#ახალიამბები
„შინ ევროპისკენ“ - ბოლო დროის ყველაზე მასშტაბური აქცია, გუშინ, ქვეყნის მასშტაბით, რამდენიმე ქალაქსა და თბილისში, ერთდროულად გაიმართა. შეკრება საქართველოსა და ევროკავშირის ჰიმნებით გაიხსნა. ორგანიზატორების განცხადებით, ევროპული მარშის მიზანია ევროპელმა პარტნიორებმა დაინახონ ის, რომ საქართველოს მოქალაქეებმა ევროპული არჩევანი გააკეთეს. აქციის მონაწილეებმა ინგლისურ ენაზე ევროკავშირისადმი მიმართვაც წაიკითხეს. შეკრებილებს სიტყვით მიმართეს სამოქალაქო საზოგადოების, უკრაინის ხელისუფლებისა და ევროკავშირის წარმომადგენლებმა. მათ ქართველი ხალხისადმი სოლიდარობა და მხარდაჭერა გამოხატეს, საქართველოს მთავრობას კი ევროკომისიის მიერ მიცემული რეკომენდაციების შესრულებისკენ მოუწოდეს.