სოფლის მეურნეობის განვითარების სტრატეგიისა და სამოქმედო გეგმის განახლება და სრულყოფა იქნება. კანონპროექტის ძირითადი პრინციპები ბიზნესისთვის მისაღებია, თუმცა აქვთ შენიშვნებიც. კანონპროექტის საკომიტეტო განხილვები მომავალი წლის თებერვლიდან დაიწყება. კანონის ძირითადი პრინციპების ძალაში შესვლა 2025 წლის იანვრიდან არის გათვალისწინებული. #ახალიამბები #BusinessMediaGeorgia
#ბიზნესსიახლეები bm.ge-სგან / 07.12.2023
როგორი იყო 2023 წელი ავიაციის სექტორისთვის, რა მაჩვენებლებით იხურება წელი და რა გეგმები აქვთ ბაზრის მოთამაშეებს მომავალ წელს? #ახალიამბები #BusinessMediaGeorgia
დღეს მსოფლიო და საქართველო სამოქალაქო ავიაციის დღეს აღნიშნავს. თბილისისა და ბათუმის საერთაშორისო აეროპორტების მმართველმა კომპანია ტავ ჯორჯიამ ავიაციის სფეროს წარმომადგენლებს უმასპინძლა და დააჯილდოვა, აეროპორტის ღვაწლმოსილი თანამშრომლები, საავიაციო უნივერსიტეტის 5 სტუდენტს კი, ტავ ჯორჯიას სახელობითი სტიპენდიები გადასცა.მიღებაზე გამოვლინდა 2023 წლის ორი უმსხვილესი ავიაკომპანია, რომლებიც მიმდინარე წელს ყველაზე მეტ მგზავრს მოემსახურნენ.2023 წელს ამ მიმართულებით ლიდერები თურქიშ ეარლაინსი და ჯორჯიან ეარვეისი აღმოჩნდნენ. #ახალიამბები #BusinessMediaGeorgia
სოფლის მეურნეობის სექტორს ახალი კანონი ექნება. „სოფლის მეურნეობისა და სოფლის განვითარების შესახებ“ - ასე ჰქვია ახალ კანონპროექტს, რომელიც დღეს პარლამენტის აგრარულ საკითხთა კომიტეტთან არსებულ საკონსულტაციო საბჭოს სხდომაზე განიხილეს. პროექტი სექტორში პოლიტიკის ძირითად პრინციპებს ადგენს და უფლებამოსილი უწყებების კომპეტენციებს განსაზღვრავს, ასევე შეიქმნება ახალი სააგენტოც. #ახალიამბები #BusinessMediaGeorgia
ევროკავშირი მზად იქნება, ფინანსური მხარდაჭერა გაუწიოს შავ ზღვაში ელექტროენერგიის გადამცემი წყალქვეშა კაბელის გაყვანის პროექტს - ეს განცხადება ზუსტად 1 წლის წინ ევროკომისიის პრეზიდენტმა, ურსულა ფონ დერ ლაიენმა ბუქარესტში საქართველოს, აზერბაიჯანს, უნგრეთსა და რუმინეთს შორის ელექტროკაბელის გაყვანაზე ოთხმხრივი შეთანხმების ხელმოწერის ღონისძიებაზე განაცხადა. ამ ერთი წლის განმავლობაში ყველა მხარე ბევრს საუბრობდა პროექტის მნიშვნელობასა და პოტენციალზე. 1 წლის შემდეგ უკვე მზადაა შავი ზღვის წყალქვეშა კაბელის პროექტისთვის იტალიური საკონსულტაციო კომპანია “ჩეზის“ მომზადებული სკოპინგის ანგარიში და კვლევა შემდეგ ეტაპზე გადავიდა. ეკონომიკის მინისტრი ამბობს, რომ ტექნიკური მიზანშეწონილობის კვლევის პირველადი შედეგები დამაიმედებელია და 2024 წლის თებერვალში, როდესაც საქართველოს, აზერბაიჯანის, რუმინეთისა და უნგრეთის მონაწილეობით შემდეგი მინისტერიალი გაიმართება მხარეებს უკვე ექნებათ კვლევის პირველადი მონაცემები. შავი ზღვის წყალქვეშა ელექტროკაბელი 1195 კილომეტრი სიგრძის გადამცემი ხაზის აშენებას გულისხმობს, საიდანაც 