#ახალიამბები
„ბათუმის დღეები“ ტრაპიზონში - პროგრამის ფარგლებში, აჭარის ტურიზმის დეპარტამენტის წარმომადგენლებმა ტრაპიზონის ტურიზმის სამსახურისა და "ტურსააბი"-ს წარმომადგენლებთან საქმიანი შეხვედრები გამართეს. მხარეებმა ტურსააგენტოების მჭიდრო თანამშრომლობასა და ერთობლივი ტურისტული პაკეტების შემუშავებაზე ისაუბრეს. მოეწყო აჭარული კერძების მასტერკლასი, გამოფენა და გალა კონცერტი. ღონისძიებას აჭარის ტურიზმის დეპარტამენტის, უმაღლესი საბჭოს, ბათუმის მერიისა და ტრაპიზონში საქართველოს საკონსულოს წარმომადგენლები ესწრებოდნენ.