#ახალიამბები

დღეს, თბილისსა და რეგიონებში აქცია „შინ ევროპისკენ“ გაიმართება. მსვლელობა დედაქალაქში, რუსთაველის გამზირზე პარლამენტის შენობის წინ, 20:00 საათზე დაიწყება. იგი „სირცხვილიას“ და სამოქალაქო აქტივისტების ორგანიზებით იმართება. შეკრებილებს სიტყვით მიმართავენ სამოქალაქო საზოგადოების, უკრაინის ხელისუფლებისა და ევროკავშირის წარმომადგენლები. 21:00 საათზე, აქციის მონაწილეები მსვლელობით გაემართებიან ევროპის მოედნისკენ, სადაც ღონისძიების დასკვნითი ნაწილი გაიმართება. ორგანიზატორების თქმით, შეკრების მიზანი, ევროპელი პარტნიორებისთვის, საქართველოს მოქალაქეების ევროპული არჩევანის ჩვენებაა.