ბათუმის სანაპირო ზოლზე ახალი, მასშტაბური მულტიფუნქციური პროექტის – Coral Seaside Resort-ის განვითარება იწყება. დაგეგმილი ინვესტიციის საერთო მოცულობა 250 მილიონ აშშ დოლარს შეადგენს, ხოლო ჯამურმა საინვესტიციო ნაკადმა შესაძლოა ნახევარ მილიარდ დოლარს მიაღწიოს. პროექტის პრეზენტაციას უახლოეს პერიოდში ველით, თუმცა იქამდე დეტალების მოკითხვისთვის აჭარის დედაქალაქს ვესტუმრეთ. მინდა გითხრათ,რომ ძალიან საინტერესოდ გამოიყურება ის ბიზნეს სინერგია, რომელსაც ამ ბრენდის ქვეშ სამი მსხვილი კომპანია აერთიანებს. Coral Seaside Resort სამი ქართული ბიზნესჯგუფის – Ibercompany Holding-ის, Grande Group-ისა და Mziuri Development-ის პარტნიორობით ხორციელდება. ეს თანამშრომლობა აერთიანებს მრავალწლიან გამოცდილებას დეველოპმენტის, მშენებლობის, სასტუმრო ინდუსტრიის, ენერგეტიკისა და წარმოების მიმართულებებში.
თავად პროექტიც მასშტაბურია, დაგეგმილი კომპლექსის ინფრასტრუქტურა მოიცავს 5-ვარსკვლავიან სასტუმროს, კერძო იახტ-კლუბს, Beach Club-ს, საცურაო აუზებს, სპა და ველნეს სივრცეებს, სპორტულ და საბავშვო ზონებს, ასევე ბიზნეს და კომერციულ ლოკაციებს.

ინტერვიუერი: გიორგი ისაკაძე, BMG, გენერალური პროდიუსერი;


#ახალიამბები #BusinessMediaGeorgia