ატვირთვა
ავტორიზაცია რეგისტრაცია
რადიო თავისუფლება
39:56
სალომე ზურაბიშვილის ბოლო მოხსენება პრეზიდენტის რანგში სრულად
1 274 ნახვა 19 დღის წინ

საქართველოს პრეზიდენტმა სალომე ზურაბიშვილმა პარლამენტის წინაშე ქვეყნის უმნიშვნელოვანეს საკითხებზე ყოველწლიური მოხსენებისას პარტია „ქართული ოცნების“ საპატიო თავმჯდომარეს ბიძინა ივანიშვილს მიმართა. მისი თქმით, საზოგადოების კითხვების მთავარი ადრესატი „დღეს არც პრემიერია, არც პარლამენტისა და არც მმართველი პარტიის თავმჯდომარე, არამედ ის, ვინც რეალურად მართავს ქვეყანას“. „საზოგადოებას აქვს სრული უფლება, თქვენგან მოისმინოს - რას ნიშნავს თქვენი დაბრუნებისას წარმოთქმული სიტყვები კორუფციაზე, ქვეყნის საგარეო კურსზე? საზოგადოებამ არ იცის ვინ რატომ გაუშვით, ან ვინ რატომ მოგყავთ - ქვეყნის წინაშე არსებული დანაშაულისა, თუ განსხვავებული აზრების გამო უშვებთ, თუ კიდევ სხვა, მიზეზების გამო, რაც არ ვიცით?“ #რადიოთავისუფლება

7:06
წერეთლის გამზირი გაიხსნა, მხოლოდ ნაწილობრივ
1 582 ნახვა 24 დღის წინ

1 თებერვალს საავტომობილო მოძრაობა სრულად აღდგა წერეთლის გამზირზე, სადაც სამუშაოები 2023 წლის აპრილიდან მიმდინარეობს. რადიო თავისუფლება აკვირდებოდა ქუჩის გახსნამდე ბოლო 24 საათის განმავლობაში გზის სამუშაოებს და ადგილობრივების განწყობებს. ორი კვირის წინ, 15 იანვარს, თბილისის მერმა კახა კალაძემ მოულოდნელად შეწყვიტა ხელშეკრულებები ორ კონტრაქტორთან და თქვა, რომ მიზეზი უხარისხოდ შესრულებული სამუშაოები იყო. იანვრის ბოლო ორ კვირაში წერეთლის გამზირზე, სადაც მანამდე რეაბილიტაცია ადგილობრივების თქმით, დუნედ და ზანტად მიდიოდა, თითქმის 24 საათიან რეჟიმში მუშაობდნენ. #რადიოთავისუფლება

5:18
სად წავიდა ბორჯომი-ბაკურიანის "კუკუშკა"
3 437 ნახვა იანვარი 12, 2024

4 წელია კუკუშკა აღარ დადის. პანდემიის მიზეზით გააჩერეს და მუშაობა დღემდე არ განუახლებია. რკინიგზას კულტურული მემკვიდრეობის სტატუსი აქვს და სარეაბილიტაციოა. მის აღდგენას არავინ ჩქარობს. სად არის კუკუშკა და რა ელის დავიწყებულ “სავიზიტო ბარათს”? ვრცლად წაიკითხავთ აქ: http://tinyurl.com/4j53uyzk #რადიოთავისუფლება

7:27
მხატვარი ცოლ-ქმარი, ვის ილუსტრაციებზეც თაობები გაიზარდა
1 070 ნახვა იანვარი 12, 2024

მანანა მორჩილაძისა და ზაურ დეისაძის საბავშვო ილუსტრაციებზე თაობები გაიზარდნენ. ცოლ-ქმარი დღემდე ხატავს. პრინცესები ულამაზესი კაბებით, ცხენზე ამხედრებული მზეჭაბუკები, ზღარბები და თაგვები, რომლებიც იღიმებიან - ეს მათი სამყაროა, მათი ზღაპარი და მათი რეალობა. #რადიოთავისუფლება

6:53
“თეთრ ოკეანეში” - ლევან ტიელიძის ანტარქტიდული ექსპედიცია
708 ნახვა იანვარი 8, 2024

ქართველი გლაციოლოგი და გეოგრაფი, ავსტრალიის მონაშის უნივერსიტეტის მკვლევარი და ილიას უნივერსიტეტის ასოცირებული პროფესორი ლევან ტიელიძე, მსოფლიოს 27 წამყვან მეცნიერთან ერთად მონაწილეობს აღმოსავლეთ ანტარქტიდაზე ორთვენახევრიან ექსპედიციაში, რომლის მიზანიც, ამ კონტინენტის ერთ-ერთი უდიდესი, დენმენის მყინვარის კომპლექსური შესწავლაა. #რადიოთავისუფლება

51:17
ნიკო ნერგაძე vs ლელა წურწუმია
1 118 ნახვა დეკემბერი 31, 2023

ნიკო ნერგაძე vs ლელა წურწუმიალელა გვიზიარებს თავისი წარმატების საიდუმლოს, იხსენებს კარიერას, ყვება „დრეგ ბოლის“ და დემნას ჩვენების ამბებს და ადასტურებს, რომ ნიკოს საყვარელი ჭორი მის შესახებ სიმართლეა... #რადიოთავისუფლება

3:05
შვილი: სალომე ზურაბიშვილი - ანონსი
1 117 ნახვა დეკემბერი 31, 2023

სალომე ზურაბიშვილისთვის 21 მარტი მაგიური დღეა. 1921 წლის 21 მარტს მამამისმა, ლევან ზურაბიშვილმა, მშობლებთან ერთად დატოვა გასაბჭოებული საქართველო და ჯერ თურქეთში, შემდეგ კი საფრანგეთში გადაიხვეწა. 2004 წლის 21 მარტს მისი ქალიშვილი საქართველოში ბრუნდება, როგორც დამოუკიდებელი ქვეყნის საგარეო საქმეთა მინისტრი. მერე კი ქვეყნის პრეზიდენტი ხდება. მის დიდ წინაპრებს საქართველოს ხელისუფლება საარჩევნო კამპანიის დროს იხსენებდა. რას იხსენებს სალომე ზურაბიშვილი დღეს, როცა მმართველი პარტია მას ქართველი ხალხის ზეიმზეც კი გვერდით არ იყენებს. „შვილის“ მორიგი ეპიზოდის გმირი საქართველოს პრეზიდენტია. 8 იანვარს - დაელოდეთ „შვილის“ ახალ ეპიზოდს რადიო თავისუფლების Youtube არხზე. #რადიოთავისუფლება

