საქართველოს ეროვნული ნაკრების კაპიტნის, ხვიჩა კვარაცხელიას ავტორობით შედგა. დიახ, კვარა და მისი გუნდი ჩემპიონთა ლიგის ორგზის გამარჯვებულია. და დარწმუნებული ვარ რომ ეს ხვიჩა კვარაცხელიას ტიტულების მხოლოდ დასაწყისია მისი ფენომენალური ნიჭის და გამორჩეული შრომისმოყვარეობის ფონზე.თუმცა დღეს სხვაზე მსურს აქცენტირება: მადლობა მინდა ვუთხრა ხვიჩა კვარაცხელიას იმისთვის, რომ დღეს საქართველოში ფეხბურთი დაბრუნდა თაობაში რომელიც სპორტის არც ამ და არც სხვა სახეობისკენ არ იხედებოდნენ. მადლობა კვარას, მის ოჯახს და მწვრთნელებს, ყველა გუნდს სადაც ის თამაშობდა და მომავალშიც ითამაშებს მაგალითისთვის, ლიდერებისთვის რამაც ლამის ყველა ბავშვი საქართველოში ფეხბურთზე საუბრობს. ვარჯიშობს, ერთიანდებიან უბნის, რაიონის,რეგიონის კლუბებში, იხსნება უამრავი აკადემია სადაც ყველა ვარჯიშობს და ცდილობს, დაემსგავსა თავის მენტორს, და ეს მენტორი ცალსახად ხვიჩა კვარაცხელია არის. ხვიჩას მადლობა რომ საქართველოში ფეხბურთისადმი სიყვარული ასე შემოაბრუნა, და მასში ყველა ჩართო, ძველი და ჭაღარა, ხანდაზმულები ვისაც ქართული ფეხბურთის საუკეთესო წლები და ლეგენდარული ფეხბურთელები ახსოვთ, და ახალი, მომავალი თაობა, რომელთათვის მსოფლიოს საუკეთესო ფეხბურთელებს შორის დღეს დამსახურებულად არის წარმოდგენილი ქართველი ფეხბურთელი, ხვიჩა კვარაცხელია. მადლობა, ეს ათასობით და ათიათასობით ბავშვის მსოფლმხედველობას, იდეალებს და მიზანსწრაფულობას აყალიბებს, და ალბათ, აყალიბებს ყველაზე გამორჩეული მიმართულებით. ჟინით გამარჯვებისა და დასტური იმისა, რომ შეუძლებელი არაფერია, მთავარია გქონდეს მიზანი და არ გაჩერდე ამ მიზნის მიღწევის გზაზე. ამიტომაც გადაივსო საქართველოს ეზოები და სტადიონები კვლავ ათასობით ფეხბურთის მოყვარულით, რომელთა შორის, დარწმუნებული ვარ უკვე იზრდება მომავალი კვარაცხელიაც.


#ახალიამბები #BusinessMediaGeorgia