თბილისის საერთაშორისო აეროპორტის გაფართოების საინვესტიციო პროექტი ოფიციალურად დაიწყო. პროექტში თბილისისა და ბათუმის საერთაშორისო აეროპორტების მმართველი კომპანია „ტავ ჯორჯია“ 150 მლნ დოლარის ინვესტიციას განახორციელებს. გაფართოების პროექტის შედეგად, თბილისის აეროპორტის გამტარუნარიანობა გაორმაგდება და წელიწადში 5 მილიონი მგზავრიდან 10 მილიონამდე გაიზრდება. საინვესტიციო პროექტი ტერმინალისა და აეროდრომის ინფრასტრუქტურის გაფართოებას, თანამედროვე ტექნოლოგიური და ოპერაციული სისტემების მოდერნიზაციასა და მგზავრთა მომსახურების საერთაშორისო სტანდარტების გაუმჯობესებას ითვალისწინებს. პროექტი 2026-2028 წლებში განხორციელდება. როგორც „ტავ ჯორჯიაში” განმარტავენ, აეროპორტის გაფართოების აუცილებლობა განპირობებულია ბოლო წლებში მგზავრთნაკადის დინამიკური ზრდით. 2025 წელს აეროპორტმა რეკორდული რაოდენობის - 5,4 მილიონზე მეტ მგზავრს მოემსახურა.

#ახალიამბები #BusinessMediaGeorgia