7:26
ომი საცობთან
2 015 ნახვა დეკემბერი 23, 2023

"ომი მოუგო" საცობს მარტივი არ არის, შეუძლებელიც კია. ამ ვიდეოს გმირები თავიანთ გამოცდილებას გვიზიარებენ: ერთი ექსპერიმენტებს ატარებს, მეორე სამსახურის გრაფიკს იცვლის, მესამე - ტრანსპორტს. საცობებმა თქვენი ყოველდღიური ჩვევებიც შეცვალა? როგორ უმკლავდებით თბილისში მგზავრობის სირთულეებს? - გაგვიზიარეთ თქვენი გამოცდილება კომენტარებში #რადიოთავისუფლება

22:12
1500 საათი მგლებთან
1 572 ნახვა დეკემბერი 23, 2023

ეს არის ამბავი „მგლისა და კაცისა“ - როგორც თავად იასონ ბადრიძეც წერს თავის წიგნში, რომელიც ახლახან გამოსცა გამომცემლობა „დიოგენემ“ - ამბავი იმისა, როგორ გადაწყვიტა ახალგაზრდა მეცნიერმა მგლების ქცევის შესწავლა, როგორ შეიმუშავა მათი გამოზრდის და ბუნებაში დაბრუნების მეთოდიკა და თავადაც როგორ გამოზარდა 22 მგელი! ერთ დღეს როგორ ჩააწყო ბარგი და მგლებთან დასამეგობრებლად წავიდა. და რაც მთავარია, გამოუვიდა. იმ დროს საბჭოთა კავშირში ყველა ფიქრობდა, რომ ეს დიდი სიგიჟე იყო. რატომ მიიზიდა იასონ ბადრიძე მაინცდამაინც მგელმა - მხეცმა, რომელიც, როგორც მეცნიერი წერს, ან აღტაცებას იწვევს, ან სძულთ? რის მიხედვით შეურჩია სახელები მგლების ექვსსულიანი ოჯახის წევრებს? ერთად ნადირობის ამბავი როგორ იყო? ან ის, უკვე დამეგობრებულმა მგელმა, ამ მეგობრობის ნიშნად, საჭმელი რომ მოუტანა?.. იმ ორი წლის განმავლობაში მგლებთან გატარებული 1500 საათი ბიოლოგიის მეცნიერებათა დოქტორის, პროფესორ იასონ ბადრიძისთვის უნიკალურ გამოცდილებად იქცა - ეს ამბები დღესაც, 40 წლის შემდეგაც საინტერესო მოსათხრობია. ამ ვიდეოში იასონ ბადრიძე ჩვენც გვიზიარებს მგლებთან ცხოვრების გამოცდილებას, გვიყვება შიშის დაძლევასა და თავის მთავარ აღმოჩენებზე - იმაზე, თუ როგორი სიყვარული, მეგობრობა და გლოვა შეუძლიათ მგლებს. მოგიყვებით ნესტორის, მანანას და ნიკოს, გურამის, რუხის, ბუზღუნას, ჯეილების და სხვა მგლების ამბებსაც. #რადიოთავისუფლება

32:05
ხელოვნური ინტელექტი ქართულ ენაზე
934 ნახვა დეკემბერი 18, 2023

AI ქართულ ენაზე - ფენოვანი 2.40 ხელოვნური ინტელექტი და გასული ერთი წელი, როდესაც ინოვაციური ცვლილებები ყველასათვის ხელმისაწვდომი გახდა. ქართული ენა, რომელსაც აუცილებლად მოუწევს ციფრულ სამყაროში სწორად ადაპტირება და ქართული ენის ხელოვნურ ინტელექტთან გამართულად მორგების პირველი ნაბიჯები. AI Lab, ზაალ გაჩეჩილაძე და გუნდი, რომელიც მომავლისთვის მუშაობს. #რადიოთავისუფლება

4:32
სტატუსიდან წევრობამდე
330 ნახვა დეკემბერი 15, 2023

მარტის აქციების მონაწილეები ევროკავშირის წევრობის კანდიდატის სტატუსით მიღებულ სიხარულს გვიზიარებენ და იმ რთულ გასავლელ გზაზეც ყვებიან, რომლის გავლაც მოუწევს საქართველოს ევროკავშირის წევრობამდე . #რადიოთავისუფლება

40:59
შალვა ამონაშვილი - 8 ფოტო არქივიდან
308 ნახვა დეკემბერი 12, 2023

ფრონტზე მიმავალი მამისთვის ნაჩუქარი კალამი, ბებიის ლოცვები, პედაგოგი, რომელმაც ასწავლა როგორ გაზომოს ცხოვრება დღეებით, გორბაჩოვის წინაშე ქართულად წარმოთქმული სიტყვა და ვეფხისტყაოსანი, რომელიც თანამგზავრად აქცია. ვინ და რა გაახსენდა პედაგოგ შალვა ამონაშვილს, როდესაც მას ძველი ფოტოები ვაჩვენეთ? #რადიოთავისუფლება

0:49
''ევროპული მარში'' თბილისში
841 ნახვა დეკემბერი 9, 2023

თბილისში, ევროპის მოედანზე მასშტაბური დროშის გაშლით დასრულდა "ევროპული მარში", რომლის მონაწილეებმაც საქართველოს და ევროკავშირის დროშებით გაიარეს გზა რესპუბლიკის მოედნიდან მეტეხის ხიდამდე. მსვლელობის მიზანი იყო ევროკავშირის ლიდერებისთვის ქართველი ხალხის ხმის გაგონება 15 დეკემბრამდე - ამ დღეს ევროპულმა საბჭომ უნდა გადაწყვიტოს საქართველოსთვის კანდიდატის სტატუსის მონიჭების საკითხი. ნახეთ დრონით გადაღებული "ევროპული მარში"

10:00
როგორ არ დაიცვა სახელმწიფომ ახალგაზრდა ქალის სიცოცხლე
2 040 ნახვა დეკემბერი 7, 2023

