გამორჩეულად მნიშვნელოვანი ამბავი - ნატოს სამიტი ანკარაში, რომელიც ბევრი მნიშვნელოვანი მიმართებით გამოირჩეოდა: რაც ყველაზე მნიშვნელოვანია მოხდა ამერიკის პრეზიდენტის და ევროპის სხვა ლიდერების კონტაქტის იმ დონეზე, რომ არც დაპირისპირება შემდგარა და დიდად, არც განცხადებები გაკეთებულა. ვიდრე სიუჟეტს შემოგთავაზებთ ნატოს სამიტის მონაგარზე, გეტყვით რომ მასპინძელმა ქვეყანამ და მისმა პრეზიდენტმა რეჯეპ ტაიპ ერდოღანმა, თურქული სტუმარმასპინძლობის უმაღლესი ტრადიციების გათვალისწინებით, მაღალი დონის სტუმრები ხელცარიელი არ გამოუშვა, და ალიანსის ლიდერებს უჩვეულო საჩუქარი გადასცა. როგორც ირკვევა, სტუმრებმა სახელობითი რევოლვერები და ექვსი საბრძოლო ტყვია მიიღეს. სასაჩუქრე ყუთში ასევე იდო სპეციალური დოკუმენტი, რომელიც იარაღს საექსპორტო შეზღუდვებისგან ათავისუფლებდა. აღსანიშნავია, რომ თურქეთის პრეზიდენტის გადაწყვეტილებამ უცხოური დელეგაციების უსაფრთხოების სამსახურებისთვის სერიოზული პრობლემები შექმნა. ბელგიის პრემიერ-მინისტრმა, ბარტ დე ვივერმა, მხოლოდ ბრიუსელში ჩაფრენის შემდეგ შეიტყო, თუ რა იდო ყუთში და მას იარაღის აეროპორტის პოლიციისთვის ჩაბარება მოუწია. ამასთან, ბელგიაში რევოლვერების შეტანაზე პრობლემა ევროკავშირის ლიდერებს, ურსულა ფონ დერ ლაიენსა და ანტონიო კოშტასაც შეექმნათ. არსებული ინფორმაციით, ევროკომისიის პრეზიდენტი მიღებული საჩუქრის სამხედრო მუზეუმისთვის გადაცემას გეგმავს. რაც შეეხება სხვა ლიდერებს, მკაცრი კანონმდებლობის გამო, რამდენიმე მათგანმა საჩუქარი თურქეთის დედაქალაქშივე დატოვა. კერძოდ, დიდი ბრიტანეთის დროებითმა პრემიერმა, კირ სტარმერმა, ასევე გერმანიის კანცლერმა, ფრიდრიხ მერცმა და ნიდერლანდების პრემიერ-მინისტრმა, რობ იეტენმა კუთვნილი იარაღი ანკარაში დატოვეს. თუმცა, პოლონეთის პრეზიდენტმა, კაროლ ნავროცკიმ, საკუთარი რევოლვერი ვარშავაში უსაფრთხოდ ჩაიტანა. ნავროცკის ადმინისტრაციის წარმომადგენლის განცხადებით, ისინი იარაღის გამოყენებას არ აპირებენ.


#ახალიამბები #BusinessMediaGeorgia