ატვირთვა
ავტორიზაცია რეგისტრაცია

მიხეილ გიორგაძის განცხადება

გაზიარება შექმენი ლუპი
მაისი 18, 2017
81
EMBED:
URL:

აირჩიეთ პლეიერის სასურველი ზომა.

  • px
  • px
  • Embed ძველი ვერსია

საქართველოს კულტურისა და ძეგლთა დაცვის მინისტრი მიხეილ გიორგაძე მიიჩნევს, რომ ანატოლი ბიბილოვისთვის ე.წ. პრეზიდენტად არჩევის მილოცვის ლოგიკური გაგრძელება ჟენევის მოლაპარაკებებში ჰერბერტ ზალბერის სხვა კანდიდატით ჩანაცვლება იქნება.

ამის შესახებ მიხეილ გიორგაძემ მთავრობის სხდომის დასრულების შემდეგ ჟურნალისტებს განუცხადა.

მისივე თქმით, ჰერბერტ ზალბერის ​ ასეთი განცხადებები სრულიად მიუღებელია.

"ჩვენთვის სრულიად მიუღებელია ეს ვითარება. ქართულ მხარეს კომუნიკაცია აქვს ევროკავშირთან და ამ პროცესში ლოგიკური გაგრძელება სხვა კანდიდატით ჩანაცვლება იქნება'", - განაცხადა მიხეილ გიორგაძემ.

ამასთან, როგორც საზოგადოებრივისთვის გახდა ცნობილი, ქართულმა მხარემ ევროკავშირს უკვე მიაწოდა ინფორმაცია ზალბერის ბიბილოვისთვის „სამხრეთ ოსეთის“ ე.წ. პრეზიდენტად არჩევის მილოცვის შესახებ, რასაც, არ არის გამორიცხული, ზალბერის პოლიტიკური პასუხისმგებლობის დაყენება მოჰყვეს.

ამასთან, ქართულ მხარეს ამ შემთხვევაში არ აქვს გადაწყვეტილების მიღების უფლება, თუმცა ევროკავშირის დეტალურად ინფორმირების შემდეგ შესაძლოა, ევროკავშირის მხრიდან სწორედ ზალბერის ჟენევის მოლაპარაკებებისგან ჩამოშორების საკითხი დადგეს.

სამხრეთ კავკასიის საკითხებში ევროკავშირის სპეციალურმა წარმომადგენელმა, ჰერბერტ ზალბერმა ოკუპირებული ცხინვალის დე ფაქტო ლიდერს ე.წ. არჩევნებში გამარჯვება მიულოცა.

ჰერბერტ ზალბერი ანატოლი ბიბილოვს ოკუპირებულ ცხინვალში გუშინ შეხვდა. შეხვედრის ვიდეოკადრები ადგილობრივმა სააგენტოებმა გაავრცელეს.

მომხდართან დაკავშირებით საქართველოს საგარეო უწყებაში იმყოფებოდა საქართველოში ევროკავშირის მისიის ხელმძღვანელი იანოშ ჰერმანი. ჰერმანის თქმით, ევროკავშირის მკაფიო პოზიციაა, რომ მხარს უჭერს საქართველოს ტერიტორიულ მთლიანობასა და სუვერენიტეტს.

იანოშ ჰერმანი დარწმუნებულია, რომ ამავე პოზიციას იზიარებს ჰერბერტ ზალბერიც, როგორც ევროკავშირის სპეციალური წარმომადგენელი, თუმცა ჰერმანის თქმით, უჭირს ზალბერის ნაცვლად საუბარი და ჟენევის დისკუსიების თანათავმჯდომარე თავად გააკეთებს განმარტებას.

მაჩვენე მეტი