დღეს თბილისში ხუთი მარეგულირებელი უწყების ორგანიზებით, კონკურენციის და მომხმარებლის უფლებების დაცვის მესამე საერთაშორისო კონფერენცია გაიხსნა. კონფერენციის ფარგლებში საქართველოში მოქმედი ხუთი მარეგულირებელი უწყების ხელმძღვანელი პირების მონაწილეობით სპეციალურ პანელზე სექტორულ ჭრილში, კონკურენციისა და მომხმარებლის უფლებების დაცვის მიმართულებით მიღებულ შედეგებსა და გამოწვევებზე იმსჯელეს. რა შედეგები აქვს ამ მხრივ ქვეყანას ენერგეტიკისა და წყალმომარაგების სექტორში? სტუმარი: დავით ნარმანია - სემეკის თავმჯდომარე; #ახალიამბები #BusinessMediaGeorgia
კონკურენციის და მომხმარებლის დაცვის სააგენტო მომავალი წლიდან სხვადასხვა სექტორებში დემპინგური იმპორტის რისკებთან დაკავშირებით მონიტორინგის დაწყებას გეგმავს. სააგენტოში აცხადებენ, რომ ამ ეტაპზე შესაძლო დემპინგთან დაკავშირებით მხოლოდ ერთი მიმდინარე საქმე აქვთ, თუმცა მომდევნო პერიოდში კონკრეტული ინდუსტრიის მიმართვის გარეშეც ამ მიმართულებას უფრო აქტიურად დააკვირდებიან. თავად ადგილობრივი მწარმოებლები კი აცხადებენ, რომ აუცილებელია ანტიდემპინგური კანონმდებლობის გაფართოება და ადგილობრივი ბაზრის დაცვისთვის მეტი მექანიზმის შემოღება. #ახალიამბები #BusinessMediaGeorgia
საპარლამენტო არჩევნებთან დაკავშირებით პრეზიდენტის სარჩელი საკონსტიტუციო სასამართლოში შევიდა. ქართულ ოცნებაში მეთერთმეტე მოწვევის პარლამენტის პირველ შეკრებას 25 ნოემბერს აანონსებენ და ამ ვადის გადაწევის სამართლებრივ საფუძვლებს გამორიცხავენ. პრეზიდენტი ვარაუდობს, რომ ოპოზიციისგან გაჟღერებული იდეა ალტერნატიულ ხელისუფლებასთან დაკავშირებით, თუ ორხელისუფლებიანობა იქნება პოლარიზაციას გააღრმავებს და შიდა და გარე დესტაბილიზაციის მოლოდინში სალომე ზურაბიშვილი ეკონომიკურ კრიზისს არ გამორიცხავს. რა შესაძლო საფრთხეებზე შეიძლება საუბრობდეს საქართველოს პრეზიდენტი და რა ეკონომიკური რისკები დგას მიმდინარე მოვლენების ფონზე ქვეყნის წინაშე. #ახალიამბები #BusinessMediaGeorgia
რაც შეეხება ტვირთბრუნვას, მესამე კვარტალში აეროპორტებში ტვირთისა და ფოსტის ნაკადის მოცულობამ 6.3 ათასი ტონა იყო საიდანაც 88% მიღებული ტვირთი და ფოსტა იყო, ხოლო 12 პროცენტი — გაგზავნილი. საქართველოს პორტებს და რკინიგზას ტვირთბრუნვა გაეზარდა. წელს 9 თვეში საქართველოს ნავსადგურებმა 11 მლნ 864 ათასი ტონა ტვირთი გადაამუშავეს. 9 თვეში გაიზარდა რკინიგზის ტვირთბრუნვაც, რამაც 10.4 მლნ ტონას მიაღწია, თუმცა მხოლოდ მესამე კვარტალში ამ მიმართულებით მცირედი კლებაა. გადამზიდავ კომპანიებში ამბობენ, რომ საქართველოს სატრანსპორტო დერეფნის მიმართ ინტერესი ნარჩუნდება, თუმცა მთავარ გამოწვევად ინფრასტრუქტურის განვითარება და მაღალი ტარიფები რჩება. როგორი იყო მიმდინარე წლის 9 თვე სატრანსპორტო დარგებისთვის ტვირთბრუნვის ნაწილში და რა გამოწვევებზე საუბრობს ბიზნესი. #ახალიამბები #BusinessMediaGeorgia
საქსტატმა 2024 წლის 10 თვის საგარეო ვაჭრობის სტატისტიკა გამოაქვეყნა, რომლის თანახმადაც საქართველოდან ექსპორტმა და მათ შორის რეექსპორტმა წელს 5.46 მილიარდ დოლარს მიაღწია, რაც წინა წელთან შედარებით 7.4%-ით მეტია. გაზრდილია იმპორტიც. 2024 წლის იანვარ-ოქტომბერში კი საქართველოში საქონლით საგარეო სავაჭრო ბრუნვამ 19 მილიარდს გადააჭარბა, რაც წლიურად 5.5 პროცენტით გაზრდილი მაჩვენებელია. #ახალიამბები #BusinessMediaGeorgia
#ბიზნესსიახლეები bm.ge-სგან / 19.11.2024 თბილისის ანძის მოდერნიზაციის პროექტირება დასრულდა - როდის დაიწყება სამშენებლო სამუშაოები? „პაპას ფერმა“ ახალი საწარმოს მშენებლობას წლის ბოლომდე დაასრულებს - კომპანიის გეგმები; "რუსთავის აზოტში" ზამთრის სეზონიდან გლობალურად სასუქებზე ფასების მცირედით ზრდას ელიან; წელს საქართველოში მოწეული ყურძნის მაღალი ხარისხი ქართული ღვინის ხარისხსაც გაზრდის - „შალაურის ღვინის მარანი“; PEGAS Touristik Georgia-მ ახალი მიმართულება დაამატა - რა სიახლეს სთავაზობს კომპანია მომხმარებელს? #ახალიამბები #BusinessMediaGeorgia
