თბილისში ჰაერის საუკეთესო მაჩვენებელი გარემოს ეროვნული სააგენტოს მონაცემებით, „თბილისის ბულვარში“დაფიქსირდა. გარემოს ეროვნული სააგენტო-ს გარემოს დაბინძურების მონიტორინგის დეპარტამენტმა ჩაატარა დეტალური კვლევა „თბილისის ბულვარის“ ტერიტორიაზე. კვლევის მთავარი მიზანი იყო ჰაერში ძირითადი დამაბინძურებელი ნივთიერებების კონცენტრაციის განსაზღვრა და მათი შესაბამისობის შეფასება დადგენილ ნორმებთან. გარემოს ეროვნული სააგენტო გარემოს დაბინძურების მონიტორინგის თბილისის სხვადასხავ უბნებში სისტემურად ახორციელებს, რაც უზრუნველყოფს ქალაქის მასშტაბით გარემოს მდგომარეობის კომპლექსურ და ობიექტურ შეფასებას. სწორედ ამ კვლევების შედეგად გამოიკვეთა, რომ თბილისის ზღვის მიმდებარედ, „თბილისის ბულვარის“ ტერიტორიაზე დაფიქსირდა გამორჩეულად მაღალი ხარისხის მაჩვენებლები. შედეგი, რომელიც, სამწუხაროდ დღეს დედაქალაქის არცერთ სხვა ლოკაციაზე არ ფიქსირდება. ჩატარებული კვლევა კიდევ ერთხელ ადასტურებს, რომ „თბილისის ბულვარი“ არ არის მხოლოდ განვითარებადი ურბანული სივრცე, ეს არის ადგილი, სადაც ქალაქში ყველაზე სუფთა და ჯანსაღი გარემოა. ეს მონაცემები მხოლოდ მშრალი სტატისტიკა არ არის, ის ასახავს „თბილისის ბულვარში“ გარემოს რეალურ ხარისხს და მის უშუალო გავლენას ადამიანის ჯანმრთელობაზე.„თბილისის ბულვარი“, რომელიც თბილისის ზღვის ეკო სისტემაში მდებარეობს დედაქალაქის ერთ-ერთ ყველაზე პერსპექტიულ და ეკოლოგიურად სუფთა სივრცეს ქმნის და აერთიანებს ბუნებრივ გარემოსა და თანამედროვე ურბანულ ინფრასტრუქტურას.

#ახალიამბები #BusinessMediaGeorgia