„ვიკილიქსის“ დაამარსებელმა ჯულიან ასანჟმა მის მხარდამჭერებსა და თანამშრომლებს გამარჯვება მიულოცა. ეკვადორის საელჩოს აივნიდან ასანჟმა განაცხადა, რომ შვედეთის პროკურატურის მოულოდნელი გადაწყვეტილება თავისუფლებისკენ გადადგმული ნაბიჯია.

შვედეთის პროკურატურამ ასანჟის საქმეზე გამოძიება შეწყვიტა. მას სექსუალურ ძალადობაში ედებოდა ბრალი.

ამის მიუხედავად, გაერთიანებული სამეფოს შინაგან საქმეთა სამინისტრო აცხადებს, რომ თუ ასანჟი ეკვადორის საელჩოს დატოვებს, მას დააპატიმრებენ.

ასანჟს ამერიკის შეერთებული შტატები ასიათასობით საიდუმლო დოკუმენტის გასაჯაროებაში ადანაშულებს, რომელსაც წლების განმავლობაში მის მიერ დაარსებული “ვიკილიქსი” აქვეყნებდა.