ფარმაცევტული ბაზარი მორიგ რეგულაციაზე გადასაწყობად ემზადება. 1 ოქტომბრიდან ძალაში შედის მთავრობის შესაბამისი დადგენილება, რომელიც ეროვნული რეჟიმით ფარმაცევტული პროდუქტის რეგისტრაციის ან ხელახალი რეგისტრაციის დროს იმპორტიორს და ადგილობრივ მწარმოებელს ავალდებულებს არამხოლოდ საბოლოო პროდუქტის მწარმოებელი ქარხნის GMP სერტიფიკატი გააჩნდეს, არამედ იმ სუბსტანციის მწარმოებელი ქარხნის GMP წარმოადგინოს, რომელი სუბსტანციაც წარმოებაში გამოიყენება. რას ითხოვს რეგულატორი ფარმაცევტული ბაზრის მოთამაშეებისგან და რამდენად მზად არის თავად სექტორი აღნიშნული მოთხოვნები დააკმაყოფილოს? #ახალიამბები #BusinessMediaGeorgia
საქართველოს ბანკის მხარდაჭერით თერმოინდუსტრიამ ახალი შოურუმი “ბუდე პლიუსი” გახსნა. ახალი სივრცე თბილისში, გ.ამილახვარის #1 ში, 10 000კვ.მ ფართობზე განთავსდა და ის შოურუმს, სასაწყობე სივრცესა და საოფისე ფართებს აერთიანებს. შოურუმში წარმოდგენილია გათბობა-გაგრილების, მზის სისტემებისა და ჭკვიანი სახლის პრემიუმ ხარისხის პროდუქცია. მომხმარებლებს შოურუმში ისეთი ექსკლუზიური ბრენდები დახვდებათ, როგორიცაა: ვისმანი, იტალთერმი, ისიეი და სხვა 80-ზე მეტი საერთაშორისო ბრენდის პროდუქცია. #ახალიამბები #BusinessMediaGeorgia
ფარმაცევტული ბაზარი მორიგ რეგულაციაზე გადასაწყობად ემზადება. 1 ოქტომბრიდან ამოქმედდება მთავრობის შესაბამისი დადგენილება, რომელიც ეროვნული რეჟიმით ფარმაცევტული პროდუქტის რეგისტრაციის ან ხელახალი რეგისტრაციის დროს იმპორტიორს და ადგილობრივ მწარმოებელს ავალდებულებს არამხოლოდ საბოლოო პროდუქტის მწარმოებელი ქარხნის GMP სერტიფიკატი, არამედ იმ სუბსტანციის მწარმოებელი ქარხნის GMP წარმოადგინოს, რომელი სუბსტანციაც წარმოებაში გამოიყენება. რას ითხოვს რეგულატორი ფარმაცევტული ბაზრის მოთამაშეებისგან და რამდენად არის მზად თავად სექტორი აღნიშნული მოთხოვნები დააკმაყოფილოს? #ახალიამბები #BusinessMediaGeorgia
ჯანმოს პროგნოზით, 2030 წლისთვის ევროპა ჯანდაცვის 950 000 მუშაკის დეფიციტის წინაშე აღმოჩნდება. ორგანიზაციის აზრით, ჯანდაცვის სისტემების კოლაფსის თავიდან ასაცილებლად, ქვეყნებმა სასწრაფოდ უნდა განახორციელონ კადრების შენარჩუნების სტრატეგიები და ინვესტიციები ჩადონ განათლებაში. ჯანდაცვის სფეროში კადრების დეფიციტზე წლებია საუბრობენ საქართველოშიც, სადაც ექიმებისა და ექთნების თანაფარდობის მაჩვენებელი მნიშვნელოვნად ჩამოუვარდება ევროპულ ქვეყნებში არსებულ საშუალოს. რატომ მიდიან ქვეყნიდან ექიმები და ექთნები, რატომ არ ინტერესდებიან ახალგაზრდები პროფესიით და რა ნაბიჯები უნდა გადადგას იმისთვის, რომ დარგში კოლაფსი არ შეიქმნას? #ახალიამბები #BusinessMediaGeorgia
საქართველოში ელექტროენერგიის გამომუშავება შემცირდა. სახელმწიფო ელექტროსისტემის მონაცემებით, 2025 წლის 8 თვეში ქვეყანაში 9.3 მლრდ კვტ.სთ ელექტროენერგია იწარმოვა, რაც 2024 წელთან შედარებით 9%-ით შემცირებული მაჩვენებელია. მცირდება საქართველოდან ექსპორტირებული ელექტროენერგიის მოცულობაც და აგვისტოში ქვეყნიდან მცირე 10 მლნ კვტ.სთ ელექტროენერგია გავიტანეთ. წელს ჯამურად კი ექსპორტზე 505 მლნ კვტ.სთ მოცულობის ელექტროენერგია გავიდა. 2024 წელს კი ეს მოცულობა მილიარდ კილოვატსაათს აჭარბებდა. რა განაპირობებს მაჩვენებლების შემცირებას და რა ვითარებაა ენერგეტიკის დარგში? სტუმარი: მერაბ ლომინაძე - ET SYNERGY-ის დამფუძნებელი #ახალიამბები #BusinessMediaGeorgia
ეკონომიკის სამინისტრომ ენერგეტიკის სექტორში ინვესტორებზე გაცემული მემორანდუმების გადახედვა დაიწყო. მარიამ ქვრივიშვილის ენერგეტიკის სექტორის წარმომადგენლებთან შეხვედრის შემდეგ, ბიზნესი ამბობს, რომ საუბარია ახალ მემორანდუმებზე, რომელიც CFD აუქციონების შემდეგ ინვესტორებს პირდაპირი მოლაპარაკებების სქემის ფარგლებში გაუფორმდათ. კერძო სექტორი ამბობს, რომ წლების განმავლობაში დარგში სპეკულაციური ბაზარი ჩამოყალიბდა, ხდებოდა მემორანდუმებით ვაჭრობა, ამიტომ არ არის გამორიცხული სამინისტრომ ძველ პროექტებზე გაცემულ მემორანდუმებსაც გადახედოს. გაუქმდება თუ არა პირდაპირი მოლაპარაკებების გზით გაფორმებული კონტრაქტები და რა კრიტერიუმებით უნდა შეარჩიოს მთავრობამ რეალურად განხორციელებადი პროექტები? #ახალიამბები #BusinessMediaGeorgia
პარლამენტი ბიზნესების და მომხმარებლების დაცვის მოტივით ახალ კანონპროექტზე იწყებს მუშაობას, რომლითაც ბარათით თუ საგადახდო სისტემის ოპერატორით გადახდების შესრულების მაქსიმალურ საკომისიოდ ოპერაციის ღირებულების 0.5% -ით განისაზღვრება. ინიციატივის განმარტებითი ბარათის მიხედვით, ერთიანი საგადახდო ჭერის დანერგვა ბიზნესებისთვის განჭვრეტად სივრცეს შექმნის და მათ საგადახდო დანახარჯებს შეამცირებს. #ახალიამბები #BusinessMediaGeorgia