ქვეყანას ემუქრება საფრთხეები, ერთ-ერთი არის დესტაბილიზაცია- ამის შესახებ საქართველოს პრეზიდენტმა სალომე ზურაბიშვილმა განაცხადა. მისი თქმით, საქართველოს გარე და შიდა დესტაბილიზაციის საფრთხე ემუქრება, რომელიც შეიძლება მოჰყვეს ორ ხელისუფლებიანობას და პოლარიზაციის გაღრმავებას შეიძლება. ზურაბიშვილის საუბრობს ფინანსურ და ეკონომიკურ საფრთხეებზეც, რომელიც ყველა პარამეტრების მიხედვით, ქვეყანას კარზე ადგას. რა შესაძლო საფრთხეებზე შეიძლება საუბრობდეს საქართველოს პრეზიდენტი და რა ეკონომიკური რისკები დგას მიმდინარე მოვლენების ფონზე ქვეყნის წინაშე. #ახალიამბები #BusinessMediaGeorgia
როგორც ცნობილია, ელექტროენერგიის ექსპორტ/იმპორტი საქართველოდან რუსეთში, თურქეთში, აზერბაიჯანსა და სომხეთში ხდება. თურქეთში მაღალი ფასის გამო 2022-2023 წლებში ელექტროენერგიის ტრანზიტმა რეკორდულ ნიშნულს მიაღწია და 3 მილიარდ კვტ.სთ-ს გადააჭარბა. მეზობელ ქვეყნებში [ძირითადად თურქეთში] გატარებული ელექტროენერგიის სანაცვლოდ ელექტროსისტემა მნიშვნელოვან შემოსავალს იღებს. რამდენად მიჰყვება სახელმწიფო ელექტროსისტემა ათ წლიან გეგმებს, სად გვაქვს ჩამორჩენა და რა უნდა გაკეთდეს იმისთვის, რომ ბოლო წლებში გენერაციის ობიექტების მშენებლობის ტემპის გათვალისწინებით, მომდევნო ათ წელში არსებული სიმძლავრეების გაორმაგება მოხდეს? სტუმარი: ირაკლი ტყებუჩავა - “გროს ენერჯი ჯგუფის” ფინანსური დირექტორი; #ახალიამბები #BusinessMediaGeorgia
9 თვეში საქართველოს ნავსადგურებმა 11 864 300 ტონა ტვირთი გადაზიდეს. საქსტატის მონაცემებით წლიურ ჭრილში 5.8%-იანი ზრდაა, მათ შორის მხოლოდ წელს III კვარტალში საქართველოს ნავსადგურებმა და ტერმინალებმა 4 მლნ 232 ათასი ტონა ტვირთი გადაამუშავეს, რაც 13.6%-ით მეტია. 9 თვეში გაიზარდა რკინიგზის ტვირთბრუნვაც, რამაც 10.4 მლნ ტონას მიაღწია, თუმცა მხოლოდ მესამე კვარტალში კლება იყო - რკინიგზით გადაზიდული ტვირთი 0.7%-ით 3.6 მლნ ტონამდე შემცირდა. რა ტენდენციებია ტვირთბრუნვის მიმართულებით და რა გამოწვევებზე საუბრობენ კერძო სექტორის წარმომადგენლები? #ახალიამბები #BusinessMediaGeorgia
თბილისის მერია მეტროს 97 ვაგონს 210 მილიონ ევროდ შეისყიდის. შესაბამისი ტენდერი თბილისის სატრანსპორტო კომპანიამ უკვე გამოაცხადა. შესყიდვაზე წინადადებების მიღება 11 იანვარს დაიწყება. მერიის ინფორმაციით დღეს არსებული ვაგონების დიდი ნაწილი ამორტიზებულია და პერიოდულად 2026 წლიდან მათ ექსპლუატაციის ვადა ეწურება. როგორც ცნობილია, მერია პირველ მცდელობაზე ვაგონების შესყიდვას რუსული კომპანიისგან ცდილობდა, თუმცა ხელშეკრულება მაშინ შეწყდა. ვინ შეიძლება მოვიაზროთ ახალ მომწოდებლად, რამდენად მძიმე მდგომარეობაა არსებული ვაგონების მდგომარეობასთან მიმართებით და ხომ არ უნდა დაჩქარდეს ტემპი, იმისთვის, რომ მეტროს ფუნქციონირებას საფრთხე არ შეექმნას? #ახალიამბები #BusinessMediaGeorgia
ამოიწურა თუ არა ე.წ. „ეკონომიკური ბუსტი“, რაც რუსეთ-უკრაინის ომის დაწყებას საქართველოზე ჰქონდა - ეკონომისტების ნაწილი ამბობს, რომ მიგრაციის ეფექტი სულ უფრო მცირდება, რაზეც პირველ რიგში, საქართველოში რუსეთიდან შემცირებული ფულადი გადმორიცხვები მიუთითებს. წელს 10 თვეში რუსეთიდან გადმორიცხვები ჯამურად 65%-ით იყო შემცირებული. მიგრაციის ეფექტის გავლენა იკლებს უძრავი ქონების ბაზარზეც, რაც პირველ რიგში, ქირაზე მოთხოვნის შემცირებაში აისახება. #ახალიამბები #BusinessMediaGeorgia
ამოიწურა თუ არა ე.წ. ეკონომიკური ბუსტი, რაც რუსეთ-უკრაინის ომის დაწყებას საქართველოზე ჰქონდა - ეკონომისტების ნაწილი ამბობს, რომ მიგრაციის ეფექტი სულ უფრო მცირდება, რაზეც, პირველ რიგში, საქართველოში რუსეთიდან შემცირებული ფულადი გადმორიცხვები მიუთითებს. მიგრაციის ეფექტის გავლენა იკლებს უძრავი ქონების ბაზარზეც, რაც ქირაზე მოთხოვნის შემცირებაში აისახება. #ახალიამბები #BusinessMediaGeorgia
#ბიზნესსიახლეები bm.ge-სგან / 18.11.2024 700-მდე მომხმარებელი და 60-ზე მეტი წვეულება — როგორი შედეგები აქვს clubnparty-ის? ზეითუნის ზეთის იმპორტი 47%-ით გაიზარდა; საქართველოდან მსხვილფეხა რქოსანი პირუტყვის ექსპორტი შემცირდა, იმპორტი - გაიზარდა; Gudauri Inn ფართოვდება - რას შესთავაზებს სასტუმრო დამსვენებელს? მეღვინეობა "ილია" პირველ ექსპორტზე ჩინეთში გავა - რა გეგმები აქვს კომპანიას? #ახალიამბები #BusinessMediaGeorgia