სალომე მხოლოდ 17 წლის იყო, როცა მასზე გაცილებით უფროსმა კაცმა ცოლად მოყვანის მიზნით მოიტაცა. ორი წლის თავზე, მოძალადემ, პოლიციის თანამშრომელმა, სალომე სამსახურეობრივი იარაღით მოკლა. საქართველოს ერთ-ერთ რეგიონში მომხდარმა ტრაგედიამ ფარდა ჩამოხსნა სისტემას, რომელმაც არ დაიცვა ახალგაზრდა ქალი სიცოცხლე. მოგვიანებით სასამართლომ აღიარა სახელმწიფოს დანაშაული და მსხვერპლის დედისთვის კომპენსაციის გადახდა დააკისრა. ვიდეო მომზადდა რადიო თავისუფლების მიერ, USAID სამართლის უზენაესობის პროგრამის მხარდაჭერით. პროგრამას ახორციელებს აღმოსავლეთ‐დასავლეთის მართვის ინსტიტუტი (EWMI) ამერიკის შეერთებული შტატების საერთაშორისო განვითარების სააგენტოს (USAID) დაფინანსებით. ვიდეოს შინაარსზე სრულად პასუხისმგებელია რადიო თავისუფლება და მასში გამოთქმული მოსაზრებები შესაძლოა არ ასახავდეს ზემოთ ნახსენები საერთაშორისო ორგანიზაციების შეხედულებებს. #რადიოთავისუფლება

21:58
დაბრუნება - როცა საკუთარ სახლს ვერ ცნობ
776 ნახვა დეკემბერი 4, 2023

ეს ფილმი აფხაზეთიდან დევნილებზეა, რომლებიც ყოფილ სანატორიუმებში ცხოვრობენ. 30 წლის შემდეგაც ისინი ოცნებობენ დაბრუნდნენ სახლებში, რომელთა ყველა დეტალი ახსოვთ. ისინი საკუთარ სახლებს ფოტოებზე უყურებენ, მაგრამ ყოველთვის ვერ ცნობენ მათ, რადგან ომის შემდეგ სახლები დაინგრა, ადგილები კი გაუკაცრიელდა. @CurrentTimeDoc -ის დოკუმენტური ფილმი. #რადიოთავისუფლება

66:37
როგორ მოხდა „ვარდების რევოლუცია“ 20 წლის წინ?
2 311 ნახვა ნოემბერი 26, 2023

20 წელი ვარდების რევოლუციიდან - შინაგან საქმეთა მინისტრი კობა ნარჩემაშვილი (2001-2003), ახალგაზრდა იურისტთა ასოციაციის თავმჯდომარე თინა ხიდაშელი (2002-2004) და თავისუფლების ინსტიტუტის უფროსი იურიდიული მრჩეველი გიგა ბოკერია (1996-2002) იხსენებენ ვარდების რევოლუციას. რამ მიიყვანა შევარდნაძე გადადგომამდე, რა გავლენა ჰქონდათ რუსეთსა და დასავლეთს და ვინ იყვნენ რევოლუციის მთავარი აქტორები. #რადიოთავისუფლება

18:26
ანა - ბავშვობაში გათხოვილი
1 427 ნახვა ნოემბერი 24, 2023

„15 წლის ბავშვი არის ბავშვი და მისი ადგილი არ არის სხვის ოჯახში, ეს დანაშაულია“, - მეუბნება ანა ჯავახიშვილი, რომელიც თავადაც ამ ხნისა იყო, როცა იძულებით დაქორწინება მოუწია ადამიანზე, რომელიც არ უყვარდა. 1990-იანი წლების ბოლო იყო, ცივი და ბნელი თბილისი, ყველას უჭირდა. ანას ყოველდღიურობა სკოლა, სახლი და წიგნები იყო - ოჯახის შექმნა და დედობა აზრადაც არ მოსვლია. მაგრამ მოხდა ისე, როგორც მაშინ ხშირად ხდებოდა ხოლმე. მისმა მომავალმა ქმარმა და მისმა მეგობრებმა, ანა თბილისიდან ზუგდიდში, ვითომ „კავეენში“ მონაწილეობის მისაღებად წასვლაზე დაითანხმეს. თითქოს უწყინარი, რამდენიმედღიანი მოგზაურობა კი იმით დასრულდა, რომ შინ დაბრუნებულ ანას ოჯახის, განსაკუთრებით კი დედის მტკიცე პოზიცია დახვდა - შინ ასე დაბრუნება სირცხვილი იყო და უნდა გათხოვილიყო. ასე გახდა ბავშვი - ცოლი. მისი ახლა უკვე ყოფილი ქმარი მაშინ 20 წლისა იყო. ერთად წლები იცხოვრეს. ანას 4 შვილი შეეძინა. „მეც 15 წლისას მომიწია ქორწინება. ჩემი ერთადერთი ძმა, მამაჩემი და დედაჩემი დიდი ხანია, ცოცხლები აღარ არიან. ძალიან მძიმე ფორმით მოხდა ეს ყველაფერი... ჰოდა, მიუხედავად იმის, რომ ისინი სიცოცხლეს მერჩივნენ, ჩემი ამბავი გარდაცვლილებსაც ვერ ვაპატიე“, - ეს სიტყვები ანამ საკუთარ ფეისბუკზე მას შემდეგ დაწერა, რაც 14 წლის აითაჯ შახმაროვას მკვლელობის ამბავი გავრცელდა - მეცხრეკლასელი გოგო მოკლა კაცმა, რომელთანაც ის არარეგისტრირებულ ქორწინებაში იყო - მოკლა გაქცევის მცდელობისას. დღეს ანა ჯავახიშვილი კამერის წინ პირველად ღიად ლაპარაკობს ნაადრევი ქორწინების საკუთარ გამოცდილებაზე, უცებ ცოლად ქცეული ბავშვის განცდებსა და ყველა სირთულეზე, რაც მარტომ გამოიარა. #რადიოთავისუფლება

