დავით გაგუას პროფესიული გზა 1980-იან წლებში დაიწყო. მისი ფუნდამენტური სპეციალიზაცია მეანობა-გინეკოლოგიაში ჩაჩავას სახელობის მეან-გინეკოლოგიისა და პერინატოლოგიის სამეცნიერო-კვლევით ინსტიტუტს უკავშირდება. წლების განმავლობაში იგი ხელმძღვანელობდა სამეანო-გინეკოლოგიურ სამსახურებს ქვეყნის რეგიონებში, მუშაობდა სხვადასხვა კლინიკის ხელმძღვანელ პოზიციებზე და აქტიურად იყო ჩართული სამედიცინო განათლებასა და ახალგაზრდა სპეციალისტების მომზადებაში. დღეს პროფესორი დავით გაგუა, გაგუას კლინიკის დამფუძნებელი და გენერალური დირექტორია, ასევე ტვილდიანის სამედიცინო უნივერსიტეტის მეანობა-გინეკოლოგიის დეპარტამენტის სრული პროფესორი. მისი პროფესიული ბიოგრაფიის მნიშვნელოვანი ნაწილი გაგუას კლინიკის ისტორიას და მის განვითარებას უკავშირდება. კლინიკამ პირველი პაციენტები 1996 წლის ივლისში, კერძო სამშობიარო სახლის, ორიონის სახელით მიიღო. იმ პერიოდში, როდესაც საქართველოში კერძო სამედიცინო სექტორი ჯერ კიდევ ფორმირების პროცესში იყო, ეს ერთ-ერთი პირველი კერძო სპეციალიზებული სამეანო-გინეკოლოგიური დაწესებულება გახლდათ. 2008 წელს მას დავით გაგუას კლინიკა ეწოდა, ხოლო 2017 წლიდან კლინიკა ახალ,თანამედროვე ტექნოლოგიებით აღჭურვილ სივრცეში აგრძელებს საქმიანობას.

#ახალიამბები #BusinessMediaGeorgia