ქართული სანაოსნო კომპანია E60 Shipping Line -მა, რომელიც საბორნე გადაზიდვებს რუმინეთის მიმართულებით ასრულებდა, ბულგარეთთან სატესტო სარკინიგზო გადაზიდვა შეასრულა. კომპანიამ ტვირთების ტრანსპორტირება ვარნას მიმართულებითაც დაიწყო - ე.წ სამკუთხედ მარშრუტზე, თუმცა მოთხოვნის კიდევ უფრო ზრდის ფონზე ის ფოთი-ვარნა-ფოთის რეგულარული მიმართულების ამოქმედებასაც გეგმავს. პარალელურად კომპანია ფლოტის გაზრდაზე საუბრობს და რამდენიმე კვირაში ოპერირებას 3 ხომალდით გააგრძელებს, საიდანაც 2 კომპანიის საკუთრებაა, ხოლო ერთი იჯარით არის აღებული. როგორია დღეს მოთხოვნა საბორნე გადაზიდვაზე, რა მარშრუტებზე იმოძრავებს ახალი ბორნები და როდის დაიწყებს კომპანია მგზავრთა გადაყვანას? სტუმარი: შალვა წაქაძე - E60 Shipping Line-ის დირექტორი #ახალიამბები #BusinessMediaGeorgia
თბილისის მეტროსთვის 97 ერთეული ვაგონის შესყიდვაზე ტენდერი გამოცხადდა. კახა კალაძის თქმით, ვაგონების პირველი პარტიის მიღება 2026 წლის ბოლოდან იგეგმება. როგორც თბილისის მერმა აღნიშნა, 22 მატარებლის შემოყვანის პროცესი 2030 წელს დასრულდება. აღსანიშნავია, რომ გასულ წელს თბილისის მერია მეტროს ვაგონების შეძენას რუსული კომპანიისგან ცდილობდა, რომელთანაც საბოლოოდ ხელშეკრულება გაწყდა. რა წერია ახალ სატენდერო პირობებში და რა პერიოდი დასჭირდება ვაგონების ჩანაცვლებას? #ახალიამბები #BusinessMediaGeorgia
ეროვნულ ბანკს საზედამხედველო ფუნქციებში სიახლეები აქვს, სებში ბანკებისათვის ჯარიმების ზედა ზღვარის გაათმაგებას განიხილავენ. ბრძანების პროექტი ნათია თურნავას ხელმოწერით უკვე მომზადებულია და ცენტრალური ბანკის ვებ გვერდზე გამოქვეყნებულიც არის. მარეგულირებელში ამბობენ, რომ ცვლილებების მიზანი საზედამხედველო ფუნქციის ეფექტიანობის ზრდაა და საკითხზე მსჯელობა შედგება. ბრძანების პროექტის განხილვების მოლოდინში ათჯერ გაზრდილი ჯარიმების პოტენციური ობიექტებისგან კომენტარები ჯერ არ არის. #ახალიამბები #BusinessMediaGeorgia
რუსეთის მიერ დროებით ოკუპირებული აფხაზეთის ე.წ. პრეზიდენტის განცხადებით “ოკუპირებულ სოხუმის აეროპორტში პირველი ტექნიკური რეისები შესრულდა.” ასლან ბჟანიამ ივლისში განაცხადა, რომ სოხუმსა და რუსეთის რამდენიმე ქალაქს შორის ფრენები წლის ბოლოდან დაიწყება. ავიარეისები იგეგმება მათ შორის მოსკოვიდან და სანკტ-პეტერბურგიდან. ჯერჯერობით უცნობია, როგორ იწყებს აეროპორტი ფუნქციონირებას სამოქალაქო ავიაციის საერთაშორისო ორგანიზაციის აღიარების გარეშე და როგორ მოხდება საქართველოს ხელისუფლების თანხმობის გარეშე სოხუმის აეროპორტისთვის საერთაშორისო ნომრის მინიჭება, რაზეც ოკუპირებული აფხაზეთის ე.წ. ტურიზმის მინისტრი ჯერ კიდევ სექტემბერში ამბობდა, რომ საკითხი მოგვარებულია. #ახალიამბები #BusinessMediaGeorgia
პროტესტი და ხმაური ოკუპირებულ აფხაზეთში გრძელდება. ადგილობრივი მედიის ინფორმაციით დღის განმავლობაში ოკუპირებული აფხაზეთის ე.წ. პარლამენტთან იყო სროლა და ე.წ ძალოვნებმა გაზი გამოიყენეს, მანამდე აქციის მონაწილეებმა რკინის ჭიშკარი შეამტვრიეს და ე.წ. პარლამენტის ტერიტორიაზე შეიჭრნენ. პროცესების გამწვავება დე ფაქტო პარლამენტის გეგმას მოჰყვა, რომლის მიხედვითაც "რუსეთ-აფხაზეთს შორის საინვესტიციო შეთანხმების" რატიფიცირებაზე მსჯელობა იყო დაგეგმილი, თუმცა შენობის გარეთ მიმდინარე პროტესტის ფონზე სესია გადაიდო. გადაწყვეტილების შემდეგ პროცესები შეჩერებული არ არის. #ახალიამბები #BusinessMediaGeorgia
#ბიზნესსიახლეები bm.ge-სგან / 15.11.2024
“ოკუპირებულ სოხუმის აეროპორტში პირველი ტექნიკური რეისები შესრულდა", - ამის შესახებ რუსეთის მიერ დროებით ოკუპირებული აფხაზეთის ე.წ. პრეზიდენტმა განაცხადა. ასლან ბჟანიას თქმით, აეროპორტის ფუნქციონირებისთვის უწყვეტი ელექტრომომარაგება ინვესტორმა საკუთარი ხარჯებით შეძლო. აღსანიშნავია, რომ ოკუპირებული აფხაზეთის დე ფაქტო პრეზიდენტმა ივლისში განაცხადა, რომ სოხუმსა და რუსეთის რამდენიმე ქალაქს შორის ფრენები 2024 წლის ბოლოდან დაიწყება. რამდენად რეალისტურია სოხუმის აეროპორტის ფუნქციონირების დაწყება. #ახალიამბები #BusinessMediaGeorgia