1100 კმ. წყალქვეშა გაივლის, 1000 მგვტ სიმძლავრის კაბელისთვის საქართველოსა და რუმინეთში მოეწყობა საზღვაო და სანაპირო ელექტროდები, გადამყვანი სადგურები, სახმელეთო და საჰაერო ელექტროგადამცემი ხაზები. ამ რეალურად ისტორიული პროექტის განხორციელებისთვის რამდენიმე მნიშვნელოვანი ფაქტორია საჭირო - მათ შორის რამდენიმე მილიარდის ინვესტირება და როგორც ინფრასტრუქტურის, ისე განახლებადი ენერგიების ასათვისებლად. ვინ არის დღეს პროექტით დაინტერესებული მხარე, გვყავს თუ არა პროექტის რეალური ლობისტები ევროპაში, როგორ უნდა ვიყოთ პროაქტიულები და რა ინტერესები დევს ენერგეტიკულ დაფაზე - ვის სჭირდება ელექტროენერგია და გაზი კავკასიიდან? სტუმარი: ლიანა ჯერვალიძე - ენერგეტიკის საკითხებში პარლამენტის დარგობრივი კომიტეტის მრჩეველთა ჯგუფის წევრი; #ახალიამბები #BusinessMediaGeorgia
ქვეყნების საგარეო ვალი #ახალიამბები #BusinessMediaGeorgia
ევროკავშირი-საქართველოს ბიზნეს საბჭოს ორგანიზებით, თბილისში, შავი ზღვის პლატფორმის ყოველწლიური კონფერენცია გაიმართა. კონფერენციის ფარგლებში ის გამოწვევები და შესაძლებლობები განიხილეს, რაც შუა დერეფნის სატრანსპორტო მარშუტთანაა დაკავშირებული. კერძო სექტორი აცხადებს, რომ პრობლემებია როგორც სარკინიგზო, ისე საპორტო ინფრასტრუქტურის მდგომარეობის თვალსაზრისით. გადამზიდავი კომპანიები ამბობენ, რომ ტვირთბრუნვა იმდენად გაზრდილია, რომ დატვირთულობა არსებულ პორტებში ზღვარს აღწევს. პრობლემას ქმნის პორტებში არსებულ ტარიფებიც, რომელიც მსოფლიოს რიგ საუკეთესო პორტებთან შედარებით ბევრად მაღალია, ეს კი ბიზნესის თქმით, ტვირთების ღირებულებას მნიშვნელოვნად აძვირებს. საბორნე გადაზიდვების მიმართულებით არსებულ გამოწვევებზე იმსჯელეს შავი ზღვის პლატფორმის ყოველწლიური კონფერენციაზე. როგორც ცნობილია, მიმდინარე წელს ფოთსა და კონსტანცას შორის საბორნე მიმოსვლა დაიწყო. ბორანს სატვირთო ავტომობილებისა და კონტეინერების გადაზიდვის გარდა, მსუბუქი ავტომობილებისა და მგზავრთა გადაყვანის შესაძლებლობაც აქვს. კერძო სექტორის წარმომადგენლები ამბობენ, რომ საბორნე გადაზიდვებზე მოთხოვნა იზრდება, თუმცა არსებობს გამოწვევები, რაზეც საქმის კურსშია როგორც საქართველოს, ისე რუმინეთის მხარე. #ახალიამბები #BusinessMediaGeorgia
#ბიზნესსიახლეები bm.ge-სგან / 06.12.2023 „ვისოლ ჯგუფმა“ ერთდროულად „საბვეის“ კიდევ 3 რესტორანი გახსნა; AIR FOOD - ქუთაისის საერთაშორისო აეროპორტში კვების ახალი კონცეპტუალური სივრცე გაიხსნა; „მოცვის გურიიდან თბილისში ტრანსპორტირებას 6 სთ სჭირდება, თბილისიდან დოჰაში - 3 სთ“ - გამოწვევები; ამანათების დროულად ჩაბარება ფერხდება- რას ითხოვენ გადამზიდავები? ჩურჩხელისა და ჩირის მწარმოებელი კომპანია წარმადობას 60%-ით ზრდის - "ჩურჩხელას" გეგმები; #ახალიამბები #BusinessMediaGeorgia
