2.5 თვიანი მუშაობა დასრულებულია - პარლამენტის ფასების კომისიამ 104 გვერდიანი დასკვნა და რეკომენდაციები ისე გამოაქვეყნა, რომ მისი გაცნობა კომისიის წევრებმაც ვერ მოასწრეს, ამიტომ კომისიის წევრების ნაწილმა რეკომენდაციებს მხარი არ დაუჭირა. შემდეგი ეტაპი დოკუმენტის ბიუროზე წარდგენა და მთავრობისთვის მიწოდებაა, რომელმაც შესაბამისი საკანონმდებლო წინადადებები მოამზადოს. კენჭისყრამდე კომისიის თავმჯდომარემ თქვა, რომ სექტორში აგრესიული ჩარევები არ იგეგმება, მთავარი პრობლემა კი, არა გადაჭარბებული მოგებები, არამედ არაეფექტური საოპერაციო ხარჯებია. შოთა ბერეკაშვილი ამბობს, რომ სასურსათო ბაზარზე აგრესიულმა და სწრაფმა ჩარევამ შესაძლოა, ფასების შოკური ზრდა გამოიწვიოს, კომისიის საშუალოვადიან რეკომენდაციად ევროკავშირის დირექტივის, „არასამართლიანი ვაჭრობის პრაქტიკის“ დანერგვა დაასახელა - საკანონმდებლო ჩარჩოს შექმნა, რომელიც დაარეგულირებს ურთიერთობებს მწარმოებლებს, მომწოდებლებსა და მსხვილ სავაჭრო ქსელებს შორის. ამასთან, კომისიის უმრავლესობა ემხრობა ისეთი გადასახადების გაუქმებას, რომლებიც არ უნდა არსებობდეს - რა მივიღეთ ფასების კომისიის მუშაობით და რამდენად არის ფასების შემცირებისთვის პანაცეა თუნდაც ურთიერთობებში ევროკავშირის დირექტივის დანერგვა?

სტუმარი: ია ნადირაშვილი - Bewise Georgia-ს მმართველი პარტნიორი

#ახალიამბები #BusinessMediaGeorgia