საქართველოს ნაკრების უკანახაზელი თამაზ მჭედლიძე საუცხოო ფორმაშია. „ბორჯღალოსნების“ 23 წლის მორაგბემ საფრანგეთის რანგით მეორე დივიზიონში - პრო დ-2-ში საამზეზონო მე-4 ლელო მიითვალა.
ქართველის „აჟენი“ მე-9 ტურის გახსნით მატჩში „უიონასს“ ესტუმრა და 16:21 დამარცხდა. მჭედლიძემ ანგარიში მე-4 წუთზე გახსნა - მრავალფაზიანი შეტევის შემდეგ ბურთი, ჩვენებურთან მივიდა, რომელმაც რამდენიმე მეტრით წინ გაიწია და წაქცეულმა ძალისმიერი ლელო დადო. „აჟენმა“ ტაიმი 10:6 მოიგო, მაგრამ მეორე ტაიმში მასპინძლებმა იძალეს და გამარჯვება მოიპოვეს. მჭედლიძის გუნდმა პრემიალიური ქულა აიღო.
#სპორტი