გალტ & თაგარტმა, სომხეთში „კაპიტალის ბაზრის მხარდაჭერის პროგრამის ფარგლებში, საგანმანათლებლო კონფერენცია გამართა. კონფერენცია ევროპის რეკონსტრუქციისა და განვითარების ბანკის და ევროკავშირის მხარდაჭერითა და Ameria Management Advisory-თან თანამშრომლობით ჩატარდა. შეხვედრა კაპიტალის ბაზრის განვითარებისთვის საჭირო ESG ინსტრუმენტების განხილვას დაეთმო. კერძოდ, განიხილეს ESG-სთან დაკავშირებული ინსტრუმენტების თავისებურებები; ობლიგაციების გამოშვების პროცედურები და მოთხოვნები ასევე როგორ მუშაობს მწვანე ობლიგაციების ბაზარი. კაპიტალის ბაზრის მხარდაჭერის პროგრამის მიზანი სომხეთში უფრო ეფექტური და თვითკმარი ადგილობრივი კაპიტალის ბაზრების განვითარებაა. პროგრამა მოიცავს საგანმანათლებლო და საკონსულტაციო მხარდაჭერას და დაფინანსების მოპოვების შესაძლებლობას, მათ შორის კოორდინაციას სომხეთის ცენტრალურ ბანკთან და სომხეთის ეკონომიკის სამინისტროსთან. #ახალიამბები #BusinessMediaGeorgia
პარლამენტი ბიზნესების და მომხმარებლების დაცვის მოტივით ახალ კანონპროექტზე იწყებს მუშაობას, რომლითაც ბარათით თუ საგადახდო სისტემის ოპერატორით გადახდების შესრულების მაქსიმალურ საკომისიოდ ოპერაციის ღირებულების 0.5% -ით განისაზღვრება. ინიციატივის განმარტებითი ბარათის მიხედვით, ერთიანი საგადახდო ჭერის დანერგვა ბიზნესებისთვის განჭვრეტად სივრცეს შექმნის და მათ საგადახდო დანახარჯებს შეამცირებს. #ახალიამბები #BusinessMediaGeorgia
ეკონომიკის სამინისტრომ ენერგეტიკის სექტორში ინვესტორებზე გაცემული მემორანდუმების გადახედვა დაიწყო. მარიამ ქვრივიშვილის ენერგეტიკის სექტორის წარმომადგენლებთან შეხვედრის შემდეგ, ბიზნესი ამბობს, რომ საუბარია როგორც ახალ, ისე ძველ მემორანდუმებზე. მხოლოდ PPA კონტრაქტების გზით, სამინისტროში 435 განაცხადია შესული, რომლის გადახედვაც მიმდინარეობს. კერძო სექტორი ამბობს, რომ წლების განმავლობაში დარგში სპეკულაციური ბაზარი ჩამოყალიბდა, ხდებოდა მემორანდუმებით ვაჭრობა, რა პრაქტიკის დასრულებაც ქვრივიშვილის ახალი გუნდის ერთ-ერთი სამიზნეა. #ახალიამბები #BusinessMediaGeorgia
კრიპტო აქტივების მომსახურე პროვაიდერების საქმიანობაზე ზედამხედველობა მკაცრდება- პარლამენტს განსახილველად უკვე წარედგინა ცვლილებები, რომელის მიხედვით, ვირტუალური აქტივის მომსახურების პროვაიდერების საქმიანობა სრულად ეროვნული ბანკის ზედამხედველობის ქვეშ ექცევა. ცენტრალურ ბანკს შეეძლება მათ შორის ვირტუალური აქტივების მომსახურე კომპანიებს მინიმალური საზედამხედველო კაპიტალის მოთხოვნა დაუდგინოს. რა წერია, “ოცნების” დეპუტატების სახელით ინიცირებულ კანონპროექტში და რა იცვლება ბაზრისთვის ახალი მარეგულირებელი ჩარჩოს შემოღებით? #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 23.09.2025 წელს მოცვის ექსპორტი 63.4%-ით გაიზარდა - სად ვყიდით? "[სუბსიდიის მოხსნას] უფრო მეტად საბრენდე სპირტზე ექნება გავლენა, ბოთლის ღირებულება 15-20 ცენტით გაიზრდება - "ასკანელი"; "წლის ბოლომდე გაყიდვების, დაახლოებით, 15%-იანი ზრდაა მოსალოდნელი" – "ოჯახური"; ფრინველის ხორცზე მოთხოვნას ადგილობრივი წარმოება ვერ აკმაყოფილებს - უჩუმბეგაშვილი სექტორის განვითარების პერსპექტივაზე; საშუალო ჩეკის ფასი ვერ მიდის იმ დონემდე, რაც პანდემიამდე იყო - “მეგრული სახლი”; #ახალიამბები #BusinessMediaGeorgia
შენობების ფასადებთან დაკავშირებით ახალი სტანდარტები დამტკიცდება - ამის შესახებ ინიციატივით ირაკლი კობახიძე გამოდის. მისი თქმით, დამტკიცდება კონკრეტული პარამეტრები, რაც განსაზღვრავს შენობების ფასადებს, ღობეებს და სახურავებს. რა ტიპის სტანდარტებზეა საუბარი ჯერ უცნობია, თუმცა კობახიძე ამბობს, რომ შენობების იერსახე გემოვნებიანი უნდა იყოს. რას შეიძლება ნიშნავდეს კობახიძის ინიციატივა, როგორ ფასდება ის არქიტექტორების მხრიდან და რა კითხვებს აჩენს შენობების იერსახისთვის სტარტების დადგენა? #ახალიამბები #BusinessMediaGeorgia
მთავრობა სახელმწიფო შესყიდვებში მონაწილე კომპანიებისთვის თეთრი სიით მინიჭებული შეღავათების გაუქმებას გეგმავს. ეს სიახლე ბიზნესს გასული კვირის დასაწყისში პრემიერ-მინისტრ ირაკლი კობახიძისა და ინფრასტრუქტურის მინისტრის შეხვედრაზე გააცნეს. რევაზ სოხაძის განცხადებით, შესაბამისმა პრეფერენციებმა მავნე პრაქტიკა შეიძინა, ამიტომ მისი გაუქმების საჭიროება დადგა დღის წესრიგში. ინფრასტრუქტურული პროექტების მშენებელი კომპანიების ნაწილში კი აცხადებენ, რომ "თეთრი სიის" ერთიანად გაუქმება სექტორში ლიკვიდურობის მნიშვნელოვან კრიზისს შექმნის. კერძო სექტორში ამბობენ, რომ ე.წ. თეთრი სიის მოდიფიცირება იმგვარად უნდა მოხდეს, რომ ამან კომპანიების მხრიდან ინფრასტრუქტურული პროექტების შესრულებას პრობლემა არ უნდა შეუქმნას. როგორია ბიზნესის პოზიცია და რა გამოწვევების წინაშე შეიძლება დადგეს დარგი ე.წ თეთრი სიის გაუქმებით? სტუმარი: ირაკლი გოგოლიშვილი - სამშენებლო კომპანია "ანაგის" გენერალური დირექტორი #ახალიამბები #BusinessMediaGeorgia