რეფორმა, რომელსაც მთავრობა წარმატებულს უწოდებს - ბიზნესი კი, სირთულეებზე წუხს - ფარმაცევტული ბაზრის რეფორმის შედეგად, საქართველოს მოქალაქეებმა, 350 მილიონ ლარამდე დაზოგეს - ეს განცხადება ჯანდაცვის მინისტრმა რამდენიმე დღის გააკეთა და აღნიშნა, რომ დღეს წამლები მნიშვნელოვნად გაიაფებულია, ზოგ შემთხვევაში 80%-ითაც კი. ზურაბ აზარაშვილი ფარმაბაზარზე მიმდინარე რეფორმას და მედიკამენტებზე რეფერენტული ფასების დაწესებას ერთ-ერთი ყველაზე წარმატებულ რეფორმად აფასებს. ბიზნესს კი რეფორმასთან დაკავშირებით არაერთი შენიშვნა აქვს. სექტორის წარმომადგენლები ამბობენ, რომ მედიკამენტების ხელმისაწვდომობა, რაც რეფორმის მიზანია, მხოლოდ დაბალი ფასით ვერ მიიღწევა და აუცილებელია, ბაზარზე წამლები ფიზიკურად, რეგულარულად იყოს. რა გამოწვევებს ქმნის მედიკამენტების ფასის ხელოვნურად რეგულირება და როგორ აფასებენ სპეციალისტები ფარმაცევტული ბაზრის რეფორმას? სტუმარი: გიორგი დათუკიშვილი - ფარმაცევტი და ფარმაცევტული წარმოებისა და დისტრიბუციის მიმართულებით კონსულტანტი #ახალიამბები #BusinessMediaGeorgia
ევროკავშირი-საქართველოს ბიზნეს საბჭოს (EUGBC) ორგანიზებით, დღეს თბილისში, შავი ზღვის პლატფორმის ყოველწლიური კონფერენცია იმართება. კონფერენციის ფარგლებში განიხილება ის გამოწვევები და შესაძლებლობები, რაც დაკავშირებულია შუა დერეფნის სატრანსპორტო მარშრუტთან. რა უნდა გაკეთდეს იმისთვის, რომ შუა დერეფნის პოტენციალის ათვისება უკეთესად მოხდეს, სად არის დღეს საქართველო ამ კუთხით და რამდენად უმკლავდება გაზრდილ ტვირთნაკადს? რა შეფასებები გაკეთდა ღონისძიებაზე? #ახალიამბები #BusinessMediaGeorgia
#ბიზნესსიახლეები bm.ge-სგან / 05.12.2023 „2022 და 2023 წლებში საუკეთესო საინვესტიციო გარემო იყო სასმელების მწარმოებელი ინდუსტრიისთვის“ - "ეფეს საქართველო"; 2024 წელს დამატებითი ინვესტიციის სახით აშშ-დან $10 მილიონს მოვიზიდავთ - Lineate; ყვარელში "შატო დავითიანი" გაიხსნა; "საქართველოს აქვს პოტენციალი ლოკოკინას მსხვილი მწარმოებელი გახდეს"; #ახალიამბები #BusinessMediaGeorgia
აფხაზეთის საქართველოს შემადგენლობაში დასაბრუნებლად აფხაზეთის მთავრობა კონსტიტუციის ახალ პროექტს ამზადებს. აფხაზეთის ავტონომიური რესპუბლიკის უმაღლესი საბჭოს თავმჯდომარის განცხადებით, მთავრობა კონსტიტუციაში ცვლილებებისთვის ევროპული ქვეყნების გამოცდილებას გაიზიარებს ჯემალ გამახარია ამბობს, რომ საქართველო აფხაზებს ფართო ავტონომიას სთავაზობს, რომელსაც აფხაზების ნაწილი ეთანხმება. #ახალიამბები #BusinessMediaGeorgia