საერთაშორისო ბაზრებზე სასუქების გაიაფებას ელიან. გალტ ენდ თაგარტის მონაცემებით, 2024 წლის ოქტომბერში ამონიუმის ნიტრატის ფასი თვიურად 1 %-ით შემცირდა. საინვესტიციო ბანკის ნედლეულის ბაზრის მიმოხილვის მიხედვით, სასუქებზე გლობალური მოთხოვნა წლიურად უმნიშვნელოდაა გაზრდილი და კვლავ სასურველზე დაბალი რჩება, ხოლო მსოფლიო ბანკის უახლესი მონაცემებით, სასუქების ფასები 2024 წლის ბოლოს წლიურად მკვეთრად შემცირდება და მცირედი კლების ტენდენცია მომავალ წელსაც შენარჩუნდება. გლობალურ ბაზრებზე სასუქებზე ფასების კლების ტენდენცია გავლენას საქართველოს ბაზარზე კვლავ ახდენს. 9 თვეში საქართველოდან ექსპორტზე 82.3 მლნ აშშ დოლარის ღირებულების აზოტოვანი სასუქები გავიდა, რაც წლიურად 33.2%-ით შემცირებული მაჩვენებელია. რაც შეეხება მოცულობას, 9 თვეში სულ 304 219 ტონა სასუქი გაიყიდა, რაც წლიურად 6%-იან კლებას წარმოადგენს. რა ტენდენციებია გლობალურ ბაზარზე და როგორ აგრძელებს საქმიანობას საქართველოში სასუქების მწარმოებელი კომპანია რუსთავის აზოტი, სადაც ქარხნის გეგმიურ სარემონტო სამუშაოებზე წელს 10 მლნ დოლარის ინვესტიცია ჩაიდო. სტუმარი: ლევან ბურდილაძე - “ინდორამა კავკასუსის” დირექტორი; #ახალიამბები #BusinessMediaGeorgia
ეროვნული ბანკი გეგმავს, ბანკებს ჯარიმების ზედა ზღვარი გაუათმაგოს - ამას ითვალისწინებს სებ-ის პრეზიდენტის მოვალეობის შემსრულებლის ნათია თურნავას ბრძანების პროექტი, რომელიც ეროვნული ბანკის ვებგვერდზე უკვე გამოქვეყნდა. ცენტრალური ბანკი საკითხზე სექტორთან კომუნიკაციების დაწყებას გეგმავს. ეროვნული ბანკის განმარტებით, ეს ცვლილება საზედამხედველო ეფექტიანობის ზრდისკენ არის მიმართული. რა წერია ნათია თურნავას ხელმოწერით გამოქვეყნებულ ბრძანებაში, რა იცვლება კომერციული ბანკებისთვის და რა გავლენა შეიძლება ჰქონდეს ცვლილებას მისი მიღების შემთხვევაში, საბანკო სექტორზე? #ახალიამბები #BusinessMediaGeorgia
სურსათის ბანკი აპრილამდე ამოქმედდება. პირველ ეტაპზე ბანკი საპილოტედ იმუშავებს და მხოლოდ წყალტუბოში. როგორც გაეროს სურსათისა და სოფლის მეურნეობის ორგანიზაციის მრჩეველი აცხადებს, ორი წლის მანძილზე დააკვირდებიან, რა საჭიროებები გაჩნდება და როგორ იმუშავებს სისტემა. ბანკი თავდაპირველად 1000-მდე ბენეფიციარს მოემსახურება. როგორც ირკვევა, ჰორეკა სექტორი პირველ ეტაპზე მონაწილეობას არ მიიღებს. #ახალიამბები #BusinessMediaGeorgia
რამდენად ძვირია საქართველოში საბანკო მომსახურება - საქსტატის მონაცემებით, მოუხედავად იმისა, რომ ბოლო თვეებში სექტორში ფასები არ შეცვლილა, ოქტომბერში წლიურად მომსახურება მაინც თითქმის 5%-ით გაძვირებული რჩება. თავად საფინანსო სექტორის მოთამაშეთა ნაწილი ფიქრობს, რომ დღეს მომსახურება ძვირია და მისი გაიაფების შესაძლებლობა არსებობს. მათი თქმით, კომერციულ ბანკებს აქვთ შესაძლებლობა, რიგი მომსახურება მომხმარებელს უფრო იაფად შესთავაზონ, რასაც კონკურენტების ნაწილი არ ეთანხმება. ისინი განმარტავენ, რომ საქართველოში საბანკო პროდუქტებისა თუ მომსახურების ფასს ბევრი კომპონენტი განსაზღვრავს და ის შესადარ ქვეყნებზე ძვირი არ არის. #ახალიამბები #BusinessMediaGeorgia
რამდენად ძვირია საქართველოში საბანკო მომსახურება - საქსტატის მონაცემებით, მოუხედავად იმისა, რომ ბოლო თვეებში სექტორში ფასები არ შეცვლილა, წლიურად მომსახურება მაინც თითქმის 5%-ით გაძვირებული რჩება. თავად საფინანსო სექტორის მოთამაშეთა ნაწილი ფიქრობს, რომ დღეს მომსახურება ძვირია და მისი გაიაფების შესაძლებლობა არსებობს. სექტორის ახალი წევრის პეისერა ბანკის გენერალური დირექტორი მიიჩნევს, რომ კომერციულ ბანკებს აქვთ შესაძლებლობა, რიგი მომსახურება მომხმარებელს უფრო იაფად შესთავაზონ, რასაც კონკურენტების ნაწილი არ ეთანხმება - ისინი განმარტავენ, რომ საბანკო პროდუქტებისა თუ მომსახურების ფასს ბევრი კომპონენტი განსაზღვრავს და ის შესადარ ქვეყნებზე ძვირი არ არის. რა ახდენს გავლენას საფინანსო მომსახურების ფასებზე და რამ შეიძლება შეცვალოს არსებული ვითარება. #ახალიამბები #BusinessMediaGeorgia
#ბიზნესსიახლეები bm.ge-სგან / 14.11.2024 „ალფა პეტი“ სიმძლავრეების გაზრდას გეგმავს - ინვესტიცია $3 მილიონია; სვანეთში მაინინგი მეტ დოვლათს ქმნის, ვიდრე სასტუმროები და კარტოფილის მოყვანა - "კრიპტო ბაზრის" დირექტორი; "[ყირგიზეთიდან და შუა აღმოსავლეთიდან] კადრების შემოყვანა არის გარდაუვალი" - შოთა ბურჯანაძე; ჰელსინკში ქართული ღვინის დეგუსტაცია გაიმართა - რა რაოდენობის ღვინო გაგვაქვს ფინეთში? მცირე მაღაზიები ქსელურ მარკეტებთან არათანაბარ კონკურენციაშია - ასოციაცია; #ახალიამბები #BusinessMediaGeorgia