სახელმწიფო, როგორც ბაზრის მთავარი მოთამაშე - კახეთის რეგიონში რთველის სუბსიდირების არსებულმა სქემამ სპირტის ბაზარზე სახელმწიფო მოსავლის მართვის კომპანიის პოზიციები კიდევ უფრო გაამყარა. დარგის წარმომადგენლების ინფორმაციით, ბევრი კომპანია გამოეთიშა პროცესებს, მათ შორის დიდი ზომის ქარხნებიც, რადგან სახელმწიფო კომპანიასთან კონკურენციის გაწევა უჭირთ. რეალობა აჩვენებს, რომ მოსავლის მართვის კომპანიას შეუძლია ბაზარზე არსებული ე.წ ჭარბი ყურძენი სრულად შეიძინოს, მიღებული სასპირტე მასალა კი თვითღირებულებაზე დაბალ ფასადაც კი გაყიდოს, რისი მაგალითები მრავლად არსებობს. #ახალიამბები #BusinessMediaGeorgia
დასაწყობების სექტორში მოთხოვნა გაზრდილია და სასაწყობე ფართებზე გაცემული ნებართვები გასამმაგებულია, - ამის შესახებ "თიბისი კაპიტალის” კვლევაშია ნათქვამი. როგორც ტრანსპორტირების და დასაწყობების სექტორის შესახებ მომზადებულ დოკუმენტშია აღნიშნული, ბოლო 3-4 წლის განმავლობაში დასაწყობებაზე მოთხოვნა 9%-ით იზრდებოდა, სასაწყობე ფართებზე გაცემული ნებართვები კი 2024 წელს 2023 წელთან შედარებით გასამმაგებულია. ამავე მონაცემებით 2025 წლის 8 თვეში კი - 100 000 კვ.მ-ზეა ნებართვა გაცემული. როგროც თიბისი კაპიტალში განმარტავენ, ჯერჯერობით ქვეყანაში მაღალგანვითარებული ლოგისტიკური სერვისების სიმცირეა. #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 22.09.2025 "ფაქტობრივად, ამდენი მილიონი წლების მანძილზე გადაიყარა, შედეგი რა მივიღეთ?" - "ხომლის მარანი" სუბსიდიაზე; ატმის ფასმა მოლოდინი ვერ გაამართლა - "ქანდა აგრიქალჩერი" სეზონის შედეგებზე; წელს, საქართველომ ლოკოკინას ექსპორტით $1.5 მლნ-ს შემოსავალი მიიღო - ზრდა 115%-ია; სვანეთში ხელოვნურად შემცირებული ფასები ტურიზმის მომავალს საფრთხეს უქმნის - სასტუმრო "ფალიანი"; ქუთაისში რამდენიმე ტერიტორიაზე მიწის ფასი გაორმაგებული დაგვხვდა - Brokeri.ge; #ახალიამბები #BusinessMediaGeorgia
სასაწყობე ფართების მშენებლობაზე გაცემული ნებართვების რაოდენობა გასამმაგებულია- თიბისი კაპიტალმა საქართველოს ლოგისტიკის სექტორის შესახებ ახალი კვლევა წარადგინა, სადაც საუბარია, რომ დასაწყობების სექტორში დიდი მოთხოვნა შეიქმნა, რამაც განაპირობა ამ ტიპის ინფრასტრუქტურის მშენებლობაზე მზარდი ინტერესი, თუმცა თიბისი კაპიტალში აცხადებენ, რომ ჯერ-ჯერობით ქვეყანაში მაღალგანვითარებული ლოგისტიკური ცენტრების სიმცირეა, სადაც კომპანიები ყველა საჭირო სერვისს, ერთი ფანჯრის პრინციპით იღებენ. რა ტენდენციებია დასაწყობების სექტორში და როგორია ბიზნესის მხრიდან მოთხოვნა? #ახალიამბები #BusinessMediaGeorgia
22 სექტემბრის მონაცემებით, კახეთის რეგიონში 84 ათასი ტონა ყურძენია გადამუშავებული. ღვინის ეროვნული სააგენტოს ინფორმაციით, ამ ეტაპზე, ღვინის საწარმოებს ყურძენი 6500-მდე მევენახემ ჩააბარა. ღვინის საწარმოების მიერ გადამუშავებული ყურძნიდან 40 ათას ტონამდე რქაწითელი, 37,5 ათას ტონამდე საფერავი, დანარჩენი კი, სხვადასხვა ჯიშის ყურძენია. აღსანიშნავია, რომ წელს რთველი განსხვავებული პირობებით ტარდება, კერძო კომპანიებზე სუბსიდია აღარ გაიცემა და ჭარბ ყურძენს მხოლოდ სახელმწიფო "მოსავლის მართვის კომპანია" ყიდულობს. წელს ერთი კილოგრამი საფერავის ჯიშის ყურძნის ფასი კილოგრამზე 1.50 ლარით განისაზღვრება. სხვა ჯიშის ყურძენზე, მათ შორის რქაწითელზე შესასყიდი ფასი დიფერენცირებულია და ყურძნის შაქრიანობაზეა დამოკიდებული, შესაბამისად, ფასი 1 ლარი -1.20 ლარია. წლევანდელი რთველი ღვინის ექსპორტის კლების ფონზე მიმდინარეობს. წელს 8 თვეში საქართველოდან ექსპორტზე სულ 165.5 მლნ დოლარის ღირებულების ღვინო გავიდა, რაც წლიურად თითქმის 16%-ით შემცირებული მაჩვენებელია. როგორ მიმდინარეობს რთველი და რა ტენდენციებია ექსპორტში? სტუმარი: ირაკლი უგლავა - „ასკანელის“ დირექტორი #ახალიამბები #BusinessMediaGeorgia
სახელმწიფო, როგორც ბაზრის მთავარი მოთამაშე - კახეთის რეგიონში რთველის სუბსიდირების არსებულმა სქემამ სპირტის ბაზარზე სახელმწიფო მოსავლის მართვის კომპანიის პოზიციები კიდევ უფრო გაამყარა. დარგის წარმომადგენლების ინფორმაციით, ბევრი კომპანია გამოეთიშა პროცესებს, მათ შორის დიდი ზომის ქარხნებიც, რადგან სახელმწიფო კომპანიასთან კონკურენციის გაწევა უჭირთ. რეალობა აჩვენებს, რომ მოსავლის მართვის კომპანიას შეუძლია ბაზარზე არსებული ე.წ ჭარბი ყურძენი სრულად შეიძინოს, მიღებული სასპირტე მასალა კი თვითღირებულებაზე დაბალ ფასადაც კი გაყიდოს, რისი მაგალითები მრავლად არსებობს. რა გავლენა აქვს ამას სექტორულ ბიზნესზე? #ახალიამბები #BusinessMediaGeorgia
