https://www.facebook.com/tvpirveli/

ტეგები: #ტვპირველი #ტელევიზია #სიახლეები #სპორტი


ჩემპიონთა ლიგის ზედიზედ სამჯერ მომგები „რეალი“ კიევიდან მადრიდში დაბრუნდა. ესპანეთის დედაქალაქის ქუჩებში ჩემპიონებს ათასობით გულშემატკივარი დახვდა. ქალაქის ქუჩებში ჩავლის შემდეგ, გვიან ღამით გულშემატკივრები „სანტიაგო ბერნაბეუზე“ შეიკრიბნენ, სადაც ლაზერ-შოუ მოეწყო და, რა თქმა უნდა, ჯგუფ „ქვინის“ სიმღერა „ჩვენ ჩემპიონები ვართ“ გაჟღერდა.

გულშემატკივრების განსაკუთრებული მადლობა კი ზინედინ ზიდანს ერგო, რომელმაც ზუსტად 20 წლის წინ მსოფლიოს ჩემპიონობა ფეხბურთელის რანგში მოიგო, „რეალში“ მუშაობის 2,5 წლის განმავლობაში კი გუნდს მეცხრე ტიტული მოაგებინა.