სასუქების მწარმოებელი ყაზახური ყაზაზოტი ქართული პორტების გავლით პროდუქციის ექსპორტის გაფართოებას განიხილავს. 1 ოქტომბერს კი ასტანაში „ყაზაზოტს, „აქტაუს საზღვაო პორტსა და Wondernet Express Investment Group-ს შორის თანამშრომლობის სამმხრივი მემორანდუმი გაფორმდა. ამ მემორანდუმის ფარგლებში მხარეები სატრანსპორტო-ლოგისტიკურ სექტორში ინფრასტრუქტურული და მინერალური სასუქების ტვირთბრუნვის მიმართულებით თანამშრომლობის გაღრმავებასა და განვითარებაზე შეთანხმდნენ. ყაზაზოტმა შუა დერეფნის გავლით პროდუქციის გატანა ისტორიაში პირველად, წელს თებერვალში დაიწყო, ამონიუმის ნიტრატი აქტაურს პორტიდან აზერბაიჯანის გავლით ბათუმის პორტში ჩავიდა , საიდანაც მთელს მსოფლიოში საბოლოო მომხმარებლებამდე იგზავნება. რას მოიაზრებს თანამშრომლობა ყაზაზოტსა და Wondernet Express Investment Group-ს შორის და რა ტენდენციებია დღეს შუა დერეფანში? სტუმარი: მამუკა მურჯიკნელი - Wondernet Express Investment Group-ის გენერალური დირექტორი; #ახალიამბები #BusinessMediaGeorgia
სურსათის ბანკი აპრილამდე ამოქმედდება. პირველ ეტაპზე ბანკი საპილოტედ იმუშავებს და მხოლოდ წყალტუბოში. როგორც გაეროს სურსათისა და სოფლის მეურნეობის ორგანიზაციის მრჩეველი აცხადებს, ორი წლის მანძილზე დააკვირდებიან, რა საჭიროებები გაჩნდება და როგორ იმუშავებს სისტემა. ბანკი თავდაპირველად 1000-მდე ბენეფიციარს მოემსახურება. რა სახის პროდუქცია განთავსდება ბანკში და როგორია ბიზნესის მზაობა? #ახალიამბები #BusinessMediaGeorgia
საქართველოს ავიაბაზარზე ბერძნული SKY express იწყებს ოპერირებას. ავიაკომპანია პირდაპირ რეგულარულ რეისებს ათენიდან თბილისის მიმართულებით კვირაში სამჯერ, Airbus A321 neo ტიპის ავიახომალდით ასრულებს. SKY express-ი, ეგეოსის ავიახაზებისა და Wizz Air-ის შემდეგ მესამე ავიაკომპანია, რომელიც საქართველოსა და საბერძნეთს შორის პირდაპირ რეგულარულ რეისებს შეასრულებს. #ახალიამბები #BusinessMediaGeorgia
ფინანსთა სამინისტრო დამატებული ღირებულების გადასახადის ადმინისტრირების წესს ამკაცრებს, რომლითაც ბიზნესისთვის დღგ-ს გადახდისგან თავის არიდება რთულდება. ამ მიზნით ფინანსთა სამინისტროს ახალი ბრძანება უკვე შევიდა ძალაში, რომლის თანახმადაც გარკვეული კრიტერიუმების დაკმაყოფილების შემთხვევაში, შემოსავლების სამსახურს უფლება ენიჭება, რამდენიმე იურიდიული პირი დღგ-ით დასაბეგრ ერთ პირად განხილოს. საქმე ეხება ისეთ შემთხვევებს, როდესაც მეწარმეები გადასახადის გადახდისგან თავის არიდების მიზნით სხვა კომპანიებს აფუძნებენ. აუდიტორულ კომპანიებში აცხადებენ, რომ ახალი მიდგომა სწორია, თუმცა დადგენილი კრიტერიუმები გარკვეულ რისკებსაც შეიცავს. რას გულისხმობს ახალი რეგულაცია და როგორ აფასებს მას ბიზნესი. #ახალიამბები #BusinessMediaGeorgia
კონკურენციისა და მომხმარებლის უფლებების დაცვის სააგენტომ 2024 წელს ბიზნეს სუბიექტების 11 კონცენტრაციაზე თანხმობა გასცა, მათ შორის FMCG ბაზარზე უმსხვილესი ჯგუფის შექმნაზე, რომლის ფარგლებშიც "დეილი ჯგუფის" ქვეშ ,,დეილი”, ,,სპარი”, ,,იოლი”, ,,კალათა”, ,,მაგნიტი” და ,,გვირილა” ერთიანდება. ამ გაერთიანებით იქმნება ჰოლდინგი, რომელიც ამ სეგმენტში ორგანიზებული ვაჭრობის ბაზრის 30%-ს დაიკავებს. კონკურენციის სააგენტოს ინფორმაციით, წელს 47 644 კონცენტრაცია გადამოწმდა და ამ დროისათვის, კიდევ 3 კონცენტრაციაზე კონკურენტულ გარემოსთან თავსებადობის საკითხის შეფასება მიმდინარეობს, ხოლო 6 კონცენტრაციის შესაძლო შეუტყობინებლობის ფაქტებზე ადმინისტრაციული საქმისწარმოება დაიწყო. რომელ სექტორებში მოხდა ბიზნესების გაერთიანება და როგორ აისახება ბაზრის კონიუნქტურაზე კონცენტრაციის ფაქტები. #ახალიამბები #BusinessMediaGeorgia
პატარა მაღაზიების ყოფნა-არ ყოფნა კითხვის ნიშნის ქვეშ დგას. მცირე მაღაზიათა ასოციაციაში კვლავ არაჯანსაღ კონკურენციაზე და მისგან მომდინარე პრობლემებზე წუხან, რაც მათი შეფასებით კერძო რითეილერებს მუშაობის პრობლემებს უქმნის. #ახალიამბები #BusinessMediaGeorgia
პატარა მაღაზიების ყოფნა-არ ყოფნა კითხვის ნიშნის ქვეშ დგას. მცირე მაღაზიათა ასოციაციაში აცხადებენ, რომ მცირე რითეილერები არაერთი პრობლემის წინაშე დგანან. ერთ-ერთ გამოწვევად ისინი არაჯანსაღ კონკურენციას და დისტრიბუტორების მხრიდან ქსელური მარკეტების პრიორიტეტულ მდგომარეობაში ჩაყენებას ასახელებენ, რასაც დისტრიბუტორთა ასოციაცია არ იზიარებს. #ახალიამბები #BusinessMediaGeorgia
