ფიქსირდება თუ არა საქართველოს მეფრინველეობის ბაზარზე ფრინველის გრიპი - კომპანია „ჩირინას“ დამფუძნებელი რევაზ ვაშაკიძე აცხადებს, რომ მეფრინველეობის სექტორში ქათმის გრიპის ვირუსი გავრცელდა, რის გამოც ქათმის ხორცპროდუქტების მწარმოებელ კომპანიას 4 თვით, წარმოების, სრულად გაჩერება და გენერალური სანიტარიული დეზინფექციის ჩატარება დასჭირდა. მისივე ინფორმაციით, ქათმის ვირუსმა გაზაფხულზე, კვერცხის იმპორტის ზრდაც გამოიწვია. წელს, 8 თვეში, შარშანდელთან შედარებით, კვერცხის იმპორტი 2600-ჯერ არის გაზრდილი. თუმცა, კვერცხის მწარმოებლები ქვეყნის მეფრინველეობის სექტორში ფრინველის გრიპისა თუ სხვა საშიში ვირუსების გავრცელების შესახებ გავრცელებულ ინფორმაციას უარყოფენ. მათი განცხადებით, ბაზარზე არსებული მდგომარეობა აბსოლუტურად ჯანსაღია და პროდუქციის უსაფრთხოება ლაბორატორიულად რეგულარულად მოწმდება.


#ახალიამბები #BusinessMediaGeorgia