1848 წლის 7 ივნისს ფრანგი ფერმწერის, და ერთ-ერთი ყველაზე გამოჩენილი მხატვრის პოლ გოგენის დაბადების დღეს, სიმართლე გითხრათ - ბევრს ვფიქრობდი რა შეიძლება ყოფილიყო დღევანდელი ეპილოგის თემა, თუმცა გოგენის დაბადების დღემ გამახსენა მისი ცხოვრებიდან ორი მნიშვნელოვანი ეპიზოდი. დარწმუნებული ვარ ბევრმა არ იცის რომ ცნობილი მხატვარი კარიერის დასაწყისში საკმაოდ წარმატებული ბროკერი იყო ბირჟაზე, საიდანაც შემოსავალი საკმარისი ჰქონდა ერჩინა ოჯახი, მეუღლე ხუთი შვილით, და ასევე გატაცებული იყო ხელოვნებით, აგროვებდა სხვადასხვა მხატვრების ნამუშევრებს და თავადაც, ჰობის დონეზე ხატავდა.იდეაში, ასეც შეიძლებოდა დასრულებულიყო გოგენის ცხოვრება, მყუდრო გარემოში, ოჯახთან ერთად, სამუშაო კაბინეტი სავსე მონეს ნახატებით - თუმცა, მოხდა მოსახდენი და 1882 წლის ფინანსური კრიზისი დროს, პოლ გოგენი ფაქტობრივად გაკოტრდა, უფრო სწორია აღმოცენდა გაკოტრების პირას და სწორედ ამ დროს დაფიქრდა გოგენი მხატვრის კარიერაზე. მის არჩევანს ეწინააღმდეგებოდა ყველა, დაწყებული ოჯახიდან, დასრულებული მეგობრებით. მიუხედავად იმისა რომ არჩევანს გოგენის ოჯახური მდგომარეობა შეეწირა, მომავალმა მხატვარმა მაინც გადაწყვიტა გაერისკა და გადაეშვა მხატვრობის სამყაროში, ასე ხდება ერთ დროს ბირჟის ბროკერი მხატვარი. და აქვე მეორე ისტორია - გოგენი ჰბაძავდა იმპრესიონისტებს, თუმცა ჰქონდა თავისი დამკვიდრებული სტილი და ხელწერაც. მისით არ მალავდა აღფრთოვანებას ვინსენტ ვან გოგიც, რომელიც ძალიან დაუახლოვდა გოგენს და ისინი წლების განმავლობაში ერთადაც ცხოვრობდნენ, ვან გოგის მოწყობილ სამხრეთულ სახელოსნოში, თუმცა ეს ურთიერთობებიც არ იყო მარტივი რადგან მხატვრებს სრულიად განსხვავებული შეხედულებები ჰქონდათ შემოქმედებაზე ანუ მხატვრობაზე, რაც ხშირად მძიმე კონფლიქტებითაც სრულდებოდა. სწორედ, პოლ გოგენს უკავშირდება ცნობილი ფაქტი თუ როგორ მოიჭრა, აითალა ყურის ნაწილი ერთ-ერთი მძიმე კამათის შემდეგ ვან გოგმა სწორედ პოლ გოგენთან. დიახ, ეს სწორედ ამ მიზეზით და ჩხუბის გამო მოხდა, ამის შემდეგ გოგენი ტოვებს არლში მდებარე ვან გოგის სახლს და მოგვიანებით წერს რომ ეს მის ცხოვრებაში უმძიმესი პერიოდი იყო, ასე რომ - დიახ, ვან გოგის ცნობილი ყური

#ახალიამბები #BusinessMediaGeorgia