დასავლური ბაზრების მიმართ ინტერესი საქართველოს ეკონომიკის სტრუქტურაში ტურიზმის მიმართულებიდანაც არის. ევროპელი ვიზიტორების სიმცირის ფონზე, აზიური ბაზრებიდან ტურისტების ინტერესი მზარდია. აღმოსავლეთის ქვეყნებიდან ვიზიტორების მოსაზიდად აქტიურია სამთავრობო პოლიტიკაც. ტურიზმის ეროვნული ადმინისტრაცია მარკეტინგულ კამპანიებს ჩინეთის, კორეის და ინდოეთის ბაზრებზე ატარებს და შედეგები აჩვენებს, რომ 2025 წლის პირველ ნახევარში მხოლოდ ინდოეთიდან საქართველოში ტურისტების რიცხვი 31.4%-ით გაიზარდა, 42,3%-იანი ზრდაა ჩინეთიდან. ორივე აზიური ქვეყანა 2025 წლის 6 თვის მდგომარეობით იმ ტოპ 10 ქვეყანას შორისაა, საიდანაც საქართველოში ყველაზე მეტი ვიზიტორი შემოვიდა. ტურისტული ბიზნესის ნაწილის წარმომადგენელთა შეფასებით, საქართველო ნიშური ტურიზმის ქვეყანის სტატუსს კარგავს და ფიქრობენ, რომ მასიურ ტურიზმზე გათვლა არასწორია. #ახალიამბები #BusinessMediaGeorgia
საქართველო-ჩინეთის თავისუფალი ვაჭრობის შეთანხმებაში ცვლილებები შედის - შესაბამისი შეხვედრა ეკონომიკის სამინისტროში შედგა. უწყების მხრიდან გავრცელებული ინფორმაციით, განახლება შეეხება ელექტრონული ვაჭრობის, ვაჭრობაში ტექნიკური ბარიერების, სანიტარული და ფიტოსანიტარული ზომების და ინვესტიციების ხელშეწყობის მიმართულებებს. უწყების პრესსამსახურში განმარტავენ, რომ მხარეების შეხვედრაზე განხილულ იყო საქართველოში წარმოებული თაფლისა და ფრინველის ხორცის ჩინეთის ბაზარზე დაშვების საკითხები, რომელთან დაკავშირებითაც ქართული მხარე უახლოეს მომავალში პოზიტიურ სიახლეებს ელოდება. რა პერსპექტივა შეიძლება ჰქონდეს დასახელებული პროდუქტების ექსპორტს ჩინეთის ბაზარზე, რა შესაძლო გამოწვევებზე საუბრობენ ბიზნესის წარმომადგენლები და როგორია ჩინეთის თავისუფალი ვაჭრობის შეთანხმების შედეგები? #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 19.09.2025 ფასების შემცირებამ შემოსავალი 40%-ით შეამცირა - სასტუმრო "ფალიანი" ტურისტულ სეზონზე; როგორი იყო თუშეთში ზაფხულის ტურისტული სეზონი? როგორია ავტოპარკის ასაკი საქართველოში? ახალი აპლიკაცია ClubnParty გართობის მოყვარულებს და წვეულებების ორგანიზატორებს ერთმანეთთან დააკავშირებს; „ქანდა აგრიქალჩერი“: კლიმატურმა პირობებმა საექსპორტო გეგმების გადავადება გამოიწვია; #ახალიამბები #BusinessMediaGeorgia
გლობალური კრიპტო ბირჟა საქართველოში ოპერირების ახალ ეტაპს იწყებს. საქართველოში ლიცენზირებული ოპერირების დაწყების შემდეგ, Bybit Georgia-მ ქვეყნის ყველაზე დიდ კრიპტო-ღონისძიებაში დი-გემიფაი 2025-ში მიიღო მონაწილეობა. როგორც კომპანიაში განმარტავენ, დი-გემიფაი 2025-ზე მონაწილეობა ადასტურებს Bybit Georgia-ს მიზანს, გააძლიეროს ადგილობრივი კრიპტო საზოგადოების ჩართულობა და დააჩქაროს პლატფორმის გამოყენება. როგორია სავაჭრო მოცულობით მსოფლიოში მეორე კრიპტოვალუტის ბირჟის განვითარების გეგმები საქართველოში? #ახალიამბები #BusinessMediaGeorgia
ევროპელი ვიზიტორების სიმცირის ფონზე, მთავრობა როგორც ჩანს ფსონს აზიაზე დებს. ტურიზმის ეროვნული ადმინისტრაცია მეტი ვიზიტორის მოსაზიდად ჩინეთის, ინდოეთის და სამხრეთ კორეის ბაზრებზე აქტიურდება. მხოლოდ ამ თვეში საქართველოს სტუმრობდა ჩინური ტურ-ოპერატორების ჯგუფი, სამხრეთ კორეის რეიტინგული შემეცნებითი სამაუწყებლო არხის EBS Korea -ს გადამღებ ჯგუფი და საქორწილო ღონისძიებების ჩატარებით დაინტერესებული 15 მსხვილი ინდური კომპანია. მეტი ვიზიტორის მოსაზიდად ინდოეთს სტუმრობდნენ ქართული ტურისტული კომპანიები, შეხვედრების პარალელურად კი, ინდოეთის 4 ქალაქში მასშტაბური მარკეტინგული კამპანია დაიწყო. ინდოეთის ქალაქებში, დელსა და მუმბაის ცენტრალურ მოედნებზე, საქართველოს შესახებ ბანერები განთავსდა. აქტივობა იგეგმება საქორწილო ღონისძიებების საქართველოში გამართვის კუთხითაც. რა სარგებელი შეიძლება მიიღოს საქართველომ აზიელ ტურისტებზე ფოკუსით და არის თუ არა ქვეყანა მზად ტურისტების ამ სეგმენტს სასურველი მომსახურება შესთავაზოს? სტუმარი: ეკატერინე ჯიქიძე - Guide of Georgia-ს დამფუძნებელი #ახალიამბები #BusinessMediaGeorgia