4:52
ეროვნული მოძრაობა მოყვარული ფოტოგრაფის თვალით
714 ნახვა ნოემბერი 18, 2023

84 წლის ნაზი გაბაიძემ, რომელიც პროფესიით ექიმი-ფარმაცევტია, 35 წლის წინ, ერთ დღეს, ხელში ფოტოაპარატი აიღო და გადაღება დაიწყო - ეს ეროვნული მოძრაობის წლებია, როცა თბილისსა და დანარჩენ საქართველოში აქცია აქციაზე იმართება დამოუკიდებლობის მოთხოვნით. ნაზიმ, რომელიც არც ერთ დემონსტრაციას არ აცდენდა, გადაწყვიტა, რომ რადგან ამ პროცესების ფირზე აღბეჭდვა დაიწყო, ბოლომდე მიჰყვებოდა და იმ დღეების ფოტოარქივს შექმნიდა. მოყვარულმა ფოტოგრაფმა 1988 წლიდან 1991 წლის ჩათვლით თითქმის ყველა დემონსტრაცია გადაიღო. იღებდა ლიდერებს, ქალებს, ბავშვებს, იმდროის მთავარ ლოზუნგებს, საპროტესტოდ შეკრებილი ადამიანების ტიპაჟებს და ასე მოუგროვდა 1200 ფოტო ამბავი საქართველოს დამოუკიდებლობისთვის ბრძოლის დღეებიდან. ამ ფოტოფირების ნაწილი ეროვნულმა ბიბლიოთეკამ გააციფრულა, ძირითად არქივს კი, ფოტოებს, ფირებს ნაზი ინახავს. ხანდახან გული სწყდება, რომ ამ ფოტოების შესახებ ბევრმა არ იცის, თუმცა იმასაც ამბობს, რომ მთავარია, საქართველოს ისტორიის ამ გარდამტეხი პერიოდის ამბები მანაც შემოინახა. #რადიოთავისუფლება

42:15
როცა ქართველები ერთიანები არიან, დიდებული რაღაცები ხდება - ინტერვიუ ევროკავშირის ელჩთან
1 289 ნახვა ნოემბერი 14, 2023

ევროკავშირის ელჩმა პაველ ჰერჩინსკიმ ჯერაც ვერ იპოვა პასუხი კითხვაზე - რატომ ვერ იქცა ევროინტეგრაცია პოლიტიკური ძალების გამაერთიანებლად საქართველოში. ევროკომისიის მიერ საქართველოსთვის კანდიდატის სტატუსის მინიჭებაზე დადებითი რეკომენდაციის გაცემიდან მეორე დღეს მან ინტერვიუ მისცა რადიო თავისუფლებას. ელჩ პაველ ჰერჩინსკისთან ინტერვიუ სრულად წაიკითხეთ აქ - https://is.gd/KTSSAs #რადიოთავისუფლება

26:01
ია ფარულავა - 8 ფოტო არქივიდან
3 407 ნახვა ნოემბერი 14, 2023

4:28
მინდორი გააჩუქეს, ტყე გაყიდეს - აშენდება კორპუსები იპოდრომზეც?
1 422 ნახვა ნოემბერი 14, 2023

წლების განმავლობაში ათობით გაყიდვის შემდეგ იპოდრომის ტერიტორიის ნაწილი კიდევ ერთხელ გაიყიდა. ბოლოს და ბოლოს, შეინარჩუნებს ქალაქი ამ მწვანე სივრცეს თუ იპოდრომზე კორპუსების მშენებლობა გარდაუვალია? თბილისის იპოდრომის შესახებ უფრო დეტალურად წაიკითხეთ რადიო თავისუფლების ვებსაიტზე - https://tinyurl.com/m2wfv9sr #რადიოთავისუფლება

35:47
ფასები, ინფლაცია და გაძვირებული ცხოვრება
1 068 ნახვა ნოემბერი 6, 2023

ფასები, გაძვირებული ცხოვრება და ინფლაცია. სურსათი, რომელიც დღითიდღე ძვირდება, იმპორტული პროდუქცია, რომელსაც კონკურენციას ვერ უწევს ადგილობრივი ნაწარმი და უკრაინის ომის შემდეგ, რუსეთის და ბელორუსის მოქალაქეების შემოდინება, რომლებიც ბაზარზე საკუთარ ფასებს აწესებენ. რა ღირდა პური და საწვავი გუშინ და რა ღირს ის დღეს? #რადიოთავისუფლება

8:29
როგორ დაანგრიეს X საუკუნის ეროვნული ძეგლი ხადას ხეობაში
958 ნახვა ნოემბერი 6, 2023

ხადის ხეობაში თითქმის მიწასთან არის გასწორებული X საუკუნის ქოროღოს კოშკი - საზოგადოებამ მისი ნგრევის შესახებ მაშინ გაიგო, როცა ეროვნული ძეგლის სტატუსის მქონე ნაგებობა სრულად იყო დაშლილი. რადიო თავისუფლება ქოროღოს ციხეზე 27 ოქტომბერს ავიდა ხელოვნებათმცოდნე ნოდარ აროშინაძესთან ერთდ - ის და მისი ორგანიზაცია, „ჩუბინაშვილის ცენტრი“ მუშაობენ ანგარიშზე, რომელშიც გაანალიზებული იქნება ძეგლის რეაბილიტაციისას დაშვებული შეცდომები. #რადიოთავისუფლება

7:25
სამკურნალოდ აფხაზეთიდან | პროცესი
740 ნახვა ნოემბერი 3, 2023

აფხაზეთის ომი მძიმე იყო ბევრისთვის, დავითისთვის სულ სხვა მიზეზით. ბავშვობიდან შეზღუდული შესაძლებლობების მქონე ეთნიკურად აფხაზს მუდმივი მკურნალობა სჭირდება. თუმცა ოკუპირებულ ტერიტორიაზე ეს პრაქტიკულად შეუძლებელია. 2021 წელს დავითი თბილისში ჩამოვიდა სამედიცინო და სოციალური დახმარების მიღების იმედით. რამდენიმე წელია ის სასამართლოში ამტკიცებს, რომ ეკუთვნის პენსია, როგორც საქართველოს ნებისმიერ სხვა მოქალაქეს. ვიდეო მომზადდა რადიო თავისუფლების მიერ, USAID სამართლის უზენაესობის პროგრამის მხარდაჭერით. პროგრამას ახორციელებს აღმოსავლეთ‐დასავლეთის მართვის ინსტიტუტი (EWMI) ამერიკის შეერთებული შტატების საერთაშორისო განვითარების სააგენტოს (USAID) დაფინანსებით. ვიდეოს შინაარსზე სრულად პასუხისმგებელია რადიო თავისუფლება და მასში გამოთქმული მოსაზრებები შესაძლოა არ ასახავდეს ზემოთ ნახსენები საერთაშორისო ორგანიზაციების შეხედულებებს #რადიოთავისუფლება

