მორიგი სტრუქტურული ცვლილებები - ეკონომიკის სამინისტროში "ინვესტიციების და ექსპორტის სააგენტო" იქმნება, PPP სააგენტო კი უქმდება. სააგენტოდან "აწარმოე საქართველოში" ინვესტიციების და ექსპორტის მხარდაჭერის მიმართულება საჯარო და კერძო თანამშრომლობის სააგენტოში გადადის, რომელსაც სახელი და ფორმატი ეცვლება. ახალ სააგენტოს ქვეყნის საინვესტიციო და საექსპორტო პოტენციალის მხარდაჭერა დაევალება. მთავრობაში ამბობენ, რომ ცვლილებების შედეგად, მეტი კონცენტრაცია იქნება ინვესტიციების მოზიდვის საკითხზე. რა სტრუქტურულ ცვლილებებს გეგმავს მთავრობა, რას შეცვლის ახალი სააგენტოს შექმნა და რა სჭირდებათ ინვესტორებს იმისათვის, რომ საქმიანობის ლოკაციად საქართველო აირჩიონ.


#ახალიამბები #BusinessMediaGeorgia