საქართველოში ხორცი შესაძლოა ისევ გაძვირდეს. მიზეზი რუსეთში გავრცელებული ცოფი და პასტერელოზია, რის გამოც ვითარება საქართველოს საიმპორტო ბაზრებზე გართულდა.

ნოვოსიბირსკის ოლქში, მსხვილფეხა რქოსანი პირუტყვის დაავადებების გავრცელების გამო, მეზობელმა სახელმწიფოებმა: ყირგიზეთმა, ყაზახეთმა და ბელარუსმა მკაცრი ვეტერინარულ-სანიტარიული შეზღუდვები დააწესეს. ბელარუსმა რუსეთიდან პირუტყვის, ხორცისა და სხვა ცხოველური წარმოშობის პროდუქციის შემოტანაზე დროებითი შეზღუდვები დააწესა. აღსანიშნავია რომ რუსეთიდან საქართველოში ცოცხალი პირუტყვი შემოდის, ბელარუსიდან კი, საქართველოსთვის საქონლის ხორცის მთავარი იმპორტიორია. აღსანიშნავია, რომ წელს, საქართველომ 2 თვეში 2. მლნ აშშ დოლარის 363.1 ტონა მსხვილფეხა რქოსანი პირუტყვის ხორცი იყიდა, რაც გასული წლის ანალოგიური პერიოდის მაჩვენებელზე თანხაში 165.5%-ით, რაოდენობრივად კი 125 %-ით მეტია. პარალელურად, 18%-ით გაიზარდა ფასი. თუ 2025 წელს იმპორტირებული ხორცის ფასი საბაჟოზე გადასახადების გარეშე 4.83 ლარი იყო, 2026 წელს 5.70 ლარია. მთავარი იმპორტიორი ქვეყანა ბელარუსია, რომელსაც უკრაინა, შეერთებული შტატები და არაბთა გაერთიანებული საამიროები მოჰყვებოდა. რა ტენდენციებია ხორცის ბაზარზე და უნდა ველოდოთ თუ არა ფასების ზრდას?

სტუმარი: ბექა გონაშვილი - „აგროქიზიყის“ დამფუძნებელი

#ახალიამბები #BusinessMediaGeorgia