რა ხდება მარიჯანის N4-ში - ამ კვირაში ძლიერი წვიმის შედეგად, სამშენებლო მოედანზე ქვაბულის ფერდი ჩამოიშალა. ადგილზე „ცენტრ პოინტის“ დაუსრულებელი მშენებლობის ნაცვლად მრავალსართულიანი კომპლექსის აშენების ვალდებულება კომპანია „ნექსთ დორმა” 2021 წელს აიღო. მაშინ “ცენტრ პოინტის” დაუმთავრებელი მშენებლობების დასასრულებლად რამდენიმე კომპანიასთან მოხდა ხელშეკრულების გაფორმა. ნექს დორთან ერთად მშენებლობებების დასრულების ვალდებულება აიღო “სი-ემ-სიმ”, “მეტამ”, “იქს მშენმა ”და “არქი დეველოპმენტმა“. თბილისის მერმა გუშინ თქვა, რომ კომპანია თავად “ცენტრ პოინტის” დაზარალებულებმა შეარჩიეს, წინაწარი პირობებით პროექტის ახალ მშენებელთან გადაბარება კი მუნიციპალიტეტის კეთილი ნება იყო. ამის შემდეგ ადგილზე ავარიული ნახევრად აშენებული შენობის დემონტაჟი მოხდა. 2024 წელს გაიცა ახალი სამშენებლო ნებართვა, მერიისგან მოთხოვნილი იყო ხიმინჯოვანი საძირკვლის მოწყობა და კომპანიას სამშენებლო ნებართვის კორექტირება დაევალა. ახლა, სამშენებლო მოედანზე ქვაბულის ფერდის ჩამოშლის გამო, კომპანია “ნექს დორი” 30 000 ლარით დაჯარიმდა, სამშენებლო პროცესი შეჩერდა და გამაგრების სამუშაოების ჩატარებაც დაევალა.

რატომ მოხდა ფერდის ჩამოშლა და რეალურად რა ეტაპზეა პროექტი, რომელიც პრობლემურად არაერთხელ დასახელდა?

სტუმარი: ანა გოგიშვილი - Next Door-ის მმართველი პარტნიორი

#ახალიამბები #BusinessMediaGeorgia