ელექტროენერგია პირდაპირი მომხმარებლების ნაწილისთვის, მსხვილი საწარმოებისთვისაც, მათ შორის ფეროშენადნობთა სექტორისთვისაც გაძვირდა. კერძოდ, როგორც ფეროშენადნობთა საწარმოებში აცხადებენ, სემეკის მიერ 1 აპრილიდან ენერგო პრო ჯორჯიასთვის დადგენილი განაწილების ახალი ტარიფის შედეგად მათ 1 კილოვატსაათი ელექტროენერგია 3 თეთრით გაუძვირდათ. ეს კი იმ ფონზე, რომ დარგისთვის ელექტროენერგიაზე არსებული მაღალი ტარიფები ისედაც ერთ-ერთი მთავარი გამოწვევა იყო, რადგან საწარმოებისთვის პროდუქციის თვითღირებულებაში დენს საკმაოდ დიდი წილი, თითქმის 40% უჭირავს. როგორ აისახება ელექტროენერგიის გაზრდილი ტარიფები ფეროშენადნობების დარგზე, რომელიც გლობალურ ბაზარზე არსებული შედარებით დაბალი ფასების ფონზე, უკვე რამდენიმე წელია კრიზისშია და ზოგადად, როგორია ამჟამად პროდუქციის საექსპორტო ტენდენციები?

სტუმარი: ილია გოგსაძე - AMB Alloys-ის დირექტორის მოადგილე

#ახალიამბები #BusinessMediaGeorgia