ჩინეთთან, რომელიც საქართველოს სავაჭრო პარტნიორი ქვეყნებს შორის მე-5 ადგილზეა, საქართველო თავისუფალი ვაჭრობის ხელშეკრულების მოდერნიზებას გეგმავს. გამართული მოლაპარაკებების შედეგად ცვლილებები შევა ელექტრონული ვაჭრობის, ვაჭრობაში ტექნიკური ბარიერების, სანიტარული და ფიტოსანიტარიული ზომების და ინვესტიციების ხელშეწყობის მიმართულებით. ასევე განიხილეს ქართული თაფლისა და ფრინველის ხორცის ჩინეთის ბაზარზე დაშვების საკითხები, რომელთან დაკავშირებითაც ეკონომიკის სამინისტროს ცნობით, ქართული მხარე უახლოეს მომავალში პოზიტიურ სიახლეებს ელოდება. რა პოტენციალი აქვს ქართულ პროდუქციას ჩინეთის ბაზარზე, რომელთანაც თავისუფალი ვაჭრობა 2017 წლიდან გვაქვს და რამდენად აქვს ქვეყანას შესაძლებლობა ჩინეთს თაფლი და ფრინველის ხორცის შესთავაზოს? #ახალიამბები #BusinessMediaGeorgia
დედაქალაქში მიწის ნაკვეთების ბაზარი გააქტიურდა. უძრავი ქონების საბროკერო კომპანიების ნაწილი აცხადებს, რომ ზაფხულის პერიოდში გაყიდვები წლიურად 20%-ით გაიზარდა. მოთხოვნა არსებობს, როგორც საცხოვრებელ, ისე საინვესტიციო მიწის ნაკვეთებზე, თუმცა იქიდან გამომდინარე, რომ დედაქალაქში საინვესტიციო მიწის ნაკვეთების დეფიციტია, მოთხოვნა კი მიწოდებას აჭარბებს ფასი ამ ტიპის უძრავ ქონებაზე საკმაოდ გაიზარდა. მიწის ნაკვეთებზე მზარდია მოთხოვნა რეგიონის დიდ ქალაქებშიც. უკავშირდება თუ არა ბაზრის გააქტიურება გადავადებულ მოთხოვნას და ვინ, რა მიზნით არის დაინტერესებული მიწის აქტივების შეძენით საქართველოში? #ახალიამბები #BusinessMediaGeorgia
საქართველოში კლინიკების აკრედიტაციის პროცესი სრულად წლის ბოლოს დასრულდება. პროცესი სტაციონარული დაწესებულებებისთვის გაზაფხულზე დასრულდა, ამბულატორიებს კი აკრედიტაციის მისაღებად ვადა 2025 წლის ბოლომდე აქვთ. რა შეიცვალა ქვეყანაში საერთაშორისო აკრედიტაციის ვალდებულების შემოღებით, რამდენად სწორად იყო პროცესი დაგეგმილი და როდის იგრძნობენ პაციენტები მომსახურების ხარისხის გაუმჯობესებას? #ახალიამბები #BusinessMediaGeorgia
ფინანსთა მინისტრის პირველი მოადგილე, გიორგი კაკაურიძე ამბობს, რომ სახელმწიფო საწარმოებში ოპტიმიზაცია 1000-ზე მეტ ადამიანს შეეხო. გიორგი კაკაურიძე აცხადებს, რომ დეტალურად კომპანიების მიხედვით ინფორმაცია არ აქვს, თუმცა ჯამურად თანხა დაიზოგა საკადრო ოპტიმიზაციიდან, შესყიდვებიდან და ადმინისტრაციული ხარჯებიდან. დღესვე სახელმწიფო კომპანიებში ხარჯების ოპტიმიზაციასთან დაკავშირებით კიდევ ერთი კომენტარი გააკეთა პრემიერ-მინისტრმა. ირაკლი კობახიძე აცხადებს, რომ წლის ჭრილში მხოლოდ ენერგეტიკის სექტორში მოქმედ სახელმწიფო საწარმოებში 370 მლნ ლარზე მეტია დაზოგილი. #ახალიამბები #BusinessMediaGeorgia
საქართველოში კლინიკების აკრედიტაციის პროცესი სრულად წლის ბოლოს დასრულდება. პროცესი სტაციონარული დაწესებულებებისთვის გაზაფხულზე დასრულდა, ამბულატორიებს კი აკრედიტაციის მისაღებად ვადა 2025 წლის ბოლომდე აქვთ. რა შეიცვალა ქვეყანაში საერთაშორისო აკრედიტაციის ვალდებულების შემოღებით, რამდენად სწორად იყო პროცესი დაგეგმილი და როდის იგრძნობენ პაციენტები მომსახურების ხარისხის გაუმჯობესებას?' #ახალიამბები #BusinessMediaGeorgia
აგვისტოში თბილისის საცხოვრებელი უძრავი ქონების ბაზარზე კლება იყო. კოლიერს ჯორჯიას მონაცემებით, გასულ თვეში თბილისში 224 მლნ დოლარის ბინები გაიყიდა, რაც იანვრის შემდეგ ყველაზე დაბალი მაჩვენებელია. სულ 8 თვეში კი, ბაზარზე მილიარდ 972 მლნ დოლარის გარიგებებია დადებული, რაც იმას ნიშნავს, რომ ბაზრის ზომა წლიურად 190 მილიონით არის გაზრდილი. თუ ბაზარზე ქირის ღირებულება შემცირებულია, ბინების ფასები პირიქით მაინც ზრდას აჩვენებს. უძრავი ქონების ბაზარზე აქტიურობენ უცხოელებიც. მათზე დადებული გარიგების 25%-მდე მოდის. რჩება თუ არა მიმზიდველი მიგრანტების ეფექტით დაბუსტული საქართველოს უძრავი ქონების ბაზარი, ვინ დებს დღეს ინვესტიციებს ქვეყნის ამ მნიშვნელოვან სეგმენტში და როგორ შეიცვალა ბაზრის სტრუქტურა? სტუმარი: ზურაბ ერისთავი - RENTALS -ის მმართველი პარტნიორი და Eristavi Estates-ის დამფუძნებელი #ახალიამბები #BusinessMediaGeorgia
სახელმწიფო საწარმოებში ოპტიმიზაცია 1000-ზე მეტ ადამიანს შეეხო - ამის შესახებ BMG-ის ფინანსთა მინისტრის პირველმა მოადგილემ განუცხადა. გიორგი კაკაურიძე აცხადებს, დეტალურად კომპანიების მიხედვით ინფორმაცია არ აქვს, თუმცა ჯამურად თანხა დაიზოგა როგორც საკადრო ოპტიმიზაციიდან, ასევე შესყიდვებიდან და ადმინისტრაციული ხარჯებიდან. ფინანსთა მინისტრის მოადგილემ ასევე კომენტარი გააკეთა საარბიტრაჟო დავებში წაგებულ თანხებთან მიმართებაში, თუ როდის უწევს საქართველოს ინვესტორებისთვის კომპენსაციის გადახდა. #ახალიამბები #BusinessMediaGeorgia
