ატვირთვა
ავტორიზაცია რეგისტრაცია

დაბა თამარისის მოსახლეობამ დავით შერეზადიშვილს პრობლემების მოგვარება სთხოვა

გაზიარება
იანვარი 31, 2017
404
EMBED:
URL:

აირჩიეთ პლეიერის სასურველი ზომა.

  • px
  • px
  • Embed ძველი ვერსია

დაბა თამარისის მეცამეტე და მეთხუთმეტე ბინის მცხოვრებლებს რამდენიმე თვეა სასმელი წყლისა და კანალიზაციის პრობლემა აწუხებთ. დღეს კი აღნიშნული საკითხის მოგვარება მუნიციპალიტეტის გამგებელს სთხოვეს. დავით შერაზადიშვილმა მათი პრობლემები ბოლნისის მუნიციპალიტეტის არქიტექტურისა და ინფრასტრუქტურის განვითარების სამსახურისა და გაერთიანებული წყალმომარაგების ბოლნისის სერვისცენტრის ხელმძღვანელობასთან ერთად მოისმინა. გასულ წელს ზემოთ ხსენებულ კორპუსებში სასმელი წყლის შიდა ქსელი მთლიანად შეიცვალა, მიუხედავად ამისა იქ მცხოვრებთ ისევ ძველი ამორტიზირებული სისტემით უწევთ სარგებლობა. ისინი ახალ ქსელზე დაერთებისთვის დახმარებას ითხოვენ.

სასმელი წყლის საკითხთან ერთად მოსახლეობას კანალიზაციაც უქმნის პრობლემას, მოძველებული სისტემების გამო სარდაფები წყლით ივსება. მუნიციპალიტეტის გამგებელი დაბის მოსახლეობას პრობლემის მოგვარებას დაჰპირდა. ადგილზე მოხდება მდგომარეობის შესწავლა, რის შემდეგაც, პრობლემის საბოლოოდ მოგვარებამდე მოხდება პროექტის შესყიდვა, რასაც კონკრეტული სამუშაოები მოჰყვება.

დღესვე გახდა ცნობილი, რომ დაბა თამარისის მოსახლეობას აღარ შეაწუხებს სასმელი წყლის დებეტის სიმცირე, რადგან ადგილობრივი ბიუჯეტით დაბისთვის ახალი 5 კილომეტრიანი სასმელი წყლის მაგისტრალის გაყვანა განხორციელდება, რაც საბოლოოდ მოაგვარებს დასახლებაში სასმელი წყლის საკითხს.

მაჩვენე მეტი