სახელმწიფო რითეილ სექტორში ხელშეკრულებების სტანდარტიზაციას და რეგულაციების შემოტანას აპირებს. ამის შესახებ ფასების საპარლამენტო კომისიის დღევანდელი სხდომიდან გახდა ცნობილი, სადაც ოთხი მსხვილი საცალო ქსელის წარმომადგენელს მოუსმინეს. სასურსათო პროდუქციის, მედიკამენტებისა და საწვავის ფასწარმოქმნის სტრუქტურის შემსწავლელი საქართველოს პარლამენტის დროებითი კომისიის თავმჯდომარემ განაცხადა, რომ სექტორში საჭიროა კონტრაქტების სტანდარტიზება, კონსიგნაციის პირობების განსაზღვრა და გამჭვირვალე კონკურენციის პირობების უზრუნველყოფა. რა კონკრეტული რეგულაციების შემოტანაზეა საუბარი, ჯერჯერობით, უცნობია. თუმცა, საცალო ქსელების წარმომადგენლები აცხადებენ, რომ სექტორში კონკურენცია ისედაც დიდია. მათი უმეტესობა ფასების შემცირების შესაძლებლობას ცენტრალიზებული ლოგისტიკის შემოტანაში ხედავს.


#ახალიამბები #BusinessMediaGeorgia