მთავრობას “ტექინსპექტირების ცენტრების შენობა-ნაგებობების, აღჭურვილობისა და პერსონალის ტექნიკური კვალიფიკაციის მიმართ მოთხოვნების“ შესახებ ტექნიკურ რეგლამენტში ცვლილებები შეაქვს. კერძო სექტორი ვალდებული ხდება ინსპექტირებასთან დაკავშირებული მონაცემები ერთიან ელექტრონულ ბაზაში შეინახოს და სახმელეთო ტრანსპორტის სააგენტოს ელექტრონულად მიაწოდოს. ცენტრები უნდა აკმაყოფილებდეს მთელ რიგ საინფორმაციო-ტექნოლოგიურ მოთხოვნებს, მათ შორის ისინი ვალდებულნი იქნებიან, ტესტირების სივრცე(ებ)ში ვიდეომეთვალყურეობის სისტემები დაამონტაჟონ. #ახალიამბები #BusinessMediaGeorgia
თბილისსა და ბათუმში უცხო ქვეყნის მოქალაქეების მხრიდან უძრავი ქონების შეძენაზე მოთხოვნა გაიზარდა. მხოლოდ დედაქალაქში წელს 7 თვეში რეალიზებული უძრავი ქონებიდან 25% უცხოელებმა იყიდეს. ეს მაჩვენებელი გაცილებით მაღალია ბათუმის შემთხვევაში, სადაც უცხოელები უძრავ ქონებას ძირითადად საინვესტიციოდ იძენენ. ბაზრის მოთამაშეები აცხადებენ, რომ ბოლო თვეების განმავლობაში განსაკუთრებით გააქტიურებულია ისრაელის მოქალაქეების მხრიდან საქართველოში უძრავი ქონების მიმართ ინტერესი და მათზე წელს 7 თვეში თბილისში ბინების გაყიდვების 12% მოდის. ვინ რა მიზნით ყიდულობს საქართველოში უძრავ ქონებას? #ახალიამბები #BusinessMediaGeorgia
ბათუმის აეროპორტში ასაფრენ-დასაფრენი ბილიკის რეაბილიტაცია დასრულდა , პროექტი მოიცავდა კრიტიკულ ზონებში, 1 კმ-ის მონაკვეთზე ხელოვნური საფარის კაპიტალურ განახლებას, ასევე გაორმაგდა საჰაერო ხომალდების სადგომების რაოდენობა, რაც აეროდრომს ერთდროულად 9 საშუალო ზომის თვითმფრინავისა და 1 ვერტმფრენის მიღების შესაძლებლობას აძლევს. მიმდინარე წელს ასევე დაგეგმილია მგზავრთა დახვედრისა და მოფრენის სივრცეში პასპორტის კონტროლის ზონების გაფართოება, ასევე ტერმინალის შესასვლელის დამატებითი ფართის მოწყობა. TAV Georgia - მ ბათუმის საერთაშორისო აეროპორტის გამართულად ფუნქციონირებისთვის შეიძინა დამატებითი ტექნიკაც. თბილისისა და ბათუმის საერთაშორისო აეროპორტების მმართველმა კომპანია TAV Georgia-მ ბათუმის აეროპორტის ინფრასტრუქტურულ სამუშაოებში 25 მლნ. ლარის ინვესტიცია ჩადო. აღსანიშნავია, რომ წელს 8 თვეში ბათუმის საერთაშორისო აეროპორტი 840,893 მგზავრს მოემსახურა, რაც 32%-ით აღემატება, გასული წლის ანალოგიურ მაჩვენებელს. ამჟამად, ბათუმის აეროპორტში ფრენებს ახორციელებს 22 ავიაკომპანია 24 საჰაერო ხაზზე, კვირაში დაახლოებით 160 სიხშირით. #ახალიამბები #BusinessMediaGeorgia
სამშენებლო და ტექნიკური ზედამხედველობის სააგენტომ შავი ზღვის აკვატორიაში ხელოვნური კუნძულის პროექტის პირველი ფაზა, დასავლეთ ნახევარკუნძულის 26 ჰექტარი ექსპლუატაციაში მიიღო. ექსპლუატაციაში მიღებას საფუძვლად დაედო პროექტის შესაბამისობის შესახებ სამხარაულის ეროვნული ბიუროს საექსპერტო დასკვნა, რომელიც უცხოელი სპეციალისტების ჩართულობით მომზადდა. სექტემბრიდან ამ ტერიტორიაზე ორი ულტრათანამედროვე, მრავალფუნქციური შენობა ნაგებობის მშენებლობის დაწყება იგეგმება, რომელიც საცხოვრებელ აპარტამენტებს, სასტუმროებს, ღია და დახურულ აუზებს, ფიტნეს ცენტრებს, გასართობ-გამაჯანსაღებელ სივრცეებს, სავაჭრო ცენტრს მოიცავს. ბათუმის ხელოვნური კუნძული მიზნად 84 ჰექტარზე გაშენებული ორი ხელოვნური ნახევარკუნძულისა და ერთი ხელოვნური კუნძულის ზღვაში ფორმირებას ისახავს. საინვესტიციო ვალდებულებების ფარგლებში „ამბასადორ აილენდ ბათუმის” ორი ნახევარკუნძულისა და კუნძულის ტერიტორიის 49% საჯაროდ ხელმისაწვდომ რეკრეაციულ ზონებს დაეთმობა, მათ შორის ტყე-პარკებს, საფეხმავლო ბილიკებს, სპორტულ მოედნებსა და გასართობ-გამაჯანსაღებელ სივრცეებს. გარდა ამისა ტერიტორიაზე აშენდება საგანმანათლებლო და ჯანდაცვის დაწესებულებები, სასტუმროები, აპარტამენტები, ბინები, ვილები, ვერტოდრომები, იახტკლუბი და სხვ. #ახალიამბები #BusinessMediaGeorgia
624 მლნ დოლარის და 35 მლნ ევროს გათეთრების სქემა - ამბავი რომელთან დაკავშირებითაც კითხვები ბევრად მეტია ვიდრე ინფორმაცია. როგორ ოპერირებენ სავალუტო ჯიხურები საქართველოში? რა დარღვევები გამოავლინა ამ სფეროში ეროვნულმა ბანკმა ბოლო პერიოდში და რა კითხვებს აჩენს პროკურატურის მხრიდან გამოვლენილი ფულის გათეთრების სქემა? #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 17.09.2025 ფასების კლებას არ ველით - PEGAS Touristik Georgia; მსოფლიო ბაზარზე ღვინის გაყიდვები შენელებულია - "ჭონას მარანი"; ყოველწლიურად წვენების ექსპორტი ისე არ იზრდება, რომ კმაყოფილი ვიყოთ - „ალალი“; ნოემბრის მოვლენების შემდეგ, ქუთაისში სტუმრების რაოდენობა ძალიან შემცირდა - ქრისტინე მესხაძე; #ახალიამბები #BusinessMediaGeorgia
