ატვირთვა
ავტორიზაცია რეგისტრაცია
6 335 794
ნახვა
324
ხელმომწერი
27 785
ვიდეო

დონალდ ტრამპის მტკიცებით, FBI მის წინააღმდეგ საქმეს არ იძიებს

გაზიარება შექმენი ლუპი
მაისი 12, 2017
143
EMBED:
URL:

აირჩიეთ პლეიერის სასურველი ზომა.

  • px
  • px
  • Embed ძველი ვერსია

აშშ-ის პრეზიდენტი, დონალდ ტრამპი, ამტკიცებს, რომ FBI-ის დირექტორის სამსახურიდან გათავისუფლების დროს, მის წინააღმდეგ საქმის გამოძიება არ მიმდინარეობდა.

როგორც ტრამპმა NBC-ისთან ინტერვიუში აღნიშნა, ჯეიმს კომის გათავისუფლების გადაწყვეტილება დამოუკიდებლად მიიღო.

აშშ-ის საპრეზიდენტო არჩევნებში რუსეთის შესაძლო მონაწილეობასთან დაკავშირებულ გამოძიებას კომი ხელმძღვანელობდა.

FBI-ის დირექტორის გათავისუფლების შემდეგ, NBC News-ისთვის მიცემულ პირველ ინტერვიუში ტრამპმა განაცხადა, რომ მან ჯეიმს კომის ჰკითხა, მიმდინარეობდა თუ არა მის წინააღმდეგ გამოძიება.

„ვკითხე, თუ ეს შესაძლებელი იყო, ნება მოეცა, მცოდნოდა. მიმდინარეობს გამოძიება ჩემ წინააღმდეგ? - ვკითხე და მან მიპასუხა - თქვენს წინააღმდეგ გამოძიება არ მიმდინარეობს“, - განაცხადა დონალდ ტრამპმა.

როგორც აშშ-ის პრეზიდენტმა აღნიშნა, FBI-ში დიდი უწესრიგობა იყო და ამიტომ გადააყენა კომი თანამდებობიდან. ტრამპი ხაზს უსვამს, რომ ეს მისი გადაწყვეტილება იყო.

აშშ-ის პრეზიდენტმა, „ტვიტერზე“ დაწერა, რომ წინასაარჩევნო კამპანიის პერიოდში, მასა და რუსეთის ხელისუფლებას შორის არანაირი შეთანხმება არ ყოფილა, ამიტომ აღნიშნული საქმის გამოძიებას „თაღლითობა“ უწოდა.

თუმცა, მოგვიანებით, NBC-ისთან ინტერვიუში ტრამპმა აღნიშნა, რომ სურს, ამ საქმის გამოძიება დაჩქარდეს.



წყარო: BBC

მაჩვენე მეტი