"ჩემი გადმოსახედიდან, ლოკოკინაზე მოთხოვნა ხელოვნურად შექმნეს და რეალურად ბევრი ფერმა პროდუქციას ვერ ყიდის“, - ამის შესახებ BM.GE-სთან ახალციხეში მდებარე ლოკოკინების ფერმის დამფუძნებელმა, ზურაბ სადათიერაშვილმა განაცხადა. მისივე ცნობით, ლოკოკინაზე ხელოვნურად შექმნილ მოთხოვნასთან ერთად, საქართველოში არაერთი ფერმერული მეურნეობა შეიქმნა. შედეგად, ზოგიერთი მათგანი გაკოტრების პირასაა და ზოგიც დაიხურა. რატომ ვერ გაამართლა ბიზნესმა, რა გამოწვევის წინაშე დგანან მეწარმეები და სად იყიდება საქართველოდან ლოკოკინები? #ახალიამბები #BusinessMediaGeorgia
12 ნოემბერს, მესტიის მუნიციპალიტეტის მერიამ განცხადება გაავრცელა, რომ ხაიშისა და ჭუბერის ადმინისტრაციულ ერთეულებში კატასტროფულად გაზრდილია ელექტროენერგიის მოხმარება, რის გამოც ტრანსფორმატორი გათიშულია. მერიაში აღნიშნავენ, რომ ელექტროენერგიის მოხმარების სავალალო ზრდა პირდაპირ დაკავშირებულია უკონტროლო კრიპტო მაინინგთან და მაინერების მფლობელებს მოუწოდებენ, გამორთონ ე.წ. ბიტკოინის აპარატები. თავის მხრივ, სს „ენერგო-პრო ჯორჯიაში“ განმარტავენ, რომ ეს არ არის ავარიული გამორთვა და გაზრდილმა ტვირთებმა გამოიწვია. „ენერგო-პრო ჯორჯიაში“ BM.GE-სთან აღნიშნეს, რომ ქვესადგურის მოხმარება მაქსიმალურ ნიშნულზეა და მოწყობილობა ითიშება, რადგან ტექნიკურად მეტს ვერ უძლებს. როგორ უნდა მოხდეს ოქროს შუალედის პოვნა მაღალმთიანი მოსახლეობისა და ელექტროენერგიის მიმწოდებელი კომპანიის ინტერესებს შორის და სად არის გამოსავალი? სტუმარი: პაატა ცინცაძე - საქართველოს ენერგეტიკის აკადემიის პრეზიდენტი; #ახალიამბები #BusinessMediaGeorgia
გამსხვილებები საქართველოს ბაზარზე - 2024 წელს კონკურენციისა და მომხმარებლის უფლებების დაცვის სააგენტომ ბიზნეს სუბიექტების 11 კონცენტრაციაზე გასცა თანხმობა, მათ შორის FMCG ბაზარზე უმსხვილესი ჯგუფის შექმნაზე, რომლის ფარგლებშიც "დეილი ჯგუფის" ქვეშ ერთიანდება ისეთი ბრენდები, როგორიცაა ,,დეილი”, ,,სპარი”, ,,იოლი”, ,,კალათა”, ,,მაგნიტი” და ,,გვირილა”. ამ გაერთიანებით იქმნება ჰოლდინგი, რომელიც ამ სეგმენტში ორგანიზებული ვაჭრობის ბაზრის 30%-ს დაიკავებს. კონკურენციის სააგენტოს ცნობით, წელს 47 644 კონცენტრაცია გადამოწმდა და ამ დროისათვის, კიდევ 3 კონცენტრაციაზე კონკურენტულ გარემოსთან თავსებადობის საკითხის შეფასება მიმდინარეობს. რომელ სექტორებში მოხდა ბიზნესების გაერთიანება და როგორ აისახება ბაზრის კონიუნქტურაზე კონცენტრაციის ფაქტები? #ახალიამბები #BusinessMediaGeorgia
შემოსავლების სამსახური ამოუღებელი დებიტორული დავალიანებებისა და გადახდილი ავანსების დაბეგვრის მიდგომას ცვლის. მეთოდური მითითებების მიხედვით, საქონლის ან მომსახურების მიწოდებისას წარმოქმნილი დებიტორული დავალიანების „გონივრულ ვადაში“ გადაუხდელობის შემთხვევაში უწყება თანხებს ანაზღაურებულად ჩათვლის და საშემოსავლო გადასახადით დაბეგრავს. როგორც ახალ მეთოდურ მითითებაშია აღნიშნული, იგივე მიდგომა იქნება საქონლის ან მომსახურების შესაძენად გადახდილი ავანსების შემთხვევაშიც, რაც იმას ნიშნავს, რომ თუ გადახდილი ავანსის სანაცვლოდ საქონლის ან მომსახურების მოწოდება „გონივრულ ვადაში“ არ მოხდება, თანხები ხელფასად ავანსის გადამხდელ საწარმოში დაიბეგრება. რატომ ცვლის უწყება მიდგომას, რა გამოწვევას ქმნის ცვლილება გადასახადის გადამხდელებისთვის და რა პერიოდს ჩათვლის შემოსავლების სამსახური „გონივრულ ვადად“. #ახალიამბები #BusinessMediaGeorgia
ენერგეტიკულ ბირჟაზე აქტივობა კვლავ დაბალია. სექტემბერში ბირჟაზე ვაჭრობა მხოლოდ ერთ დღეს შედგა, ხოლო ოქტომბერში პლატფორმაზე გარიგებები საერთოდ არ დადებულა. განახლებადი ენერგიის განვითარების ასოციაციაში ელიან, რომ ენერგეტიკულ ბირჟაზე ვაჭრობა იანვრიდან გააქტიურდება, მას შემდეგ, რაც გენერაციის ობიექტებს და მსხვილ მომხმარებლებს შორის გაფორმებული პირდაპირი კონტრაქტები ამოიწურება. დარგის სპეციალისტების ნაწილი კი ვარაუდობს, რომ ტრანზაქციები მხოლოდ მას შემდეგ გააქტიურდება, რაც ბაზრის მონაწილეებისთვის უბალანსობაზე პასუხისმგებლობა ამოქმედდება. პარალელურად ამისა, დარგის წარმომადგენლები იმ გარემოებაზეც ამახვილებენ ყურადღებას, რომ მეტალურგიის დარგში არსებულმა რთულმა ვითარებამ შესაძლოა, ქვეყანაში ელექტროენერგიის მოხმარება შეამციროს. რამდენად მოსალოდნელია ენერგეტიკულ ბირჟაზე ვაჭრობის გააქტიურება და რა უნდა გაკეთდეს ამისთვის. #ახალიამბები #BusinessMediaGeorgia