23:11
ინტერვიუ საქართველოში ისრაელის ელჩთან
872 ნახვა ოქტომბერი 31, 2023

"რა თქმა უნდა, მეტი ადამიანი მოკვდება. არ ვიცი, არ მესმის, როგორ უნდა იომო ომი ისე, რომ არავის არაფერი დაუშავდეს. ომი მახინჯი რამეა, ძალიან მახინჯი რამე..." "ეს არაა ისრაელ-პალესტინის კონფლიქტი, ეს არაა დავა ისრაელსა და პალესტინას შორის. იმიტომ რომ „ჰამასი“ პალესტინელი ხალხისთვის არ იღვწის. „ჰამასი“ არ თვლის, რომ გამოსავალია ორი სახელმწიფოს შექმნა. „ჰამასის“ მიზანია გაანადგუროს ისრაელი..." "რთულია ამ აწმყოს მიღმა გახედვა. მაგრამ ეს არ ნიშნავს, რომ... ასე ვიტყოდი - იმედი არ დამიკარგავს, რომ უკეთეს სამყაროში ვიცხოვრებთ..." - ეუბნება რადიო თავისუფლებას ისრაელის ელჩი საქართველოში ჰადას მეიცადი. #რადიოთავისუფლება

33:02
ბავშვების იძულებითი ქორწინება საქართველოში
1 576 ნახვა ოქტომბერი 24, 2023

არასრულწლოვანი ქალების გატაცება, იძულება ქორწინებისთვის, ძალადობა და გაუპატიურება - „ნაადრევი“ ქორწინების თანხმლები დანაშაულების ნაწილია. რას იწვევს ქორწინება და სექსუალური ცხოვრების დაწყება იმ ასაკში, როდესაც ადამიანის ორგანიზმი ბოლომდე ჩამოყალიბებული არ არის? რატომ იშვერენ თითს ეთნიკური უმცირესობებისკენ, როდესაც ამ საკითხზე იწყება საუბარი? ფენოვანი 2.40 #რადიოთავისუფლება

63:23
ინტერვიუ მამუკა ხაზარაძესთან
286 ნახვა ოქტომბერი 24, 2023

„ლელო საქართველოსთვის“ თავმჯდომარე თვლის, რომ 2024 წლის არჩევნების კონტექსტში საკითხი ასე დგას: „ან რუსეთში ვიქნებით, ან დამოუკიდებელ, თავისუფალ სამყაროში“. მამუკა ხაზარაძე რადიო თავისუფლებისთვის მიცემულ ინტერვიუში აღნიშნავს, რომ სწორედ საკუთარ პარტიაში ხედავს პროდასავლური ძალების მიზიდულობის ცენტრად ქცევის პოტენციალს. ხედავს ის ანაკლიის პროექტის მომავალს და იმის შესახებაც, როგორ აპირებს პარტიის გარშემო ძალების შემოკრებას. მამუკა ხაზარაძე ამბობს, რომ პოლიტიკა, პოლიტიკური პარტიის ჩამოყალიბება-განვითარება ბიზნესის დაფუძნებასა და განვითარებაზე ბევრად რთული საქმეა. საქართველოს ევროპული მომავალი მისთვის ცენტრალური საკითხია, ქვეყნისთვის კანდიდატის სტატუსის მინიჭების საკითხი ყველა პარტიულ ინტერესზე მაღლა დგას და ნებისმიერ პოლიტიკურ გარემოებაში უმნიშვნელოვანესი წინსვლა იქნება ქვეყნისთვის. #რადიოთავისუფლება

34:58
კუპატა დავკარგეთ, პრეზიდენტი შევინარჩუნეთ - განკითხვის დღე!
1 224 ნახვა ოქტომბერი 20, 2023

ჯიმის და ნიკოს განკითხვის დღე ყოველ ხუთშაბათს გადის პირდაპირ ეთერში - 20:00-ზე #რადიოთავისუფლება

15:52
სალომე ზურაბიშვილის სიტყვა სრულად - იმპიჩმენტის პროცედურა პარლამენტში
1 694 ნახვა ოქტომბერი 18, 2023

საქართველოს პრეზიდენტმა სალომე ზურაბიშვილმა თავისი იმპიჩმენტის განხილვაზე პარლამენტში სიტყვით გამოსვლისას დეპუტატებს უთხრა, რომ ამ დარბაზში არა მისი, არამედ მმართველი პარტიის ბედი წყდება პრეზიდენტის მოსაზრებით, მისი იმპიჩმენტის საკითხი ქვეყნის ბედსაც განსაზღვრავს და იმ დეპუტატების მომავალსაც, ვინც ამ პროცესში მიიღებს მონაწილეობას პრეზიდენტის იმპიჩმენტის შესახებ მეტი წაიკითხეთ ბმულზე - radiotavisupleba.ge/p/9809.html #რადიოთავისუფლება

3:53
ისრაელ-პალესტინური კონფლიქტის ისტორია - მოკლედ
3 230 ნახვა ოქტომბერი 16, 2023

ისრაელელებსა და პალესტინელებს შორის ურთიერთობა ძალადობის უწყვეტი ჯაჭვია როგორია კონფლიქტის ისტორია – აგიხსნით მოკლედ მარტივად წაიკითხე აქ

18:58
დღეს, ისრაელში - ინტერვიუ ლაშა შაყულაშვილთან
1 368 ნახვა ოქტომბერი 10, 2023

#რადიოთავისუფლება

50:32
ინტერვიუ ნათია თურნავასთან სანქციებთან მიდგომის შეცვლაზე
786 ნახვა ოქტომბერი 5, 2023