საქართველოში უცხოეთიდან გამოწერები იზრდება - ამას ადასტურებენ ადგილობრივი რითეილერებიც. კერძო სექტორის წარმომადგენლები მთავრობისგან შესაბამისი ნაბიჯების გადადგმას ითხოვენ, იმისთვის, რომ რითეილ ბაზარზე მომუშავე ბიზნესები თანაბარ პირობებში იყვნენ. ოფიციალური სტატისტიკის მიხედვით, 2023 წლის პირველი 9 თვეში, საქართველოში ამანათების შემოსვლის მაჩვენებელი გაიზარდა. ოფიციალური მონაცემებით, იანვარ-სექტემბერში საფოსტო ამანათების რაოდენობა წლიურად 53.4%-ით გაიზარდა. როგორია უცხოეთიდან საქართველოში ამანათების შემოსვლის მაჩვენებელი, გაზრდილია თუ არა დინამიკა წინასაახალწლო პერიოდში და ხომ არ მოიმატა გამოწერებმა თურქეთიდან და საბერძნეთიდან როგორც ამას ადგილობრივი რითეილერები ამბობენ. სტუმარი: გიორგი ქოპილაშვილი - "UPS საქართველოს" ხელმძღვანელი; #ახალიამბები #BusinessMediaGeorgia
„საქართველოს განვითარების ფონდად“ გარდაქმნილი „საპარტნიორო ფონდი“ საქმიანობას 10 სექტემბრიდან ოფიციალურად უკვე შეუდგა, თუმცა საინვესტიციო საქმიანობა ჯერ არ დაუწია. არსებული ინფორმაციით, საქართველოს განვითარების ფონდში ამ წუთებში სამეთვალყურეო საბჭოს სხდომა მიმდინარეობს, სადაც ბორდი ფონდის მომავალი წლის სამოქმედო გეგმას და ბიუჯეტს განიხილავს. რა რესურსით აპირებს რეფორმირებული საპარტნიორო ფონდი საინვესტიციო საქმიანობას, BMG ესაუბრა დავით საგანელიძეს, რომელიც საქართველოს განვითარების ფონდში უკვე სამეთვალყურეო საბჭოს თავმჯდომარის პოსტს იკავებს. ინვესტირების დასაწყებად აქვს თუ არა ფონდს უკვე თანხმობა საერთაშორისო სავალუტო ფონდისგან? #ახალიამბები #BusinessMediaGeorgia
წამალი, რომელიც სპორტს ვნებს - ტრამადოლის გავლენა ათლეტებზე #ახალიამბები #BusinessMediaGeorgia
უცხოეთიდან ონლაინ გამოწერები იზრდება - მომხმარებლები ნივთებს ყველაზე მეტად საბერძნეთიდან და თურქეთიდან იწერენ. მომხმარებლების თქმით, იქ ფასდაკლებაც რეალურია და შესაბამისად, ფასთაშორისი სხვაობა სარეალიზაციო ფასებს შორის იმდენად დიდია, რომ უცხოეთიდან გამოწერას დიდი უპირატესობა აქვს. უცხოეთიდან ონლაინ გამოწერების მზარდ ტენდენციაზე საუბრობს „სინომი რითეილის” დირექტორი რეზო მაღალაშვილიც, რომელიც ქართულ ბაზარზე ისეთ ბრენდებს წარმოადგენს როგორებიცაა ზარა, მასიმო დუტი, ბერშკა, ფულ ენდ ბიარი და სხვა. მაღალაშვილი ამბობს, რომ ფასთაშორისი სხვაობა გამოწვეულია იმით, რომ ადგილობრივი ბიზნესი დამატებით გადასახადებს იხდის, რაც პროდუქციას აძვირებს. მისი თქმით, სახელმწიფომ შესაბამისი ნაბიჯები უნდა გადადგას იმისთვის, რომ ბიზნესები თანაბარ პირობებში ჩააყენოს, რადგან უცხოეთიდან გამოწერების შემთხვევაში საქართველოს ბიუჯეტი მნიშვნელოვან თანხებს კარგავს. უცხოეთიდან ონლაინ გამოწერების ზრდის ფონზე პრობლემები არ შექმნია ICR ჯგუფს. როგორც კომპანიის დამფუძნებელი კახა ხაზარაძე ამბობს, მათ ჯგუფში წარმოდგენილ ფეხსაცმლის ბრენდებთან მიმართებით გამოწვევები არ ფიქსირდება. თუმცა მისი თქმით, უცხოეთიდან ონლაინ გამოწერების ზრდა გრძელვადიან პერსპექტივაში ადგილობრივ ბაზარზე არსებულ წარმომადგენლობებს პრობლემებს შეუქმნის. ხაზარაძე ამბობს, რომ თავად ბრენდებმა უნდა დაიცვან ის ბაზრები, სადაც პროდუქცია აქვთ წარმოდგენილი. #ახალიამბები #BusinessMediaGeorgia