#ბიზნესსიახლეები bm.ge-სგან / 12.11.2024 თბილისში, თიბისის მხარდაჭერით, ბიზნესცენტრი “ახალი ატრიუმი” შენდება; "ლოკოკინაზე მოთხოვნა ხელოვნურად შექმნეს და რეალურად, ბევრი ფერმა პროდუქციას ვერ ყიდის“ - ფერმა; სასტუმრო Chalet Akhaltsikhe ახალ ნომრებს ამატებს; “თხილის ხარისხის გაუარესების 60% ფაროსანასთან არის დაკავშირებული” - მერაბ ჭითანავა; მაღალბიუჯეტიან სასტუმროებში საშუალო დღიური ფასი $143-მდე გაიზარდა - TBC Capital; #ახალიამბები #BusinessMediaGeorgia
შემოსავლების სამსახური ამოუღებელი დებიტორული დავალიანებებისა და გადახდილი ავანსების დაბეგვრის მიდგომას ცვლის. მეთოდური მითითებების მიხედვით, საქონლის ან მომსახურების მიწოდებისას წარმოქმნილი დებიტორული დავალიანების „გონივრულ ვადაში“ გადაუხდელობის შემთხვევაში უწყება თანხებს ანაზღაურებულად ჩათვლის და საშემოსავლო გადასახადით დაბეგრავს. როგორც ახალ მეთოდურ მითითებაშია აღნიშნული, იგივე მიდგომა იქნება საქონლის ან მომსახურების შესაძენად გადახდილი ავანსების შემთხვევაშიც, რაც იმას ნიშნავს, რომ თუ გადახდილი ავანსის სანაცვლოდ საქონლის ან მომსახურების მოწოდება „გონივრულ ვადაში“ არ მოხდება, თანხები ხელფასად ავანსის გადამხდელ საწარმოში დაიბეგრება. რატომ ცვლის უწყება მიდგომას, რა გამოწვევას ქმნის ცვლილება გადასახადის გადამხდელებისთვის და რა პერიოდს ჩათვლის შემოსავლების სამსახური „გონივრულ ვადად“. #ახალიამბები #BusinessMediaGeorgia
ეროვნული ბანკის მხრიდან მომზადებულ ფინტექ სტრატეგიაში ნახსენებია, რომ ეროვნულ ბანკი AI რეგულაციის შემუშავებასაც გეგმავს. სებ-ის ფინანსური ტექნოლოგიების განვითარების სტრატეგიის მიხედვით, რეგულაცია ევროკავშირის AI აქტის შესაბამისი იქნება, რათა აღნიშნული ტექნოლოგიები თავის მარეგულირებელ ჩარჩოში უსაფრთხოდ და ეფექტურად დაინერგოს.ამასთან, სტრატეგიაში ნათქვამია, რომ ცენტრალური ბანკი მარეგულირებელი და საზედამხედველო პოლიტიკის მიზნების მიღწევის პროცესის გასაუმჯობესებლად უკვე იყენებს ხელოვნურ ინტელექტს. რას გულისხმობს ახალი AI რეგულაცია და რა ეტაპზეა დღეს ფინტექის განვითარება საქართველოში, რა გამოწვევები აქვს სექტორს და როგორ პასუხობს სებ-ი ამ გამოწვევებს? სტუმარი: ვარლამ ებანოიძე - სებ-ის ფინანსური და საზედამხედველო ტექნოლოგიების განვითარების დეპარტამენტის ხელმძღვანელი; #ახალიამბები #BusinessMediaGeorgia
ენერგეტიკულ ბირჟაზე აქტივობა კვლავ დაბალია. სექტემბერში ბირჟაზე ვაჭრობა მხოლოდ ერთ დღეს შედგა, ხოლო ოქტომბერში პლატფორმაზე გარიგებები საერთოდ არ დადებულა. განახლებადი ენერგეტიკის განვითარების ასოციაციაში ელიან, რომ ენერგეტიკულ ბირჟაზე ვაჭრობა იანვრიდან გააქტიურდება, მას შემდეგ, რაც გენერაციის ობიექტებს და მსხვილ მომხმარებლებს შორის გაფორმებული პირდაპირი კონტრაქტები ამოიწურება. დარგის სპეციალისტების ნაწილი კი ვარაუდობს, რომ ტრანზაქციები მხოლოდ მას შემდეგ გააქტიურდება, რაც მომავალი წლიდან ბაზრის მონაწილეებისთვის უბალანსობაზე პასუხისმგებლობა ამოქმედდება. რამდენად მოსალოდნელია ბირჟაზე ვაჭრობის გააქტიურება და რა უნდა გაკეთდეს ამისთვის? #ახალიამბები #BusinessMediaGeorgia
2024 წლის სეზონზე ფაროსანასგან მიყენებულ ზარალს ციტრუსის ფერმებშიც ითვლიან. მანდარინი ფაროსანამ წელს მასიურად დაკბინა, რაც მის რეალიზაციას პრობლემას უქმნის. ფერმერები მავნებლის წინააღმდეგ ჩატარებულ სამუშაოებს არასაკმარისად მიიჩნევენ და ამბობენ რომ თუ პრობლემა არ გადაიჭრა 3-5 წლიან პერსპექტივაში ფაროსანასგან მიღებული ზარალი კიდევ უფრო დიდ პრობლემად იქცევა. რატომ ვერ მოხერხდა 10 წლის განმავლობაში ფაროსანას პრობლემის მოგვარება, რამდენად საკმარისია სურსათის ეროვნული სააგენტოს მხრიდან ჩატარებული სამუშაოები და რა როლი აქვთ პროცესში ფერმერებს. #ახალიამბები #BusinessMediaGeorgia
