#ახალიამბები
პატიმრობაში მყოფი ფირუზ წულუკიძე შიმშილობას იწყებს. ამის შესახებ, ინფორმაცია სპორტსმენის სოციალურ ქსელში გავრცელდა. როგორც ირკვევა, პროტესტის მიზეზი სასამართლო პროცესების გაჭიანურება გახდა. წულუკიძის ნათესავების თქმით, საქმის განხილვა, უკვე მეორე წელია, სხვადასხვა მიზეზით ჭიანურდება. მსჯავრდებულს სარჩელი სააპელაციო სასამართლოში აქვს შეტანილი და გადაწყვეტილების მოლოდინშია. შეგახსენებთ, ფირუზ წულუკიძე, 2021 წელს, ნამახვანჰესთან დაკავშირებულ აქციაზე დააკავეს. მას ჯგუფური ძალადობის ორგანიზებასა და მონაწილეობას ედავებიან. ამავე ბრალდებით, პატიმრობაში, კიდევ, 6 პირი იმყოფება. ესენი არიან: ელდარ ანთაძე, რევაზ წულუკიძე, თორნიკე, თამაზ, გელა და ირაკლი ჭელიძეები. დაკავებულებს, სასამართლომ, 5 წლამდე ვადით თავისუფლების აღკვეთა მიუსაჯა. ისინი ბრალს არ აღიარებენ.