ენერგეტიკის კერძო სექტორში CFD აუქციონებში დაფიქსირებული ტარიფების გადახედვას ითხოვენ. ჰიდროგენერაციის სექტორის წარმომადგენლები აცხადებენ, რომ 6.5 ცენტი პროექტების განსახორციელებლად საკმარისი აღარ არის. მათი შეფასებით, 2022 წლის აუქციონის შემდეგ გაზრდილმა ინფლაციამ და მშენებლობის გაძვირებულმა ღირებულებამ დღის წესრიგში დააყენა ტარიფებისა და პირობების კორექტირების საჭიროება. სამშენებლო ხარჯების ზრდასთან ერთად, გენერაციის შეზღუდვები დამატებით რისკებს უქმნის ინვესტორებს. ამიტომ, სექტორის წარმომადგენლების ნაწილი მიიჩნევს, რომ ეკონომიკის სამინისტრომ CFD აუქციონებში დაფიქსირებულ ტარიფებს უნდა გადახედოს და ენერგოკომპანიებთან გაფორმებულ მემორანდუმებში ცვლილებები შეიტანოს. ამის დაპირება აქვს სექტორს ეკონომიკის სამინისტროს მხრიდანაც, თუმცა, ჯერჯერობით, სექტორი კვლავ მოლოდინის რეჟიმშია. რა ვითარებაა ბაზარზე და რა ცვლილებების საჭიროებაზე საუბრობს სექტორი.


#ახალიამბები #BusinessMediaGeorgia