ახლა კი დღის სხვა თემებიც... მთავრობას “ტექინსპექტირების ცენტრების მიმართ მოთხოვნებს ამკაცრებს. კერძო სექტორი ვალდებული ხდება ინსპექტირებასთან დაკავშირებული მონაცემები ერთიან ელექტრონულ ბაზაში შეინახოს და სახმელეთო ტრანსპორტის სააგენტოს ელექტრონულად მიაწოდოს. ცენტრები უნდა აკმაყოფილებდეს მთელ რიგ საინფორმაციო-ტექნოლოგიურ მოთხოვნებს, მათ შორის ისინი ვალდებულნი იქნებიან, ტესტირების სივრცე(ებ)ში ვიდეომეთვალყურეობის სისტემები ისე დაამონტაჟონ რომ კადრში ინსპექტირების სრული ციკლი მოხვდეს. #ახალიამბები #BusinessMediaGeorgia
თბილისსა და ბათუმში უცხო ქვეყნის მოქალაქეების მხრიდან უძრავი ქონების შეძენაზე მოთხოვნა გაიზარდა. მხოლოდ დედაქალაქში წელს 7 თვეში რეალიზებული უძრავი ქონებიდან 25% უცხოელებმა იყიდეს. ეს მაჩვენებელი გაცილებით მაღალია ბათუმის შემთხვევაში, სადაც უცხოელები უძრავ ქონებას ძირითადად საინვესტიციოდ იძენენ. ბაზრის მოთამაშეები აცხადებენ, რომ ბოლო თვეების განმავლობაში განსაკუთრებით გააქტიურებულია ისრაელის მოქალაქეების მხრიდან საქართველოში უძრავი ქონების მიმართ ინტერესი და მათზე წელს 7 თვეში თბილისში ბინების გაყიდვების 12% მოდის. ვინ რა მიზნით ყიდულობს საქართველოში უძრავ ქონებას? #ახალიამბები #BusinessMediaGeorgia
სასამართლოებში კი საგადასახადო დავების დაჩქარებული განხილვა მიმდინარეობს. პროცესში ჩართული პირების ნაწილი ამბობს, რომ ჩანიშნული პროცესებზე საქმის განხილვა ფორსირებულად, ერთ სხდომაში სრულდება და ხშირად საგადასახადო ორგანოს სასარგებლოდ. ის რომ დაგროვილი საგადასახადო დავების განხილვები დაჩქარდა ზაფხულში გახდა ცნობილი. მაშინ ბიზნესის წარმომადგენლებმა დაადასტურეს, რომ სასამართლო სხდომები როგორც მიმდინარე, ასევე გასული წლების საგადასახადო დავებზე დაინიშნა. როგორც ირკვევა საქართველოს მასშტაბით 4000-მდე საგადასახადო დავაა სასამართლოში, სადაც გადამხდელები დარიცხვის კანონიერების შემოწმებას ითხოვენ. რამდენად აქვს სასამართლოს შესაძლებლობა დაგროვილი დავებზე ობიექტური და სწრაფი გადაწყვეტილებები მიიღოს და სად არის გამოსავალი? სტუმარი: ზურაბ ძნელაშვილი - Tax & Legal Solutions -ის დამფუძნებელი #ახალიამბები #BusinessMediaGeorgia
ფულის გათეთრების მასშტაბური სქემა - ოფიციალურად ჯერ კიდევ არ დასახელებულა თუ ვინ არის პირი, რომელმაც პროკურატურის მტკიცებით, 2022-24 წლებში 624 მლნ დოლარი და 35 მლნ ევრო გაათეთრა. პროკურატურა ამბობს რომ დაკავებული ცნობილი პირი არ არის. ტვ პირველის ინფორმაციით, დაკავებულია კახა კოტორაშვილი. გამოძიების ვერსიით, ბრალდებულმა მის საკუთრებაში არსებული ვალუტის გადამცვლელი პუნქტის საქმიანობის საფარქვეშ უკანონო ქსელი მოაწყო. კერძოდ, მეზობელი ქვეყნებიდან უკანონოდ შემოტანილი ვალუტა ბრალდებულმა სხვადასხვა პერიოდში საბანკო დაწესებულებებში მიიტანა, როგორც ვითომ სავალუტო საქმიანობის ფარგლებში მიღებული კანონიერი შემოსავალი, რის დამადასტურებლადაც კომერციულ ბანკებს წარმომავლობის შესახებ ყალბი მონაცემები მიაწოდა, კონვერტირებული თანხებით კი უძრავ მოძრავი ქონების შეძენა და სხვა პირებზე გადაცემა მოხდა. დღეის მდგომარეობით, საქართველოში სულ 717 რეგისტრირებული ვალუტის გადამცვლელი პუნქტია, რომელ მათგანს ედავება პროკურატურა ფულის მასშტაბურ გათეთრებას უცნობია. რა მარეგულირებელ ჩარჩოში ოპერირებენ სავალუტო ჯიხურები და რა დარღვევები გამოავლინა ამ სფეროში ეროვნულმა ბანკმა ბოლო პერიოდში? #ახალიამბები #BusinessMediaGeorgia
მთავრობა სახელმწიფო შესყიდვებში მონაწილე კომპანიებისთვის თეთრი სიით მინიჭებული პრეფერენციების გაუქმებას გეგმავს. სიახლე ბიზნესს პრემიერ-მინისტრმა და ინფრასტრუქტურის მინისტრის შეხვედრაზე გააცნეს. რევაზ სოხაძე ამბობს რომ პრეფერენციებმა მავნე პრაქტიკა შეიძინა და დღის წესრიგში მისი გაუქმების საჭიროება ამიტომ დადგა. ინფრასტრუქტურული პროექტების მშენებელი კომპანიებისათვის არგუმენტები გასაგებია, თუმცა ამბობენ რომ საკითხს მეორე მხარეც აქვს და "თეთრი სიის" ერთიანად გაუქმება სექტორში ლიკვიდურობის მნიშვნელოვან კრიზისს შექმნის. რა უპირატესობებით სარგებლობენ თეთრ სიაში მოხვედრილი კომპანიები, რა იცვლება და რა გამოწვევების წინაშე შეიძლება დადგეს ბიზნესი ე.წ თეთრი სიის გაუქმებით? #ახალიამბები #BusinessMediaGeorgia
ზანგეზურის დერეფნის განვითარებისთვის სომხეთი აშშ-სგან 145 მილიონი დოლარს მიიღებს. აღნიშნული ვაშინგტონში მიმდინარე წლის აგვისტოში მიღწეულო შეთანხმების ნაწილია, რომლის ფარგლებში ე.წ ტრამპის მარშრუტის, იგივე ზანგეზურის დერეფნის განვითარება იგეგმება. შედეგად, ნახიჩევანი სომხეთის გავლით დანარჩენ აზერბაიჯანს დაუკავშირდება. აღნიშნული მარშრუტით რამდენიმე წლიან პერსპექტივაში შუა დერეფნის ერთგვარი ალტერნატივა შეიქმნება, რამაც სპეციალისტების შეფასებით, შესაძლოა სამხრეთ კავკასიის სატრანსპორტო ქსელში საქართველოს, როგორც ამ დერეფნის მონაწილე ქვეყნის როლი შეამციროს. ექნება თუ არა შუა დერეფანთან შედარებით უპირატესობა გეოპოლიტიკურ პროექტს, რომელიც შექმნილია ევროპის დასაკავშირებლად ცენტრალურ აზიასთან და ჩინეთთან აზერბაიჯანისა და თურქეთის გავლით. ელენე გოგბერაშვილმა მოისმინა შეფასებები, რომელსაც სიუჟეტიდან გაგვიზიარებს. #ახალიამბები #BusinessMediaGeorgia