„ეროვნულ ვალუტაში [ქართული ბანკი სანქცირებულ პირს, საქართველოს მოქალაქეს] მოემსახურება თუ არა, ეს საკითხი აქამდეც ღია იყო, ეს არ არის პირდაპირ გაწერილი პირველად სანქციებში. ბანკები აქამდეც თვითონ წყვეტდნენ საკითხებს...“ „პრეზუმფცია ნორმატიულ აქტში ნახსენები არ გვაქვს, მაგრამ… ჩვენი კანონმდებლობა აწესებს გარკვეულ წინაპირობებს, თუ რატომ შეიძლება პირს შეეზღუდოს წვდომა ქონებაზე. ხვალ თქვენთან ვინმე რომ მოვიდეს და თქვას, დაცალე შენი ქონება და გადი, ხომ მოსთხოვთ დასაბუთებას?..“ „[სანქციების აღსრულების შესახებ ბრძანება შევცვალეთ, რადგან] შეიძლება კითხვის ნიშნის ქვეშ დადგეს ჩვენი [4 აგვისტოს] ბრძანება კონსტიტუციასთან მიმართებაში, რაც, მერწმუნეთ, გაცილებით მეტი ზიანის მომტანი იქნებოდა ეროვნული ბანკისთვის და დიდ შეფერხებას შექმნიდა სანქციების აღსრულებაში...“ - ამბობს ეროვნული ბანკის პრეზიდენტის მოვალეობის შემსრულებელი, ეკონომიკის ყოფილი მინისტრი ნათია თურნავა რადიო თავისუფლებასთან ინტერვიუში. #რადიოთავისუფლება

14:13
დაარღვია პრეზიდენტმა კონსტიტუცია - ორდღიანი განხილვა სასამართლოში - მოკლედ
1 866 ნახვა ოქტომბერი 5, 2023

მეორე დღეა, საკონსტიტუციო სასამართლო, ქვეყნის ისტორიაში პირველად, პრეზიდენტის წინააღმდეგ საქმეს განიხილავს 9 მოსამართლე 12 საათზე მეტი ხნის განმავლობაში ისმენდა პრეზიდენტისა და “ქართული ოცნების” არგუმენტებს ამ ვიდეოში მოკლედ ნახავთ, რა ხდებოდა სასამართლოში 2 დღის განმავლობაში #რადიოთავისუფლება

14:25
ცხოვრება შენგან ელოდება, გახდე ბედნიერი
1 381 ნახვა ოქტომბერი 3, 2023

დიმა ბელარუსიდანაა, 4 წლის წინ მან ციხისძირის სანაპიროზე ქოხი ააშენა და იქვე დასახლდა. შეხვდა ესპანელ ქრისტინას და შეუყვარდა. კაი ციხისძირში დაიბადა. როგორ სწავლობს, არ ეშინოდეს და რაში პოულობს ცხოვრების აზრს ადამიანი, რომელსაც ბუნებასთან ჰარმონიული თანაცხოვრება უნდა? #რადიოთავისუფლება

10:48
"ჩვენ დრო გავფლანგეთ, რუსებმა არა" - გენერალი დანატი უკრაინის კონტრიერიშზე
3 584 ნახვა სექტემბერი 29, 2023

“უკრაინას სრული უფლება აქვს “დაარტყას” ობიექტებს რუსეთის ღრმა ზურგში - ატაკმსების მოსალოდნელი ეფექტი..." „იქმნება შთაბეჭდილება, რომ დასავლეთი მხოლოდ იმის გაკეთების უფლებას აძლევს უკრაინას, რაც თვითონ სურს...“ "რუსეთმა ხომ დაიწყო ომი, არა? შესაბამისად, ამ ომის შედეგებიც უნდა იწვნიოს...“ ბრიტანეთის გენშტაბის ყოფილ უფროსთან, გენერალ სერ რიჩარდ დანატთან სრულ ინტერვიუს 29 სექტემბერს შემოგთავაზებთ #რადიოთავისუფლება

8:56
1:20
ყინვარების დნობა საქართველოში - (ანონსი) ფენოვანი 2.40
2 898 ნახვა სექტემბერი 22, 2023

კავკასიონი, მთები და მყინვარების დნობა, როგორც შეუქცევადი პროცესი წარმავალი სილამაზე, რისკები და ადაპტაცია კლიმატის ცვლილებასთან კვირას 20:40-ზე რადიო თავისუფლების YouTube არხზე @Radio-Tavisupleba

31:14
კლიმატის ცვლილება და მყინვარები
508 ნახვა სექტემბერი 25, 2023

მყინვარები საქართველოში - კავკასიონის მთების თოვლით დაფარული საფარი და მათი ნარჩენები. რას ნიშნავს ბუნებისთვის მყინვარი და რა ზიანი მოაქვს, თუკი ადამიანი დაუდევრად ეპყრობა მას? #რადიოთავისუფლება

3:57
უკრაინელი ბავშვები საქართველოში - მეორე სასწავლო წელი სახლიდან შორს
1 822 ნახვა სექტემბერი 16, 2023

15 სექტემბერს, სწავლა უკრაინიდან დევნილი მოსწავლეებისთვის წუთიერი დუმილით დაიწყო. მოსწავლეებმა, მშობლებმა და მასწავლებლებმა უკრაინაში დაღუპული მებრძოლების ხსოვნას წუთიერი დუმილით მიაგეს პატივი.

28:44
გიორგი მარგველაშვილი - 8 ფოტო არქივიდან
2 738 ნახვა სექტემბერი 15, 2023

ლუკაშენკას მცდელობა შეერიგებინა მარგველაშვილი და სააკაშვილი; სიგარეტის გადაგდების საინტერესო, მაგრამ უსარგებლო მეთოდი და პლასტილინი, რომლისგანაც ბიძინა ივანიშვილმა „ცხოველუშკები“ გამოძერწა. ვინ და რა გაახსენდა საქართველოს მეოთხე პრეზიდენტს გიორგი მარგველაშვილს, როდესაც მას ძველი ფოტოები ვაჩვენეთ? #რადიოთავისუფლება

2:39
თვითმფრინავზე ნადირობა ბათუმურად
2 657 ნახვა სექტემბერი 11, 2023

ბათუმის აეროპორტში ყოველდღიურად ათობით ადამიანი ერთი კადრის - თავზე გადაფრენილი თვითმფრინავის გადასაღებად იკრიბება. ზოგი სასურველი კადრის გადაღებას ვერ ასწრებს და რამდენიმე საათი მომდევნო რეისს უცდის. ამ ადგილს პირველებმა ბათუმელებმა მიაგნეს, ახლა კი ის ქალაქში ერთ-ერთი ყველაზე პოპულარული ტურისტული წერტილია. #რადიოთავისუფლება

