თბილისში საოფისე უძრავი ქონების ჯამური ფართობი 1.9 მლნ კვ.მ-ს შეადგენს, საიდანაც გასაქირავებელი ბიზნეს ცენტრების წილი 19%-ია - ამის შესახებ საინვესტიციო ბანკ Galt & Taggart-ის თბილისის საოფისე უძრავი ქონების ბაზრის კვლევის ანგარიშში ვკითხულობთ.

დოკუმენტი სექტორის მიმდინარე დინამიკას, მოთხოვნა-მიწოდების ბალანსსა და მომდევნო წლების განვითარების პერსპექტივებს აფასებს.
დოკუმენტში ვკითხულობთ, რომ მომდევნო 3 წლიან პერიოდში თბილისის ბაზარს მინიმუმ 100 ათასი კვადრატული მეტრის ახალი ბიზნესცენტრი დაემატება, რაც არსებული მოცულობის 28%-იანი ზრდაა. ამავე დროს, მოთხოვნა გასული წლებისგან განსხვავებით შედარებით ნელი ტემპით, დაახლოებით 14%-ით გაიზრდება, შესაბამისად საინვესტიციო ბანკი ვარაუდობს, რომ თბილისში საოფისე უძრავი ქონების ბაზარზე უახლოეს წლებში ვაკანტური ფართობები გაიზრდება. მათი პროგნოზით ვაკანტურობის დონე 2028 წლისთვის 16.8%-ს მიაღწევს.

ამ ეტაპზე თბილისში ა კლასის ბიზნეს ცენტრების ფართობი 100 ათასი კვ-ია, იჯარის ფასი 30-32$-, ვაკანტურობა კი 15-16%. რაც შეეხება ბ კლასს, მოცულობა 90 ათასი კვ.მ საშუალო იჯახა 22-23$-ია, ვაკანტურობა კი მხოლოდ 5%-ია.
2019-2025 წლებში ოფისებზე მოთხოვნა 62%-ით გაიზარდა, რაც ძირითადად IT და საფინანსო სექტორებში დასაქმების ზრდამ განაპირობა
ბაზრის სტაბილიზებისთვის საინვესტიციო ბანკი რეკომენდაციას გასცემს, რომ 2029-2031 წლებში ახალი საოფისე პროექტების დაწყება დროებით შეჩერდეს, რაც ვაკანტურობის მაჩვენებლის ოპტიმალურ, 10%-იან ნიშნულამდე დაბრუნებას შეუწყობს ხელს.

სტუმრები: