ატვირთვა
ავტორიზაცია რეგისტრაცია
1 736 020
ნახვა
269
ხელმომწერი
4 790
ვიდეო

ქართული ოცნების მემორანდუმს ოპოზიციის ნაწილი უერთდება, ნაწილი არა

გაზიარება შექმენი ლუპი
სექტემბერი 21, 2016
112
EMBED:
URL:

აირჩიეთ პლეიერის სასურველი ზომა.

  • px
  • px
  • Embed ძველი ვერსია

ქართულმა ოცნებამ ე.წ. სამშვიდობო მემორანდუმი წარადგინა. დოკუმენტის ხელმომწერი სუბიექტები თანხმდებიან, რომ არ მოაწყობენ კონტრაქციებს და სხვა სუბიექტის მიერ დაგეგმილ ღონისძიებას ხელს არ შეუშლიან. ქართული ოცნების აღმასრულებელი მდივნის ინფორმაციით, შეთანხმება ვრცელდება მთელ საარჩევნო პერიოდზე არჩევნების საბოლოო შემაჯამებელი ოქმის გამოქვეყნებამდე.
მემორანდუმს პირველი ხელმომწერები უკვე ჰყავს. რესპუბლიკურ პარტიას დოკუმენტი ოფიციალურად ჯერ არ მიუღია, თუმცა, დავით უსუფაშვილმა მედიაში გავრცელებულ ვერსიას ხელი საჯაროდ მოაწერა. მმართველი გუნდის მემორანდუმს უერთდებიან კოალიციის სხვა წევრებიც, მათ შორის თავისუფალი დემოკრატები. ხელმომწერი პარტიები უარყოფენ მემორანდუმის შემუშავების პროცესში მათთან კონსულტაციებს.
ქართული ოცნების მემორანდუმს არ შეუერთდება კოალიციის ყოფილი წევრი ეროვნული ფორუმი. ასევე, ერთიანი ნაციონალური მოძრაობა, ბლოკი პაატა ბურჭულაძე - სახელმწიფო ხალხისთვის და ლეიბორისტული პარტია. ისინი საარჩევნო პროცესის მშვიდობიანად წარმართვაზე პასუხისმგებლობას ხელისუფლებას აკისრებენ.
არასამთავრობო ორგანიზაციები პარტიების მხრიდან წინასაარჩევნო კამპანიის მშვიდობიანად ჩატარებას მიესალმებიან, თუმცა პროცესში ხელისუფლების პასუხისმგებლობაზე საუბრობენ.

მაჩვენე მეტი