7:53
ბრუნო ტერტრეი პუტინიზმის სენსა და თერაპიაზე
730 ნახვა სექტემბერი 11, 2023

"...შესაძლოა, კედელის აშენება მოგვიწიოს რუსეთთან. და არ ვიცი, რას მოუტანდა ეს ისეთ ქვეყანას, როგორიც საქართველოა, რომელსაც როგორც ჩანს, სურს რუსეთთან სავაჭრო კავშირები შეინარჩუნოს..." "გადამდები სენის მქონე ავადმყოფს უნდა გაერიდო. ვფიქრობ, პუტინიზმი სწორედ გადამდები სენია, პოლიტიკური დაავადება. მაგრამ რა უნდა ვუყოთ ავადმყოფს - რუსეთს?" - ბრუნო ტერტრეი პუტინიზმის სენსა და "იძულებით მკურნალობაზე" #რადიოთავისუფლება

3:32
ფეხით მსოფლიოს გარშემო
1 281 ნახვა სექტემბერი 4, 2023

"გაისად სტამბოლიდან დავიწყებ: ბულგარეთი, სერბეთი, უნგრეთი, ავსტრია, გერმანია, საფრანგეთი. საფრანგეთიდან თვითმფრინავით აშშ-ში ჩავალ და 5 შტატს ფეხით გავივლი. გაზაფხულზე ამერიკიდან ჩინეთში გადავფრინდები..." ყაზახი მჭედელი, 73 წლის სარსენბაი კოტირაშევი 7 წელი ოცნებობდა მსოფლიოს გარშემო ფეხით მოგზაურობაზე, რომელიც შარშან დაიწყო. წელს, აგვისტოს ბოლოს მის მარშრუტს საქართველოც შეემატა. აქედან ის სტამბოლისკენ მიდის. სარსენბაი კოტირაშევი დღეში 50 კილომეტრს გადის. #რადიოთავისუფლება

15:36
გია ყანჩელის ერთ-ერთი ბოლო ინტერვიუ
3 320 ნახვა აგვისტო 10, 2023

10 აგვისტოს ცნობილ ქართველ კომპოზიტორს, გია ყანჩელს 88 წელი შეუსრულდებოდა. ნახეთ მასთან ჩაწერილი ერთ-ერთი ბოლო ინტერვიუ, რომლის ზოგიერთი ფრაგმენტი პირველად ქვეყნდება. #რადიოთავისუფლება

4:37
ახალგორი 2008 წლის აგვისტოს ომიდან 15 წლის შემდეგ
4 475 ნახვა აგვისტო 10, 2023

2008 წლის აგვისტოს ომის შემდეგ, ოკუპირებული ახალგორის რაიონი, მოსახლეობის ნახევარზე მეტმა დატოვა. როგორ ცხოვრობენ ადამიანები, რომლებიც ახალგორში დარჩნენ - რადიო თავისუფლების ვიდეო რეპორტაჟი. ვიდეო შეიცავს ტოპონიმებსა და ტერმინოლოგიას, რომლებიც გამოიყენება აფხაზეთისა და სამხრეთ ოსეთის თვითაღიარებულ რესპუბლიკებში. #რადიოთავისუფლება

4:51
კოდორის ხეობა 15 წლის შემდეგ
4 247 ნახვა აგვისტო 10, 2023

კოდორის ხეობის დაბომბვა 2008 წლის 9 აგვისტოს დაიწყო 10 აგვისტოდან გამოცხადდა მოსახლეობის ევაკუაცია, რომელიც 11 აგვისტოს დასრულდა როგორ ცხოვრობენ კოდორის ხეობაში ომიდან 15 წლის შემდეგ #რადიოთავისუფლება

6:15
ყველამ დავაგვიანეთ - მოხალისე ალპინისტი
5 081 ნახვა აგვისტო 9, 2023

ალპინისტი და მთის გიდი კახაბერ აქიმიძე შოვში სტიქიის მოხდენისთანავე რაჭისკენ დაიძრა და თავის მეგობრებთან ერთად, სტიქიის ზონაში 4 აგვისტოს, გამთენიას ჩავიდა. როცა პირველად მთიდან მიწით დაფარული კურორტ შოვის ტერიტორია დაინახა, მიხვდა, რომ ყველაფერი არც ისე მშვიდობიანად იყო, როგორც სტიქიის პირველ საათებში ჩანდა და აცხადებდნენ. იმასაც მიხვდა, რომ ბევრი რამ უკვე დაგვიანებული იყო. კახა აქიმიძე დღემდე იქაა, თავის მეგობრებთან ერთად მაშველების დახმარებას ცდილობს და ამბობს, რომ მიუხედავად მთავრობის განცხადებებისა, რომ იქ მოხალისეები არ სჭირდებათ, სტიქიის ზონაში საკეთებელი ბევრია და დღეს იქ გაცილებით მეტი ადამიანი უნდა იდგეს. ყველა ინფორმაცია სტიქიური პროცესების გააქტიურებიდან ამ დრომდე ნახეთ აქ - https://www.radiotavisupleba.ge/a/325... #რადიოთავისუფლება

4:15
ცხელი წვნიანი მაშველებისთვის
2 418 ნახვა აგვისტო 9, 2023

რაღაც რომ უნდა ექნათ და უმოქმედოდ ვერ იჯდებოდნენ - მეგობრებმა, ამბროლაურში მცხოვრებმა თამარ კანკავამ და ეთო არსანიძემ ეს სტიქიის ამბის შეტყობისთანავე იცოდნენ. მალევე შოვში ღვარცოფის მოვარდნის და მეწყრის ჩამოწოლიდან, სოციალურ ქსელში დაწერეს, რომ პირველადი საჭიროების ნივთებს აგროვებდნენ. თავიდან - წყლის საყიდლად დაიწყეს თანხის შეგროვება, მერე კი, სხვა მოხალისეების მთელი გუნდთან ერთად შოვთან, სოფელ გლოლის ბოლოში, სტიქიის ეპიცენტრთან ახლოს, დადგეს კარავი და უზარმაზარ თუჯის ქვაბში ცხელი წვნიანის მომზადება და მისი მაშველებისა და ჯარისკაცებისთვის დარიგება დაიწყეს. ეს ამბავიც ამაზეა - მხარში დგომაზე. ყველა ინფორმაცია სტიქიური პროცესების გააქტიურებიდან ამ დრომდე ნახეთ აქ - https://www.radiotavisupleba.ge/a/325... #რადიოთავისუფლება

