ეკონომიკური ზრდა, სახელმწიფო საწარმოებში დაზოგილი თანხები, ახალი ინფრასტრუქტურული პროექტები - ეს იმ საკითხების არასრული ჩამონათვალია, რაზეც პრემიერ-მინისტრმა პარლამენტში ყოველწლიური გამოსვლისას ყურადღება გაამახვილა. ირაკლი კობახიძემ ბოლო ერთი წლის განმავლობაში მთავრობის საქმიანობის ერთ-ერთ მთავარ შედეგად კორუფციასთან ბრძოლა დაასახელა და განაცხადა, რომ კორუფცია ხელისუფლების ზედა ეშელონებში პრინციპულად დამარცხებულია. ირაკლი კობახიძემ ანგარიშის წარდგენისას ასევე განაცხადა, რომ ქვეყანაში არსებული მაღალი ეკონომიკური ზრდა პირდაპირ აისახება მოსახლეობაზე, თუმცა პრემიერი ასევე აღიარებს, რომ სიღარიბე ქვეყნის ერთ-ერთ მთავარ გამოწვევად რჩება. რა საკითხებზე გაამახვილა ყურადღება ირაკლი კობახიძემ პარლამენტში ყოველწლიური გამოსვლისას?


#ახალიამბები #BusinessMediaGeorgia