ახლა კი სხვა თემებიც... იმ ფონზე როცა მთავრობა შესყიდვების სააგენტოს თეთრი სიის პრივილეგიების გაუქმებას გეგმავს, ბიზნესის პოზიციაა, რომ ტენდერებში ფასთა ინდექსაციის, როგორც სავალდებულო მექანიზმის შემოღება მოხდეს. მშენებლები ამბობენ, რომ ცვალებადი ფასების პირობებში კონტრაქტორი კომპანიები ფინანსურ ზარალს იღებენ, შედეგად ხშირად პროექტები ვერ სრულდება. საკითხზე ბიზნესმა გუშინ ირაკლი კობახიძესა და რევაზ სოხაძესთან იმ შეხვედრაზე ისაუბრა, სადაც კომპანიებს თეთრი სიის გაუქმების ინიციატივა გააცნეს. რა გამოწვევები აქვთ ინფრასტრუქტურის მშენებელ კომპანიებს სახელმწიფო შესყიდვებით აღებული ვალდებულებების შესრულების და რა დათქმები მიიღო კერძო სექტორმა? #ახალიამბები #BusinessMediaGeorgia
საფონდო ბირჟის ახალ დირექტორს მნიშვნელოვანი მისია აქვს - ბირჟის გააქტიურება. საქართველოს საფონდო ბირჟაზე დღეისათვის აქციებით ვაჭრობა თითქმის არ ხდება. წლის დასაწყისიდან სავაჭრო სესიებზე სულ 7 გარიგება დაიდო. ჯამში “ლიბერთი ბანკის” 25 146 ლარის აქციებით ივაჭრეს. არასაბირჟო გარიგებების სახით კი, ბირჟაზე აღირიცხა 28,8 მლნ ლარის, 17 მლნ დოლარის და 3 მლნ ევროს ობლიგაციებით ვაჭრობა. საფონდო ბაზრის ჯამური კაპიტალიზაციაც მცირეა და 1 მლრდ 67 მლნ ლარს შეადგენს. როგორ აპირებს საფონდო ბირჟის გააქტიურებას ახალი გენერალური დირექტორი და რატომ ვერ ვითარდება კაპიტალის ბაზარი იმ ტემპით რაც სასურველი იქნებოდა? სტუმარი: გიორგი ამზაშვილი - საქართველოს საფონდო ბირჟის გენერალური დირექტორი #ახალიამბები #BusinessMediaGeorgia
ქართული ოცნება სახელმწიფო შესყიდვებში მონაწილე კომპანიებისთვის თეთრი სიით მინიჭებული პრეფერენციების გაუქმებას გეგმავს. ეს სიახლე ბიზნესს პრემიერ-მინისტრ ირაკლი კობახიძისა და ინფრასტრუქტურის მინისტრთან გამართულ შეხვედრაზე გააცნეს. რევაზ სოხაძის განცხადებით, შესაბამისმა პრეფერენციებმა მავნე პრაქტიკა შეიძინა, სწორედ ამიტომ დადგა მისი გაუქმება დღის წესრიგში. ინფრასტრუქტურული პროექტების მშენებელი კომპანიების ნაწილში კი აცხადებენ, რომ "თეთრი სიის" ერთიანად გაუქმება სექტორში ლიკვიდურობის მნიშვნელოვან კრიზისს შექმნის. რა პრეფერენციებით სარგებლობენ თეთრ სიაში მოხვედრილი კომპანიები, რა იცვლება და რა გამოწვევების წინაშე შეიძლება დადგეს ბიზნესი ე.წ თეთრი სიის გაუქმებით? #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 15.09.2025 Rotana საქართველოში შემოდის – გონიოში 5-ვარსკვლავიანი სასტუმრო Pontus Rotana Resort & Spa Gonio აშენდება; „ღვინის კრისტალები ახლა სამკაულებზეც ბრწყინავს“ - Wine Diamond-ი The New York Times-ის გამოცემაში; "სუბსიდია მავნე პრაქტიკაა და იგივეა, რაც პაციენტს ჰაერი აპარატით მიაწოდო" - "ღვინის კომპანია 91"; გასულ წელთან შედარებით 15-20%-იანი მატება იყო - “საოჯახო მარანი - ოდა”; წარმოებული ხიზილალის მინიმუმ 75% საზღვარგარეთ ვყიდით - Georgian Fish and Caviar; #ახალიამბები #BusinessMediaGeorgia
საქართველოს ელექტრონული კომერციის ბაზარი ვეღარ იზრდება, ბაზარს კი მცირე მეწარმეები ტოვებენ- ასე აფასებენ დარგობრივი ასოციაციები ჩინური ონლაინ ვაჭრობის პლატფორმა ტემუს ეფექტს. მათი თქმით, ჩინურმა გიგანტმა ქართული ბაზარი სრულად აითვისა, რასაც ქართული კომპანიები კონკურენციას ვეღარ უწევენ, რის გამოც სავარაუდოდ ბაზარი მნიშვნელოვნად შემცირდება. რას ითხოვს ბიზნესი და როგორია ამ მიმართულებით საერთაშორისო პრაქტიკა? #ახალიამბები #BusinessMediaGeorgia
საშუალო ხელფასები გაიზარდა. საქსტატის მონაცემებით, II კვარტალში საქართველოში საშუალო თვიური ნომინალური ხელფასი წლიურად 10.3 პროცენტით ანუ 207 ლარით გაიზარდა და 2 212.0 ლარი შეადგინა. საქმიანობის სახეების მიხედვით შედარებით მაღალი საშუალო ხელფასი ინფორმაცია და კომუნიკაციის დარგშია – 4 176.5 ლარი, წლიურად ზრდა 5.4%-ია. საფინანსო და სადაზღვევო საქმიანობებში ხელფასები 2.5%-ით გაიზარდა 3 732.2 ლარს მიაღწია, მშენებლობაში ზრდა წლიურად 18%-ს აღწევს, რაც 3 467.7 ლარია. შეადგინა. თუმცა ინფლაციის ფონზე ხელფასების რეალური ზრდის ტემპი უფრო ნაკლებია, რადგან ფასების ზრდა ხელფასების მსყიდველუნარიანობასაც ამცირებს. #ახალიამბები #BusinessMediaGeorgia