2:40
გლოლაში შოვში დაღუპულებს გლოვობენ
3 278 ნახვა აგვისტო 8, 2023

83 წლის მერი სულთანიშვილს, სოფელ გლოლიდან, სამი აგვისტოს მსგავსი სტიქია რაჭაში არ ახსენდება. არც თავისი წინაპრებისგან სმენია, შოვში მსგავსი რამ მომხდარიყოს. დღეს, ისიც, ამ სოფლის თითქმის ყველა მცხოვრების მსგავსად, ცუდი ამბების მოლოდინშია. სტიქიამ მისი მაზლიშვილი, შოვის სასადილოს მზარეული და ანსამბლ ბუბას წევრი გენო სულთანიშცილი შეიწირა. გლოლაში ახლა დაღუპულებს გლოვობენ. საღამოს სოფელში თუ ჩაივლი, ალაგ-ალაგ შეკრებილი ადგილობრივები მხოლოდ შოვის სტიქიაზე ლაპარაკობენ და თუ გზად ერთმანეთს შეხვდებიან, პირველივე კითხვაა: რამე ხო არ არის ახალი? აქ ყველა დადასტურებული ცნობა აქაურების დაღუპვაზე საერთო უბედურებაა. შოვი კი ყველაზე მეტად, ალბათ, მაინც გლოლელების კურორტი იყო. რადიო თავისუფლება #რადიოთავისუფლება

3:28
მოხალისეები შოვში - მთის გიდი ვიკა ფილფანი
2 056 ნახვა აგვისტო 7, 2023

შოვის სტიქიის ეპიცენტრთან ახლოს, სოფელ გლოლაში, მოხალისეთა რამდენიმე ჯგუფს შეხვდებით, რომლებიც ადგილობრივ მოსახლეობას, მაშველებს, ჯარისკაცებს, პოლიციას და ყველას, ვისაც დასჭირდება, საკვებს, წამალს და სხვა საჭირო ნივთებს უგროვებენ და ურიგებენ. რაჭის გარდა, აქ მოხალისეები სვანეთიდან, სამეგრელოდან, იმერეთიდან და სხვა კუთხეებიდანაც ჩავიდნენ. ერთ-ერთი მათგანი, მთის გიდი ვიკა ფილფანი აქ სვანეთიდან ჩამოვიდა. #რადიოთავისუფლება

არხის შესახებ

რადიო თავისუფალი ევროპა/რადიო თავისუფლება არის კერძო საერთაშორისო სამაუწყებლო კომპანია, რომელიც მაუწყებლობს აღმოსავლეთ და სამხრეთ-აღმოსავლეთ ევროპის, რუსეთის, კავკასიის, ცენტრალური და სამხრეთ-აღმოსავლეთ აზიის და ახლო აღმოსავლეთის რეგიონებისთვის. მას, მაუწყებელობის მმართველთა საბჭოს მეშვეობით, აშშ-ის კონგრესი აფინანსებს.

რადიო თავისუფალი ევროპა/რადიო თავისუფლების მისიაა, ფაქტობრივი ინფორმაციისა თუ იდეების გავრცელებით, ხელი შეუწყოს დემოკრატიული ფასეულობებისა და ინსტიტუტების განმტკიცებას.

ცენტრალური ევროპიდან ვიდრე წყნარ ოკეანემდე, ბალტიის ზღვიდან შავ ზღვამდე, რუსეთიდან შუა აზიამდე თუ სპარსეთის ყურემდე - ცალკეულ ქვეყნებში ხალხი ცდილობს, გაუმკლავდეს ავტოკრატიულ სტრუქტურებს, ადამიანის უფლებათა დარღვევებს, ეკონომიკის ცენტრალიზებულ სისტემებს, ეთნიკურსა თუ რელიგიურ დევნას, რეგიონულ კონფლიქტებსა და კონტროლს დაქვემდებარებულ მედიას. მთელი ამ რეგიონის სტაბილურობა - დამყარებული დემოკრატიასა და თავისუფალ საბაზრო ეკონომიკაზე - სასიცოცხლოდ მნიშვნელოვანია მსოფლიო მშვიდობისთვის.

ეფუძნება რა რწმენას, რომ დემოკრატიის უპირველესი მოთხოვნა კარგად ინფორმირებული მოქალაქეების ყოლაა, რადიო თავისუფალი ევროპა/რადიო თავისუფლება მრავალი სახელმწიფოს მოქალაქეებს

1. სთავაზობს ახალ ამბებს, ანალიტიკურ გადაცემებსა და მიუკერძოებელ ინფორმაციას როგორც ადგილობრივ, ისე საერთაშორისო მოვლენებზე;

2. დემოკრატიული ფასეულობების წარმოჩენით ხელს უწყობს სამოქალაქო საზოგადოების განმტკიცებას;

3. ეწინააღმდეგება ეთნიკურსა და რელიგიურ შეუწყნარებლობას და მხარს უჭერს ხალხთა შორის ურთიერთგაგების გაღრმავებას;

4. სთავაზობს ნიმუშს ადგილობრივ მედიასაშუალებებს, ეხმარება რა მათ პროფესიონალიზმისა და დამოუკიდებლობის განმტკიცებაში ტრენინგების გზით; ამყარებს პარტნიორულ ურთიერთობებს ადგილობრივ საინფორმაციო საშუალებებთან;

5. ხელს უწყობს რეგიონის ქვეყნებსა და მსოფლიოს განვითარებულ დემოკრატიებს შორის ახლო ურთიერთობების დამყარებას.

რადიო თავისუფალი ევროპა/რადიო თავისუფლება ამაყობს არსებობის ნახევარსაუკუნოვანი ტრადიციით და ამჟამად 20 ქვეყანაში 28 ენაზე მაუწყებლობს, მათ შორის - 1953 წლის მარტიდან - ქართულად.

არხის ვიდეოების ძებნა