საპენსიო დანაზოგების მოცულობამ 5 მილიარდ 800 მილიონ ლარს გადააჭარბა, საიდანაც ყველაზე დიდი მოცულობის საინვესტიციო პორტფელი კვლავ კონსერვატიულია. ოქტომბრის მდგომარეობით, ნაკლებრისკიანი პორტფელის მოცულობა 5 მლრდ 700 მილიონი ლარის ფარგლებშია, ყველაზე მცირე მოცულობის პორტფელად კი ამ დრომდე მაღალრისკიანი ანუ დინამიკური რჩება. მართალია, ერთწლიან ჭრილში რეალური ამონაგების მხრივ კვლავ დინამიკური პორტფელი ლიდერობს, თუმცა ოქტომბერში გლობალურ ბაზრებზე დაფიქსირებულმა ნეგატიურმა ტენდენციამ გავლენა საპენსიო დანაზოგების სარგებელზეც მოახდინა. ამ ფონზე, სპეციალისტები აცხადებენ, რომ საპენსიო ფონდის მთავარი გამოწვევა კვლავ დივერსიფიცირების ნაკლებობა რჩება. სად და რამდენად მომგებიანადაა დაბანდებული საპენსიო დანაზოგები. #ახალიამბები #BusinessMediaGeorgia
ფაროსანა როგორც დაუმარცხებელი პრობლემა - მავნებლის მხრიდან წარმოქმნილ გამოწვევებზე ამჯერად ციტრუსის ფერმერები საუბრობენ. ამბობენ, რომ წელს, მანდარინი ფაროსანას მიერ მასობრივად არის დაკბენილი. აზიურ ფაროსანასთან ბრძოლა კვლავინდებურად უწევთ მეთხილეებსაც. ფერმერები აცხადებენ, რომ სურსათის ეროვნული სააგენტოს მხრიდან პერიოდული შეწამვლით სამუშაოები საკმარისი აღარ არის და ამ მიმართულებით თუ უფრო აქტიური მუშაობა არ დაიწყება, ფაროსანას პრობლემა სხვა კულტურებსაც ექნება, რაც მომდევნო 3-5 წლიან პერსპექტივაში სოფლის მეურნეობის დარგს მნიშვნელოვან პრობლემებს შეუქმნის. #ახალიამბები #BusinessMediaGeorgia
#ბიზნესსიახლეები bm.ge-სგან / 11.11.2024 „ევროპული ბაზრებიდან ბოლო სამ წელიწადში ძალიან მცირე ნაკადები შეინიშნებოდა და არც წელს გვაქვს მოლოდინი“ - Crystal group; "ყოველწლიურად 300%-იანი ზრდა გვაქვს" - სასაჩუქრე ვაუჩერების ონლაინ პლატფორმა Wowchy; DuChef-ის გაყიდვები დაახლოებით 20%-ით გაიზარდა - "მომხმარებლების 40% უცხოელია“; ავიაბილეთები, სასტუმრო, კვება... ყველაფერი გაძვირდა, რაც ქართველი მოგზაურებისთვის დიდი დარტყმაა - ასოციაცია; ბადრიჯნის ექსპორტ/იმპორტი შემცირდა; #ახალიამბები #BusinessMediaGeorgia
მოსახლეობის საპენსიო დანაზოგების მოცულობამ 5 მილიარდ 800 მილიონ ლარს გადააჭარბა, საიდანაც ყველაზე დიდი მოცულობის საინვესტიციო პორტფელი კვლავ კონსერვატიულია. ოქტომბრის მდგომარეობით, დაბალრისკიანი პორტფელის მოცულობა ხუთი მლრდ 700 მილიონი ლარის ფარგლებშია. ყველაზე მცირე მოცულობის პორტფელად კი ამ დრომდე მაღალრისკიანი ანუ დინამიკური პორტფელი რჩება. მართალია, ერთწლიან ჭრილში რეალური ამონაგების მხრივ კვლავ დინამიკური პორტფელი ლიდერობს, თუმცა ოქტომბერში გლობალურ ბაზრებზე დაფიქსირებულმა ნეგატიურმა ტენდენციამ გავლენა საპენსიო დანაზოგების სარგებელზეც იქონია. როგორ მომგებიანობას აჩვენებს სხვადასხვა საინვესტიციო პორტფელები და სადაა დაბანდებული ჩვენი საპენსიო დანაზოგები? #ახალიამბები #BusinessMediaGeorgia
გაურკვევლობა და მოლოდინები არც ვალუტის კურსის სტაბილურობას და არც ბიზნესის განვითარებისათვის ხელშემწყობი არ არის. ლარის მერყეობა განსაკუთრებით გავლენას ახდენს ექსპორტიორებზე, რომლებსაც ამ მიზეზით პარტნიორებთან კონტრაქტების გადახედვა უწევთ. მცირე და საშუალო მეწარმეები მოვიკითხეთ, რომლებიც ექსპორტს აქტიურად ახორციელებენ. როგორია მათი შეფასებები და რა გამოწვევების წინაშე დგანან. #ახალიამბები #BusinessMediaGeorgia
გამყვან ტურიზმში კლებაა, III კვარტალში საქართველოდან საზღვარგარეთ საქართველოს რეზიდენტი მოგზაურების წლიურად 7.4%-ით შემცირდა. კლებაა საქართველოს რეზიდენტი ვიზიტორების მიერ საზღვარგარეთ განხორციელებული ვიზიტების რაოდენობაშიც, სტატისტიკა აჩვენებს რომ მესამე კვარტალში 6.8%-ით ნაკლები ვიზიტი განხორციელდა, ამავე მონაცემებით ვიზიტების უმრავლესობა თურქეთსა და რუსეთის ფედერაციაში განხორციელდა , შესაბამისად, 237.4 ათასი და 119 ათასი ვიზიტი. საქსტატის მონაცემებით III კვარტალში განხორციელებული ვიზიტებისას გათეული ღამეების საშუალო რაოდენობამ 7.9 ღამე შეადგინა, რაც 2023 წლის III კვარტალში დაფიქსირებულ მაჩვენებელზე (7.2 ღამე) 9.3 პროცენტით მეტია. განხორციელებული ვიზიტების 98.2% განმეორებითი ხასიათის იყო. რაზე მეტყველებს სტატისტიკა, რამ განაპირობა ცვლილება და როგორია მოლოდინები; #ახალიამბები #BusinessMediaGeorgia
2001 წელს ბანკირის დღე პირველი ქართული ბანკის - „სათავადაზნაურო ბანკის“ დაარსების 127 წლისთავისა და 8 ნოემბერს მისი დამაარსებლისა და პირველი ხელმძღვანელის - ილია ჭავჭავაძის დაბადების 164-ე წლისთავთან დაკავშირებით დაწესდა. #ახალიამბები #BusinessMediaGeorgia