2026 წლის 8 თვეში საქართველოდან ექსპორტზე 163.6 მლნ დოლარის ღირებულების 52 419 ტონა ღვინო გავიდა ექსპორტზე, რაც თანხაში 1.1%-ით ნაკლებია, რაოდენობრივად კი 6.8%-ით. აღსანიშნავია, რომ ქართული ღვინის მთავარ ბაზრად კვლავ რუსეთი რჩება, სადაც იანვარ-აგვისტოში სულ 102 მლნ დოლარის ღირებულების ღვინო გავიდა. ამ ბაზარზე ქართული ღვინის ექსპორტი ღირებულებაში მცირედით შემცირდა, შარშან ანალოგიურ პერიოდში რუსეთში ექსპორტი 103 მლნ დოლარს აღწევდა. მეორე ადგილზე ექსპორტში კი პოლონეთია, სადაც წელს 8 თვეში საქართველოდან 10.6 მლნ დოლარის ღირებულების პროდუქცია გავიდა. მესამე კი უკრაინაა 7.5 მლნ დოლარის ექსპორტით. ტოპ ათეულშია არიან ასევე ისეთი ქვეყნები როგორიცაა ჩინეთი, ყაზახეთი, გერმანია. პარალელურად ამისა, წლევანდელი რთველი აქტიურ ფაზაში შედის და 21 სექტემბრის მდგომარეობით, კახეთის რეგიონში 26,3 ათასი ტონა ყურძენია გადამუშავებული. რა ტენდენციებია ღვინის სექტორში და როგორ მიმდინარეობს რთველი?

სტუმარი: ირაკლი უგლავა - “მეღვინეობა შილდას” დირექტორი

#ახალიამბები #BusinessMediaGeorgia